ᓂᔓ ᑌᓴᓗᓂᔭᓇ 3
3
ᐋᔭᒥᐁᔅᑕᒪᐎᓈᓐ
1ᒫᒋᒡ, ᓂᒋᔖᓂᑐᒃ, ᐋᔭᒥᐁᔅᑕᒪᐎᓈᓐ, ᐅᑎᐯᓕᒋᑫᐤ ᐅᑦ ᐋᔭᒥᐎᓐ ᑭᒋ ᐱᒥᐸᑖᒪᑲᓂᓕᒃ, ᓀᔥᑕ ᑭᒋ ᑭᔅᑌᓕᒋᑳᑌᓕᒃ, ᑖᐱᔅᑯᒡ ᑭᓚᐗᐤ ᑳ ᐃᔑ ᐎᒉᐎᑯᐌᒃ; 2ᑭᒋ ᐅᒋ ᐎᑾᒋᐃᑲᐎᔦᒃ ᐁᑳ ᑳ ᓕᑆᑳᒋᒃ ᓀᔥᑕ ᑳ ᒪᒋᑣᒋᒃ ᐃᓕᓕᐗᒃ: ᐌᓴ ᓇᒪᐎᓚ ᒥᓯᐌ ᐃᓕᓕᐗᒃ ᐋᔭᐗᒃ ᑖᐺᔦᓕᑕᒧᐎᓂᓕᐤ᙮
3ᒫᑲ ᐅᑎᐯᓕᒋᑫᐤ ᑖᐺᐎᐤ, ᐊᓇ ᑫ ᐋᔨᒋᐃᑖᒃ, ᓀᔥᑕ ᑫ ᑲᓇᐌᓕᒥᑖᒃ ᑳ ᒫᓛᑕᒃ ᐅᒋ᙮ 4ᓂ ᒪᔥᑲᐎᐊᔅᐯᓕᒧᑐᑕᐙᓈᓐ ᒫᑲ ᐅᑎᐯᓕᑭᑫᐤ ᑭᓚᐗᐤ ᐅᒋ, ᐁ ᑐᑕᒣᒃ ᓀᔥᑕ ᑭᒋ ᑐᑕᒣᒃ ᐊᓂᐃ ᑫᒀᓇ ᑳ ᐃᑕᔓᒥᑖᑾᒃ᙮
5ᐅᑎᐯᓕᒋᑫᐤ ᒫᑲ ᑲᑕ ᑭᔅᑭᓄᑕᑕᐤ ᑭᑌᐃᐙᐗ ᑭᒋᒪᓂᑐ ᐅ ᓵᑭᐃᐌᐎᓂᒃ ᐃᔑ, ᓀᔥᑕ ᑭᒋ ᔑᐱᓚᐌᓯᐎ ᐯᐁᒃ ᙭᙮
ᒥᓯᐌ ᐊᐌᓇ ᑲᑕ ᐋᐸᑎᓯᐸᓐ ᑭᒋ ᐅᒌᔅᑕᒫᓱᑦ
6ᑭᑦ ᐃᑕᔓᒥᑎᓈᓐ ᒫᑲ, ᓂᒋᔖᓂᑐᒃ, ᐅᑦ ᐃᔑᓂᑳᓱᐎᓂᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᑭᒋ ᓇᑲᑌᒃ ᒥᓯᐌ ᑕᑐ ᐎᒋᔖᓂᒪᐤ ᐁᑳ ᒀᔭᔉ ᑳ ᐱᒧᑌᑦ, ᓀᔥᑕ ᐁᑳ ᑳ ᓄᔅᐱᓇᑕᒃ ᐊᓂᐁᓕᐤ ᑭᔅᑭᓄᐊᒫᑫᐎᓂᓕᐤ ᑳ ᑮ ᒥᓚᒃ᙮ 7ᐌᓴ ᑭᓚᐗᐤ ᑫᒋᐙᒃ ᑭ ᑭᔅᑫᓕᑌᓇᐗᐤ ᑫ ᐃᔑ ᓄᔅᐱᓇᔑᔮᑭᐸᓐ; ᐌᓴ ᓇᒪᐎᓚ ᓂ ᑮ ᒪᒑᑎᓯᓈᓐ ᐃᑕ ᑳ ᐃᑖᔦᒃ; 8ᓇᒪ ᓀᔥᑕ ᔐᔥᒀᑦ ᓂ ᑮ ᒧᐎᒫᓈᓇ ᐊᐌᓇ ᐅᑦ ᐊᓚᑯᓇᒪ; ᒫᑲ ᓂ ᑮ ᐋᐹᑎᓯᓈᓐ ᐁ ᐊᑑᔅᑫᔮᒃ ᓀᔥᑕ ᐁ ᑯᓯᑯᒪᒋᐅᔮᒃ, ᐁ ᑎᐱᔅᑳᒃ ᓀᔥᑕ ᐁ ᑭᔑᑳᒃ, ᐁᑳ ᑭᒋ ᐅᑎᓇᒫᒃ ᑭᑦ ᐋᔮᓂᐙᐗ: 9ᓇᒪᐎᓚ ᐁᑳ ᐁ ᐋᔮᔮᒃ ᑲᔥᑭᐅᐎᓐ; ᒫᑲ ᑭᒋ ᐃᔑᐃᑎᓱᔮᒃ ᐁ ᑭᔅᑭᓄᐗᐸᒥᔮᒃ ᑭᒋ ᓄᔅᐱᓇᔑᔮᒃ᙮ 10ᐌᓴ ᒣᒀᒡ ᑳ ᐎᒉᐎᑕᑾᒃ, ᐅᒪ ᑭ ᑮ ᐃᑕᔓᒥᑎᓈᓐ, ᑮᔥᐱᓐ ᐊᐌᓇ ᐁᑳ ᐁ ᐎ ᐊᑑᔅᑫᑦ, ᐁᑳ ᓀᔥᑕ ᑭᒋ ᒥᒋᓱᑦ᙮
11ᐌᓴ ᓂ ᐯᑌᓈᓐ ᐋᑎᑦ ᐁ ᐃᑕᔑᔦᒃ ᐁᑳ ᒀᔭᔉ ᑳ ᐱᒧᑌᒋᒃ, ᐁᑳ ᒥᑐᓂ ᐁ ᐊᑑᑫᒋᒃ, ᒫᑲ ᐱᑯ ᐁ ᑭᐅᑫᔅᑭᒋᒃ᙮ 12ᐊᓂᑭ ᒫᑲ ᐁᑯ ᑐᐎ ᓂᑦ ᐃᑕᔓᒫᓈᓇᒃ ᓀᔥᑕ ᓂ ᔑᑭᒫᓈᓇᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᒋ, ᑳᔮᒣᐎᓯᐎᓂᒃ ᑭᒋ ᐊᑑᔅᑫᒋᒃ ᓀᔥᑕ ᑭᒋ ᒥᒋᒋᒃ ᑎᐱᓚᐌ ᐅ ᒥᒋᒥᒥᐗᐤ᙮
13ᒫᑲ ᑭᓚᐗᐤ, ᓂᒋᔖᓂᑐᒃ, ᐁᑳᐎᓚ ᐋᔦᔅᑯᓯᒃ ᐁ ᒥᓗᑐᑕᒣᒃ᙮ 14ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐁᑳ ᓇᓇᐃᑕᑫ ᓂᑦ ᐋᔭᒥᐎᓂᓈᓐ ᐅᒪ ᒪᓯᓇᐃᑫᐎᓂᒃ, ᒪᓯᓇᐅᒃ ᐊᓇ ᐃᓕᓕᐤ, ᐁᑳᐎᓚ ᓀᔥᑕ ᐎᒉᐎᒃ, ᑭᒋ ᓇᓀᐯᐎᓯᑦ᙮ 15ᐁᓕᐌᒃ ᒫᑲ ᐁᑳᐎᓚ ᐃᑕᑭᒥᒃ ᐁ ᐸᒀᑌᒃ, ᒫᑲ ᑲᑫᔅᑭᒥᒃ ᑖᐱᔅᑯᒡ ᐎᒋᔖᓂᒪᐤ᙮
ᒫᒋᒡ ᐊᔭᒥᐎᓇ
16ᐁᑯ ᑌᐯᓕᑕᒃ ᑳᔮᒣᓕᑕᒧᐎᓂᓕᐤ ᑫᒋᐙᒃ ᒧᔕᒃ ᑭ ᑳ ᐎ ᒥᓕᑯᐗᐤ ᑳᔮᒣᓕᑕᒧᐎᓂᓕᐤ ᒥᓯᐌ ᐃᔑ᙮ ᐅᑎᐯᓕᒋᑫᐤ ᒥᓯᐌ ᐁ ᐃᑕᔑᔦᒃ ᑭ ᑳ ᐎ ᐎᒉᐎᑯᐗᐤ᙮
17ᓂᓚ ᐹᓪ ᓂᑦ ᐊᑕᒥᔅᑳᑫᐎᓐ ᑎᐱᓚᐌ ᓂᒋᒌᒃ ᐅᒋ, ᐁᐗᑯ ᑳ ᑭᔅᑭᓄᐙᒋᒋᑳᑌᒃ ᒥᓯᐌ ᒪᓯᓇᐃᑫᐎᓂᒃ; ᐁᑯ ᐃᔑ ᒪᓯᓇᐃᑫᔮᓐ᙮
18ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᒥᓯᐌ ᐁ ᐃᑕᔑᔦᒃ ᑭ ᑳ ᐎ ᐎᒉᐎᑯᐙᓇᐙᐤ᙮ ᐁᒣᓐ᙮
Currently Selected:
ᓂᔓ ᑌᓴᓗᓂᔭᓇ 3: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.