Lute 2
2
Lute wukwekoro bele ku nseke Boodze
1Nahomi waba na muutu mu kibari kya kaanda dya mulumi waandi. Muutu wuri na mpinu na busina mu kaanda dya Elimeleke, nkuumbu yaandi Boodze.
2Lute wa ku Mohabi waleele kuri Nahomi ti : « Me nyikuyingukiri, mpa miswa me nyeende ku manseke mu kweekoro bele ha mambisa ma wunde wumwiina ngebe#2.2 Bawele baba na miswa mya kutolaana bimbutu biri kwesiisa batori, kumono Ltg 19.9-10 ; Ngi 24.19-21.. » Nde wamubvutula : « Mwaana waami, yende. »
3Nde wayende kweekoro ku nseke, ha mambisa ma batori. Nde wabaka bweese, mu kwekoro mu nseke ya Boodze, mosi wa mu kaanda dya Elimeleke. 4Boodze wafumini ku Beteleemi, waleele kuri batori ti : « Yaave kaba na beenu ! » Bo bamubvutula ti : « Yaave kakusakumuna ! » 5Boodze wafuula kuri kisari kyaandi kitumaa batori ti : « Mukyeetu wantuumba wu wa na ? » 6Kisari kyaandi kitumaa batori wabvutula ti : « Nde ntuumba ya ku Mohabi wayusikiri bo na Nahomi ku nkoonsi ya Mohabi. 7Nde waleele ti : Me nyikuyiingikiri, me ntiiri kwekoro na kwetolo minsengele ha kakati dya biko ha mambisa ma batori. Ngo kuholosono kipari, natee mu lu, nde wuri ha, ku nzo, mwa kwantele keensyee kuwuuma.» 8Boodze waleele kuri Lute ti : « Mwaana me, wuyuka ? Yaa weekoro ku nseke yikimi ko ; yaa tatuka la na hamaha ko. Ngo kaangama na bisari bya me byabakyeetu. 9Munsa nseke, ye kumono mu bakwetolo bo, na yende webanama ha mambisa. Me ndeerirye kuri bisari byaami byababakala, yaa bakubelemene ko. Wubakaa mpwiisu, lo ye kweende hari mayuku, mpisi nwa maampa matekiryee bisari byaami. » 10Lute watsukuma, wayilimisa busu ha nsi, waleele kuri nde ti : « Buri me ntaamburi bweese ku wuri ye, mu kuyabikila me nyiri kwaami munzeense ? » 11Boodze wabvutula, waleele kuri nde ti : « Me banyaabisiri, na bayirikiri kundeele, momanso ma wayirikiri ye kuri buko bwaaku, ha mambisa ma mfwiilu mulumi ye. Ye wasiisiri taayi na nguri yaaku, nsi yiwuri wabutukila, mu kwiisa kudzakala ha kakati dya kaanda di wabee wahele#2.11 Sadayi mbangukulu ti Ngaa-mpinu. kutekesele kuyaaba. 12Hemese Yaave kakuha museendu mu biyiriki byaaku, na mufutu waaku kaba wakuka, wukuha Yaave Nzaambi ya Iselili, kuri nde ku wayisiri kusaka kisweemunu. » 13Nde waleele ti : « Me#2.13 Ye wuri wamubwe kuri me : Mbangukulu yakimi ba wamubwe kuri me ! ntaamburi bweese ha miisu myaaku, mfumu yaami ! Bukuri ye mboondiri, ye dzoonsiri kuri mutima me kisari kyaaku. Me nyahele kuyelemene ti na mosi mu bisari byaaku byabakyeetu. »
14Mu ntaangu ya kudya, Boodze wamuleele : « Kokosolo hamaha, dya mpa na tsuba mpa mu malu mansa. » Nde wadzakala ha teke batori. Boodze wamuyakisa mankono makaangu na wadya, wayukuta, na wakebe ndaambu yasaala. 15Nde wateleme mu kwekoro. Boodze waha lutumu kuri bisari byaandi, waleele ti : « Muhemesee kekoro ti ha kakati dya biko ; kumukwaamisa#2.15 Miswa mya kufaanda na kutolo mankono myaba mbuti batori bameeni kisalu kyaaku, na bayisiri minsengele tumi baatu beki Ko. pe. 16Mutsumikinee matsina ma bele, ma lukwebwoongolo mu nsi, mpisi nde kekoro ; yaa lumuseembe ko. » 17Nde wakoro munsa nseke natee mu nsinsika na watuuta bikakoriri. Nde wabaka kampe mpiri bele.
18Nde wayinata, wakoto kunsa bvula na wasoongo kuri buko bwaandi bikakoriri. Nde wapalisa se byandya byasiiri na wamuha byo. 19Buko bwaandi wamufuula ti : « Lolo dya kuri bee kwekoro ? Mu nkya nseke bee kwesala ? Hemese wunde wukuyabukiryee kaba wasakumunu ! »
Lute wayaabisa kuri buko bwaandi, ku nseke na nde kasarirye ; nde waleele ti : « Ngaa-nseke yi mbeeri kwesala me nkuumbu yaandi Boodze ! » 20Nahomi waleele kuri buko bwaandi : « Kaba wasakumunu kuri Yaave wuri, wahele kuhoto kusoongo mbweeyulu mutima waandi, kuri bamwooyo na bafwa ! » Nahomi wabweese kuleele kuri nde ti : « Muutu wunde wuri nkati-nsi na beetu ; nde wuri mosi mu babo bari na miswa mya kutukuula#2.20 Boodze kaanda dya Elimeleke (kumono 2.1). Kaanda dya nkati-nsi dya muyendi waba na miswa mya kusuumba butoto bukari kasiisa na kubukebe munsa kaanda, kumono 4.1, 8 ; Yer 32.7-9. Nde fwanikini kutaambula mangisi, kumono 1.11 na matina 3.9 na 4.5, 14.. » 21Lute wa ku Mohabi wabweese kuleele ti : « Nde leerirye kuri me ti, kaangama na bisari bya me natee kubamana kutolo manseke ma me. » 22Nahomi waleele kuri buko bwaandi ti : « Bwabubwete, mwaana waami. Namitina kwesala na bisari bya nde byabakyeetu. Ngo yaa bakubwaana mu nseke yikimi ko. »
23Lute wanamitina kweba na bisari bya Boodze byabakyeetu, natee kwawiiri kwetolo bele na bwaangala. Nde wabadzakalaa na buko bwaandi.
Currently Selected:
Lute 2: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024