Ecl 4
4
1Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi. 2Roma ri' chinuwech yin kan jebel ruwa-kiq'ij ri xeken yan el ke chiqawech roj ri k'a oj k'es na kan. 3Jak'a más jebel ruwa-ruq'ij ri man jani talex roma k'a man jani tutz'et ri itzel taq banobel ri yebanatej chuwech re ruwach'ulew.
4Chuqa' xintz'et chi ri ruk'ayewal ri samaj y ri ch'akoj chupan jun samaj xa nuk'amala-pe ch'upun-k'u'x chiqakojolil, chuqa' re' xa q'axel y xa man tikirel ta nawil ronojel ri nawajo'.
5Ri maneq runa'oj xa nuq'etej ruq'a', y roma ri' xa ruyon rija' nuk'is-qa-ri'.
6Jak'a yin ninbij: Más jebel ri juba' ok k'o awik'in y kan yatuxlan ke chuwech janila k'iy k'o awik'in y xa yaq'itej chukanoxik ch'aqa' chik ri nawajo'. 7Chirij re' xintz'et chik jun bey chi ronojel ri niban chuwech ri ruwach'ulew xa kan ruyon q'axel y kan man jun rejqalen. 8Etaman k'a chirij jun achin ri xa ruyon k'o: Maneq rixjayil, maneq ralk'ual y man jun chuqa' rach'alal. Man rik'in ri' man nitane' ta chi samaj y man nikuqer ta ruk'u'x rik'in ri rubeyomel ri rumolon chik y kan man nubij ta qa juba', ¿achoq roma k'a janila yisamej? Y ¿achike roma man yik'ase' ta juba' chi utzil man nicha' ta qa? Ronojel re' xa kan q'axel y janila samaj ruk'amon-pe.
Ri rejqalen ri nato-awi'
9Más utz toq e ka'i' e pa'el chuwech jun samaj, roma keri' más k'iy nikil chuwech ri k'ayewalej samaj ri nikiben. 10Roma wi xtitzaq ri jun, k'o ri rachibil ri niyako richin, jak'a ri xa ruyon-ok xa toq'ex ruwech, roma wi xtitzaq kan man jun xtiyako richin. 11Y keri' chuqa' wi e ka'i' yewer junan xa kan nikimeq'-ki' jak'a ri ruyon niwer xa kan man nimeq'e' ta. 12Y wi k'o ta jun wineq ninaq roma jun chik, y rija' xa k'o jun rachibil, rije' yetikir nikipaba-ki' y man yech'akatej ta, achi'el nubij ri tzij: Jun k'an ri oxi' ruwech man chi'anin ta niraq'ach'itej.
Ri na'oj man ja ta ri juna' nibanon
13Más utz jun k'a ala' na ri man jun k'o rik'in y kan k'o runa'oj, ke chuwech jun rey ri k'o chik rujuna' y maneq runa'oj, ri xa kan man nrajo' ta nrak'axaj jun pixabanik, 14stape' ta re jun ala' re' xa pa cárcel ta eleneq-wi-pe richin chi xok-q'anej rey, o stape' ta xa pa meba'il eleneq-wi-pe richin chi xok-q'anej rey. 15Xentz'et k'a chi konojel ri winaqi' ri ek'o chuwech re ruwach'ulew kan kitzeqeliben k'a ri ala' ri xtok kan pa ruk'exel ri jun rey ri kan k'o-pe. 16Kan janila k'a chi winaqi' richin ri tinamit ri xetzeqeliben y kan man e ajlatel ta k'a. Man rik'in ri' ri winaqi' ri xkebek'ulun-pe ri chuwech-apo man xkekikot ta rik'in rija'. Ronojel re' xa kan q'axel k'a y xa man tikirel ta nawil ri nawajo'.
Currently Selected:
Ecl 4: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Ecl 4
4
1Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi. 2Roma ri' chinuwech yin kan jebel ruwa-kiq'ij ri xeken yan el ke chiqawech roj ri k'a oj k'es na kan. 3Jak'a más jebel ruwa-ruq'ij ri man jani talex roma k'a man jani tutz'et ri itzel taq banobel ri yebanatej chuwech re ruwach'ulew.
4Chuqa' xintz'et chi ri ruk'ayewal ri samaj y ri ch'akoj chupan jun samaj xa nuk'amala-pe ch'upun-k'u'x chiqakojolil, chuqa' re' xa q'axel y xa man tikirel ta nawil ronojel ri nawajo'.
5Ri maneq runa'oj xa nuq'etej ruq'a', y roma ri' xa ruyon rija' nuk'is-qa-ri'.
6Jak'a yin ninbij: Más jebel ri juba' ok k'o awik'in y kan yatuxlan ke chuwech janila k'iy k'o awik'in y xa yaq'itej chukanoxik ch'aqa' chik ri nawajo'. 7Chirij re' xintz'et chik jun bey chi ronojel ri niban chuwech ri ruwach'ulew xa kan ruyon q'axel y kan man jun rejqalen. 8Etaman k'a chirij jun achin ri xa ruyon k'o: Maneq rixjayil, maneq ralk'ual y man jun chuqa' rach'alal. Man rik'in ri' man nitane' ta chi samaj y man nikuqer ta ruk'u'x rik'in ri rubeyomel ri rumolon chik y kan man nubij ta qa juba', ¿achoq roma k'a janila yisamej? Y ¿achike roma man yik'ase' ta juba' chi utzil man nicha' ta qa? Ronojel re' xa kan q'axel y janila samaj ruk'amon-pe.
Ri rejqalen ri nato-awi'
9Más utz toq e ka'i' e pa'el chuwech jun samaj, roma keri' más k'iy nikil chuwech ri k'ayewalej samaj ri nikiben. 10Roma wi xtitzaq ri jun, k'o ri rachibil ri niyako richin, jak'a ri xa ruyon-ok xa toq'ex ruwech, roma wi xtitzaq kan man jun xtiyako richin. 11Y keri' chuqa' wi e ka'i' yewer junan xa kan nikimeq'-ki' jak'a ri ruyon niwer xa kan man nimeq'e' ta. 12Y wi k'o ta jun wineq ninaq roma jun chik, y rija' xa k'o jun rachibil, rije' yetikir nikipaba-ki' y man yech'akatej ta, achi'el nubij ri tzij: Jun k'an ri oxi' ruwech man chi'anin ta niraq'ach'itej.
Ri na'oj man ja ta ri juna' nibanon
13Más utz jun k'a ala' na ri man jun k'o rik'in y kan k'o runa'oj, ke chuwech jun rey ri k'o chik rujuna' y maneq runa'oj, ri xa kan man nrajo' ta nrak'axaj jun pixabanik, 14stape' ta re jun ala' re' xa pa cárcel ta eleneq-wi-pe richin chi xok-q'anej rey, o stape' ta xa pa meba'il eleneq-wi-pe richin chi xok-q'anej rey. 15Xentz'et k'a chi konojel ri winaqi' ri ek'o chuwech re ruwach'ulew kan kitzeqeliben k'a ri ala' ri xtok kan pa ruk'exel ri jun rey ri kan k'o-pe. 16Kan janila k'a chi winaqi' richin ri tinamit ri xetzeqeliben y kan man e ajlatel ta k'a. Man rik'in ri' ri winaqi' ri xkebek'ulun-pe ri chuwech-apo man xkekikot ta rik'in rija'. Ronojel re' xa kan q'axel k'a y xa man tikirel ta nawil ri nawajo'.
Kaqchikel Bible © Bible Society in Guatemala, 2003.