Lukas 5
5
Panjala lauk manjadi panjala kalunen
(Mat. 4:18-22; Mrk. 1:16-20)
1Intu ije katika Yesus mendeng intu saran danau Genesaret, tuntang uluh are dumah mangarumbung Iye awi handak manyeneh auh ajaran Allah. 2Intu hete Iye mananture due jukung intu danau te. Kawan palauk jite muhun bara jukung tuntang ewen mamenyau jala'ah. 3Yesus lumpat akan ije jukung, yete jukung ayun Simon, tuntang manyuhu iye manulak jukung'ah isut bara danau te. Tuntang Yesus munduk majar uluh are bara hunjunah. 4Limbas Yesus majar te, Iye hamauh umba Simon: “Tulak ih akan eka je handalem tuntang birik ih jalammu akan mandinu lauk.” 5Simon manjawab'ah: “Guru, jadi ije malem-malem tuh ikei bagawi tapi ikei dia dinun narai bewei, tapi awi Ikau je manyuhu'ah, Aku akan mambirik jala te.” 6Tuntang ewen manumunah, Are tutu lauk ewen dinu'ah, sampai jala te handak barabit. 7Balalu ewen mantehau karen kawal'ah intu jukung je beken mangat dumah mandohop ewen. Ewen sama-sama manyuang due jukung te umba lauk awi jukung Simon handak leteng. 8Metuh Simon Petrus nanture taluh te iye sujud intu taharep Yesus sambil hamauh: “Tuhan, buhau ih bara taharepku, awi aku tuh uluh je badosa.” 9Awi iye tuntang uras uluh je umba iye heran awi kakaren lauk je ewen dinu'ah; 10Kilau te kea Yakobus, Yohanes, tuntang kawan anak Zebedeus, je kawal dengan Simon. Auh Yesus umba Simon: “Ela mikeh, nampara bara wayah tuh ikau akan mansanan kabar bahalap tuntang kabar kasalamatan akan uluh are.” 11Limbas ewen mampatende kawan jukung'ah akan saran danau, tuntang mangalihi narai bewei, lalu ewen manuntut Yesus.
Yesus mampakeleh uluh je basamah
(Mat. 8:1-4; Mrk. 1:40-45)
12Huang ije andau Yesus tege intu huang ije kota. Intu daerah Galilea te. Tege ije biti uluh je kana samah. Metuh iye nanture Yesus te, iye mangguang tuntang balaku umba Yesus auh'ah: “Tuan, amun Tuan handak, Tuan tau mampakeleh aku.” 13Maka Yesus te manjuluk lenge-Ah, mimbing uluh te, tuntang hamauh: “Aku handak ih, maka keleh ndai ikau.” Metuh te kea panyakit samah te keleh. 14Tuntang Yesus kea mangahana uluh te mansanan'ah akan uluh eweh bewei sambil mameteh iye: “Tulak ndai, parahan arep mu akan imam tuntang nenga ih surungan mu awi kakeleh mu surungan jite kilau inyuhu awi Musa, kilau bukti akan ewen.” 15Tapi kabar mengenai Yesus te batambah tasebar tuntang kea uluh are dumah-dumaha mangguang-Iye mahining ajar-Ah, tuntang laku inpakeleh bara karen panyakit ewen. 16Tapi Yesus mahindar arep-Ah mangguang uka je benyem tuntang balaku doa.
Yesus mangampuni kasala
(Mat. 9:1-8; Mrk. 2:1-12)
17Intu ije andau metuh Yesus majar, tege pire-pire uluh Farisi, guru hukum Musa munduk mahining-Ah. Ewen te dumah bara uras lewu intu daerah Galilea, tuntang daerah Yudea, bara kota Yerusalem. Tuntang kuasa Tuhan halajur mampahayak Iye, sahingga Iye tau mampakeleh uluh je haban. 18Tuntang dumah kea pire-pire uluh je mimbit uluh je dia tau nanjung je tapenter intu hunjun uka tiruh; ewen ba'usaha mimbit iye tame tuntang malekak'ah intu taharep Yesus. 19Awi ewen dia tau mimbit tame awi uluh are intu hete, maka ewen mandai akan hunjun sapau huma, mambongkar sapau te tuntang mampuhun uluh jite dengan uka tiruh'ah intu kare helat uluh are pas intu taharep Yesus. 20Metuh te Yesus nanture ampin iman ewen, Yesus hamauh: “Oi pahari, kasalammu jadi iampun.”
21Tapi intu hete kawan guru hukum Musa, uluh Farisi bapander huang atei'ah: “Eweh kah uluh jituh je mahina Allah? Eweh je tau mangampun karen kasala selain Allah kabuat?” 22Tapi Yesus mangatawan pikiran ewen te, Yesus hamauh umba ewen: “Narai je ikau mander'ah intu huang ateimu?” 23Je kueh je labih murah, mansanan'ah: Kasalammu jadi iampun, atawa mansanan'ah: Hingkat ih, tuntang mananjung ndai? 24Mangat ketun katawa, bahwa intu dunia tuh Anak Kalunen je tempun kuasa mangampun karen kasalan balalu Iye bapander umba uluh te: “Akam mu Ku mander'ah, hingkat ih, angkat ih uka tiruh mu tuntang buli ih!” 25Tuntang metuh jite kea hingkat ih iye, intu taharep ewen, sambil maangkat uka tiruh'ah tuntang buli uka huma'ah sambil manara Allah. 26Uras uluh intu hete heran, tuntang ewen kea manara Allah, tuntang kea ewen uras mikeh, sambil hamauh: “Andau tuh ikei jadi mananture ampin kare hal je aneh.”
Yesus mamintih ije biti uluh panagih pajak ara te Lewi akan manjadi murid-Ah
(Mat. 9:9-13; Mrk. 2:13-17)
27Limbah jite, Yesus balua bara huma te, Yesus nanture ije biti uluh panagih pajak, ye ara te Lewi, metuh munduk intu kantor panagih pajak. Yesus bapander umba iye: “Umba ih Aku!” 28Balalu Lewi te mendeng tuntang mampelai kare gawi'ah, palus umba Yesus.
29Limbas te Lewi kea manampa ije pesta hai intu huma'ah akan mahormati Yesus. Tuntang are uluh panagih pajak tuntang kea uluh je beken umba kuman intu pesta dengan ewen. 30Tapi uluh Farisi, guru hukum Musa mangarunum umba kawan murid Yesus, auh ewen te: “Buhen ketun kuman mihup umba uluh panagih pajak tuntang uluh je badosa?” 31Tapi Yesus manjawab'ah: “dia uluh barigas ih je manggau tabib, tapi uluh je haban; 32Awi Aku dumah dia manggau uluh je bujur, tapi manggau uluh je badosa, mangat ewen tau batobat.”
Yesus kana isek mengenai puasa
(Mat. 9:14-17; Mrk. 2:18-22)
33Tapi uluh Farisi te misek kea umba Yesus: “Kawan murid Yohanes rancak puasa tuntang balaku doa, kilau te kea kawan murid uluh Farisi, tapi kawan murid-Mu dia puasa.” 34Tuntang Yesus manjawab'ah: “En tau kah kawal panganten hatue inyuhu puasa, sedangkan panganten te umba ewen? 35Tapi akan tege waktu'ah, amun panganten te induan bara ewen, katika te ih ewen tau puasa.”
36Yesus masanan'ah ije suntu akan ewen: “Jatun ije uluh bewei marabit banang je taheta akan manumpang'ah baju je kupit. Amun kilau te, je taheta te kea akan barabit awi banang je helu dia cocok akan je taheta. 37Kilau te kea jatun ije uluh bewei manyuang anggur je taheta intu sarangan je helu, awi amun kilau te anggur je taheta te, tau mamparusak saranga'ah tuntang anggur jite kea batusuh balalu saranga'ah ihancur. 38Tapi anggur je taheta i'ingkes intu huang sarangan je taheta kea. 39Tuntang jatun uluh bewei je jadi mihup anggur je helu te tapi handak mihup anggur je taheta, awi iye hamauh: Anggur je helu te bahalap tutu.”
Currently Selected:
Lukas 5: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
