1 Crón 8
8
Ri e rijatzul kan ri Benjamín
1Ri Benjamín xek'oje' e wo'o' ruk'ajol: Ri Bela nabey ruk'ajol; ri ruka'n ja ri Asbel; ri rox ja ri Aharah; 2ri rukaj ja ri Nohá; ri ro' ja ri Rafá. 3Ri e ruk'ajol ri Bela ja ri Adar, ri Guerá, ri Abihud, 4ri Abisúa, ri Naamán, ri Ahóah, 5ri Guerá, ri Sefufán y ri Hiram.
6Ri e ruk'ajol ri Ehud e aj-raqen pa kiwi' ri ek'o pa kachoch ri rijatzul kan ri Benjamín, ri xek'oje' pa tinamit Gueba. Y ri winaqi' ri' xa xe'uk'uex-el pa Manáhat: 7Y jak'a ri Naamán, ri Ahías, ri Guerá, ri xe'uk'uan-el kichin chupan ri ruwach'ulew ri'. Ri Guerá xeralk'ualaj k'a ri Uzá, y ri Ahihud. 8Ri Saharaim xeralk'ualaj chik ch'aqa' ruk'ajol pa Moab, toq rujachon chik ri' kik'in ri e ka'i' rixjayil kibini'an Husim y Baará. 9Ri e ruk'ajol ri xeralk'ualaj rik'in ri rixjayil rubini'an Hodes ja ri Jobab, ri Sibiá, ri Mesá, ri Malcam, 10ri Jeús, ri Saquías y ri Mirmá. Jare' ri e aj-raqen pa kiwi' ri aj pa kachoch. 11Ri Saharaim xeralk'ualaj ch'aqa' chik ralk'ual rik'in ri rixjayil rubini'an Husim, y ja kibi' re': ri Abitub y ri Elpáal. 12Ri Elpáal xek'oje' k'a e oxi' ruk'ajol: Ja ri Éber, ri Misam y ri Sémed. Y rija' xerupaba-q'anej ri tinamit Onó y ri Lod, rik'in ri kokoj taq kitinamit. 13Y ri e ka'i' chik ruk'ajol ri Elpáal ja ri Beriá y ri Sema, y rije' e aj-raqen pa kiwi' ri aj pa kachoch ri xek'oje' pa tinamit Aialón, ri xe'oqotan-el ri e ojer taq achi'a', ri e aj-Gat. 14Y ri ch'aqa' chik kach'alal ri Beriá y ri Sema ja ri Sasac y ri Jeroham. 15-16Ri Beriá xek'oje' waqi' ruk'ajol, y ja kibi' re': Ri Zebadías, ri Arad, ri Ader, ri Micael, ri Ispá y ri Johá.
17Ch'aqa' chik ruk'ajol ri Elpáal ja ri Zebadías, ri Mesulam, ri Hizquí, ri Éber, 18ri Ismerai, ri Izlías y ri Jobab. 19-21Ri Simí xek'oje' beleje' ruk'ajol, y rije' jare': Ri Jaquim, ri Zicrí, ri Zabdí, ri Elienai, ri Siletai, ri Eliel, ri Adaías, ri Beraías y ri Simrat. 22-25Ri Sasac xek'oje' e julajuj ruk'ajol y ja kibi' re': Ri Ispán, ri Éber, ri Eliel, ri Abdón, ri Zicrí, ri Hanán, ri Hananías, ri Elam, ri Anatotías, ri Ifdaías y ri Peniel. 26-27Ri Jeroham xek'oje' waqi' ruk'ajol, y rije' jare': ri Samserai, ri Seharías, ri Atalías, ri Jaresías, ri Elías y ri Zicrí. 28Ja aj-raqen re' ri xek'oje' pa kiwi' ri aj pa kachoch y xek'oje' pa Jerusalem.
Ri e rijatzul kan ri Saúl
(1 Crón 9:35-44)
29Pa tinamit Gabaón chiri' xk'oje-wi ri Jehiel, ri kitata' ri aj-Gabaón. Ri rixjayil xubini'aj Maacá. 30Ja kibi' re', konojel ri e ruk'ajol ri Jehiel: Ri nabey ja ri Abdón, ri ch'aqa' chik ja ri Sur, ri Cis, ri Baal, ri Ner, ri Nadab, 31ri Guedor, ri Ahió, ri Zéquer 32y ri Miclot. Y ri Miclot xralk'ualaj ri Simí. Y konojel rije' chuqa' xek'oje' pa Jerusalem junan kik'in ri kach'alal.
33Ri Ner xralk'ualaj ri Cis, re Cis re' xralk'ualaj ri Saúl, re Saúl re' xeralk'ualaj ri Jonatán, ri Malquisúa, ri Abinadab y ri Es-baal. 34Ri Jonatán xralk'ualaj ri Merib-baal ri rutata' ri Micaías. 35Ri e ruk'ajol ri Micaías: Ja ri Pitón, ri Mélec, ri Tarea y ri Acaz. 36Ri Acaz xralk'ualaj ri Joadá, y re Joadá re' xralk'ualaj ri Alémet, ri Azmávet y ri Zimrí; re Zimrí re' rutata' ri Mosá. 37Ri Mosá xralk'ualaj ri Biná, re Biná re' rutata' ri Rafá, re Rafá re' rutata' ri Elasá, y re Elasá re' rutata' ri Asel.
38Jare' ri kibi' ri e waqi' ruk'ajol ri Asel: Ri Azricam, ri Bocrú, ri Ismael, ri Searías, ri Abdías y ri Hanán.
39Jare' ri kibi' ri e ruk'ajol ri Ésec ri rach'alal ri Asel: Ri nabey ja ri Ulam, ri ruka'n ja ri Jehús y ri rox ja ri Elifélet. 40Ri e ruk'ajol ri Ulam e aj-labal ri kan k'o kuchuq'a'. Rije' man jun xibinri'il chikiwech y janila yetikir nikik'eq ch'ab. Kan xek'oje' janila kalk'ual y kiy-kimam. Konojel rije' e 150 y e rijatzul kan ri Benjamín.
Currently Selected:
1 Crón 8: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
