Masmur 122
122
Kovo saumane ranajo Yerusalem rai
1Daud apa ransyerano Israel ukiny dai arono wanya usea no Yavaro Amisy no Yerusalem.
Rinanayanambe rave arono sya arakove wo rinawain ware:
‘‘Nde wanta no Yavaro AMISY.’’
2Soamo reande wansayae to
no unsanda akoe sisa no munijo Yerusalem.
3Yerusalem rauseo ntet to,
omamo munijo vatane wo ranari ti ngkov dave muno ntindimu.
4Nai munije so, susyo Israel wangkuire,
onawamo AMISY taune Apa kawasae nanawije,
indamu wo AMISY Apa tame rawain, wo kove raura seo Ai,
mamaisyo Apa ananyao Po raugaje#122:4 Amisye Po ananyao raugaje Apa kawasae Israel mansai pare ude ubeaje Ai no Yerusalem tume intabo susye mandeij. Ul. 16:16-17. Israel maije rai.
5No Yerusalem so, akari titi utantuna no awa kursijo titi rai indamu wo mangke rapatimu,
akari umaso nanawamo una no tanoano susyo Daud.
6Syare wapo AMISY anajo indamu Po kovo saumane raugaje ntami Yerusalem rai:
‘‘Syare vatano manuga nto munijo Yerusalem raije nao awa ura irati kovo saumane rai.
7Syare kovo saumane ntami no Yerusalem nya yano orame ama uga rai,
muno nya soero ramane rai indamu nya vatano wo ramane utantuna mariraave vayave.’’
8Rinaemen irati sya yavaruga muno sya arakovo Israel mai, weti syo raura syare:
‘‘Kovo saumane ntami no Yerusalem nya uga rai tutir!’’
9Inanuga nto Yavaro AMISY, wama Amisye Apa yavare rai,
weti risyo anajo indamu Po kove raugaje Yerusalem nai.
Currently Selected:
Masmur 122: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
