Masmur 123
123
AMISY anajo indamu aemeno wansai
1Ransyerano Israel ukiny dai arono wanya usea no Yavaro Amisy no Yerusalem.
Sya Amisy, Winyirati Akari Titi ntuna no munijo Manunggara,
Winyirati inamumbe ore Nai, syare syo nanajo.
2AMISY, reama Amisy, reamo winanyut ava naemeno reansai!
Reansanaveano winamen, maisyare anya inta anaveano apa akari panapatambe ai amene wemaisy,
muno maisyare wanya ranaveano ama akoeyo manapatambe raije ramene wemaisy.
3Naemeno reansai! AMISY, reamare naemeno reansai,
weye vatane wo reansaura tantunawi tutira ndea naiso rave to.
4Vatano utantuna ananuge vone rai wo reansakaajiana nugoenta rave to,
muno vatano umararine wo reansaura tantunawi tavon.
Currently Selected:
Masmur 123: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
