Sal 21
21
Ri Jehová nuya' k'aslen y ch'akonik*f19*
1Jehová, ri rey kan janila nikikot rik'in ri ruchuq'a' ri xaya';
kan janila k'a nikikot rik'in ri ch'akonik ri xaya' chire.
2Kan xaya' k'a chire ri rurayibel ri ránima,
man xapoqonaj ta k'a xaya' chire ri xuk'utuj chawe.
3Xaya' k'a pe urtisanik pa ruwi',
corona ri banon rik'in q'anapueq xaya' pa rujolon.
4Xuk'utuj ruk'aslen chawe y kan xaya' chire;
xaya' k'a k'iy q'ij ruk'aslen chuwech re ruwach'ulew.
5Kan xnimer ruq'ij roma rat kan xaya' ch'akonik chire;
kan xaya' k'a ruwaq'ijaj y k'ojlemal chire.
6Kan jantape' k'a anojisan rik'in urtisanik.
Kan janila nikikot, roma kan atk'o rik'in.
7Ri rey kan rukuquban ruk'u'x awik'in rat, Jehová.
Y kan man jun k'a xtitzaqon richin,
roma ri awajowabal kan man k'isel ta.
8Ri awuchuq'a' rat kan nitikir k'a chikij konojel ri e etzelanel awichin.
Rat kan ye'atzeq k'a ri ye'etzelan awichin.
9Toq xkape rat, rik'in ri awoyowal xke'aya' pa q'aq' ri man ye'ajowan ta awichin.
Rik'in ri q'aq' ri', kan xke'ak'is k'a roma awoyowal.
10Chuqa' xke'ak'is k'a el ri kalk'ual chuwech re ruwach'ulew.
Kan konojel k'a ri kijatzul, xkek'is-el.
11Rije' kan man xkech'akon ta k'a chawij,
stape' nikitz'ukula-q'anej etzelal y yeyakatej chawij.
12Rat kan xtaben k'a chike chi xke'animej,
toq ye'aq'ijuj rije' rik'in ri ch'ab.
13Jehová, kan xtiqanimirisaj k'a ri abi' rat, roma ri nimalej awuchuq'a'.
Xqojbixan k'a y xtiqaya' aq'ij, roma ri uchuq'a' ri k'o pan aq'a'.
Raqoj-chi'ij richin q'axo'n y bix richin kikoten*f20*
Ri David nich'on rik'in ri Dios
Currently Selected:
Sal 21: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
