Masmur 76
76
Amisy Po marova mataopon
1Nto irati akari po vatano matayao ukiny maugavo ransyerane rai ai. Ukinyo rai, wo itari#76:1 itari ranigwano ‘‘kecapi’’ rai. raeyan. Masmur Asap po ratoe. Ransyeran.
2Vatano una no munijo Yehuda wo Amisy aen tenambe
muno Apa tame manakoe no Israel!
3Nai Salem#76:3 Tamo ‘‘Salem’’ omamo tamo wusyin rave munijo Yerusalem rawain, ama tame rawain tavonamo ‘‘Sion.’’ Apa yavare ntami rije,
Apa tuna ri rave mi Sion!
4Nai ratuije Wepi Po marova awa ato mbadurure radaut,
muno awa vakane muno omako waravainy
muno anaiyu randamisy tenambe.
5Wakoe! Amisy, Nya varo ngkove nggwaayan dave muno Winyi ntitito rave!
Unato akokoe so nsayae no wusyinoe,
weramu Winyi ntitijo rakivan bintabo.
6Vatano anaaniv awa anaiyu, awa ananuge rantauno mansai to,
utaopon to, inta ubesea akato jewen.
Naito anaaniv kakui awa vambunine rakanive mai to.
7Amisy, Winyirati reama aneno Yakop beaje Nai, Winyo mansanenen papabe,
weti vatano usea kuda mai nawe,
kuda nao ntaruran tenambe.
8Wakoe, Wibuiny to, vatane wo nasyaniv!
Vatane nawamo inta bambunin da te no namune rai kakai
arono Nya pari mangke raugaje.
9Amisy, wino no munijo ntiti, arono Nyo patimuge raugaje,
kawasae mine so ujani dave vintabo muno anamainitu mai.
10Arono wimbeseo indamu Nyo mangke raugaje,
umba Nyo vatano matekarasyo no mine so maijaseo no awa siurije rai.
11Tugae rave, vatano manuga mamun kai,
AMISY Nyo masakinav weti ukangkamambe Nai.
Muno vatano manuga pari no tawano maive onawamo indati ubevea marudija,#76:11 Ayao Ibrani ama ine naiso mbare ramu. Ama ino kaijinta no taiso: Arono Amisye Po mangke raugaje Apa marova mai, vatano kaijinta wo raen ti indati ude utantuna Amisye akijani ubeaje Ai.
arono AMISY Nyo maugav akare ubeaje Nai.
12Ranivara wapo urairije raokokaisyo AMISY Ai,
koveamo wasayae rai kobe.
Vatan tenambe wana no AMISY akijani ri weap,
koveamo wapo anakotare raugavere raunanto Ai,
weye Opi mamaisyo asyaniv.
13Wepirati Po akari awa mangkakeraive radaut,
Wepirati anaaniv kakuiveo akari titi mine so mai.
Currently Selected:
Masmur 76: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
Masmur 76
76
Amisy Po marova mataopon
1Nto irati akari po vatano matayao ukiny maugavo ransyerane rai ai. Ukinyo rai, wo itari#76:1 itari ranigwano ‘‘kecapi’’ rai. raeyan. Masmur Asap po ratoe. Ransyeran.
2Vatano una no munijo Yehuda wo Amisy aen tenambe
muno Apa tame manakoe no Israel!
3Nai Salem#76:3 Tamo ‘‘Salem’’ omamo tamo wusyin rave munijo Yerusalem rawain, ama tame rawain tavonamo ‘‘Sion.’’ Apa yavare ntami rije,
Apa tuna ri rave mi Sion!
4Nai ratuije Wepi Po marova awa ato mbadurure radaut,
muno awa vakane muno omako waravainy
muno anaiyu randamisy tenambe.
5Wakoe! Amisy, Nya varo ngkove nggwaayan dave muno Winyi ntitito rave!
Unato akokoe so nsayae no wusyinoe,
weramu Winyi ntitijo rakivan bintabo.
6Vatano anaaniv awa anaiyu, awa ananuge rantauno mansai to,
utaopon to, inta ubesea akato jewen.
Naito anaaniv kakui awa vambunine rakanive mai to.
7Amisy, Winyirati reama aneno Yakop beaje Nai, Winyo mansanenen papabe,
weti vatano usea kuda mai nawe,
kuda nao ntaruran tenambe.
8Wakoe, Wibuiny to, vatane wo nasyaniv!
Vatane nawamo inta bambunin da te no namune rai kakai
arono Nya pari mangke raugaje.
9Amisy, wino no munijo ntiti, arono Nyo patimuge raugaje,
kawasae mine so ujani dave vintabo muno anamainitu mai.
10Arono wimbeseo indamu Nyo mangke raugaje,
umba Nyo vatano matekarasyo no mine so maijaseo no awa siurije rai.
11Tugae rave, vatano manuga mamun kai,
AMISY Nyo masakinav weti ukangkamambe Nai.
Muno vatano manuga pari no tawano maive onawamo indati ubevea marudija,#76:11 Ayao Ibrani ama ine naiso mbare ramu. Ama ino kaijinta no taiso: Arono Amisye Po mangke raugaje Apa marova mai, vatano kaijinta wo raen ti indati ude utantuna Amisye akijani ubeaje Ai.
arono AMISY Nyo maugav akare ubeaje Nai.
12Ranivara wapo urairije raokokaisyo AMISY Ai,
koveamo wasayae rai kobe.
Vatan tenambe wana no AMISY akijani ri weap,
koveamo wapo anakotare raugavere raunanto Ai,
weye Opi mamaisyo asyaniv.
13Wepirati Po akari awa mangkakeraive radaut,
Wepirati anaaniv kakuiveo akari titi mine so mai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)