Lute 3
3
Lute walutisa butsuku ha miilu mya Boodze
1Nahomi waleele kuri Lute ti : « Mwaana waami, buri me nyihele kusakila ye, kibeendu kya mpuumunu, mpisi ye ba mu bubwe ? 2Boodze, waheeri ye miswa mu kusala na bisari byaandi byabakyeetu, nde kari mudzika beetu ko ? Butsuku bumabu, nde bele#3.2 Mbasi yiri kibeendu ki batuutaana orenge, mu kuyusula bimbutu munsa bitiiti. kakweetolo ku nseke yaandi. 3Yoolo maampa, sa mananasi, tumi lwaata kiyuungu kyaaku na kulumuka ha mbasi yi batuuta bele. Ngo yaa yabikina kuri nde ko, natee kukamana nde kudya na kunwa. 4Mu ntaangu yi kakweende kuneŋene, ye sa yaaba kibeendu kikaweende kuneŋene. Tumi sa weende na yalila miilu#3.4 Kuneŋene ku miilu kutiiri kuleele ti Lute wusaka wu mukeembe, kumono v. 9. Wusaka makweele, mu Kihebereho kusaka kuneŋene na wamubakala. myaandi na neŋene haho. Nde sa kakuleele mawuyirika. » 5Lute wamubvutula ti : « Me beeri nyirikiri momanso maleeriri ye kuri me. »
6Nde wakulumuka natee ku nseke na wayirika na deredee mamutumini buko bwaandi. 7Boodze wadya, wanwa, wamono kiminu kunsa mutima. Nde wayende kweneŋene ha teke mudzuku biko#3.7 Boodze waneŋene ku mpele kikuuku kya bimbutu mu kukikebe mu butsuku.. Lute wayende mu mansweemunu, wayalila miilu mya Boodze, na waneŋene haho.
8Mu kakati dya butsuku, Boodze wapamuka na wasyeeteke : Mukyeetu waneŋene ha miilu myaandi ! 9Nde waleele ti : Ye na ? Nde wabvutula ti : Me Lute, kisari kyaaku. Fukila me heengu dya kinkutu kyaaku ; bukuri ye wuri mukuuri#3.9 Kinati kya ngaa kaanda : Kumono 2.20 na myatina.. 10Nde wabikisa ti : « Ba wasakumuna kuri Yaave, mwaana waami ! Kidiimbu kya nkwikumunu ki kibvuri ti na kyatete, bukuri ye wahele kweende ha lumbisa lwa bituuti byababakala, bawelu bunu pele bisina. 11Ngo mu lu mwaana waami, yaa ba na boomo ko ! Momanso ma wuleele ye kuri me, me sa nyakuyirikila mo, bukuri baatu ba me bobanso bayaari ti ye wuri mukyeetu wantalu. 12Na mu lu, ti hayuku diri dyangwana ti, me nyiri na miswa mya kukuula ye, ngo kuri mukimi wubvuri nkati-nsi ti na me. 13Lutisa butsuku bu ha. Mu kipari, mbuti nde tiiri kukukuula, lo bwabubwete kakukuula ; ngo mbuti nde wahele kutya kukukuula, tumi me nyikukuula, mu Yaave wamwooyo ! Neŋene kwaaku natee ha kipari. »
14Lute waneŋene ku miilu mya Boodze natee mu minkya na wasiimbuka mu kilookolo kiri baatu, lo bakiri kweyabisina pe. Boodze watsima ti, yaa bayaaba ko ti mukyeetu wunde wiisiryee kuneŋene ku nseke. 15Boodze waleele kuri Lute : « Taamba kiyuungu kyaaku kiwuri walwaata ; Kwaata kyo kwakubwe. » Nde se wakwaata kyo kwakubwe. Boodze wadiimba byeeke bisaamunu bya bele na wamutwiika byo ; ha mambisa nde wakoto ku bvula#3.15 Wabvutuka : Mbangukulu yantama na myatina mu Kihebereho, nde wabvutuka. Biteesu bisaamunu : Bahele kutswiikisa biteesu. Ngo kusoongo ti byalaka byaba.. 16Lute wabvutuka kuri buko bwaandi, na nde wamufuula ti : « Buri miyookiri, mwaana waami ? »
Lute wamuyaabisa momanso mamuyirikiri wamubakala. 17Nde mpeeryee byeeke bisaamunu bya bele na kundeele ti : « Yaa bvutuka myooko myamukangala kuri buko bwaaku ko. » 18Nahomi wamuleele ti : « Mwaana me, dzuuna natee ye wakiri kuyaaba buwiila musamu wu. Bukuri wamubakala kaba na kidzuunu ko, mbuti nde wahele kumana musamu wu loolo di. »
Currently Selected:
Lute 3: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024