Sal 81
81
Bix richin jun nimaq'ij*f81*
1Tiqabixaj rik'in kikoten ri rubi' ri Dios, ri qatobal roj;
kan rik'in kikoten tiqanimirisaj ruq'ij ri ru-Dios ri Jacob.
2Qojbixan rik'in ri pandero,
qojbixan rik'in ri arpa y ri salterio.
3Toq nalex ri ik', kan tixupux k'a ri trompeta, richin nitikeribex ri nimaq'ij,
keri' chuqa' tiban toq ri ik' seton-seton rubanon.
4Roma re' kan jare' ri pixa' ri ya'on chike ri qati't-qamama'.
Jare' ri ruq'aton kan ri qa-Dios pa qawi'.
5Jare' ri xuya' chike ri qati't-qamama',
toq rija' xyakatej chikij ri aj-Egipto.
Xak'axatej k'a jun rutzijol ri man jun bey ak'axan,
y kere' xubij:
6Yin xinelesan chiwij ri ejqa'n ri ik'uan,
ri iq'a' kan xe'uxlan k'a chuk'uaxik ri al taq ejqa'n.
7Chupan ri tijoj-poqonal xiniwoyoj, y yin kan xixinto';
Xink'uluba' k'a ri ich'abel rik'in koqolajay;
K'ari' xixintejtobej k'a chunaqaj ri ya' richin Meribá.
8Tiwak'axaj k'a nutinamit yin, y xtink'ut chiwech ri utz chi niben.
K'ate' ta, kan niwak'axaj ri nuch'abel.
9Man k'a kek'oje' chi'ikojol rix ch'aqa' chik dios,
ni man k'a kixxuke' chikiwech rije'.
10Kan xaxe k'a yin Jehová, ri in i-Dios,
y ja yin ri xinelesan-pe iwichin chupan ri ruwach'ulew Egipto.
Tik'utuj k'a chuwe ri nik'atzin chiwe y yin kan xtinya', xicha' chike ri iwati't-imama'.
11Jak'a rije' xa man xkajo' ta xinkak'axaj,
ri nutinamit Israel xa man xrajo' ta xunimaj nutzij.
12Roma ri' xenya' kan rik'in ri rukowirinen ri kánima;
y xebiyin k'a achi'el ri xkajo' rije'.
13¡K'ate' ta xinkak'axaj ri tinamit Israel!
¡k'ate' ta xkitzeqelibej ri bey wichin yin!
14Xa ta keri', yin kan pa jun ramaj ta xentzeq ri e etzelanel kichin,
kan xintzeqej ta ri nuq'a' chikij ri xeya'on pa k'ayew rije'.
15Keri', ri winaqi' ri yinketzelaj yin Jehová, kan ta xkiqasaj-ki' chikiwech rije';
ri rutojbalil-mak pa kiwi' ri winaqi' ri' kan ta richin q'asen.
16Jak'a ri nutinamit yin, kan ta xinya' ri jebelej trigo chike;
kan ta rik'in kab ri nikiya' ri taq chikopi' xink'owisaj ri chaqi'j kichi', xcha'.
Currently Selected:
Sal 81: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
