Mankuma 4
4
Kubaka na kukebe madyeele
1Baala yukee nyikusulu dza taayi,
senee madyeele mu kubaka nyukulu.
2Bukuri me nyaluheeri nyaabulu yayibwete,
yaa luyekele nyikusulu dzaami ko.
3Me se nyaba mwaana ha busu bwa taayi dyaami,
mwaana wa bundeembu, ndemosi ha mpele nguri yaami.
4Taata wanyikisa waleele kuri me ti :
Kebe misamu myaami munsa mutima waaku,
kebe ntumunu dzaami na sa ba wamwooyo.
5Baka madyeele na nyukulu, kubidzimbikina pe,
na yaa sasika na maampu mapala mu munwa waami ko.
6Yaa yekele madyeele ko, sa makukebe ;
tya mo sa makukala.
7Mbandukulu madyeele ngo yimayi : Baka madyeele,
na byobinso bi wubaka, baka nyukulu.
8Buumba mo, sa makudzaangisa,
sa kasa ye muutu wa lukiinsu mu ntaangu yi wunyumbutina mo.
9Mo sa mateteke lukoongolo lwa bweese ha yulu mutu waaku,
na kusa ye muutu wabudzitu.
Kubata ndyaatulu ya bangaa-bubi
10Mwaana waami, ywiila me, na taambula mya me,
tumi kidziingu kya ye kinonoko.
11Me nyakuyikisiri nzila ya madyeele,
me nyakutwaalisiri mu manzila ma nsungumunu.
12Ha wukweende ye, kuulu kwa ye kuri nkakulu ko,
ti hayuku dzumini miilu mya ye mibumuna kya ko.
13Kwaata nyikusulu, kunyaafuna pe dzo, ngo kebe mo,
bukuri mo ngo bumwooyo bwa ye. 14Kweyende pe munsa misoki mya bangaa-mutima bubi,
na kudyaata pe mu manzila ma bangaa-bubi.
15Muyebe, kuyookolo pe mumwo,
musiisa na luta kwaaku.
16Bukuri bari mbwiila tolo ko mbuti bahele kusa bubi,
tolo se twababataa mbuti bahele kubumisa muutu makya.
17Bukuri bo kudyaanaa byandya bya kibakala,
na malu kunwaanaa makwesa bubi.
18Musoki basuunguma wuri bunu buungi bwa nkyeele bwiisi,
bukweseme natee kiluumbu kikukiri.
19Nzila bangaa-bubi yiri bunu mampimbisi,
bahele kuyaaba bikwebabumisa makya.
Nzelu yayibwete na nkaangumunu
20Mwaana waami, sa madyeele mu maampu maami,
taamba kutu mu mi nyileele me.
21Yaa bisasika na miisu mya ye ko,
kebe myo kunsa mutima waaku.
22Bukuri kuri babo babidzuukila, lo
bo kutaambula bumwooyo na butsiina bwa miswinyi mya bo.
23Bibvuriri na mpisi kyaba, kebe mutima waaku,
bukuri bumwooyo bwa muwiila kufumunaa mu nde.
24Wuunguma mu munwa mwaasi, haambuka na bibori bya mampya.
25Miisu mya ye mifwanikini kumono ku mankula,
na bibu bya miisu myaaku kunu ku mankula.
26Sa kidende mu wukwesuusa bitaambi,
na manzila maaku momanso maba na keketee.
27Yaa syeeteke ku lubakala ko, na ku lumosi se ko,
yisila kuulu mu nzila yayibi.
Currently Selected:
Mankuma 4: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024