Mateus 27
27
Sira Entrega Jesus Ba Pilatos
1Bainhira dadeer ona, xefi saserdote sira hotu no povu nia katuas sira hotu koalia hamutuk hodi foo kastigu mate ba Jesus. 2No sira kesi Nia, no lori Nia sai, no entrega Nia ba governadór Pilatos.
Judas Oho Aan
3Bainhira Judas, nebee faan ona Jesus, haree katak sira kondena Jesus, nia arepende. Nia lori fali osan mutin tolu-nulu nee ba xefi saserdote no katuas sira. 4Nia dehan, “Hau halo sala tanba hau faan raan inosenti.” No sira dehan, “Saida mak nee ba ami? Ida nee mak o nia problema.” 5Entaun nia soe osan mutin nee ba Templu laran, no sai ba. Depois nia baa tara aan. 6Xefi saserdote sira foti osan mutin nee, no sira dehan, “Tuir lei, ita la bele hatama osan nee ba tezourária#27:6 Fatin nebee rai osan. Sira iha tezourária iha Templu fatin hodi rai osan nebee ema foo ba Maromak. tanba osan nee mak folin raan nian.” 7Entaun sira koalia hamutuk, no uza osan nee hodi sosa toos hosi badaen rai mean hodi hakoi ema estranjeiru iha nebaa. 8Nunee ema hanaran toos nee Toos Raan Nian too ohin loron. 9Ida nee kumpri liafuan hosi profeta Jeremias, nebee dehan nanis ona, “Sira foti osan mutin tolu-nulu. Nee mak Ninia folin, nebee ema Israel desidi ona kona ba Nia. 10No sira foo osan nee hodi sosa rai hosi badaen rai mean, tuir Nai nia orden ba hau.”#27:9-10 Haree Zakarias 11:13.
Jesus Hasoru Pilatos
11 # 27:11-14 Haree Marcos 15:1-5, Lucas 23:1-3 no João 18:28-38. Jesus hamriik iha governadór nia oin. Governadór nee husu ba Nia, “O mak ema Judeu nia liurai ka?” Jesus dehan ba nia, “Ita rasik mak hatete nunee.” 12Bainhira xefi saserdote no katuas sira akuza Jesus, Nia la hataan buat ida. 13Entaun Pilatos dehan ba Nia, “O la rona liafuan barak nebee sira koalia hasoru O ka?” 14Nia la hataan no la koalia liafuan ida ba Pilatos. Nunee governadór admira.
Ema Hili Barabas
15 # 27:15-26 Haree Marcos 15:6-15, Lucas 23:18-24 no João 18:39-4, 19:16. Baibain iha festa nee, governadór husik livre ema dadur ida nebee ema lubun hili. 16No sira iha ema dadur ida, naran Barabás, nebee naran boot. 17Nunee bainhira sira halibur hamutuk, Pilatos husu ba sira, “Imi hakarak hau husik ida nebee ba imi? Barabás ka Jesus nebee ema bolu Kristu?” 18Pilatos hatene katak sira entrega Jesus ba nia tanba sira laran moras. 19Liu tan nee, bainhira Pilatos tuur iha kadeira tesi lia nian, ninia feen haruka lia menon ba nia, “Keta halo buat ida ba Ema Loos nee. Tanba ohin hau hetan terus boot tebes tanba mehi ida kona ba Nia.” 20Maibee xefi saserdote sira no katuas sira soran ema lubun boot hodi husu Barabás no halakon Jesus. 21Governadór dehan ba sira, “Hosi ema nain rua nee, imi hakarak hau husik ida nebee ba imi?” Sira dehan, “Barabás.” 22Pilatos dehan ba sira, “Entaun hau sei halo saida ho Jesus nebee ema bolu Kristu?” Sira hotu hataan ba nia, “Prega Nia ba krús!” 23Governadór dehan, “Tanba saa? Nia halo aat saida?” Maibee sira hakilar makaas liu tan, “Prega Nia ba krús!”
24Pilatos haree katak nia la bele halo buat ida no ema lubun nee komesa hakilar makaas liu tan. Entaun nia foti bee no fasi ninia liman iha ema lubun nia oin, no dehan, “Hau la iha sala kona ba Ema nee nia raan. Buat ida nee mak imi nian.”#27:24 Gregu dehan, ‘Imi rasik mak haree ba ida nee.’ 25Povu hotu hataan, no dehan, “Husik Ninia raan monu ba ami, no ami nia oan sira.” 26Entaun Pilatos husik Barabás ba sira. No nia haruka ema baku Jesus ho sikote.#27:26 Baku ho sikote nee mak kastigu Roma nian nebee sira uza sikote ho talin balu nebee sira kesi besi no ruin kroat. Sikote nee sona no lees kulit hosi ema kastigu nee. Ema bele mate deit hosi kastigu todan ida nee. Depois nia entrega Jesus hodi ema prega Nia ba krús.
Soldadu Sira Hamoe Jesus
27 # 27:27-31 Haree Marcos 15:16-20 no João 19:2-3. Governadór nia soldadu sira lori Jesus ba Governadór nia postu#27:27 Gregu ‘praetoria’; Governadór hela iha uma boot nee nebee iha kampu no soldadu sira nia hela fatin. Haree Apostolu 23:35 no Filipe 1:13. no halibur tropas hotu hodi haleu Nia. 28Sira kolu ropa hosi Nia no tau manta mean ba Nia. 29Sira bobar ai tarak hodi halo koroa ida no tau iha Ninia ulun. Depois sira tau fafulu kain ida iha Ninia liman loos. No sira hakneak iha Nia oin hodi hamoe Nia, no dehan, “Viva,#27:29 Gregu ‘kairo’ katak ‘haksolok ba’. Liurai ema Judeu nian!” 30No sira tafui ba Nia, no foti fafulu kain nee no baku Ninia ulun. 31Bainhira sira hamoe tiha Nia, sira kolu fali manta nee hosi Nia, no foo hatais fali Nia ho Ninia ropa rasik. Depois sira lori Nia sai atu prega Nia ba krús.
Sira Prega Jesus Ba Krús
32 # 27:32-51 Haree Marcos 15:21-38, Lucas 23:26-46, no João 19:17-30. No bainhira sira lao sai dadaun, sira hetan mane ida hosi Sirene, naran Simão. No sira obriga mane nee atu lori Jesus nia krús. 33No bainhira sira too iha fatin ida naran Golgota (katak ‘Fatin Ulun Ruin’), 34sira foo ba Nia tua siin nebee kahur ho buat moruk#27:34 Haree Marcos 15:23 nebee dehan ‘tua uvas kahur ho mina mira’ nebee ema uza hodi hatuun moras. Haree mos Salmu 69:21. hodi Nia hemu. Maibee bainhira Nia koko tiha, Nia lakohi hemu. 35Depois sira prega Nia ba krús. No sira dada rifa hodi fahe Ninia ropa.#27:35 Ida nee kumpri profesia iha Salmu 22:18. 36Depois sira tuur hodi hein Nia. 37Sira tau avizu iha Ninia ulun leten nebee akuza Nia, “Nee mak Jesus, ema Judeu nia liurai.” 38Sira prega naok-teen nain rua ba krús ho Jesus. Ida iha Nia liman loos no ida seluk iha Nia liman karuk. 39Ema sira nebee lao liu fatin nee goza Nia. Sira doko sira nia ulun, 40no dehan, “O nebee bele harahun Templu, no harii fali iha loron tolu nia laran, salva O nia aan ba! Se O mak Maromak nia Oan, tuun mai hosi krús.” 41Hanesan nee mos xefi saserdote sira, ho eskriba no katuas sira, hamoe Nia, no dehan, 42“Nia salva ona ema seluk, maibee Nia la bele salva Nia aan rasik! Se Nia mak Liurai Israel nian, husik Nia tuun lai hosi krús, no ita sei fiar Nia. 43Nia fiar ba Maromak; entaun se Maromak hakarak Nia, husik Maromak salva Nia agora. Tanba Nia dehan, ‘Hau mak Maromak nia Oan.’” 44Naok-teen sira mos, nebee iha krús ho Nia, hatete hanesan hodi goza Nia.
Jesus Mate
45Hahuu hosi meiudia, nakukun taka rai tomak too tuku tolu lokraik. 46Iha tuku tolu lokraik, Jesus hakilar ho lian makaas, no dehan, “Eli, Eli, lama sabaktani?”#27:46 Lian Aramaiku nebee dehan, ‘Hau nia Maromak, Hau nia Maromak, tanba saa mak O husik Hau mesak?’ Hosi Salmu 22:1. Ida nee katak, ‘Hau nia Maromak, Hau nia Maromak, tanba saa mak O husik Hau?’ 47Bainhira sira rona tiha nunee, ema balu nebee hamriik iha nebaa dehan, “Mane ida nee bolu Elias.” 48Depois ema sira nee ida halai kedas, no foti esponza ida, habokon iha tua siin no tau iha fafulu kain ida hodi foo hemu ba Jesus. 49Ema sira seluk nee dehan, “Husik ba. Ita haree took, se Elias mai atu salva Nia ka lae.” 50Depois Jesus hakilar fali ho lian makaas, no Nia husik Ninia espíritu.#27:50 Nee katak Jesus iis kotu no Nia mate. 51No tebes, Templu nia veo naklees fahe ba rua hosi leten too kraik. Rai nakdoko no fatuk nakfera. 52Rate sira nakloke no ema santu barak nia mate isin moris hias. 53Tuir mai, bainhira Jesus moris hias ona, sira sai hosi rate no tama sidade santu, no hatudu aan ba ema barak. 54#27:54-56 Haree Marcos 15:39-41, Lucas 23:47-49.Bainhira komandante ho sira seluk nebee hein Jesus haree rai nakdoko no buat sira nebee akontese, sira tauk tebes no dehan, “Tebes, ema ida nee mak Maromak nia Oan duni.”
55No mos feto barak nebee lao tuir Jesus hosi Galileia hodi serví Nia hamriik dook hela. 56Iha sira nia leet mak Maria Madalena, no Maria nebee Tiago no José nia inan,#27:56 Haree Mateus 13:55 no João 19:25. no Zebedeu nia oan sira nia inan.
Sira Hakoi Jesus
57 # 27:57-61 Marcos 15:42-47, Lucas 23:50-56 no João 19:38-42. Bainhira rai nakaras ona, ema riku ida mai. Nia ema Arimateia, naran José. Nia mos Jesus nia eskolante ida. 58Nia baa Pilatos no husu Jesus nia mate isin. Entaun Pilatos haruka sira foo mate isin nee ba nia. 59No bainhira José foti Jesus nia mate isin, nia falun ho hena linhu nebee moos. 60Nia rai mate isin nee iha ninia rate foun nebee nia kee ona hosi fatuk. Nia duir fatuk boot ida hodi taka rate nia odamatan, depois nia sai ba. 61Maibee Maria Madalena no Maria ida seluk tuur iha rate nia oin.
Guarda Iha Rate
62Loron tuir mai, nebee liu tiha loron Preparasaun, xefi saserdote sira no Farizeu sira baa hamutuk hodi hasoru Pilatos. 63No sira dehan, “Senhor, ami hanoin hetan lohi door nee nia liafuan bainhira Nia sei moris hela. Nia dehan, ‘Liu tiha loron tolu Hau sei moris hias.’ 64Entaun haruka ema taka metin rate nee too loron tolu atu nunee Ninia eskolante sira la mai no naok Ninia mate isin. Depois sira sei dehan ba povu nee, ‘Nia moris hias ona hosi mate,’ no lia bosok ikus nee sei sai aat liu fali uluk nian.” 65Pilatos dehan ba sira, “Imi bele baa ho guarda ida. Baa deit no taka metin tuir imi nia hakarak.”
66Entaun sira baa no hametin rate nee. Sira taka fatuk ho selo#27:66 Sira taka kuak ho fatuk boot, depois taka fatuk nee ho rai liat ka lilin been hodi hanehan karimbu. Ida nee foo sinál ba ema atu la bele loke too hetan lisensa. no tau guarda hodi hein iha nebaa.
Currently Selected:
Mateus 27: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.