Tit 2
2
Ga'me jo'ne 'noota ta'le qodapaĝaguenataĝanec
1Da'me am qamqa'me 'noota ta'le nach'eda a'uaĝatetac da'me yataqatelegue 'naqataĝanaĝac.
2Gaa'me 'yaĝaicachidi 'noota qom ja quejaĝayaqa, 'uo da'me nauategaĝa'j nataq'aen joĝodayaqa, nataq'aen 'noota qom yataqachiñe p'iida'a da'me yataqatelegue napaĝaguenataĝanaĝac, 'noota qom noqopitalo jogaa'me laqaya'olqa, nataq'aen naloteguet ta'le napogaĝadenegueta joda'me lachoĝodeco.
3Nach'e naq'aete' gaa'me 'yaĝainadi' 'noota qom yataqatelegue da'me 'loyaĝa'j, nataq'aen ja quejaĝail, uotaĝa ta'le lataĝa lete'. 'Noota qom yauote da'me onaĝaic qaedi qoyadenaĝa't 4nataq'aen yapaĝague'n gaa'me q'añolel qaedi noqopitalo jogaa'me loua' choqogaa'me c'oqo'tolqa, 5nataq'aen qaedi joĝodail da'me 'loyaĝa'j, nedo'ta'ajalo, neteleta ga'me 'lachaqa't, choĝodenataĝanaĝail, nataq'aen naeda'ac ta'le uatec'alo jogaa'me loua', qaedi ja qoye'uetac da'me 'laqataĝanaĝac joñe'me Dios.
6Nataq'aen 'noota qom a'uañaqate'tape jogaa'me joĝodipi qaedi joĝodayaqa da'me 'loyaĝa'j, 7nataq'aen nach'e eta't aua'uo da'me 'noota qaedi am yadenaĝa't jogaa'me. 'Noota qom qaya'te lale'gue da'me adapaĝaguenataĝanaĝac, nataq'aen yachimaqachiñe, 8nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.
9Auapaĝagueneque jogaa'me nelataqa qaedi naeda'ac ta'le yoqocha'alo jogaa'me ladi'p; 'noota ta'le qopitaĝanaqataqayaqa nataq'aen ja ataĝayaqa. 10'Noota qom ja decachiyoto, dite da'me yaloĝo'n queda'me yataqachiñe eja yalemaqate'. Nach'e naq'aeta yema ga'me yauote qoyauanalo queda'me yataqachiñe 'noota da'me napaĝaguenataĝanaĝac 'me chiyoĝogue joñe'me Dios mach'e Qadec'alaĝaiqui.
11Naq'aeta da'me auapaĝagueneque ena'uaque joga'me p'etaqadaiquipi, qa'a joote yaloĝon da'me lichoĝodenataĝanaĝac joñe'me Dios, nach'eda ja qalaĝa q'aen da'me lec'alaĝa'j ena'uaque joga'me jiyaĝadipi. 12Dios qo'mi yapaĝagueneque da'me dojo' nichoĝodenataĝanaĝac qaedi janajoĝodiñe da'me je'etaq ga'me jo'ne Dios daqaeca'alo, nataq'aen ja yitaĝa jeloqotapiye daa'me lamaico jena'me aleua, dite da'me qom cha'li jouaqa'ta jena'me aleua qama'le 'noota qom qo'mi joĝodayaqa, qo'mi chimaqachidiñe nataq'aen jauoqo ga'me jo'ne Dios yepaquetapega. 13'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui. 14Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.
15'Noota qom nach'eda auapaĝaguenataĝanec da'me dojo', a'uañaqataĝan nataq'aen 'noota qom 'uo da'me adañoqotaĝanaĝac 'me chiyaqayi joñe'me Dios nale avicochaqataĝanec ga'me qoyejamaĝatalegue. 'Noota qom qaya'te gamachaqaega ta'le am 'yotatac.
Currently Selected:
Tit 2: TSN
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina