Eseteere 5
5
Eseteere wayende kuri mbyaasi
1Mu kiluumbu kyabitatu, Eseteere walwaata binkutu bya bumbyaasi, na wayende ha mbasi ya kunsa nzo mbyaasi, bebele na kihekiri kya mbyaasi. Mbyaasi waba wadzakala munsa nzo ya bumbyaasi, ha yulu mboloko yaandi, kuri watala ku mweelu nzo. 2Mbyaasi kamonaa Eseteere wateleme ha mbasi, nde wamutaambula mu bweese, walaambula luboto lwaandi lwawoolo, lwaba ha kooko kwaandi. Eseteere wakokosolo na wabelemene nto luboto.
3Hanaho, mbyaasi waleele kuri nde ti : « Nkya musamu wuri na nde Eseteere, mukasi mbyaasi ? Lu ti hayuku kibari kya nsi yaami, lo me mbeeri nyikuheeri. » 4Eseteere wabvutula ti : « Mbuti buri bwabubwete, lo ha beeri nkani, mbyaasi, wasa lumalu ye na Amani, ku mubuluku wu nyiyirika me mu ntoono ye. » 5Mbyaasi watumisa Amani, mu mawasu-mawasu, mpisi bayirika mamo maloombiri Eseteere. Mbyaasi bo na Amani bayende ku mubuluku wayirikiri Eseteere. 6Bu bamana kudya, mbyaasi waleele kuri Eseteere ti : « Nki tiiri kuloombo ? Mpisi bakuha, ndoombulu dza ye nki ? Ti hayuku kibari kya nsi yaami, lo me mbeeri nyikuheeri. » 7Eseteere wabvutula ti : « Bi ntiiri me ? Ndoombulu dza me ? 8Mbuti me ntaamburi bweese ha busu bwa mbyaasi, mbuti buri bwabubwete mu kuha mvutu, na kuyirika ndoombulu dza me, lo mbyaasi kabweese kwiisa bo na Amani, ku mubuluku wu nyiyirika me bweepari, tumi bweeri me nyaabisa manyiri na mo kuri mbyaasi. »
Amani wayirika kuunsi di kaleleke Maredoki
9Kiluumbu kikyo, Amani wapala kuri wuri na nkeembu na kiminu mu mutima. Ngo ha mweelu, nde wamono kuri ti, Maredoki wahele kuteleme, na wahele kumuha lukiinsu. Mu didyo nde wabakila Maredoki nkesi dzamakwa. 10Nde wakaanga mutima, na wayende ku nzo yaandi. Tumi ha katumisa banduku baandi, na mukasi waandi. 11Amani wabeke mu kusiika busina bwaandi bwabunene, na baala baandi balaka. Nde wabayaabisa se momanso mayirikiri mbyaasi mu kumudzaangisa, ha yulu bamfumu na bisari byaandi byobinso. 12Amani wabweese kubayaabisa ti : « Eseteere mukasi mbyaasi, wunu me kitsu kabeeri katumisa, mu kweende beetu na mbyaasi ku mubuluku wukabeeri kayirika. Ha kipari se, wunu me kabweese kutumisa, mu kweende beetu na mbyaasi. 13Ngo mu myominso mimyo, kiminu kya me kyahele kuba kyakuka, mbuti me namitini kumonaa Maredoki Muyudayo, wadzakala ha mweelu nzo mbyaasi. » 14Dzerekese, mukasi waandi na banduku baandi bobanso bamuleele ti : « Yirika Kuunsi diri mu bula mankwaanga makuumi moolo na mataanu ; tumi ha kipari, ye loombo kuri mbyaasi mpisi baleleke Maredoki. Tumi ye weende, mu kiminu beenu na mbyaasi ku mubuluku. » Amani wamono ti, kitsimi kikyo kyakibwete, na nde wayirika kuunsi.
Currently Selected:
Eseteere 5: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024