Pro 23
23
Etamabel waqi'
1Toq rat yatz'uye-apo richin chi yawa-apo junan rik'in ri q'atoy-tzij,
kan toqaqa k'a chi'ak'u'x chi kan rik'in jun q'atoy-tzij yawa-wi.
2Stape' janila yanum, xa tabana' chi naqupij ri awayjal ri',
rat, kan yatikir naben keri', roma pan aq'a' rat k'o-wi ri rayibel richin ri awánima.
3Man kan janila tarayij kiwech ri q'utun, xaxe roma ri kibanik banon chike;
roma rik'in juba' ri xoyon awichin, xa k'o roma toq kan keri' rubanik wa'in ri nusuj chawe.
Etamabel wuqu'
4Man jun bey tach'ob chi yasamej janila, xaxe richin chi yabeyomer-q'anej;
xa katuxlan chire ronojel ri nojibel ri'.
5Roma wi rat kan natzu' k'a el beyomel chupan ri ak'aslen, toq natzu' yan chik, xa xbe yan;
xa achi'el xek'oje-el ruxik', achi'el ri ruxik' ri kot, richin chi nej nibe chikaj.
Etamabel waqxaqi'
6Xa ta napon jun q'ij chi jun k'ek' wineq yaroyoj richin jun wa'in,
man tibe awech y ak'u'x chirij ri jalajoj q'utun ri yeruya' chawech.
7Roma ri k'ek' wineq ri', kan achi'el ri nich'obon pa ránima, kan keri' rubanik rija';
stape' nubij chawe; kawa', katuk'ya'; jak'a ri ránima xa nuch'ob janipe' ri xusech chuwech ri wa'in ri'.
8Ri más ruk'amon chi naben rat, ja ri nabexa' kan ri janipe' ri xatej-pe chiri',
y xa man jun xuq'ajuj ri janipe' jebelej taq ch'abel ri xe'abila' chire.
Etamabel beleje'
9Kan man k'a katzijon rik'in jun wineq ri xa man jun ok retaman,
roma ri na'oj ri natzijoj chire rat, chuwech rija' xa man jun rejqalen, xa rutze'en nuya'.
Etamabel lajuj
10Rat, kan man k'a tajeluj-apo ri ak'ulba't pa jun ulew, toq ri k'ulba't ri' kan ojer ri k'o-pe chiri';
chuqa' kan man katok-apo pa rulew ri xa maneq chik rute-rutata'.
11Roma wi keri' naben chike, rije' kan k'o k'a ri nito'on kichin y kan k'o ronojel uchuq'a' pa ruq'a';
ri kan nitikir-wi nuben chi nitzolin pa kiq'a' ri kan kichin rije'.
Etamabel julajuj
12Rat, kan tajacha' k'a awi' rik'in ronojel ri awánima, richin nik'oje' más awetamabal;
y kan taya' chuqa' axikin chi retamaxik ri kitzij ri k'o ketamabal.
Etamabel kablajuj
13Man tik'o ak'u'x nabij chire ri ak'ual ri achike ruk'amon chi nuben;
y stape' kan nakusaj ri xik'a'y chirij, xa man xtiken ta roma ri'.
14Kan poqon-wi k'a ri xik'a'y ri nakusaj richin nach'ey ri ak'ual,
jak'a rat kan nakol k'a ri ruk'aslen chuwech ri jul.
Etamabel oxlajuj
15Rix, ri ix nuk'ajol yin, wi kan nik'oje' k'a na'oj ri pa taq iwánima;
re' kan xtuben k'a chire ri wánima yin, chi janila xtikikot.
16Yin kan janila k'a xkikikot,
toq xtinwak'axaj chi rix kan rik'in na'oj ri yixch'on.
Etamabel kajlajuj
17Man jun bey tarayij naben ri rubanobal jun wineq aj-mak,
rat xa tarayij naben ronojel q'ij, ri nikiben ri winaqi' ri k'o rukiy ri Dios chikiwech.
18Wi rat kan kere' ri xtaben, kan takuquba-apo ak'u'x chi k'o utz ri xtabewila-apo ri chawech;
ri awoyoben-apo, kan qitzij k'a xtel chawech.
Etamabel wolajuj
19Rix k'a ri ix nuk'ajol yin, kan tibana' k'a ri niwak'axaj wik'in yin y kixok aj-na'oj;
kan kixnojin k'a jebel ri pa taq iwánima, richin nik'uaj ri chojmilej bey.
20Rix, kan man k'a kixk'oje' kik'in ri winaqi' ri yalan yetijo vino;
ni man kixk'oje' chuqa' kik'in ri winaqi' ri nik'o ruwi' ti'ij nikitej.
21Roma ri wineq ri nik'o ruwi' niqumun y nik'o ruwi' niwa', xa xtibe pa meba'il;
keri' chuqa' ri wineq ri kan janila waran nuben, xa xtapon ri q'ij toq xa ruyon chik k'ojobel rij.
Etamabel waqlajuj
22Rat, kan tabana' k'a ri nubij chawe ri atata', ri xalk'ualan awichin;
kan man k'a taben chi man jun chik rejqalen ri ate', toq rija' xtapon pa rurijixinen.
23Rat, kan tatija' k'a aq'ij richin ye'awil ri k'o kejqalen;
y man ke'awisq'opej-el ri qitzij, ri na'oj, ri tijonik y ri etamabel.
24Roma kan janila wi xtikikot ri rutata' jun alk'ualaxel, ri kan choj ri ruk'aslen;
roma kan xralk'ualaj jun aj-na'oj;
y jare' ri nibanon chire ri tata'aj chi nikuqer-qa ruk'u'x.
25Rat, kan tabana' k'a chike ri ate-atata', chi yekikot;
kan tabana' k'a chire ri ate' chi nikikot, roma ja rija' ri xalan awichin.
Etamabel wuqlajuj
26Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel;
richin kan jebel k'a xtatzu' y jebel chuqa' xtana' chupan ri nubey yin.
27Rat, kan tawetamaj k'a chi ri ixoq itzel ruk'aslen ruk'uan, xa achi'el jun jul ri janila nej rupan;
y ri ixoq ri rutz'apen ruwech ri rachijil, xa junan rik'in jun jul ri nej rupan y latz' ok ri rubanik.
28Ri ixoqi' ri' kan nuben k'a achi'el jun eleq'om toq yeroyobej ri winaqi';
kan nuben chike ri achi'a' chi yetzaq pa mak.
Etamabel waqxaqlajuj
29¿Achike ta k'a wineq ri nureq ruchi'?
¿Achike ta k'a wineq ri xa toq'ex ruwech?
¿Achike ta k'a wineq ri xaxe oyowal nuben?
¿Achike ta k'a wineq ri nutzolila-ri' chirij roma ri man utz ta xuben?
¿Achike ta k'a wineq ri sokotajineq y xa man jun achike roma?
¿Achike ta k'a wineq ri q'equmatajineq ruwech?
30Ri wineq ri', ja ri jantape' k'o vino chikiwech richin nikitej;
ri kan jantape' ek'o-apo richin yekitejtobela' jalajoj ruwech vino.
31Rat, kan man k'a tarayij ruwech ri vino, ri kan jebel keq-keq nitzu'un;
toq kan niyok'olin chupan ri qumbel, y man k'ayew ta richin naqum-qa.
32Jak'a ri pa ruk'isibel chire ronojel ri vino ri', xa xtok achi'el rutibal jun kumetz;
xa nuq'axo'n achi'el rutibal jun itzel kumetz.
33Y jari' toq kan xkepalej k'a achike na pan awech,
y ri pan awánima kan xkebe'el k'a pe itzel taq ch'abel ri xa man jun bey e abin.
34Y jari' chuqa' toq xtana' chi achi'el xa at li'an k'a pa nik'aj chire ri palou;
o xtana' chuqa' chi achi'el yawer k'a pa rutza'n-el ri nimalej che' ri pa'el pa nik'aj chire jun barco.
35Y k'ari' rat xkatzijon ayon y xtabij: Xich'ay y man xinna' ta.
K'o ri xch'ayon wichin y man noqaqa ta chinuk'u'x.
Toq xtuna-el nuwech jebel, xtinbenkanoj jun chik nuya', xkacha' k'a.
Currently Selected:
Pro 23: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 23
23
Etamabel waqi'
1Toq rat yatz'uye-apo richin chi yawa-apo junan rik'in ri q'atoy-tzij,
kan toqaqa k'a chi'ak'u'x chi kan rik'in jun q'atoy-tzij yawa-wi.
2Stape' janila yanum, xa tabana' chi naqupij ri awayjal ri',
rat, kan yatikir naben keri', roma pan aq'a' rat k'o-wi ri rayibel richin ri awánima.
3Man kan janila tarayij kiwech ri q'utun, xaxe roma ri kibanik banon chike;
roma rik'in juba' ri xoyon awichin, xa k'o roma toq kan keri' rubanik wa'in ri nusuj chawe.
Etamabel wuqu'
4Man jun bey tach'ob chi yasamej janila, xaxe richin chi yabeyomer-q'anej;
xa katuxlan chire ronojel ri nojibel ri'.
5Roma wi rat kan natzu' k'a el beyomel chupan ri ak'aslen, toq natzu' yan chik, xa xbe yan;
xa achi'el xek'oje-el ruxik', achi'el ri ruxik' ri kot, richin chi nej nibe chikaj.
Etamabel waqxaqi'
6Xa ta napon jun q'ij chi jun k'ek' wineq yaroyoj richin jun wa'in,
man tibe awech y ak'u'x chirij ri jalajoj q'utun ri yeruya' chawech.
7Roma ri k'ek' wineq ri', kan achi'el ri nich'obon pa ránima, kan keri' rubanik rija';
stape' nubij chawe; kawa', katuk'ya'; jak'a ri ránima xa nuch'ob janipe' ri xusech chuwech ri wa'in ri'.
8Ri más ruk'amon chi naben rat, ja ri nabexa' kan ri janipe' ri xatej-pe chiri',
y xa man jun xuq'ajuj ri janipe' jebelej taq ch'abel ri xe'abila' chire.
Etamabel beleje'
9Kan man k'a katzijon rik'in jun wineq ri xa man jun ok retaman,
roma ri na'oj ri natzijoj chire rat, chuwech rija' xa man jun rejqalen, xa rutze'en nuya'.
Etamabel lajuj
10Rat, kan man k'a tajeluj-apo ri ak'ulba't pa jun ulew, toq ri k'ulba't ri' kan ojer ri k'o-pe chiri';
chuqa' kan man katok-apo pa rulew ri xa maneq chik rute-rutata'.
11Roma wi keri' naben chike, rije' kan k'o k'a ri nito'on kichin y kan k'o ronojel uchuq'a' pa ruq'a';
ri kan nitikir-wi nuben chi nitzolin pa kiq'a' ri kan kichin rije'.
Etamabel julajuj
12Rat, kan tajacha' k'a awi' rik'in ronojel ri awánima, richin nik'oje' más awetamabal;
y kan taya' chuqa' axikin chi retamaxik ri kitzij ri k'o ketamabal.
Etamabel kablajuj
13Man tik'o ak'u'x nabij chire ri ak'ual ri achike ruk'amon chi nuben;
y stape' kan nakusaj ri xik'a'y chirij, xa man xtiken ta roma ri'.
14Kan poqon-wi k'a ri xik'a'y ri nakusaj richin nach'ey ri ak'ual,
jak'a rat kan nakol k'a ri ruk'aslen chuwech ri jul.
Etamabel oxlajuj
15Rix, ri ix nuk'ajol yin, wi kan nik'oje' k'a na'oj ri pa taq iwánima;
re' kan xtuben k'a chire ri wánima yin, chi janila xtikikot.
16Yin kan janila k'a xkikikot,
toq xtinwak'axaj chi rix kan rik'in na'oj ri yixch'on.
Etamabel kajlajuj
17Man jun bey tarayij naben ri rubanobal jun wineq aj-mak,
rat xa tarayij naben ronojel q'ij, ri nikiben ri winaqi' ri k'o rukiy ri Dios chikiwech.
18Wi rat kan kere' ri xtaben, kan takuquba-apo ak'u'x chi k'o utz ri xtabewila-apo ri chawech;
ri awoyoben-apo, kan qitzij k'a xtel chawech.
Etamabel wolajuj
19Rix k'a ri ix nuk'ajol yin, kan tibana' k'a ri niwak'axaj wik'in yin y kixok aj-na'oj;
kan kixnojin k'a jebel ri pa taq iwánima, richin nik'uaj ri chojmilej bey.
20Rix, kan man k'a kixk'oje' kik'in ri winaqi' ri yalan yetijo vino;
ni man kixk'oje' chuqa' kik'in ri winaqi' ri nik'o ruwi' ti'ij nikitej.
21Roma ri wineq ri nik'o ruwi' niqumun y nik'o ruwi' niwa', xa xtibe pa meba'il;
keri' chuqa' ri wineq ri kan janila waran nuben, xa xtapon ri q'ij toq xa ruyon chik k'ojobel rij.
Etamabel waqlajuj
22Rat, kan tabana' k'a ri nubij chawe ri atata', ri xalk'ualan awichin;
kan man k'a taben chi man jun chik rejqalen ri ate', toq rija' xtapon pa rurijixinen.
23Rat, kan tatija' k'a aq'ij richin ye'awil ri k'o kejqalen;
y man ke'awisq'opej-el ri qitzij, ri na'oj, ri tijonik y ri etamabel.
24Roma kan janila wi xtikikot ri rutata' jun alk'ualaxel, ri kan choj ri ruk'aslen;
roma kan xralk'ualaj jun aj-na'oj;
y jare' ri nibanon chire ri tata'aj chi nikuqer-qa ruk'u'x.
25Rat, kan tabana' k'a chike ri ate-atata', chi yekikot;
kan tabana' k'a chire ri ate' chi nikikot, roma ja rija' ri xalan awichin.
Etamabel wuqlajuj
26Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel;
richin kan jebel k'a xtatzu' y jebel chuqa' xtana' chupan ri nubey yin.
27Rat, kan tawetamaj k'a chi ri ixoq itzel ruk'aslen ruk'uan, xa achi'el jun jul ri janila nej rupan;
y ri ixoq ri rutz'apen ruwech ri rachijil, xa junan rik'in jun jul ri nej rupan y latz' ok ri rubanik.
28Ri ixoqi' ri' kan nuben k'a achi'el jun eleq'om toq yeroyobej ri winaqi';
kan nuben chike ri achi'a' chi yetzaq pa mak.
Etamabel waqxaqlajuj
29¿Achike ta k'a wineq ri nureq ruchi'?
¿Achike ta k'a wineq ri xa toq'ex ruwech?
¿Achike ta k'a wineq ri xaxe oyowal nuben?
¿Achike ta k'a wineq ri nutzolila-ri' chirij roma ri man utz ta xuben?
¿Achike ta k'a wineq ri sokotajineq y xa man jun achike roma?
¿Achike ta k'a wineq ri q'equmatajineq ruwech?
30Ri wineq ri', ja ri jantape' k'o vino chikiwech richin nikitej;
ri kan jantape' ek'o-apo richin yekitejtobela' jalajoj ruwech vino.
31Rat, kan man k'a tarayij ruwech ri vino, ri kan jebel keq-keq nitzu'un;
toq kan niyok'olin chupan ri qumbel, y man k'ayew ta richin naqum-qa.
32Jak'a ri pa ruk'isibel chire ronojel ri vino ri', xa xtok achi'el rutibal jun kumetz;
xa nuq'axo'n achi'el rutibal jun itzel kumetz.
33Y jari' toq kan xkepalej k'a achike na pan awech,
y ri pan awánima kan xkebe'el k'a pe itzel taq ch'abel ri xa man jun bey e abin.
34Y jari' chuqa' toq xtana' chi achi'el xa at li'an k'a pa nik'aj chire ri palou;
o xtana' chuqa' chi achi'el yawer k'a pa rutza'n-el ri nimalej che' ri pa'el pa nik'aj chire jun barco.
35Y k'ari' rat xkatzijon ayon y xtabij: Xich'ay y man xinna' ta.
K'o ri xch'ayon wichin y man noqaqa ta chinuk'u'x.
Toq xtuna-el nuwech jebel, xtinbenkanoj jun chik nuya', xkacha' k'a.
Kaqchikel Bible © Bible Society in Guatemala, 2003.