Pro 22
22
1Ri wineq más utz chi nucha' ri k'o utz rutzijol chikikojol ri winaqi', ke chuwech k'o nimalej beyomel rik'in;
chuqa' más utz chi etaman ruwech koma ri ruwinaq, ke chuwech ri k'o q'anapueq y saqipueq rik'in.
2Ek'o winaqi' e beyoma' y ek'o chuqa' ri man jun ok k'o kik'in;
jak'a ri ka'i' kiwech winaqi' ri', xa e junan, roma kan ja ri Jehová ri banayon-pe kichin.
3Ri wineq ri kan nowineq kan chi'anin nutzu' toq k'o ruk'ayewal peteneq y nrewaj-ri' chuwech;
jak'a ri wineq ri xa maneq ok retamabal, man jun ri nutzu' y roma ri' choj niberuliba-ri' pa ruk'ayewal.
4Ri rajel-ruk'exel ri nuk'ul jun wineq ri kan nuqasaj-ri', ja ri k'o rukiy ri Dios chuwech,
y chuqa' roma ri' kan nuk'ul k'a beyomel, nuk'ul ruq'ij y kan nuk'ul ruk'aslen.
5Pa rubey ri wineq banoy richin ri etzelal, kan nojineq k'a chi k'ix y chi pikbel,
jak'a ri wineq ri nupoqonaj-ri' kan man nijel ta apo chunaqaj ri bey ri'.
6Kan tanaq'tisaj k'a pe ri ak'ual k'a pa ruch'utinal-pe, rik'in ri achike rubeyal ruk'aslen ri utz chi nuk'uaj,
richin keri' toq xtapon-q'anej pa rurijixinen, kan man xtujech'ej ta kan ri' chire ri rubeyal k'aslen ri'.
7Ja ri wineq beyom k'a ri niq'aton-tzij pa ruwi' ri wineq ri man jun ok k'o rik'in;
y ri wineq ri nibanon qajo'n rik'in jun chik wineq, kan xtok k'a samajel richin ri nibanon ri qajo'n chire.
8Ri wineq ri nutik etzelal, kan etzelal chuqa' ri xtuk'ul ri chuwech-apo;
y kan achi'el ri rukowil ronojel ri ch'abel ri yerubij, kan keri' chuqa' ri xtiqaqa pa ruwi' rija'.
9Ri wineq ri kan yeruto' ri k'o nik'atzin chike, kan xtuk'ul-wi urtisanik,
roma rija' kan man nupoqonaj ta chi kan ja ri ruway rija' ri nuya' chike.
10Tawelesaj-el ri wineq ri man yeruch'ob ta ri ch'abel ri yerubila' y kan xketane' ri oyowal.
y chuqa' kan xkek'is-el ri tojojnik y ri yoq'onik.
11Ri wineq ri kan janila niqa' chuwech chi rija' kan man jun ri nrewaj ta pa ránima,
y kan nutej ruq'ij chi kan utz rubanik ri ruch'abel, ri rey kan xtok k'a rachibil ri wineq ri'.
12Kan pa ruwech k'a ri Jehová ek'o-wi ri winaqi' aj-na'oj, richin chi yeruchajij;
y kan pa ruwech chuqa' rija' ek'o-wi ri kan e nowineq chubanik ri etzelal, richin chi nuyoj ri nikajo' nikiben.
13Ri wineq janila ruq'oral richin nisamej, nubij:
Pa bey k'o jun koj,
Wi xkinel-el pa bey, kan jujik chi xkirukamisaj kan.
14Kan achi'el k'a jun jul ri janila nim rupan, keri' ri pa ruchi' ri ixoq ri nukanoj jun chik achin,
y k'a chiri' nibetzaq-wi ri achin, ri xa itzel nich'on chirij ri Jehová.
15Ri ruch'ujilal jun ala', kan ch'ikil ri chiri' pa ránima,
jak'a wi nukusex ri xik'a'y toq nitijox richin chi man nuben ta chik ri banobel ri', kan nel-wi-el.
16Ri wineq ri kan k'o ri nutz'oq chuwi-kiq'a' ri xa man jun ok k'o kik'in, xaxe richin chi rija' nibeyomer,
y rija' k'o chi nutoj chire jun wineq más beyom, rija' xa nik'oje' chuqa' kan pa meba'il.
Ri juwineq lajuj ch'abel kichin ri winaqi' ri k'o na'oj kik'in
17Kan jebel k'a taya' axikin chire ri ch'abel ri xtinbij chawe, roma jare' ri na'oj ri kibin kan ri aj-na'oj.
Kan tajacha' ri awánima chi retamaxik ronojel ri na'oj ri kiya'on kan rije'.
18Y re ch'abel re' kan janila kikoten xtuk'en-pe chawe, wi kan jantape' ek'o chi'ak'u'x,
y chuqa' wi kan pan achi' ek'o-wi-pe richin chi ye'akusaj.
19Re ch'abel re' kan xtuben chuqa' chawe chi nakuquba' ak'u'x rik'in ri Jehová,
y roma ri' kan chawech rat nink'ut-wi re wakami.
20Kan jare' k'a yentz'ibaj kan ri etamabel-tzij, e juwineq lajuj k'a ri yentz'ibaj kan chawe,
richin chi nikiya' awetamabal y ri ana'oj chuqa'.
21Richin chi natzijoj y naq'alajirisaj ri qitzij chike ri winaqi',
y richin chuqa' chi kan awetaman nasol rij ri tzij chuwech ri kan k'o pan awi' rat.
Etamabel jun
22Rat, man k'a ke'atz'ila' ri winaqi' ri xa man jun ok k'o kik'in,
y chuqa' kan man taqasaj kiq'ij ri chiri' akuchi niban-wi q'atoj-tzij roma rije' xa man tikirel ta chi nikito-ki'.
23Roma kan ja ri Jehová ri xtich'on pa kiwi' rije', richin chi yeruto',
y ri xkejachon pa kamik ri winaqi' ri', rija' kan xtrelesaj chuqa' ri kik'aslen.
Etamabel ka'i'
24Man tarayij yatok rachibil jun wineq ri kan chi'anin nipe royowal;
kan man k'a tawachibilaj ri wineq ri xa man niq'ax ta chuwech, stape' chi oyowal o chi utzil yach'on rik'in.
25Richin keri' rat man nak'en ta apo ri rubanik rija',
roma wi yaqaqa chupan, rik'in juba' xa man yatikir ta chik nakol-pe-awi'.
Etamabel oxi'
26Man k'a chi'anin tasuj-awi' richin naben xabachike, richin man naju' ta awi' chuxe' ejqa'n;
kan man chi'anin tapaba' kan awi' chuwech jun k'as, ri xa richin jun chik wineq.
27Roma wi xa man jun k'o awik'in richin chi natoj ri jun k'as ri',
xa kan xtelesex-el chi'axe' ri ch'at ri akuchi yawer-wi, richin nok chuwech ri k'as.
Etamabel kaji'
28Rat, kan man k'a tajeluj-apo ri ak'ulba't, roma ri k'ulba't ri' kan ojer ri' k'o-pe;
kan man k'a tajeluj-apo ri ak'ulba't, toq ri k'ulba't ri', kan ja ri awati't-amama' ri e yoyon kan chiri'.
Etamabel wo'o'
29Wi rat awetaman ruwech jun wineq ri kan jebel nisamej pa rusamaj rija',
ri wineq ri' kan tikirel chire chi nibesamej kik'in ri e rey,
y man kik'in ta xabachike winaqi' nril-wi rusamaj.
Currently Selected:
Pro 22: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Pro 22
22
1Ri wineq más utz chi nucha' ri k'o utz rutzijol chikikojol ri winaqi', ke chuwech k'o nimalej beyomel rik'in;
chuqa' más utz chi etaman ruwech koma ri ruwinaq, ke chuwech ri k'o q'anapueq y saqipueq rik'in.
2Ek'o winaqi' e beyoma' y ek'o chuqa' ri man jun ok k'o kik'in;
jak'a ri ka'i' kiwech winaqi' ri', xa e junan, roma kan ja ri Jehová ri banayon-pe kichin.
3Ri wineq ri kan nowineq kan chi'anin nutzu' toq k'o ruk'ayewal peteneq y nrewaj-ri' chuwech;
jak'a ri wineq ri xa maneq ok retamabal, man jun ri nutzu' y roma ri' choj niberuliba-ri' pa ruk'ayewal.
4Ri rajel-ruk'exel ri nuk'ul jun wineq ri kan nuqasaj-ri', ja ri k'o rukiy ri Dios chuwech,
y chuqa' roma ri' kan nuk'ul k'a beyomel, nuk'ul ruq'ij y kan nuk'ul ruk'aslen.
5Pa rubey ri wineq banoy richin ri etzelal, kan nojineq k'a chi k'ix y chi pikbel,
jak'a ri wineq ri nupoqonaj-ri' kan man nijel ta apo chunaqaj ri bey ri'.
6Kan tanaq'tisaj k'a pe ri ak'ual k'a pa ruch'utinal-pe, rik'in ri achike rubeyal ruk'aslen ri utz chi nuk'uaj,
richin keri' toq xtapon-q'anej pa rurijixinen, kan man xtujech'ej ta kan ri' chire ri rubeyal k'aslen ri'.
7Ja ri wineq beyom k'a ri niq'aton-tzij pa ruwi' ri wineq ri man jun ok k'o rik'in;
y ri wineq ri nibanon qajo'n rik'in jun chik wineq, kan xtok k'a samajel richin ri nibanon ri qajo'n chire.
8Ri wineq ri nutik etzelal, kan etzelal chuqa' ri xtuk'ul ri chuwech-apo;
y kan achi'el ri rukowil ronojel ri ch'abel ri yerubij, kan keri' chuqa' ri xtiqaqa pa ruwi' rija'.
9Ri wineq ri kan yeruto' ri k'o nik'atzin chike, kan xtuk'ul-wi urtisanik,
roma rija' kan man nupoqonaj ta chi kan ja ri ruway rija' ri nuya' chike.
10Tawelesaj-el ri wineq ri man yeruch'ob ta ri ch'abel ri yerubila' y kan xketane' ri oyowal.
y chuqa' kan xkek'is-el ri tojojnik y ri yoq'onik.
11Ri wineq ri kan janila niqa' chuwech chi rija' kan man jun ri nrewaj ta pa ránima,
y kan nutej ruq'ij chi kan utz rubanik ri ruch'abel, ri rey kan xtok k'a rachibil ri wineq ri'.
12Kan pa ruwech k'a ri Jehová ek'o-wi ri winaqi' aj-na'oj, richin chi yeruchajij;
y kan pa ruwech chuqa' rija' ek'o-wi ri kan e nowineq chubanik ri etzelal, richin chi nuyoj ri nikajo' nikiben.
13Ri wineq janila ruq'oral richin nisamej, nubij:
Pa bey k'o jun koj,
Wi xkinel-el pa bey, kan jujik chi xkirukamisaj kan.
14Kan achi'el k'a jun jul ri janila nim rupan, keri' ri pa ruchi' ri ixoq ri nukanoj jun chik achin,
y k'a chiri' nibetzaq-wi ri achin, ri xa itzel nich'on chirij ri Jehová.
15Ri ruch'ujilal jun ala', kan ch'ikil ri chiri' pa ránima,
jak'a wi nukusex ri xik'a'y toq nitijox richin chi man nuben ta chik ri banobel ri', kan nel-wi-el.
16Ri wineq ri kan k'o ri nutz'oq chuwi-kiq'a' ri xa man jun ok k'o kik'in, xaxe richin chi rija' nibeyomer,
y rija' k'o chi nutoj chire jun wineq más beyom, rija' xa nik'oje' chuqa' kan pa meba'il.
Ri juwineq lajuj ch'abel kichin ri winaqi' ri k'o na'oj kik'in
17Kan jebel k'a taya' axikin chire ri ch'abel ri xtinbij chawe, roma jare' ri na'oj ri kibin kan ri aj-na'oj.
Kan tajacha' ri awánima chi retamaxik ronojel ri na'oj ri kiya'on kan rije'.
18Y re ch'abel re' kan janila kikoten xtuk'en-pe chawe, wi kan jantape' ek'o chi'ak'u'x,
y chuqa' wi kan pan achi' ek'o-wi-pe richin chi ye'akusaj.
19Re ch'abel re' kan xtuben chuqa' chawe chi nakuquba' ak'u'x rik'in ri Jehová,
y roma ri' kan chawech rat nink'ut-wi re wakami.
20Kan jare' k'a yentz'ibaj kan ri etamabel-tzij, e juwineq lajuj k'a ri yentz'ibaj kan chawe,
richin chi nikiya' awetamabal y ri ana'oj chuqa'.
21Richin chi natzijoj y naq'alajirisaj ri qitzij chike ri winaqi',
y richin chuqa' chi kan awetaman nasol rij ri tzij chuwech ri kan k'o pan awi' rat.
Etamabel jun
22Rat, man k'a ke'atz'ila' ri winaqi' ri xa man jun ok k'o kik'in,
y chuqa' kan man taqasaj kiq'ij ri chiri' akuchi niban-wi q'atoj-tzij roma rije' xa man tikirel ta chi nikito-ki'.
23Roma kan ja ri Jehová ri xtich'on pa kiwi' rije', richin chi yeruto',
y ri xkejachon pa kamik ri winaqi' ri', rija' kan xtrelesaj chuqa' ri kik'aslen.
Etamabel ka'i'
24Man tarayij yatok rachibil jun wineq ri kan chi'anin nipe royowal;
kan man k'a tawachibilaj ri wineq ri xa man niq'ax ta chuwech, stape' chi oyowal o chi utzil yach'on rik'in.
25Richin keri' rat man nak'en ta apo ri rubanik rija',
roma wi yaqaqa chupan, rik'in juba' xa man yatikir ta chik nakol-pe-awi'.
Etamabel oxi'
26Man k'a chi'anin tasuj-awi' richin naben xabachike, richin man naju' ta awi' chuxe' ejqa'n;
kan man chi'anin tapaba' kan awi' chuwech jun k'as, ri xa richin jun chik wineq.
27Roma wi xa man jun k'o awik'in richin chi natoj ri jun k'as ri',
xa kan xtelesex-el chi'axe' ri ch'at ri akuchi yawer-wi, richin nok chuwech ri k'as.
Etamabel kaji'
28Rat, kan man k'a tajeluj-apo ri ak'ulba't, roma ri k'ulba't ri' kan ojer ri' k'o-pe;
kan man k'a tajeluj-apo ri ak'ulba't, toq ri k'ulba't ri', kan ja ri awati't-amama' ri e yoyon kan chiri'.
Etamabel wo'o'
29Wi rat awetaman ruwech jun wineq ri kan jebel nisamej pa rusamaj rija',
ri wineq ri' kan tikirel chire chi nibesamej kik'in ri e rey,
y man kik'in ta xabachike winaqi' nril-wi rusamaj.
Kaqchikel Bible © Bible Society in Guatemala, 2003.