Ecl 5
5
Ri sujun kan k'o chi nibanatej
1Toq yabe pa rachoch ri Dios kan taya' k'a rejqalen ri akuchi atk'o-wi; kan kajel k'a apo richin más nawak'axaj ri tijonik richin ri ruch'abel ri Dios, roma jari' ri más rejqalen ke chuwech ri nikiben ri nakaneq taq winaqi' ri yekisujula' kamelabel y man ketaman ta chi xa itzel ri yetajin chubanik.
2Man k'a tabij ch'abel bin man bin. Man jun tasuj chi'anin chire ri Dios, roma rija' kan chila' chikaj k'o-wi y nrak'axaj, y rat xa at jun ri xa chuwach'ulew atk'o-wi. 3Roma wi kan janila yach'obon, xa kan nuben chawe chi janila yatachik' ri chaq'a'. Wi chaq janila yach'on, xa kan man jun chik rejqalen ri ye'abila'.
4Toq rat k'o nasuj chire ri Dios richin naben, man k'a kayoke' richin naben, roma rija' kan man niqa' ta chuwech ri k'o nikisuj y xa man nikiben ta. Man k'a taben achi'el nikiben ri nakaneq taq winaqi'. 5Más ruk'amon ri man jun nasuj, ke chuwech ri k'o nasuj y xa man yatikir ta naben ri xasuj. 6Man taya' q'ij chi roma ri ach'abel yatzaq pa mak, y k'ari' xtabij chire ri rusamajel ri Dios chi ri xaben xa roma man awetaman ta. ¿Achike roma naben chire ri Dios chi nipe royowal roma ri ach'abel, y roma ri' xtuyoj ronojel ri samaj ri abanon? 7Y roma ri' ri achoq ik'in k'o ri nojibel chi niberubana' ri jun ri' y niberubana' ri jun chik ri', xa ruyon k'a nimirisanen taq ch'abel ri yepe rik'in y chuqa' nunimirisaj-ri' rija'. Jak'a rat kan tik'oje' rukiy ri Dios chawech.
Ri k'aslen xa q'axel
8Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'. 9Chuqa' ronojel ri nel-pe chuwech ri ruwach'ulew kan jare' ri nik'atzin chike ri winaqi' y keri' ri rey kan k'o chuqa' chuk'u'x ronojel ri samaj richin ri tiko'n.
10Ri kan beneq ránima rik'in ri méro jantape' nrajo' más, ri najowan richin ri beyomel xa man jun nuk'en-pe chire. Chuqa' ronojel re' xa kan q'axel chuwech re ruwach'ulew.
11Toq más k'iy ri abeyomel nuben-q'anej, chuqa' yek'iyer-q'anej ri asamajela' ri koyoben-apo kiway awik'in. ¿Kan k'o kami nuk'en-pe ri beyomel chire ri rajaw? Man jun, xaxe nutzu' ri niq'ax-el pa ruq'a'.
12Jun choj samajel kan ki-ki' ri ruwaran, stape' jebel xwa-qa o xa juba' ok ri xutej-qa; jak'a ri beyom ja ronojel ri k'o rik'in ri man niya'on ta q'ij chire chi niwer jebel.
13Y k'o k'a jun ri nutz'eton chuwech re ruwach'ulew ri kan nuya' q'axo'n, y ri' ja ri beyomel ri nikimol-q'anej ri winaqi', y nikikusaj richin itzel nuben chire ri kik'aslen. 14Roma re beyoma' re' xaxe chupan itzel taq banobel nikik'is-wi ronojel ri kibeyomel, jak'a chike ri xekalk'ualaj xa kan man jun chik xtikiya' kan. 15Y k'o chuqa' jun chik ri nutz'eton; chi ri wineq toq nalex, kan ch'anel peteneq. Kan keri' chuqa' ch'anel ri xtitzolin, y man jun k'a chire ri xuch'ek chire ri kow laj taq rusamaj ri xerubanala' ri xtuk'uaj ta el toq xtiken. 16Y re' xa kan janila k'ayew, roma xa kan achi'el toq xpe chuwech re ruwach'ulew, xa kan keri' chik xtitzolin. Xa choj k'a keri' xsamej, y xa man jun xuk'en-pe chire. 17Y man xaxe ta ri', roma ronojel ri xril richin chi xutej-el, xa chupan jun q'equmatajineq k'aslen xuk'owisaj-wi-el; rik'in ruk'ayewal, yabil y ch'obonik.
18Ri nutz'eton-pe ri nibanatej chi ri más jebel chire ri wineq ja ri nutej, nuqum y kan nikikot ránima rik'in ri xuch'ek. Y kan keri' nuben ri janipe' q'ij ruk'aslen ri nuya' ri Dios chire; roma kan jare' ri richin rija'. 19Keri' chuqa' chike konojel winaqi', ri Dios kan ruya'on méro, xoral y ulew, y nuya' chuqa' q'ij chike richin chi chiri' nipe-wi ri nikitej. Jari' ri kan kichin rije' y kekikot rik'in ri kisamaj roma kan rik'in ri Dios e peteneq-wi. 20Y roma ri Dios ruya'on kikoten pa taq kánima, roma ri' man nikina' ta ruk'ayewal chupan ri janipe' q'ij chire ri kik'aslen.
Currently Selected:
Ecl 5: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Ecl 5
5
Ri sujun kan k'o chi nibanatej
1Toq yabe pa rachoch ri Dios kan taya' k'a rejqalen ri akuchi atk'o-wi; kan kajel k'a apo richin más nawak'axaj ri tijonik richin ri ruch'abel ri Dios, roma jari' ri más rejqalen ke chuwech ri nikiben ri nakaneq taq winaqi' ri yekisujula' kamelabel y man ketaman ta chi xa itzel ri yetajin chubanik.
2Man k'a tabij ch'abel bin man bin. Man jun tasuj chi'anin chire ri Dios, roma rija' kan chila' chikaj k'o-wi y nrak'axaj, y rat xa at jun ri xa chuwach'ulew atk'o-wi. 3Roma wi kan janila yach'obon, xa kan nuben chawe chi janila yatachik' ri chaq'a'. Wi chaq janila yach'on, xa kan man jun chik rejqalen ri ye'abila'.
4Toq rat k'o nasuj chire ri Dios richin naben, man k'a kayoke' richin naben, roma rija' kan man niqa' ta chuwech ri k'o nikisuj y xa man nikiben ta. Man k'a taben achi'el nikiben ri nakaneq taq winaqi'. 5Más ruk'amon ri man jun nasuj, ke chuwech ri k'o nasuj y xa man yatikir ta naben ri xasuj. 6Man taya' q'ij chi roma ri ach'abel yatzaq pa mak, y k'ari' xtabij chire ri rusamajel ri Dios chi ri xaben xa roma man awetaman ta. ¿Achike roma naben chire ri Dios chi nipe royowal roma ri ach'abel, y roma ri' xtuyoj ronojel ri samaj ri abanon? 7Y roma ri' ri achoq ik'in k'o ri nojibel chi niberubana' ri jun ri' y niberubana' ri jun chik ri', xa ruyon k'a nimirisanen taq ch'abel ri yepe rik'in y chuqa' nunimirisaj-ri' rija'. Jak'a rat kan tik'oje' rukiy ri Dios chawech.
Ri k'aslen xa q'axel
8Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'. 9Chuqa' ronojel ri nel-pe chuwech ri ruwach'ulew kan jare' ri nik'atzin chike ri winaqi' y keri' ri rey kan k'o chuqa' chuk'u'x ronojel ri samaj richin ri tiko'n.
10Ri kan beneq ránima rik'in ri méro jantape' nrajo' más, ri najowan richin ri beyomel xa man jun nuk'en-pe chire. Chuqa' ronojel re' xa kan q'axel chuwech re ruwach'ulew.
11Toq más k'iy ri abeyomel nuben-q'anej, chuqa' yek'iyer-q'anej ri asamajela' ri koyoben-apo kiway awik'in. ¿Kan k'o kami nuk'en-pe ri beyomel chire ri rajaw? Man jun, xaxe nutzu' ri niq'ax-el pa ruq'a'.
12Jun choj samajel kan ki-ki' ri ruwaran, stape' jebel xwa-qa o xa juba' ok ri xutej-qa; jak'a ri beyom ja ronojel ri k'o rik'in ri man niya'on ta q'ij chire chi niwer jebel.
13Y k'o k'a jun ri nutz'eton chuwech re ruwach'ulew ri kan nuya' q'axo'n, y ri' ja ri beyomel ri nikimol-q'anej ri winaqi', y nikikusaj richin itzel nuben chire ri kik'aslen. 14Roma re beyoma' re' xaxe chupan itzel taq banobel nikik'is-wi ronojel ri kibeyomel, jak'a chike ri xekalk'ualaj xa kan man jun chik xtikiya' kan. 15Y k'o chuqa' jun chik ri nutz'eton; chi ri wineq toq nalex, kan ch'anel peteneq. Kan keri' chuqa' ch'anel ri xtitzolin, y man jun k'a chire ri xuch'ek chire ri kow laj taq rusamaj ri xerubanala' ri xtuk'uaj ta el toq xtiken. 16Y re' xa kan janila k'ayew, roma xa kan achi'el toq xpe chuwech re ruwach'ulew, xa kan keri' chik xtitzolin. Xa choj k'a keri' xsamej, y xa man jun xuk'en-pe chire. 17Y man xaxe ta ri', roma ronojel ri xril richin chi xutej-el, xa chupan jun q'equmatajineq k'aslen xuk'owisaj-wi-el; rik'in ruk'ayewal, yabil y ch'obonik.
18Ri nutz'eton-pe ri nibanatej chi ri más jebel chire ri wineq ja ri nutej, nuqum y kan nikikot ránima rik'in ri xuch'ek. Y kan keri' nuben ri janipe' q'ij ruk'aslen ri nuya' ri Dios chire; roma kan jare' ri richin rija'. 19Keri' chuqa' chike konojel winaqi', ri Dios kan ruya'on méro, xoral y ulew, y nuya' chuqa' q'ij chike richin chi chiri' nipe-wi ri nikitej. Jari' ri kan kichin rije' y kekikot rik'in ri kisamaj roma kan rik'in ri Dios e peteneq-wi. 20Y roma ri Dios ruya'on kikoten pa taq kánima, roma ri' man nikina' ta ruk'ayewal chupan ri janipe' q'ij chire ri kik'aslen.
Kaqchikel Bible © Bible Society in Guatemala, 2003.