Masmur 77
77
Ransyeran weotoro Amisye anajo indamu aemeno wansai maisyare wusyinoe ramaisy
1Masmur Asap po ratoe. Nto irati Yedutun#77:1 Yedutun: Kuruno Ayao Amisy inta wo ratantona ayao so ama ine mare: ‘‘Kinyo ransyerane so rai mamaisyo Yedutun apa ananyao rai.’’ Yedutun apa anakere raura kakavimbe no 1Taw. 16:41-42. ai, wepirati akari po vatano matayao ukiny maugavo ransyerane rai.
2Syo Amisye winawaino inanamoto manakoe rai,
syo nawaino inanamoto manakoe rai, indamu Nyo rinaraniv.
3Arono rino irati ana nsosobe ama uga rai, syo Akoe winakani.
No namano waravainyoe inaneme mamo mananai jewen, yara syo raijaseo tutir, indamu syo Amisye winanajo,#77:3 Mamaisyo koano Yahudi rai, vatane maneme raijaseo arono ube sambayambe Amisye Ai, indamu wo anajo.
weramu mo inanuga so rayove ramu.
4Ranivara syo Amisye winatantona, weamo syo winanonae,
ranivara syo ratantonave, weamo sya vambunine meweno rinai rave kobe.
5Winyo inami raneka ti rigwaran tutir no arono naman,
inanuga so ntanamanine jewen, weti syayao kakai.
6Syo masyoto arono wusyinoe ratantonave,
syo tumo wusyino nde nto to ratantonave akare.
7Arono naman, syo rakaraebe,
muno syo ratantonave no inanuga, ti syo raura syare:
8‘‘Ntoa nuge nuganuija, Akoe ponae reansaija rao?
Muno anuga ngkovo reansai jakato ramu rao?
9Apa muinyo no tawane mamo raumandi reansaija ntoa nuge nuganuija rako?
Beto Apa urairi rai mamo ndea nsopi to rako?
10Amisye animari reansai ti bekobe reansai akato ramu to rako?
Indako, pari ti aemeno reansai akato ramu rao?’’
11Weti syo raura, syare: ‘‘Ana mo inaveti inanuga njorame mamo,
Amisy Titi Rave, Apa vambunine meweno Ai to rako?’’
12Weramu AMISY, soamo rinaemen akato Nya ana ndave rai,
syo Nya ana ndave mbe anainambe no arono wusyinoe ratantonave akare.
13Syare syo Nya ana ndave rakaraebeve,
muno syo Nya ana ndave makokoive ratantonave.
14Sya Amisy, Nya ana ndave mamo ndandinit!
Tugae, anawayo kotaro vatane wo masyanive nawamo inta awa vambunine mo Winya ramaisye ramu!
15Amisy, Wibuiny irati Nyo ana mbe anainambe raroron,
Nyo Nya vambunine raroron ti susye kotare wo raen.
16Winyi nanemo vambunine veano Nya kawasae mapaya aroo rai no Mesir,
onawirati susyo aneno Yakop muno Yusup.#77:16 susyo aneno Yakop muno Yusup: ama ine mare susyo Israel nao tenambe.
17Sya Amisy, mayane mo naen ti njani dave,
tugae, Mayano Kolsum mo naen ti ntutar,
muno nawanano ntento ntutar dave.
18Andorame mo maru pape raveti maje,
nai naume warae katitire ngkatitibe anyi,
muno Nya ivake ratatukande maisyare atoe ratapo anyi wemaisy.
19Nya katitire ravabari no ovaro maese uga rai,
ivake mo nuge ravabasya,
mine so mangkiki muno ntutar.
20Nyo Nya unanui rave no mayan,#77:20 Mayane somamo Mayano Kolsum.
muno nyanya mayano mpanyoane umaso ama yasyine raito,
weramu Nya une inta raene ramu.
21Nyo Nya kawasae maugav maisyare vatano po maero domba makume wemaisy,
Musa muno Harun wenairati yo maugav.
Currently Selected:
Masmur 77: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
Masmur 77
77
Ransyeran weotoro Amisye anajo indamu aemeno wansai maisyare wusyinoe ramaisy
1Masmur Asap po ratoe. Nto irati Yedutun#77:1 Yedutun: Kuruno Ayao Amisy inta wo ratantona ayao so ama ine mare: ‘‘Kinyo ransyerane so rai mamaisyo Yedutun apa ananyao rai.’’ Yedutun apa anakere raura kakavimbe no 1Taw. 16:41-42. ai, wepirati akari po vatano matayao ukiny maugavo ransyerane rai.
2Syo Amisye winawaino inanamoto manakoe rai,
syo nawaino inanamoto manakoe rai, indamu Nyo rinaraniv.
3Arono rino irati ana nsosobe ama uga rai, syo Akoe winakani.
No namano waravainyoe inaneme mamo mananai jewen, yara syo raijaseo tutir, indamu syo Amisye winanajo,#77:3 Mamaisyo koano Yahudi rai, vatane maneme raijaseo arono ube sambayambe Amisye Ai, indamu wo anajo.
weramu mo inanuga so rayove ramu.
4Ranivara syo Amisye winatantona, weamo syo winanonae,
ranivara syo ratantonave, weamo sya vambunine meweno rinai rave kobe.
5Winyo inami raneka ti rigwaran tutir no arono naman,
inanuga so ntanamanine jewen, weti syayao kakai.
6Syo masyoto arono wusyinoe ratantonave,
syo tumo wusyino nde nto to ratantonave akare.
7Arono naman, syo rakaraebe,
muno syo ratantonave no inanuga, ti syo raura syare:
8‘‘Ntoa nuge nuganuija, Akoe ponae reansaija rao?
Muno anuga ngkovo reansai jakato ramu rao?
9Apa muinyo no tawane mamo raumandi reansaija ntoa nuge nuganuija rako?
Beto Apa urairi rai mamo ndea nsopi to rako?
10Amisye animari reansai ti bekobe reansai akato ramu to rako?
Indako, pari ti aemeno reansai akato ramu rao?’’
11Weti syo raura, syare: ‘‘Ana mo inaveti inanuga njorame mamo,
Amisy Titi Rave, Apa vambunine meweno Ai to rako?’’
12Weramu AMISY, soamo rinaemen akato Nya ana ndave rai,
syo Nya ana ndave mbe anainambe no arono wusyinoe ratantonave akare.
13Syare syo Nya ana ndave rakaraebeve,
muno syo Nya ana ndave makokoive ratantonave.
14Sya Amisy, Nya ana ndave mamo ndandinit!
Tugae, anawayo kotaro vatane wo masyanive nawamo inta awa vambunine mo Winya ramaisye ramu!
15Amisy, Wibuiny irati Nyo ana mbe anainambe raroron,
Nyo Nya vambunine raroron ti susye kotare wo raen.
16Winyi nanemo vambunine veano Nya kawasae mapaya aroo rai no Mesir,
onawirati susyo aneno Yakop muno Yusup.#77:16 susyo aneno Yakop muno Yusup: ama ine mare susyo Israel nao tenambe.
17Sya Amisy, mayane mo naen ti njani dave,
tugae, Mayano Kolsum mo naen ti ntutar,
muno nawanano ntento ntutar dave.
18Andorame mo maru pape raveti maje,
nai naume warae katitire ngkatitibe anyi,
muno Nya ivake ratatukande maisyare atoe ratapo anyi wemaisy.
19Nya katitire ravabari no ovaro maese uga rai,
ivake mo nuge ravabasya,
mine so mangkiki muno ntutar.
20Nyo Nya unanui rave no mayan,#77:20 Mayane somamo Mayano Kolsum.
muno nyanya mayano mpanyoane umaso ama yasyine raito,
weramu Nya une inta raene ramu.
21Nyo Nya kawasae maugav maisyare vatano po maero domba makume wemaisy,
Musa muno Harun wenairati yo maugav.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)