Masmur 125
125
Wana kovo saumane rai no Amisye anem uga
1Ransyerano Israel ukiny dai arono wanya usea no Yavar Amisy no Yerusalem.
Vatano wanave AMISY Ai onawamo maisyare unato Sion mangkiki kakai,
nteto tindimuve tawan tutira nuge nuganui.
2Maisyare papukame mo Yerusalem rayan kijani,
omai tavon AMISY Po Apa kawasae mayan kijani Apa vambunine rai,
arono naiso ntoa nuge nuganui.
3Vatano mamun#125:3 vatano mamun wenawamo vatano wonae Amisye Apa ananyao rai muno ananyao rui vayave rai. indati ube akarivea nugoenta rave jewen,
no kopa AMISY Po raosoro vatano kove mai rai,
wirati vemo vatano kove#125:3 vatano kove onawamo vatano ubeta Amisye Apa ananyao rai. utavondi wo anakotaro ngkakai rave tavon nora.
4Sya AMISY, syare Winyo kove raugaje irati vatano kove mai,
onawamo vatano utavondi Nya bekere rai nanawije.
5Yara vatano wo Nya unanuije rapaya ti ntami, wakata no unanuijo kakai nsosobe rai,
koveamo AMISY Winyo mangke raugaje mansaijo vatano mamune mautan tenambe.
Kovo saumane ntami Israel wansai!
Currently Selected:
Masmur 125: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
