1 Crón 9
9
Ri winaqi' ri xetzolej pa Jerusalem
1Keri' toq konojel ri israelita xtz'ibatej kan ri kibi' chupan ri wuj kichin ri rey e richin Israel. Jak'a ri aj-Judá xe'uk'uex-el pa ruwach'ulew Babilonia, roma man xkiben ta ri nubij ri Jehová.
2Ri winaqi' israelita ri nabey xetzolin-pe pa taq kitinamit y pa taq kulew, jujun chike ri sacerdote, jujun chike ri e levita y jujun chike ri yesamej pa rachoch ri Dios.
3Y ek'o chuqa' chike ri e kijatzul kan ri Judá, ri Benjamín, ri Efraín y ri Manasés ri xetzolej chuqa' pa Jerusalem. 4Ri aj-raqen pa kiwi' ri aj pa rachoch ri rijatzul kan ri Fares ri ruk'ajol kan ri Judá ja ri Utai. Y rija' ruk'ajol ri Amihud, y ri Amihud ruk'ajol ri Omrí, y rija' ruk'ajol ri Imrí, y rija' ruk'ajol ri Baní, jun chike ri e rijatzul kan ri Judá. Y rije' xepe pa Jerusalem. 5Chike ri silonita ja ri Asaías e rachibilan-pe ri e ruk'ajol. 6Y chike ri e ralk'ual ri Zérah ri ruk'ajol kan ri Judá ja ri Jeuel y ri e rach'alal. Konojel k'a chi kach'alal-ki' ri xetzolin-pe e 690 tzobaj ri e rijatzul kan ri Judá.
7Y ri kaji' aj-raqen richin jujun chike ri e rijatzul kan ri Benjamín xetzolej-pe pa Babilonia richin xe'ok'oje' pa Jerusalem. Y jun chike rije' rubini'an Salú, ruk'ajol ri Mesulam y rumam ri Hodavías ruk'ajol ri Senúa. 8Y ri ch'aqa' chik aj-raqen kibini'an Ibneías ruk'ajol ri Jeroham; ri Elá ruk'ajol ri Uzí, ri Uzí ruk'ajol ri Micrí; y chuqa' ri Mesulam ruk'ajol ri Sefatías, ri Sefatías ruk'ajol ri Reuel, ruk'ajol ri Ibnías. 9Re achi'a' re' e aj-raqen pa kiwi' ri ek'o pa kachoch; y ri kajlabal ri tzobaj ri aj pa rachoch e 956, y konojel re' e rijatzul kan ri Benjamín.
10Y ri aj-raqen chike ri e sacerdote ri xetzolej-pe ek'o e waqi': Y ja ri Jedaías, ri Joiarib, ri Jaquín, ri Azarías, 11-12ri Adaías, y ri Masai. Re Azarías re' ruk'ajol ri Hilquías y rumam ri Mesulam, y ri Mesulam ruk'ajol ri Sadoc y rumam kan ri Meraiot, y ri Meraiot ruk'ajol kan ri Ahitub, y ri Ahitub aj-raqen pa ruwi' ri samaj ri k'o pa rachoch ri Dios. Ri Adaías ruk'ajol ri Jeroham y rumam ri Pashur, y ri Pashur ruk'ajol kan ri Malquías. Ri Masai ruk'ajol ri Adiel y rumam ri Jahzera, y ri Jahzera ruk'ajol ri Mesulam y rumam ri Mesilemit, y rija' ruk'ajol kan ri Imer. 13Konojel k'a ri e sacerdote e 1,760; y rije' e aj-raqen pa kiwi' ri ek'o pa kachoch ri kitata', y chuqa' e achi'a' ri kan k'o ketamabal richin yesamej pa rachoch ri Dios.
14Ek'o wuqu' aj-raqen pa kiwi' ri e levita ri xetzolej-pe pa Babilonia. Y ja ri Semaías ruk'ajol ri Hasub y rumam ri Azricam, ri Azricam ruk'ajol ri Hasabías ri eleneq-pe rik'in ri rijatzul ri Merarí; 15ri Bacbacar; ri Heres; ri Galal; ri Matanías ruk'ajol ri Micaías y rumam ri Zicrí, y ri Zicrí ruk'ajol ri Asaf; 16ri Abdías ruk'ajol kan ri Semaías y rumam kan ri jun chik Galal, y rija' ruk'ajol kan ri Jedutún; y ri Berequías ruk'ajol ri Asá y rumam ri Elcaná, y ri Elcaná xk'oje' pa ko'ol tinamit kichin ri netofatita.
17Ja kibi' re' ri xechajin ri ruchi' ri rachoch ri Jehová: Ja ri Salum, ri Acub, ri Talmón, ri Ahimán y ri kach'alal. Ri Salum ja rija' ri aj-raqen ri xk'oje' pa kiwi'. 18Y ja rije' ri xechajin ri ruchi' rubini'an Ri Akuchi Nok-apo ri Rey, ri k'o pa relebel-q'ij chire ri rachoch. Chikikojol ri e levita, ja rije' xechajin ri ruchi' ri rachoch ri Dios. 19Ri Salum ruk'ajol ri Coré y rumam ri Ebiasaf, y ri Ebiasaf ruk'ajol kan ri jun chik Coré. Ri Salum y ri e kach'alal kan ek'o pa ruwi' ri samaj ri nikichajij ruchi' ri rachoch ri Dios, achi'el xkiben ri kati't-kimama' rik'in ri rachoch ri Dios banon rik'in tzieq.
20Pa nabey ja ri Finees ri ruk'ajol kan ri Eleazar xok aj-raqen pa kiwi' ri yechajin ri ruchi' ri rachoch ri Dios, y kan ja ri Jehová xk'oje' rik'in. 21Y ri ruk'ajol ri Meselemías, rubini'an Zacarías, ja rija' ri nichajin ri ruchi' ri rachoch ri Dios banon rik'in tzieq.
22Ri kajlabal ri chajinela' ri' e 212. Y rije' tz'iban k'a kibi', kan achi'el ri kijatzul ri pa taq kitinamit. Ja ri rey David y ri Samuel ri nitz'eton ri peteneq, ri xecha'on kichin richin ri samaj ri'. 23Rije' y ri kik'ajol xkichajij ruchi' ri rachoch ri Jehová, ri nibix chuqa' chire ri rachoch banon rik'in tzieq, y kan chi sol chi sol ri keri' xkiben. 24Rije' nikichajij chi kaji' ruchi' ri rachoch ri Dios: Pa relebel-q'ij, pa qajbel-q'ij, pa xaman y pa xokon. 25Ri kach'alal ri ek'o pa kokoj tinamit ye'apon kik'in richin yebekito' chupan re samaj re', y kan chi sol chi sol nikiben wuqu' q'ij. 26Jak'a ri e kaji' levita ri nikichajij ri kaji' ruchi' ri rachoch ri Dios, ja rije' ri ek'o pa ruwi' re samaj re'. Chuqa' ri e kaji' ri' kan nikichajij ri jay ri akuchi k'o-wi ri beyomel y ri ch'aqa' chik jay ri e richin chuqa' ri rachoch ri Dios. 27Rije' nikiq'axaj ri aq'a' y kan nikisutij-rij ri rachoch ri Dios, roma ja rije' yechajin, y chuqa' ja rije' yejaqon ruchi' ronojel nimaq'a'. 28Ek'o chike rije' ya'on kan ri samajibel pa kiq'a' ri yekusex toq yesamajin chupan ri rachoch ri Dios; y k'o chi yekelesaj-pe y yekiyek y yekajlaj kan. 29Y ri ch'aqa' chik, yekichajij ch'aqa' chik samajibel ri e jachon chire ri Dios, y man xaxe ta ri'; chuqa' nikiyek ri k'ej, ri vino, ri aceite, ri pom y ri jalajoj ruwech jubulej taq aq'om. 30Jujun chike ri sacerdote yexolo ri jubulej taq aq'om. 31Y jun levita rubini'an Matatías, ri nimalaxel ruk'ajol ri Salum ri coreíta, ja rija' nibanon ponon kaxlan-wey richin ri sipanik. 32Jujun chike ri e coatita ri e rach'alal ri Salum, yebanon ri kaxlan-wey ri nik'oje' pa ruwi' ri mesa, ri nikiya-apo ronojel q'ij richin uxlanenri'il. 33Ek'o chuqa' bixanela' aj-raqen kichin ri aj pa kachoch ri ek'o chiri' chupan ri rachoch ri Dios, y man nikik'en ta re samaj re', roma kan k'o kisamaj chi paq'ij chi chaq'a'. 34Jare' ri e aj-raqen pa kiwi' ri aj pa kachoch ri e levita, y kan xtz'ibatej kan ri kibi', konojel rije' xek'oje' pa Jerusalem.
Ri rijatzul kan ri Saúl
(1 Crón 8:29-40)
35Pa tinamit Gabaón chiri' xk'oje-wi ri Jehiel, ri kitata' ri aj-Gabaón. Ri rixjayil xubini'aj Maacá. 36Jare' ri kibi' konojel ri e rijatzul ri Jehiel: Ri nabey ja ri Abdón, k'ari' ri Sur, ri Cis, ri Baal, ri Ner, ri Nadab, 37ri Guedor, ri Ahió, ri Zacarías*f5* 38y ri Miclot. Ri Miclot xralk'ualaj ri Simí, konojel rije' chuqa' xek'oje' pa Jerusalem junan kik'in ri kach'alal.
39Ri Ner xralk'ualaj ri Cis, ri Cis xralk'ualaj ri Saúl, ri Saúl xeralk'ualaj ri Jonatán, ri Malquisúa, ri Abinadab y ri Es-baal. 40Ri Jonatán xralk'ualaj ri Merib-baal, ri Merib-baal xralk'ualaj ri Micaías. 41Ri Micaías xeralk'ualaj ri Pitón, ri Mélec, ri Tarea y ri Acaz. 42Ri Acaz xralk'ualaj ri Jará, ri Jará xeralk'ualaj ri Alémet, ri Azmávet y ri Zimrí; y ri Zimrí xralk'ualaj ri Mosá. 43Ri Mosá xralk'ualaj ri Biná, ri Biná xralk'ualaj ri Refaías. Ri Refaías xralk'ualaj ri Elasá, ri Elasá xralk'ualaj ri Asel. 44Ri Asel xeralk'ualaj ri Azricam, ri Bocrú, ri Ismael, ri Searías, ri Abdías y ri Hanán.
Currently Selected:
1 Crón 9: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
