Masmur 124
124
AMISY ararimbe weye Po wansapaya wama marova mai
1Daud apa ransyerano Israel ukiny dai arono wanya usea no Yavar Amisy no Yerusalem.
Ranivara AMISY be marimbe wansai jewen datire?
Inya, vatano Israel, koveamo wapo raura taiso maisy:
2Ranivara AMISY be marimbe wansai jewen datire?
Arono vatane usea ti umarovave wansai,
3weamo wo wansaubaisy ti wene mo wansaunto jayaibe,
weye manuga mamune ntatupami wansai.
4Weti wo wansao bintabo, maisyare manayame inta mo wansaugaveta wemaisy,
muno maisyare manayame nsepadi wansai wemaisy,
5muno maisyare manayamo mpanyoane ama vambunine mo wansakupita wemaisy.
6AMISY ararimbe, weye Opamo Po wansaunanto wama marova mai jewen,
onawamo maisyare make sivuiny ware wo wansarisyi wemaisy.
7Yara wampapaya mai to,
maisyare insanije upaya irati pamuno nsawa maije rai.
Pamuno wem mpatimu ti wampapaya rai to.
8AMISY Wepirati Po naume muno mine so ranari,
Opirati Po wansapaya irati kakai rai.
Currently Selected:
Masmur 124: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
