Sal 101
101
Ri rey xuben jun sujunik chire ri Dios*f96*
1Yin kan chawe k'a rat nimalej Jehová xkibixan-wi.
Ri joyowanik y ri ruchojmilal, jari' ri xtinbixaj.
2Ninrayibej chi choj ta ri nuk'aslen.
Keri' toq rat xkape wik'in richin yinato'.
Yin kan rik'in ruch'ajch'ojil wánima xtinq'et-tzij chupan ri wachoch.
3Kan man xkentzu' ta k'a ri xa man e choj ta;
ri kibanobal ri nikich'er kan ki' awik'in kan ninwetzelaj.
Kan man xtinya' ta k'a q'ij chi jun chike rije' xtijel-pe wik'in.
4Kan xtinwelesaj k'a pa nujolon ri itzel taq ch'obonik.
Ri wineq itzel rubanobal kan man ninrayij ta k'a ninwetamaj ruwech.
5Yin kan xkenk'is k'a el ri winaqi' ri pan ewel yech'on itzel chikij ri kiwinaq.
Man ninkoch' ta yentz'et ri winaqi' ri janila nikinimirisaj-ki'.
6Jak'a ri winaqi' choj kik'aslen, ri' kan xkesamej pa wachoch,
ri wineq ri kan nuk'uaj ri utzilej bey, jari' ri xtisamajin wichin.
7Ri pa wachoch yin kan man xtik'oje' ta k'a jun wineq ri kan xaxe q'oloj yeruben.
Ri tz'ukuy-tzij kan man xtintzu' ta k'a ruwech yin.
8Q'ij-q'ij k'a xkenwelesaj-el ri winaqi' ri' chupan ri rutinamit ri Jehová.
Currently Selected:
Sal 101: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
