Mataayi 28
28
Yisu wafuluka
(Mal 16.1-10; Luk 24.1-12; Ywa 20.1-10)
1Ha mambisa ma saba, mu minkya mya bwiisi, bwa kiluumbu kyatete mu lumiingu, Maari ma ku Mangadala na Maari makaka, bayende kweetala ku mampeembe. 2Na mono, ntembukulu ya butoto yayinene yabwa. Bukuri, mbasi Mfumu yanangukina ku yulu yasunduka. Bu yakokosolo, yanengemene tari ha luteke, na yadzakala ha yulu dyo. 3Nde wabasemaa bunu nseremi, na kinkutu kyaandi kyaba kyahembeke bunu midiingi. 4Bakebi ba mampeembe bu bamumono, batekete mu boomo, na baba beki bunu bafwa. 5Mbasi yabaangula mbeembu, yaleele kuri bakyeetu ti : « Beenu yaa luba na boomo ko, bukuri me nyaari ti, beenu luri mu kwesaka, Yisu wu bakomini. 6Nde kasiiryee hamaha ko, bukuri fulukiryee, bunu bu kabaleele. Wasee lumono kibeendu ki kabeeri. 7Na mu mawasu, yendeenu luleele kuri bayiki baandi ti : "Nde fulukiryeenu mu bafwa, na mono, nde wulutekisiri ku Ngalile, kukwo beenu lumumono." Mamo, me nyiluleeriri. » 8Bu basasika mu mawasu na mampeembe, na boomo na kiminu kyalaka, badzumuna mu kweyaabisa bayiki baandi. 9Na mono, Yisu wababwaana waleele : « Mboto yeenu ! » Bu bakokosolo kuri nde, bakwaata miilu mya nde, na bamutsukumina. 10Haho, Yisu waleele kuri bo ti : « Yaa luba na boomo ko. Yendee luyaabisa kuri bampaangi ba me, beende ku Ngalile, kukwo bamono me. »
Myaleele bayongolo
11Bu bari mu kweende, mono babamosi mu bakebi bayisiri kunsa bvula, bayaabisa bakuutu ba bangaanga-nzaambi, momanso mayirimini. 12Bakuutu ba bangaanga-nzaambi na bakulu bababakala, bakutukina na basa mfuundu. Bu baholo mipata myafwaana, baha kuri bayongolo, 13baleele ti : « Leeleenu ti bayiki baandi biisiryee kumuyiba mu butsuku, beetu bu tubeeri tolo. 14Na mbuti Ngoforo yukiri mamama, beetu sa twayukisa nde, beetu sa twasa kuri ti beenu luhele kubaka dyaambu. » 15Bo baholaa mipata, bayirikiri bunu bu babayikisiri. Musamu wunde watsamikina kuri Bayudayo, natee mu kiluumbu kyalolo.
Yisu wamonokono kuri bantumu
(Mal 16.14-18; Luk 24.36-49; Ywa 20.19-23; Biy 1.6-8)
16Bayiki bo kuumi na mosi bayende ku Ngalile, ku mulaandu waba batuma Yisu. 17Ntaangu yibamumwiini, bamutsukumina, ngo bakaka baba na mpaka ; 18Yisu wakokosolo na wabaleele ti : Lutumu lwolunso baheeri kuri me, ku mayulu na ha butoto. 19Yendeenu, seenee makaanda momanso bayiki, babotokee mu nkuumbu ya Taata, ya Mwaana, na ya Mpeeve Yangisi, 20na bayikisee, mu kukebe momanso ma nyalutumini. Na mono, me nyiri kintwaari na beenu, mu biluumbu byobinso, natee ku manunu ntaangu.
Currently Selected:
Mataayi 28: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024