Sal 61
61
Ri Dios jari' ri nutobal*f59*
1Nu-Dios yin, tabana' utzil tawak'axaj ri nuch'abel.
Kan tak'ulu' ronojel ri nuch'owen ri ninben awik'in.
2Kan k'a pa ruk'isibel chire ri ruwach'ulew xkich'on-wi awik'in,
kan xkich'on k'a awik'in toq ri wánima janila nibison.
Kinak'uaj, k'a pa ruwi' ri abej ri más nim chinuwech yin.
3Roma kan ja rat ri at nutobal,
ja rat ri kan achi'el jun tz'aq ri asurin-wij chuwech ri etzelanel wichin.
4Yin ninrayibej chi yik'oje' ta chupan ri awachoch jantape'.
Kan kuqul k'a nuk'u'x xkik'oje' chuxe' ri awutzil.
5Roma rat nu-Dios, kan awak'axan ri nusujun chawe yin.
Y xaya' chuwe ri ruk'amon richin nikichinaj ri kiqasan-ki' chawech.
6Tabana' utzil taya' k'iy q'ij nuk'aslen,
y ri nujuna' kan richin ta jantape'.
7Xtinq'et ta k'a tzij chawech richin q'asen.
Kan kinato' rik'in ri awutzil y man kinamalij kan.
8Keri', kan xtinbixaj ri abi' richin jantape'.
Kan xtinben k'a ri nusujun chawech ronojel q'ij.
Currently Selected:
Sal 61: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
