ᓂᔥᑕᒻ ᑎᒧᑎ 4
4
ᓇᔅᐹᒋ ᑭᔅᑭᓄᐊᒫᑫᐗᒃ
1ᐊᒑᒃ ᒫᑲ ᐸᔭᑌ ᐃᑗᐤ, ᒫᒋᒡ ᐊᑎ ᑳ ᑭᔑᑳᑭ ᐋᑎᑦ ᑲᑕ ᓇᑲᑕᒶᒃ ᑖᐺᔦᓕᑕᒧᐎᓂᓕᐤ, ᐁ ᐱᔑᒋᐋᒋᒃ ᑲᑳᔦᓕᓯᐃᐌᐎ ᐊᒑᑾ, ᓀᔥᑕ ᐅ ᑭᔅᑭᓄᐊᒫᑫᐎᓂᓕᐤ ᒪᒋᒪᓂᑐᐗ; 2ᐁ ᑭᓛᔅᑭᒋᒃ ᐋᔭᒥᐁᑳᓱᐎᓂᒃ; ᐅ ᒥᑐᓀᓕᒋᑲᓂᐗᐤ ᐁ ᐃᔅᒀᓴᒧᑦ ᐁ ᑭᓵᐱᔅᑭᑌᓕᒃ ᐱᐙᐱᔉ ᐅᒋ; 3ᐁ ᑭᑕᐊᒫᑫᒋᒃ ᑭᒋ ᐎᑭᑐᓈᓂᐗᒃ, ᓀᔥᑕ ᐁ ᔑᑭᑫᒧᒋᒃ ᐁᑳ ᑭᒋ ᒥᒋᓈᓂᐗᑭ ᒥᒋᒪ, ᑭᒋᒪᓂᑐ ᑳ ᑮ ᐅᔑᑖᑦ ᓇᓈᔅᑯᒧᐎᓂᒃ ᑭᒋ ᐅᑎᓇᑭᒃ ᐊᓂᑭ ᑳ ᑖᐺᑕᑭᒃ ᓀᔥᑕ ᑳ ᑭᔅᑫᓕᑕᑭᒃ ᑖᐺᐎᓂᓕᐤ᙮ 4ᐌᓴ ᒥᓯᐌ ᑕᑐ ᐅᑦ ᐅᔑᑖᑲᓐ ᑭᒋᒪᓂᑐ ᒥᓨᔑᓂᓕᐤ, ᓇᒪ ᒫᑲ ᑲᑕ ᐋᑕᐌᓕᒋᑳᑌᓕᐤ, ᑮᔥᐱᓐ ᓇᓈᔅᑯᒧᐎᓂᒃ ᐃᔑ ᐅᑎᓂᑳᑌᓕᒃ: 5ᐌᓴ ᐹᔦᑭᑖᓂᐗᓐ ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᓀᔥᑕ ᐋᔭᒥᐋᐎᓐ᙮
ᒥᓗ ᐊᑑᔅᑫᓛᑲᓐ ᒋᓴᔅ ᙭ ᐅᒋ
6ᑮᔥᐱᓐ ᐅᐅ ᑭᔅᑭᓯᑐᑕᒥᐊᑡᐌ ᐎᒋᔖᓂᒪᐗᒃ, ᑭ ᑳ ᒥᓗ ᐋᔭᒥᐊᐎ ᐊᑑᔅᑫᓛᑲᓂᒥᒥᒃ ᒋᓴᔅ ᙭, ᐁ ᐅᐱᑭᔭᓐ ᑖᐺᔦᓕᑕᒧᐎᓂ ᐋᔭᒥᐎᓂᒃ ᓀᔥᑕ ᒥᓗ ᑭᔅᑭᓄᐊᒫᑫᐎᓂᒃ, ᐁᐗᑯ ᑳ ᑮ ᓄᔅᐱᓈᑕᒪᓐ᙮ 7ᒫᑲ ᐋᑕᐌᓕᑕ ᐸᑾᓐᑕᐤ ᓀᔥᑕ ᓄᑐᑫᐗᒃ ᐅᑦ ᐊᑕᓗᑳᓂᐗᐗ, ᓀᔥᑕ ᒪᓂᑐᐙᑎᓯᐎᓂᒃ ᐃᔑ ᐊᑑᔅᑫᐃᑎᓱ᙮ 8ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮ 9ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ᙮ 10ᐌᓴ ᐁᐗᑯ ᐌᒋ ᑖᐱᔅᑯᒡ ᐊᑑᔅᑫᔭᒃ ᓀᔥᑕ ᒫᓓᓕᒥᑲᐎᔭᒃ, ᐁ ᐊᔅᐯᓕᒧᑐᑕᐗᒃ ᐯᒫᑎᓰᑦ ᑭᒋᒪᓂᑐ, ᑳ ᐱᒫᒋᐋᑦ ᒥᓯᐌ ᐃᓕᓕᐗ, ᐅᓵᒻ ᐊᓂᐃ ᑳ ᑖᐺᔦᓕᑕᒥᓕᒋ᙮
11ᐅᐅ ᑫᒀᓇ ᐃᑕᔓᐌ ᓀᔥᑕ ᑭᔅᑭᓄᐊᒫᑫ᙮ 12ᐁᑯᔑ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ ᐁ ᐅᔥᑭᓂᑭᔭᓐ; ᒫᑲ ᐁᑯᔑ ᑭ ᑳ ᑭᔅᑭᓄᐙᐸᒥᑾᒃ ᐊᓂᑭ ᑳ ᑖᐺᔦᓕᑕᑭᒃ, ᐋᔭᒥᐎᓂᒃ, ᐊᔭᒥᐃᑐᐎᓂᒃ, ᓵᑭᐃᐌᐎᓂᒃ, ᐊᒑᑯᐎᓂᒃ, ᑖᐺᔦᓕᑕᒧᐎᓂᒃ, ᐸᓓᑭᓯᐎᓂᒃ᙮ 13ᐃᓕᑯᒃ ᑫ ᑕᑯᔑᓈᓐ, ᒧᔕᒃ ᐋᔭᒥᒋᑫ, ᔑᑭᒥᐌ, ᑲᑫᔅᑭᒥᐌ᙮ 14ᐁᑳᐎᓚ ᐋᒋᔅᑕᐌᓕᑕ ᐊᓂᒪ ᒥᓕᐌᐎᓐ ᑳ ᐱᒋᔅᑳᑯᔭᓐ, ᑳ ᑮ ᒥᓕᑲᐎᔭᓐ ᑭᔅᑭᐙᐃᑫᐎᓐ ᐅᒋ, ᓀᔥᑕ ᐁ ᑮ ᐃᑖᔅᑖᓂᐗᓂᓕᑭ ᐅᒋᒋᐙᐗ ᒫᒪᐎ ᑳ ᓂᑳᓀᓕᑖᑯᓯᒋᒃ᙮ 15ᒫᒥᑐᓀᓕᑕ ᐅᐅ ᑫᒀᓇ; ᒥᑐᓂ ᐸᑭᑎᓂᑎᓱᔅᑕ; ᑭ ᑭᔅᑖᐸᑎᓯᐎᓐ ᒥᓯᐌ ᑭᒋ ᐙᐸᑕᑭᒃ᙮ 16ᔮᒀᒥᓯᔅᑕᒫᓱ, ᓀᔥᑕ ᑭ ᑭᔅᑭᓄᐊᒫᑫᐎᓐ: ᑕᑭ ᓄᒋᑖ: ᐌᓴ ᐅᒪ ᐁ ᑐᑕᒪᓐ ᑖᐱᔅᑯᒡ ᑭ ᑳ ᐱᒫᒋᐃᑎᓱᓐ ᐊᓂᑭ ᓀᔥᑕ ᑳ ᓇᑐᑖᔅᑭᒃ᙮
Currently Selected:
ᓂᔥᑕᒻ ᑎᒧᑎ 4: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.