Sal 41
41
Ch'owen richin jun yawa'*f40*
1Jebel ruwa-ruq'ij ri wineq ri yeruto' ri ek'o pa meba'il.
Toq xtipe ri q'ij richin ruk'ayewal, kan xtito'ox roma ri Jehová.
2Ja ri Jehová ri xtichajin richin, xtuya' ruk'aslen.
Kan xtuya' urtisanik y kikoten chire.
Y kan man xtijach ta k'a pa ruq'a' ri etzelanel richin.
3Y toq xtuk'uluwachij jun yabil, ja ri Jehová ri xtito'on richin.
Y kan xtik'achoj-el.
4Jehová tabana' utzil, tajoyowaj nuwech, roma in makuwineq chawech.
Taya' chik jun bey nuraxnaqil.
5Ri e etzelanel wichin kan itzel k'a yech'on chuwij
y nikik'utula' k'a chikiwech janipe' xkiken, y xtik'is jumul ri nubi'.
6Yepe chinutz'etik richin nokikuquba' kan nuk'u'x,
jak'a xa man qitzij ta ri kich'abel.
Yepe xaxe richin nokak'axaj-el ri man utz ta rutzijol,
y k'ari' nibekitaluj rutzijol.
7Konojel ri e etzelanel wichin nikimol k'a ki' y yexebeloj chuwij.
Kan ruyon k'a itzel taq ch'obonik nikibanala' y nikibij chi
8ri yabil ri in chapayon, xa yabil richin aj-tzay,
y chi yin man xkiyakatej ta chik jumul.
9Jajun ri wachibil ri achoq ik'in nukuquban-wi nuk'u'x,
y chuqa' kan wik'in yin nutej-wi ruway,
kan xyakatej chuwij.
10Jak'a rat Jehová tabana' utzil chuwe richin xkinayek-el chuwech ri nuwarabel,
richin xtinya' rutojbalil chike chire ronojel ri xkiben chuwe.
11Richin keri' ri e etzelanel wichin man xkinkich'ek ta.
Rik'in k'a re' xtinwetamaj chi kan in qajineq chawech.
12Ja k'a yin kan in ato'on roma ri ruchojmilal ri nuk'aslen.
Xtaben k'a chuwe richin xkik'oje' chawech rat jantape'.
13Nimalej ruq'ij-ruk'ojlen ri Jehová ri qa-Dios, tibe-q'ij tibe-seq,
kan keri' wi; ja' kan keri' wi.
Currently Selected:
Sal 41: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
