Masmur 78
78
Amisye Apa anakotaro Po rave aneno Israel mai mbe ananyaobe wansai
1Asap apa ransyerano ananyao.
Inya, sya kawasae weap, wasamarikoame rasakinav de sya ananyao so rai,
wapo rinaranivo sya ana idaura so rai.
2Syare syo ananeneae mbe ananyaobe raura,
muno syo anakotaro ngkokaibe no arono wusyine inta raura.#78:2 Aneme so ratoe akato no Mat. 13:35.
3Namirati reama aneno sinane wo rarire reansai ti,
reamo ranaun muno no reansai,
4omamo reamo inta rangkokaibe irati reama arikainye mansai ramu.
Yara reamo rarire indamu arikainyo mbeakaseo akato nawamo,
wo AMISY Apa vambunine muno Apa ana dave makokoive,
muno Apa ana dave mbe anaanibe ranaun.
5Wepi Po Apa ananyao raugaje ntami vatano Israel mai,
muno Po Apa anaparatote raunande Yakop apa susye umaso mai.#78:5 Israel onawamo Yakop apa susyo po mampame naowa.
Po reama aneno sinane matutir
indamu wo veano awa arikainye manyao.
6Indamu awa arikainyo mbeakaseo akato wo raen,
onawamo arikainyo nanawirati mavaki rainye nao,
ubeseo wo rarire irati awa arikainye mai akato.
7Wirati awa anave ransaroro Amisye obo Ai,
muno vemo manimari Amisye Apa anakotaro Po rave rai jinya,
yara ubeta Apa ananyao obo rai tutir.
8Indamu vemo wo awa aneno wusyine mansamaisy inya,
nanawirati wonae ubeta Amisye Ai, muno usarirae ti umarovave Ai.
Aneno susye umaso nawamo manuga ntindimu Amisye Ai jewen,
muno matawandi utavondi Aije ramu.
9Naito susyo Efraim wo apae atoe raijar,
weramu usarirae ti unanajibe arono usisa marova rai.
10Onawamo usayae matuve urairi Amisye Po raokae nande mai raije ramu,
muno wonae ubeta Apa anaparatote raiji.
11Onawamo manimarijo Apa anakotaro Po rave mai to rai,
muno anakotaro mbe anainambe namirati Po rarorono mai to rai tavon.
12No awa anene mansamun, Amisye Po anainame rarorono mai,
no munijo Mesir, nai anoko Soan.#78:12 Anoko Soan no no mana akoe Nil ama ranijo wanamuram.
13Po Mayano Kolsum raporar ti mansop, Po maugavo ama yasyine raito,
mana umaso mamo Po ranoka ti ntet maisyare peno nteto rani rani ramaisy.
14Apa kamuro kaipoe mirati mo mansaugavo unanui raito arono sansimane rai,
muno taname mi mbaro mai no arono naman.
15Wepi Po oramo akoe raporar no anoko kanen,
muno Po mana raunanto wo ramanam omamo Po raveti manakoe, maisyare waro nggwaro rave wemaisy.#78:15 Kel. 17:1-7; Bil. 20:2-13
16Po mana raveti muje no unato orame rai,
muno Po raveti njam maisyare mana akoe wemaisy.
17Weramu nai anoko kanen onawamo wonae ubeta Amisy Titi Rave Aiji,
wo ayao kakai rave tutiro Ai.
18Wo Amisye atopano awa ana udatantona no manuga rai,
wo atan no anaisyo ubekedai rai.#78:18 Kel. 16:2-15; Bil. 11:4-23,31-35
19Wo Amisye aura tantunawi, ware:
“Amisye pamo indati mamaisyo Po anaisye raunande wandaisy no anoko kanene so aje rako?
20Wamo raen to, Po oramo akoe ranepat,
ti mana nsui uje rai, muno njam anyi.
Weramu indati mamaisyo Po anaisyo roti me, maere me ratayao da
Po raunande Apa kawasae reansai jaje rako?’’
21Arono AMISY Po awa ayao wo rakere so ranaun, Opamo parijo mai rave,
Po taname raugaje ti mo vatano susyo Yakop mansanen,#78:21 Bil. 11:1-3
muno anuga ntatupamijo kawasae Israel umaso mai.
22Weye wanave Amisye Ai jakato ramu,
muno mansanaveano amene ramu, ware Opamo bambunin da Po mapaya kakai rai jewen.
23Weramu Po naume warae ratutir,
indamu ama unsanda nsaneka anyi,
24umba Po anaisyo manna raugaje ti wo raisy,
anaisyo manna so ntuna no munijo ntiti umba Po raugaje mai.#78:24 Kel. 16:14-21; Bil. 11:7-9
25Vatane umaso wo anaisyo naito Amisy wo raisye so raisy tavon,
muno anaisyo Amisye Po ratayao mansamarome umaso mamo Po ratayao ti manui rave.
26Po ovaro wanamurame atutir ti puje no naume warae,
muno Apa vambunine veano ovaro wanampui atutir ti tipu.#78:26 Bil. 11:31-33
27Po ovare umaso aveano insani maugav ti nde mansai manui rave, ti ratore kakai,
muno ama manuije maisyare nayavo ntuna no mayane vone wemaisy.
28Po insani umawe raveti ntatayaje no varodoro utantuna ri we rai janyi,
ti mo awa randumo una rai rayapu kijani tenambe.
29Amisye Po awa bekere raunande mai ti mamaisyo mai,
ti wo raisya uman to.
30Weramu arono uman dave rainy,
yara ta wo raisya nene,
31arono naije Amisye anuga mamun ti pari mai rave.
Weti Po vatano ubambunin ti upapirabe no Israel maubaisy,
muno Po arikainyo baribuai Israel mansanave mamene maubaisy.
32Maisyare omai damu wo ayao kakai rave tutir,
muno wanave Amisye Apa anainamo Po rarorono mai rai ramu.
33Maisyare omai ti Amisye Po awa matame raotar aje tumaimbe vayave ti makanive maisyare ovar bayave,
muno tumo wo raijakaseo mamo una irati yanive ama uga rai.
34Arono Amisye Po inta maubaisy umba kaije usarirae ti wo akani wakare Ai jakato,
usarirae wakare Ai manuga ntenami rautan.
35Naije umba mansaemen akare ware Amisye Wepirati unato oram mansamamavube Ai pije,
muno Obo pi rati Amisy Titi Rave, Po mansapaya kakai rai.
36Weramu onawamo wo apamponae,
ayao aarurijate mi wo rator nanto Ai.
37Manuga nsarokir da no tawano Ai jewen,
muno Apa urairi Po raokae nande mai mamo wo raijaro matuve ramu.
38Weramu Opamo aemeno mai tutir,
Po mapaya irati awa ayao kakai rai,
muno Po maubai da makanive jewen.
Atawandi Apa parije rai tutir bayave,
muno Apa pari mangke mamo Po rangkumi ti Po raude mai ramu.
39Opamo aemeno mansai weye onawamo vatan bayave nao ti,
maisyare ovaro ta deto ti akanive ti pakare jewene wemaisy.
40Abo! Arono nai anoko kanen onawamo wonae tutiro ubeta Aiji,
muno wo aveti anuga ranimaumbe, arono una no anoko kanen umaso.
41Wo Amisye atopan tutir bayave,
wo Amisy Dandinit, Israel taune ubeaje Ai, aveti anuga njoramo mai.
42Wo Apa vambunine ratantona ramu,
namirati arono Po veano mapaya irati awa marova mai wem.
43Arono Po anainame raroron anyi no munijo Mesir,
muno anapaporainyo Po rave no anoko Soan.#78:43 Anoko Soan no no mana akoe Nil ama ranijo wanamuram no munijo Mesir.
44Purarijato awa mana rai ti mbe mavuve,#78:44 Kel. 7:17-21
weti wo ramaname mamo mamaisye jewen.
45Po abuu manui ratutiro mai ti mo mansayapu muno mo mansatatao,
muno Po kunaije raveti mo anare munije we raisy ti mewen.#78:45 Kel. 8:1-7
46Po ao ratande ti mo awa anare raisy,
muno nawaisye ama ine mamo kao mine wo raotar ti mewen.#78:46 Kel. 10:1-20
47Po maru orame raveti maje awa anare anggurije rai ti mo rakupi,
muno inyo ara mamo Po maru es raude rai ti nsamondak.#78:47 Kel. 9:22-25
48Po maru orame raveti maje tavon irati awa maero makume mai,
muno Po ivake ratukande tavon ti mo awa maero makume maubaisy.
49Po Apa parijo mamoane rapaya aje mai,
pari me, siurije me yaude kava,
maisyare naito wene inta maroyaro mai wemaisy.
50Opamo atawandi jakato Apa parije rai ramu,
muno wene mamo Po mapaya rai akato jewen,
yara Po waneno mangke raude ratutumbe mai kobe.
51Po arikainyo ananuiny Mesir mansao bintabo,#78:51 Kel. 12:29
wenawamo arikainyo mavaki anuive no yavaruga Mesir rai janyi nao.#78:51 Ayao Ibrani maisyare so: ‘‘yavaruga Ham.’’ Munijo Mesir rawain tavonamo ‘‘munijo Ham,’’ weye Nuh apa arikainyo Ham muno apa susyo po mampame una no naije.
52Po vatano Israel mansaugav wusya maisyare maero domba maugave wemaisy,
Po maugav wanya no anoko kanen maisyare domba maugave wemaisy.#78:52 Kel. 13:17-22
53Po maugavo mavabe ti una kovo saumane rai muno ujanive jewen,
yara awa marova nawamo Po makuvu asyo no mayane ate.#78:53 Kel. 14:26-28
54Po mansaugav usisa no kopa taune Apa ura raije rai,
ude no unato taune Apa vambunine veano raugav amarome rai.#78:54 Kuruno Ayao Amisy inta wo ratantona ware unate so omamo Unato Sion, yara kuruno kaijinta ware unate somamo unato ntuna anyi no munijo Israel.
55Arono usisa no kopa so rai, Po susyo ntuna rai mawatano marambe mai.
Umba Po muni umaso raosoro Israel mai indamu awa ura rai tutir.
Muno Po susye umaso awa munije raunande susyo Israel mai tenambe indamu utantuna rai.
56Weramu wonae ubeta Amisy Titi Rave Ai, muno wo atopan,
muno wo Apa ananyao raijaro matuve jewen.
57Onawamo matawandi utavondi Amisye Ai jakato jewen, yara makirive Ai, maisyare awa aneno sinane mansamaisy.
Muno mansanuga nsarokiro Ai jakato jewen maisyare apae moto ngkavine wemaisy.
58Wo Amisye aveti anuga njoramo mai rave,
weye wo tewa orame ranarijo awa yare mansamarom no unate rai janyi,
muno wo aveti anuga mamuno mai weye ubeaje yare obo mai.
59Amisye Po Israel awa ubetaije maisye raen,
weti pari rave muno ponae mai rave kobe.
60Po Apa randumo tuna rai no Silo#78:60 Apa randumo tuna rai no Silo: omamo randumo manasyino Kasyamo Urairi ntuna rije, arono Yavar Amisy Yerusalem rauseo nte dainy. Kasyamo Urairi umaso mamo Harun apa isyo me, orame vasye jirum Anaparatot Amisy ratoe yai muno vabiu anaisyo manna raveasyo ntuna rai omirati ntuna uga rai. rapaya ti ntami,
omamo randumo de tuna#78:60 randumo de tuna rai: omamo Kasyamo Urairi mirati ntuna rai, mbe rarorombe Amisye de no mansatavon. rai no vatano mine so awa yasyin.
61Kasyamo Urairi omirati Apa kovo ntiti raeno rai,
omamo aneme mpaya rai ti marova wo raugav.#78:61 1Sam. 4:1-11
62Pari Apa kawasae taune Po matayao terave amarome umaso mai ti,
Po mapaya ti awa marova wo maotaro omake rai.
63Awa arikainyo anya baribuai nawamo marova mo maunto ti mewen,#78:63 Ayao Ibrani maisyare so: ‘‘taname mo mansanen ti makanive.’’
weti wanya kamurame inta ubauname ramu ti ransyerano vauname inta ranaun akatoe jewen.
64Awa syene nawamo marova wo maotaro omake rai,
weti awa wanya ube kavinive, weramu woyovo mai kakai.#78:64 woyovo mai kakai: ama ine mare Israel wo marova rave tutir weti wo awa koke rantuna omamo mangkeo mai, muno naito mamune usoowato mai ti wanya kavini woyove kakai.
65Weti umba Akoe beseo kobe, maisyare vatano niki ti beseo kai wemaisy,
maisyare anaanivo po angguri ramanam ti mo vambunine raugavo ai wemaisy.
66Weti Po Apa marova manepat ti wansuk akiri muno unanajibe,
muno Po mapinde ti awa tame ngkakai#78:66 awa tame ngkakai: 1Sam. 5:6-12 ntoa nuge nuganui.
67Ponae irati Yusup apa ajavi mai,
onawirati Epraim apa susye nao,
muno Po matayao akato ramu.#78:67 Susyo Epraim una no munijo Israel ama ranijo wanansai, yara susyo Yehuda una no ranijo wanampui.
68Yara Po susyo Yehuda obo matayao terave akato amarom,
muno anuga no unato Sion rai indamu tuna rai.#78:68 Unato Sion omamo no no munijo akoe Yehuda.
69Po Apa Yavaro ndandinit rauseo nteto tindimuve,
maisyare naumo ntiti me mine so me no tindimuve ntoa nuge nuganui wemaisy.
70Po Daud wepi vatano panapatambeo Ai atayao,
umba Po augav no apa anakero po maero domba mansayaranande rai.
71LuPo augav no apa anakero po domba akoe me tuvane me makume rai,
indamu be akarive kawasae Israel#78:71 Israel: Ayao Ibrani mo ‘‘Yakop’’ ratoe. Susyo Yakop ama ine mare kawasae Israel, weye aneno Yakop awain tavonamo ‘‘Israel.’’ mai muno po mansayaranande,
weye onawirati kawasae Amisye taune Po matayao terave amarom.
72Daud po mansayaranande anuga nsarokire rai,
muno po mansaugavo mavabe unanui ngkove rai.
Currently Selected:
Masmur 78: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
Masmur 78
78
Amisye Apa anakotaro Po rave aneno Israel mai mbe ananyaobe wansai
1Asap apa ransyerano ananyao.
Inya, sya kawasae weap, wasamarikoame rasakinav de sya ananyao so rai,
wapo rinaranivo sya ana idaura so rai.
2Syare syo ananeneae mbe ananyaobe raura,
muno syo anakotaro ngkokaibe no arono wusyine inta raura.#78:2 Aneme so ratoe akato no Mat. 13:35.
3Namirati reama aneno sinane wo rarire reansai ti,
reamo ranaun muno no reansai,
4omamo reamo inta rangkokaibe irati reama arikainye mansai ramu.
Yara reamo rarire indamu arikainyo mbeakaseo akato nawamo,
wo AMISY Apa vambunine muno Apa ana dave makokoive,
muno Apa ana dave mbe anaanibe ranaun.
5Wepi Po Apa ananyao raugaje ntami vatano Israel mai,
muno Po Apa anaparatote raunande Yakop apa susye umaso mai.#78:5 Israel onawamo Yakop apa susyo po mampame naowa.
Po reama aneno sinane matutir
indamu wo veano awa arikainye manyao.
6Indamu awa arikainyo mbeakaseo akato wo raen,
onawamo arikainyo nanawirati mavaki rainye nao,
ubeseo wo rarire irati awa arikainye mai akato.
7Wirati awa anave ransaroro Amisye obo Ai,
muno vemo manimari Amisye Apa anakotaro Po rave rai jinya,
yara ubeta Apa ananyao obo rai tutir.
8Indamu vemo wo awa aneno wusyine mansamaisy inya,
nanawirati wonae ubeta Amisye Ai, muno usarirae ti umarovave Ai.
Aneno susye umaso nawamo manuga ntindimu Amisye Ai jewen,
muno matawandi utavondi Aije ramu.
9Naito susyo Efraim wo apae atoe raijar,
weramu usarirae ti unanajibe arono usisa marova rai.
10Onawamo usayae matuve urairi Amisye Po raokae nande mai raije ramu,
muno wonae ubeta Apa anaparatote raiji.
11Onawamo manimarijo Apa anakotaro Po rave mai to rai,
muno anakotaro mbe anainambe namirati Po rarorono mai to rai tavon.
12No awa anene mansamun, Amisye Po anainame rarorono mai,
no munijo Mesir, nai anoko Soan.#78:12 Anoko Soan no no mana akoe Nil ama ranijo wanamuram.
13Po Mayano Kolsum raporar ti mansop, Po maugavo ama yasyine raito,
mana umaso mamo Po ranoka ti ntet maisyare peno nteto rani rani ramaisy.
14Apa kamuro kaipoe mirati mo mansaugavo unanui raito arono sansimane rai,
muno taname mi mbaro mai no arono naman.
15Wepi Po oramo akoe raporar no anoko kanen,
muno Po mana raunanto wo ramanam omamo Po raveti manakoe, maisyare waro nggwaro rave wemaisy.#78:15 Kel. 17:1-7; Bil. 20:2-13
16Po mana raveti muje no unato orame rai,
muno Po raveti njam maisyare mana akoe wemaisy.
17Weramu nai anoko kanen onawamo wonae ubeta Amisy Titi Rave Aiji,
wo ayao kakai rave tutiro Ai.
18Wo Amisye atopano awa ana udatantona no manuga rai,
wo atan no anaisyo ubekedai rai.#78:18 Kel. 16:2-15; Bil. 11:4-23,31-35
19Wo Amisye aura tantunawi, ware:
“Amisye pamo indati mamaisyo Po anaisye raunande wandaisy no anoko kanene so aje rako?
20Wamo raen to, Po oramo akoe ranepat,
ti mana nsui uje rai, muno njam anyi.
Weramu indati mamaisyo Po anaisyo roti me, maere me ratayao da
Po raunande Apa kawasae reansai jaje rako?’’
21Arono AMISY Po awa ayao wo rakere so ranaun, Opamo parijo mai rave,
Po taname raugaje ti mo vatano susyo Yakop mansanen,#78:21 Bil. 11:1-3
muno anuga ntatupamijo kawasae Israel umaso mai.
22Weye wanave Amisye Ai jakato ramu,
muno mansanaveano amene ramu, ware Opamo bambunin da Po mapaya kakai rai jewen.
23Weramu Po naume warae ratutir,
indamu ama unsanda nsaneka anyi,
24umba Po anaisyo manna raugaje ti wo raisy,
anaisyo manna so ntuna no munijo ntiti umba Po raugaje mai.#78:24 Kel. 16:14-21; Bil. 11:7-9
25Vatane umaso wo anaisyo naito Amisy wo raisye so raisy tavon,
muno anaisyo Amisye Po ratayao mansamarome umaso mamo Po ratayao ti manui rave.
26Po ovaro wanamurame atutir ti puje no naume warae,
muno Apa vambunine veano ovaro wanampui atutir ti tipu.#78:26 Bil. 11:31-33
27Po ovare umaso aveano insani maugav ti nde mansai manui rave, ti ratore kakai,
muno ama manuije maisyare nayavo ntuna no mayane vone wemaisy.
28Po insani umawe raveti ntatayaje no varodoro utantuna ri we rai janyi,
ti mo awa randumo una rai rayapu kijani tenambe.
29Amisye Po awa bekere raunande mai ti mamaisyo mai,
ti wo raisya uman to.
30Weramu arono uman dave rainy,
yara ta wo raisya nene,
31arono naije Amisye anuga mamun ti pari mai rave.
Weti Po vatano ubambunin ti upapirabe no Israel maubaisy,
muno Po arikainyo baribuai Israel mansanave mamene maubaisy.
32Maisyare omai damu wo ayao kakai rave tutir,
muno wanave Amisye Apa anainamo Po rarorono mai rai ramu.
33Maisyare omai ti Amisye Po awa matame raotar aje tumaimbe vayave ti makanive maisyare ovar bayave,
muno tumo wo raijakaseo mamo una irati yanive ama uga rai.
34Arono Amisye Po inta maubaisy umba kaije usarirae ti wo akani wakare Ai jakato,
usarirae wakare Ai manuga ntenami rautan.
35Naije umba mansaemen akare ware Amisye Wepirati unato oram mansamamavube Ai pije,
muno Obo pi rati Amisy Titi Rave, Po mansapaya kakai rai.
36Weramu onawamo wo apamponae,
ayao aarurijate mi wo rator nanto Ai.
37Manuga nsarokir da no tawano Ai jewen,
muno Apa urairi Po raokae nande mai mamo wo raijaro matuve ramu.
38Weramu Opamo aemeno mai tutir,
Po mapaya irati awa ayao kakai rai,
muno Po maubai da makanive jewen.
Atawandi Apa parije rai tutir bayave,
muno Apa pari mangke mamo Po rangkumi ti Po raude mai ramu.
39Opamo aemeno mansai weye onawamo vatan bayave nao ti,
maisyare ovaro ta deto ti akanive ti pakare jewene wemaisy.
40Abo! Arono nai anoko kanen onawamo wonae tutiro ubeta Aiji,
muno wo aveti anuga ranimaumbe, arono una no anoko kanen umaso.
41Wo Amisye atopan tutir bayave,
wo Amisy Dandinit, Israel taune ubeaje Ai, aveti anuga njoramo mai.
42Wo Apa vambunine ratantona ramu,
namirati arono Po veano mapaya irati awa marova mai wem.
43Arono Po anainame raroron anyi no munijo Mesir,
muno anapaporainyo Po rave no anoko Soan.#78:43 Anoko Soan no no mana akoe Nil ama ranijo wanamuram no munijo Mesir.
44Purarijato awa mana rai ti mbe mavuve,#78:44 Kel. 7:17-21
weti wo ramaname mamo mamaisye jewen.
45Po abuu manui ratutiro mai ti mo mansayapu muno mo mansatatao,
muno Po kunaije raveti mo anare munije we raisy ti mewen.#78:45 Kel. 8:1-7
46Po ao ratande ti mo awa anare raisy,
muno nawaisye ama ine mamo kao mine wo raotar ti mewen.#78:46 Kel. 10:1-20
47Po maru orame raveti maje awa anare anggurije rai ti mo rakupi,
muno inyo ara mamo Po maru es raude rai ti nsamondak.#78:47 Kel. 9:22-25
48Po maru orame raveti maje tavon irati awa maero makume mai,
muno Po ivake ratukande tavon ti mo awa maero makume maubaisy.
49Po Apa parijo mamoane rapaya aje mai,
pari me, siurije me yaude kava,
maisyare naito wene inta maroyaro mai wemaisy.
50Opamo atawandi jakato Apa parije rai ramu,
muno wene mamo Po mapaya rai akato jewen,
yara Po waneno mangke raude ratutumbe mai kobe.
51Po arikainyo ananuiny Mesir mansao bintabo,#78:51 Kel. 12:29
wenawamo arikainyo mavaki anuive no yavaruga Mesir rai janyi nao.#78:51 Ayao Ibrani maisyare so: ‘‘yavaruga Ham.’’ Munijo Mesir rawain tavonamo ‘‘munijo Ham,’’ weye Nuh apa arikainyo Ham muno apa susyo po mampame una no naije.
52Po vatano Israel mansaugav wusya maisyare maero domba maugave wemaisy,
Po maugav wanya no anoko kanen maisyare domba maugave wemaisy.#78:52 Kel. 13:17-22
53Po maugavo mavabe ti una kovo saumane rai muno ujanive jewen,
yara awa marova nawamo Po makuvu asyo no mayane ate.#78:53 Kel. 14:26-28
54Po mansaugav usisa no kopa taune Apa ura raije rai,
ude no unato taune Apa vambunine veano raugav amarome rai.#78:54 Kuruno Ayao Amisy inta wo ratantona ware unate so omamo Unato Sion, yara kuruno kaijinta ware unate somamo unato ntuna anyi no munijo Israel.
55Arono usisa no kopa so rai, Po susyo ntuna rai mawatano marambe mai.
Umba Po muni umaso raosoro Israel mai indamu awa ura rai tutir.
Muno Po susye umaso awa munije raunande susyo Israel mai tenambe indamu utantuna rai.
56Weramu wonae ubeta Amisy Titi Rave Ai, muno wo atopan,
muno wo Apa ananyao raijaro matuve jewen.
57Onawamo matawandi utavondi Amisye Ai jakato jewen, yara makirive Ai, maisyare awa aneno sinane mansamaisy.
Muno mansanuga nsarokiro Ai jakato jewen maisyare apae moto ngkavine wemaisy.
58Wo Amisye aveti anuga njoramo mai rave,
weye wo tewa orame ranarijo awa yare mansamarom no unate rai janyi,
muno wo aveti anuga mamuno mai weye ubeaje yare obo mai.
59Amisye Po Israel awa ubetaije maisye raen,
weti pari rave muno ponae mai rave kobe.
60Po Apa randumo tuna rai no Silo#78:60 Apa randumo tuna rai no Silo: omamo randumo manasyino Kasyamo Urairi ntuna rije, arono Yavar Amisy Yerusalem rauseo nte dainy. Kasyamo Urairi umaso mamo Harun apa isyo me, orame vasye jirum Anaparatot Amisy ratoe yai muno vabiu anaisyo manna raveasyo ntuna rai omirati ntuna uga rai. rapaya ti ntami,
omamo randumo de tuna#78:60 randumo de tuna rai: omamo Kasyamo Urairi mirati ntuna rai, mbe rarorombe Amisye de no mansatavon. rai no vatano mine so awa yasyin.
61Kasyamo Urairi omirati Apa kovo ntiti raeno rai,
omamo aneme mpaya rai ti marova wo raugav.#78:61 1Sam. 4:1-11
62Pari Apa kawasae taune Po matayao terave amarome umaso mai ti,
Po mapaya ti awa marova wo maotaro omake rai.
63Awa arikainyo anya baribuai nawamo marova mo maunto ti mewen,#78:63 Ayao Ibrani maisyare so: ‘‘taname mo mansanen ti makanive.’’
weti wanya kamurame inta ubauname ramu ti ransyerano vauname inta ranaun akatoe jewen.
64Awa syene nawamo marova wo maotaro omake rai,
weti awa wanya ube kavinive, weramu woyovo mai kakai.#78:64 woyovo mai kakai: ama ine mare Israel wo marova rave tutir weti wo awa koke rantuna omamo mangkeo mai, muno naito mamune usoowato mai ti wanya kavini woyove kakai.
65Weti umba Akoe beseo kobe, maisyare vatano niki ti beseo kai wemaisy,
maisyare anaanivo po angguri ramanam ti mo vambunine raugavo ai wemaisy.
66Weti Po Apa marova manepat ti wansuk akiri muno unanajibe,
muno Po mapinde ti awa tame ngkakai#78:66 awa tame ngkakai: 1Sam. 5:6-12 ntoa nuge nuganui.
67Ponae irati Yusup apa ajavi mai,
onawirati Epraim apa susye nao,
muno Po matayao akato ramu.#78:67 Susyo Epraim una no munijo Israel ama ranijo wanansai, yara susyo Yehuda una no ranijo wanampui.
68Yara Po susyo Yehuda obo matayao terave akato amarom,
muno anuga no unato Sion rai indamu tuna rai.#78:68 Unato Sion omamo no no munijo akoe Yehuda.
69Po Apa Yavaro ndandinit rauseo nteto tindimuve,
maisyare naumo ntiti me mine so me no tindimuve ntoa nuge nuganui wemaisy.
70Po Daud wepi vatano panapatambeo Ai atayao,
umba Po augav no apa anakero po maero domba mansayaranande rai.
71LuPo augav no apa anakero po domba akoe me tuvane me makume rai,
indamu be akarive kawasae Israel#78:71 Israel: Ayao Ibrani mo ‘‘Yakop’’ ratoe. Susyo Yakop ama ine mare kawasae Israel, weye aneno Yakop awain tavonamo ‘‘Israel.’’ mai muno po mansayaranande,
weye onawirati kawasae Amisye taune Po matayao terave amarom.
72Daud po mansayaranande anuga nsarokire rai,
muno po mansaugavo mavabe unanui ngkove rai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)