Biyiriki bya Bantumu 3
3
Kikata kyatsinukusu
1Peetelo na Yowane babatoomboko ku Nzo-Nzaambi, mu kilookolo kyawa, kya lusaambulu. 2Mu mpisi kiluumbu, baatu babanataana mubakala mosi, wabutuka kikata, na baba musuusaana, ha mweelu Nzo-Nzaambi, wubateelaa ti « Wamubwe », mu kuloombo lubakusu, kuri babakotaana mu nzo-Nzaambi. 3Nde bu kamono Peetelo na Yowane, beki saka kukoto mu Nzo-Nzaambi, wabaloombo lubakusu. 4Peetelo na Yowane bamusungumina kisoosi, tumi Peetelo wamuleele ti : « Tala beetu. » 5Muutu wunde wayirika kubatala, na wakiingila ti kampe bakiri kitotolo kuri bo. 6Peetelo waleele ti : « Me nyahele na palata, nyahele na woolo ; ngo bi nyiri na byo, bibyo nyikuha ; mu nkuumbu ya Yisu Kiristo wa ku Nadzareti, teleme na dyaata ! » 7Bu kamukwaata mu koko kwalubakala, nde wamutelemese ; hanaho se miilu myaandi, na mankoonsi maandi, byabaka makwa. 8Bu kadya nkaaka, wateleme, wadyaata, na wakoto kintwaari na bo mu Nzo-Nzaambi, wadyaata, wadumuka mankaaka na wadumusa Nzaambi. 9Baatu bobanso bamumono kuri, wukweyende na wu kwedumusa Nzaambi. 10Baatu baba bamuyaari, ti nde wabee loombaa lubakusu ha mweelu Wamubwe, wa Nzo-Nzaambi, babwiila kinkuuka na bakimuka mu mamo mayirimini mu nde.
Kinzoonsi kya Peetelo munsa Nzo-Nzaambi
11Muutu wunde bu kaba wahele kusiisa Peetelo na Yowane, baatu bobanso bakimuka, na badzumuna kuri bo, ha mweelu wu baleelaana ti "wa Solomo". 12Peetelo bu kamono bubwo, wabvutula kuri baatu ti : « Baatu ba Iselili, ha buri luri mu kukimuka mamama ? Bukuri nki beenu luri mu kumono beetu, kuri bunu ti mu mpinu dza beetu-meene, bunu pele mu kinzaambi, beetu tusiiri ti muutu wu keyende ? 13Nzaambi ya Abarahami, Nzaambi ya Isaki, na Nzaambi ya Yakobi, Nzaambi ya bataayi beetu, keembisiri kisari kyaandi Yisu, wu lwayekiri na wu lwatunini beenu, ha busu bwa Pilato, koomosoko nde waba watsima kumupatula ; 14beenu lwatuna wangisi, na wasuunguma, na lwaloombo balupatukila mudzusi. 15Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde. 16Mu ntoono kanyi mu nkuumbu yaandi, wu lumono beenu wu, na wuluyaari, katsiinikini, na mu kanyi didyo, nde kataamburi makwa ha busu bwa beenu bobanso. »
17« Ngo mu lumalu bampaangi, me nyaari ti kunsa bunzimbu beenu lwasiiri mamo, bwobumosi bamfumu ba beenu se ; 18mamo matekisiri kuyaabisa Nzaambi, mu minwa mya babikiri bobanso, ti Kiristo dyaandi sa kamono mpasi, nde wamakukisiri. 19Hango, yiingeenu madyeele na seenee kanyi, mpisi heki masumu ma beenu maba mayaalu, 20na mpisi heki mantaangu mampuumunu, mafumuna kuri Mfumu, miisa na kaheeke mu ntoono beenu, wunde wu kalutaasiri, Kiristo Yisu. 21Nde yulu kabweese kutaambula, natee ntaangu yibabweese kuyirika byobinso byamoono, bwadzoonsiri Nzaambi, mu minwa mya babikiri baandi bangisi, kuholosono mu mantaangu mahele kuwa. 22Moose waleele ti : "Mfumu Nzaambi sa katelemese, mu ntoono beetu, mubikiri ha kakati dya bampaangi beenu, wuri bunu me ; luyelemini kumuywiila, mu momanso makaluleele. 23Mpisi wunde wuhele kuywiila mubikiri wunde, sa kaba wayusula ha kakati dya baatu." 24Na babikiri bobanso, kuholosono Samweele, na babo banemi, badzoonsolo mu biluumbu bi. 25Beenu luri baala ba babikiri, na ba lulelusunu lwasiiri Nzaambi na bataayi beenu, ha kabaleele kuri Abarahami ti : "Mu babutuka mu ye, makaanda momanso ma ha butoto, sa maba masakumunu." 26Kuri beenu Nzaambi katekisiri kutelemese kisari kyaandi ; nde wamuheeke mu kusakumuna beenu, mpisi nde mu beenu, kasiisa bubi bwaandi. »
Currently Selected:
Biyiriki bya Bantumu 3: ATBABC
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Congo 2024