Núm 30
30
Ri ruchojmilal pa ruwi' ri nisuj chi niya' chuwe
1Ri Moisés xch'on kik'in ri e aj-raqen pa kiwi' ri jujun tzobaj richin ri Israel y xubij chike: Kere' xubij-pe ri Jehová: 2Toq k'o jun achin ri nujikiba' rutzij chuwech ri Jehová k'o chi nuben y man tujel ri ruch'obonik.
3Y toq jun xten k'a k'o na kik'in ri rute-rutata' y k'o nusuj chire ri Jehová o xabachike ri nusuj chi nuben, 4wi ri rutata' nunabej chi rija' k'o rusujun chire ri Jehová, y ri rutata' xa kan man jun xtubij chire re xten re', k'o chi nuben ri rusujun. 5Jak'a wi ri rutata' xunabej y xa man xqa' ta chuwech ri ruch'obonik ri rumi'al, ri xten ri' kan man xtuben ta k'a ri rusujun. Y ri Jehová man xtuch'ojij ta k'a chire ri xten ri' roma xa ja ri rutata' ri man xajowan ta.
6Jak'a wi nujikiba' rutzij y k'ari' nik'ule' ta el, 7y wi ri rachijil xtunabej ri rusujun ri k'o chi nuben y wi xtiqa' chuwech, re ixoq re' kan tubana' k'a ronojel ri k'o chi nuben rik'in ronojel ránima. 8Jak'a wi ri rachijil xa man xqa' ta chuwech ri rubin rija', man k'a tuben, y ri Jehová man xtuch'ojij ta chire.
9Ronojel k'a ri rusujun richin nuben jun malka'n o ri rujachon ri' rik'in ri rachijil, kan k'o chi tubana'.
10Wi k'o ta jun ixoq k'ulan, ri k'o ta nusuj-apo y kan nuben chi nuya' rutzij, 11y toq nunabej ri rachijil, y wi xqa' chuwech y man xuch'ojij ta chire, ri rusujun k'o chi nuben rik'in ronojel ránima. 12Jak'a wi ri rachijil man xqa' ta chuwech, ri ixoq kan man tuben k'a y ri Jehová kan man xtuch'ojij ta chire.
13Ronojel ri rusujun y ri ya'on tzij ri rubanon rik'in ronojel ránima, ja ri rachijil ri xtibin wi nuben o man nuben ta. 14Y wi ri rachijil man jun xtubij chire y keri' niq'ax ri q'ij, nel chi tzij chi kan xqa' chuwech ri rusujun ri rixjayil, roma man jun ch'abel xubij. 15Jak'a wi xa man nuya' ta chik q'ij chire toq xq'ax yan k'iy q'ij, ja ri achijlonel xtejqalen ri sujunik ri', y man ja ta chik ri rixjayil, keri' nubij ri Jehová, xcha' ri Moisés.
16Jare' ri ruchojmilal ri xuya' ri Jehová chire ri Moisés pa kiwi' ri k'ulaj taq winaqi' y pa ruwi' ri xten toq k'a k'o na kik'in ri rute-rutata'.
Currently Selected:
Núm 30: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
