Sal 19
19
Ri ruk'ojlen ri Dios chupan ronojel ri xuben*f17*
1Ri kaj nuk'ut chiqawech ri ruk'ojlemal ri Dios,
ri raxlaj-kaj nuk'ut chiqawech ronojel ri rubanon ri Dios rik'in ri ruq'a'.
2Ri jun q'ij, nutzijoj chik chire ri jun chik q'ij,
ri jun chi'aq'a', nutzijoj chik chire ri jun chik chi'aq'a', ronojel etamabel.
3Man rik'in ta k'a tzijonik nubij,
man nak'axatej ta k'a ri ruch'abel;
4jak'a kan chuwech chijun ruwach'ulew niq'alajin-wi ri ruch'abel ri Dios,
kan k'a pa ruk'isibel k'a chire re ruwach'ulew niq'alajin-wi ri ruch'abel.
Chila' chikaj ri Dios xuben jun rachoch ri q'ij;
5y ri q'ij, ri pa taq nimaq'a' nel-pe achi'el jun achijlonel toq niyakatej-q'anej y nel-pe pa rachoch,
kan nikikot achi'el jun ri maneq xibinri'il chuwech y nuchop-el binen.
6Nel-pe ri juk'an ruchi' ri kaj, y nibeqaqa ri juk'an chik ruchi',
¡Kan man jun k'a ri nitikir ta nrewaj-ri' chuwech ri ruk'atanal.
7Ri rupixa' ri Jehová kan tz'aqet y kan nuya' k'ak'a' qak'aslen;
ri ruchojmilal ri xuya' ri Jehová, kan richin q'asen y nuben chire ri maneq retamabal chi nok aj-na'oj.
8Ri pixa' ri nuya' ri Jehová kan e choj;
kan nuben chi nikikot ri ránima ri wineq.
Ri ruch'abel ri Jehová, kan e ch'ajch'oj,
y kan nusaqirisaj ri runaq'-ruwech ri wineq.
9Ri rutijonik ri Jehová kan janila utz y kan keri' richin jantape'.
Ri q'atbel-tzij richin ri Jehová kan pa ruchojmilal y kan e qitzij.
10Ronojel re' kan janila e rayixel achi'el ri q'anapueq,
kan más chuwech ri q'anapueq, ri e ya'erisan pa q'aq'.
Kan más k'a ruki'il ke chuwech ri ruya'al kab ri nikiya' ri taq chikopi',
ri nibiyin-pe chupan ri ruk'ojelibal.
11Ronojel re', kan nubij k'a chire ri asamajel ri utz y ri man utz ta nuben;
wi nuyek re' pa ránima, kan k'o rajel ruk'exel xtuk'ul.
12¿Achike ta k'a wineq ri nitikir nutz'et-qa-ri' chire ri man ja ta ri yeruben?
Roma ri' tabana' utzil Jehová, takuyu' ri numak ri kan man yitikir ta nintz'et-qa yin.
13Tabana' utzil tachajij ri asamajel chuwech ri nimirisanen,
man ta jun chire re' ri xtik'oje' ta chupan ri nuk'aslen;
richin keri' xkinok tz'aqet y ch'ajch'oj chire ri mak.
14Jehová kan ta k'a xtak'awomaj ri ch'abel ri ye'el pa nuchi' y ri ninch'ob pa wánima;
xtapon ta chawech rat nimalej Jehová ri at nutobal y nukolonel yin.
Currently Selected:
Sal 19: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
