Looma 5
5
Kiyeengi na Nzaambi
1Ngo twayeki twaluulukusu mu kanyi, turi kiyeengi na Nzaambi, mu Mfumu yeetu Yisu Kiristo ; 2mu nde se turi twabaka miswa, mya kutaambula mu kanyi mu bweese bubwo, bu turi twatelemene, na turi twasiila nsiitu yeetu ya nkeembu Nzaambi. 3Ha yulu mamo, tukeembaa mu mpasi, butuyaari ti mpasi dzidzo dzibutaa nkwikumunu. 4Nkwikumunu yibutaa ndulukulu mu nsindukulu, na ndulukulu mu nsindukulu yibuta nsiitu. 5Nsiitu dzadzusaa muutu nsoni ko, bukuri kuri Mpeeve Yangisi yibari batuha, yatsaamuna ntiilu ya Nzaambi mu mitima myeetu.
6Mukwongo, mu ntaangu yitwaba twakiri makwa pe, Kiristo wafwiila mu bangaa-masumu, mu ntaangu yayelemene. 7Mukwongo, diri dyampasi, ti muutu kataambula kufwa, mu ntoono wasuunguma ; kampe mu wamubwete se, lo muutu tamburi kufwa. 8Nzaambi wasoongo ntiilu yaandi mu beetu, bukuri bu twaba twakiri bangaa-masumu, Kiristo watufwiila. 9Hango mu lumalu, bu tweki twalulukusu mu makila maandi, lo dibvuriri bubwete diri, nde sa katubvuukisa mu nkesi dza Nzaambi. 10Bukuri, mbuti ha twaba bataatu, Nzaambi wasuusiri nyukusunu ha kakati dya nde na beetu, mu lufwa lwa Mwaana waandi, lo dyaburi, tuhele kubvula kuba babvuukusu, mu bumwooyo bwaandi, ha tumwaayukusuna na nde ? 11Kari mu mini mimyo kitsu ko, ngo beetu twasa nkeembu yeetu mu Nzaambi, mu nkuumbu ya Mfumu yeetu Yisu Kiristo, mu nde turi twataambula nyukusunu lumalu.
Adami bo na Kiristo
12Hango nkuumbu, bunu bwakotolo masumu mu nsi mu muutu mosi, na lufwa se mu ntoono masumu, bunubwo se lufwa lwakoto mu baatu bobanso, bukuri bobanso babwa mu masumu. 13Bukuri, natee mu ntaangu yaba mangisi, masumu maba mu nsi, ngo maba mahele mu lutaangu, bukuri mangisi maba mope. 14Koomosoko, kuholosono mu ntaangu ya Adami natee ya Moose, lufwa lwaba se mu baatu, bari basii yirika masumu, mafwanikina na kusinina kwa mangisi kwa Adami ko.
Nde wuri kifwaani kya wunde waba wuri mu kwiisa. 15Ngo, kikabu kyabweese kyahele kuba bunu buri kiteesu kya lumvuki. Bukuri mbuti heki mu lumvuki lwa muutu mosi, lufwa luri lwakoto mu baatu balaka, lo dibvuriri mufunu diri bweese bwa Nzaambi, na kikabu kyabweese, mu muutu mosi, ngo Yisu Kiristo, bari baheele byo mu mansaalisi kuri baatu balaka. 16Ngo kikabu kyahele kuba, bunu buri kiteesu kya muutu mosi wayirika masumu. Mu kuri ti, nkesulu mukanu yayisa mu mutsuundu wa muutu mosi ; ngo ndulukulu yayisa mu kikabu, ha mambisa ma lumvuki lwalaka. 17Ngo mbuti mu lumvuki lwa muutu mosi, lufwa lwatuma lwolukaka, lo dibvuriri mufunu diri ti, mu Yisu Kiristo kitsu, baatu bataambula mu mansaalisi, bweese na kikabu kya nsungumunu, sa batuma mu bumwooyo.
18Hango bukuri, mu lumvuki lwa muutu mosi, bobanso bari kunsa mukanu ; bwobumosi se, mu nsungumunu ya muutu mosi, bobanso bataambula nsungumunu ya bumwooyo ; 19bunubwo se buri, mu nko dza muutu mosi, balaka babwa mu masumu, bwobumosi se mu bintambukulu bya muutu mosi, balaka sa baba balulukusu.
20Mangisi mayisa mpisi heki lumvuki lufunina ; ngo haho ha funina masumu, hanaho se ha buukulaa bweese, 21mpisi heki, bunu bwaba masumu, kuri mari na lutumu mu lufwa, bunubwo se, bweese buri na lutumu mu nsungumunu, mu kuha mwooyo wa bibvu ngo bibvu, mu Yisu Kiristo, Mfumu yeetu.
Currently Selected:
Looma 5: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024