Sal 54
54
Ch'owen richin to'onik*f52*
1Nu-Dios yin, tabana' utzil kinakolo' roma ri nimalej abi'.
Kan kinato' k'a rik'in ri awuchuq'a'.
2Nimalej Dios, tawak'axaj ri nuch'owen.
Tawak'axaj ronojel ri ch'abel ri nel-pe pa nuchi'.
3Roma kan e k'iy k'a ri man e nuwinaq ta ri e yakatajineq chuwij.
E k'iy k'a winaqi' ri janila e itzel, ri yinkikanoj richin yinkikamisaj.
Re winaqi' re' kan man yatoqaqa ta k'a chikik'u'x.
4Jak'a yin kan ja rat nu-Dios ri yato'on wichin.
Ja rat wajaw ri at chapayon ri nuk'aslen.
5Kan xtaya' k'a rutojbalil-mak chike ri e etzelanel wichin.
Ajaw, kan tawelesaj k'a el ri kik'aslen re winaqi' re'
roma rat, kan naben ri nabij.
6Yin kan rik'in k'a ronojel wánima xtinsuj sipanik chawe.
Kan xtinbixaj k'a ri nimalej abi' rat Jehová, roma kan janila at utz wik'in yin.
7Roma rat kan in ato'on rik'in ronojel ri bis.
Yin kan xintz'et k'a chi ri e etzelanel wichin kan xetzaq.
Currently Selected:
Sal 54: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
