Masmur 141
141
Syare Amisye Winyo rinapaya irati vatano mamune awa vambunine rai
1Masmur Daud po ratoe.
Sya AMISY, syo winawain, weti syare nyavave Nyo rinaijaseo,
syare Nyo rinaraniv arono syo winawain!
2Sya ana danajo seo Nai somamo syare Nyo rator siso
maisyare kemenyano mbovov rameseo Winai wemaisy.
Inaneme raijaseo ibe sambayambe somamo syare Nyo rator siso
maisyare maero rameseo Nai no arono namandi wemaisy.
3Sya AMISY, syare Nyo inawa so rayaranande,
indamu vemo mpaato ayao kakaije rai jinya.
4Syare Nyo inanuga so rayaranande,
indamu vemo ntento ana ngkakainoanive rai jinya.
Vemo syo ayao kakai rave inya,
vemo rito naijaro vatano mamune matavon inya,
vemo itavondijo awa one#141:4 one: Kuruno Ayao Amisy inta wo ratantona ware one somamo vatane wo rave indamu ubeaje awa yare rai. rai tavon inya.
5 # 141:5-7 Ayao Ibrani ama ayao no anemo 5-7 omamo mba kobe jewen. Ranivara vatano mamai no Amisye Amune rai inta po inanayao,
weamo muinyo rinai ije.
Muno po inanyao indamu risakinavo sya ayao kakai rai,
omamo maisyare manino mbovov randi inakari rai wemaisy;
weti vemo syo rawatambe inya.
Syo Amisye anajo tutir indamu Po vatano mamune awa ana udave ransopi.
6-7Arono indati vatane awa akari mamune maeparo pene rai,
awa pae mamo mpusyiki no amani,
maisyare orame raturi ti mpusyiki no min.
Wea umba vatane wo raen ware sya ana daurave mamo tugae.
8Weramu AMISY, Winyirati sya Akoe, syo naijaro sya usye rai,
syare vemo winaneme mpaya rinai mo rikakai inya,
weye Winyirati syakaore inamamavube Nai.
9Syare Nyo inayaranande irati isyeano sya marova wo ratugar ti mo rinamane rai,
muno avirijo vatano mamune wo ratugar ti mo inaman tavone rai.
10Syare koveamo vatano mamune awa vavumo wo rave mamo taune wakata utatayasyo rai,
yara risyamo inaugavo marambe rai.
Currently Selected:
Masmur 141: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
