Lukas 4
4
Roh je papa Mancoba Yesus
(Mat. 4:1-11; Mrk. 1:12-13)
1Limbah Yesus impandui awi Yohanes intu sungei Yordan, tuntang Iye inguntep awi Roh Barasih balalu Iye haluli mangguang akan pulau pasir. 2Intu hete katahin empat puluh andau Yesus melai pulau pasir, Roh je papa dumah mancoba Iye. Katahin te Iye dia kuman narai bewei. Intu hete Iye mangkeme kala'u-Ah. 3Balalu roh je papa hamauh umba Yesus: “Amun Ikau Anak Allah ubah ih batu tuh jadi roti.” 4Tapi Yesus manjawabah: “Tege inulis, kalunen belum dia bara roti bewei.”
5Balalu roh je papa mimbit Yesus akan uka je gantung tuntang dengan capat tutu roh je papa mamparahan panatau dunia. 6Roh je papa hamauh umba Yesus: “Uras kare kuasa tuntang kahalap'ah inenga ku akam-Mu, awi urasah te jadi inenga akangku tuntang aku manenga'ah akan eweh bewei je kahandak ku. 7Jadi amun Ikau manyembah aku, Urasah jite akan Ikau tempu-Ah.”
8Tapi auh Yesus dengan roh je papa: “Tege inulis: Ikau harus manyembah Tuhan Allah mu, tuntang umba Iye ih ikau tunduk!” 9Limbah te roh je papa mimbit Yesus akan rawung Huma Allah intu kota Yerusalem, balalu ih roh je papa hamauh dengan Yesus: “Amun Ikau Anak Allah, Panjatu ih arep-Mu bara hetuh akan penda, 10awi tege inulis: Mengenai Ikau, Allah akan manyuhu karen utusan Tuhan akan manjaga-Ikau, 11Tuntang utusan-Ah akan manyambut Ikau intu hunjun lengen ewen, mangat pain-Mu dia takana batu.”
12Yesus manjawab auh roh je papa, auh Yesus: “Tege Inulis: Ela ikau mancobai Tuhan, Allah mu!”
13Limbah te roh je papa manende uras masalah te, Roh je papa mundur bara Yesus tuntang manunggu waktu je tepat.
Yesus Haluli Mangguang Daerah Galilea
(Mat. 4:12-17; Mrk. 1:14-15)
14Huang kuasa Roh Yesus haluli mangguang daerah Galilea tuntang tersiar ih kabar mengenai Yesus melai seluruh daerah jite. 15Metuh te Yesus majar intu kare huma ibadah tuntang uluh are mamuji Iye.
Yesus dia inarima intu kota Nazaret
(Mat. 13:53-58; Mrk. 6:1-6)
16Yesus dumah akan kota Nazaret uka-Ah impahai, tuntang manumun kabiasaan Yesus andau Sabat Yesus tame huma ibadah, balalu mendeng handak mambasa Kitab Suci. 17Aka-Ah inenga kitab nabi Yesaya, inbuka-Ah, Yesus manyundau ayat, Je tege inulis:
18“Roh Tuhan tege intu Aku,
awi Iye jadi manyuhu Aku,
Akan mansanan kabar bahalap akan karen uluh susah;
tuntang Iye jadi mayuhu Aku
19tuntang mansanan katika pandumah Tuhan manyalamat umat-Ah.”
20Limbas te Yesus haluli manutup kitab nabi te, Iye manenga'ah akan petugas, balalu Yesus munduk; tuntang matan uluh are intu huang huma ibadah te nanture umba-Iye. 21Balalu Yesus nampara kea hamauh umba ewen, auh-Ah: “Intu andau tuh, auh Kitab Barasih je metuh ikau mahiningah jadi nyata.” 22Uras uluh satuju tuntang heran akan kare je insanan-Ah je bahalap, ewen hamauh: “Dia kah Iye tuh anak Yusuf?” 23Yesus hamauh umba ewen: “Pasti ketun akan mansanan bandingan tuh akang-Ku: Oi tabib, Pakeleh ih arep-Mu kabuat. Tuntang mawi ih hetuh kea intu uka asal-Mu tuh, awi uras ikei hining ah bahwa ikau jadi manguan kare macam mujisat intu kota Kapernaum. Nguanih kea sama kilau jite intu lewummu kabuat.” 24Balalu Yesus hamauh: “Aku mansanan akam mu, je katutu'ah jatun nabi je ih hormat intu uka asal'ah.” 25Tuntang aku masanan akam mu, auh-Ku tuh puna bujur: “Intu zaman Nabi Elia are tutu bawi balu intu Israel metuh langit inutup katahin telu nyelu jahawen bulan tuntang metuh te kea kalau je hai ingkeme uras lewu te. 26Tapi Elia inyuhu dia akan ewen, tapi akan ije biti uluh bawi balu intu kota Sarfat, intu daerah Sidon. 27Intu zaman Nabi Elisa te kea are uluh je basamah intu Israel tuntang jatun ije biti uluh je keleh, kecuali Naaman, Uluh bara daerah Siria te.” 28Uras uluh intu huma ibadah te basingi tutu metuh mahining auh te. 29Balalu Ewen mendeng tuntang mampalua Yesus balua bara kota, balalu mimbit Iye akan saran bukit, Uka kota te mendeng, tuntang ewen handak mambaring Iye bara saran bukit te. 30Tapi Yesus mananjung mahalau nyangkelat ewen, balalu buhau tuntang dia mahirau ewen.
Yesus huang huma ibadah intu kota Kapernaum
(Mrk. 1:21-28)
31Limbah jite Yesus tulak akan kota Kapernaum, ije kota intu daerah Galilea, Iye majar intu hete satiap andau Sabat. 32Ewen uras kagum mahining auh ajar-Ah, awi pander-Ah sama kilau je are kuasa. 33Intu huang huma ibadah te tege uluh kasarungan roh je papa, iye nangkariak hai tutu: 34“Oi Ikau, Yesus uluh Nazaret, narai urusam-Mu umba ikei? En Ikau dumah handak mahancur ikei?” Aku katawan ih eweh Ikau tuh: “Je barasih bara Allah.”
35Tapi Yesus mangarahang roh je papa te, auh-Ah: “Benyem ih, balua ih bara iye!” Tapi roh je papa te mahampas intu petak uluh te intu bentuk uluh are, balalu roh je papa te balua bara uluh te tuntang dia mangapehe iye je kerasukan te. 36Uluh je intu hete uras heran tutu, tuntang ewen saling hakisek, auh'ah: “Ajaran narai je macam jite? Auh-Ah je are kuasa tuntang wibawa sampai roh je papa kea manumun auh-Ah.” 37Maka tasebar ndai kabar mengenai Yesus intu kueh bewei huang daerah te.
Yesus mandohop uluh are
(Mat. 8:14-17; Mrk. 1:29-34)
38Limbas te kea Yesus tulak bara huma ibadah te tuntang Iye mangguang uka huma Simon. Intu hete empu Simon je bawi haban tutu tuntang ewen manyuhu Yesus mampakeleh iye. 39Yesus tulak tuntang mendeng intu balikat empu Simon te, mampakeleh kahaban'ah, tuntang iye kea manjadi keleh. Bawi jite hingkat tuntang mampakanan ewen.
40Metuh andau jadi halemei, Uluh are mangguang akan Yesus, mimbit je are macam kahaban, tuntang Yesus ma'andak lenge-Ah mampakeleh ewen tuntang ewen kea uras keleh. 41Bara kakaren uluh tege je kasarungan roh je papa tapi uras impuhau awi Yesus. Tuntang ewen balua sambil hamauh; “Ikau tuh Anak Allah, tapi Yesus ngahana ewen bapander awi ewen jadi katawan bahwa Yesus te Mesias.”
Yesus Majar intu satiap kota je beken
(Mrk. 1:35-39)
42Andau hanjewuah Yesus tulak mangguang uka je benyem. Tapi uluh are manggau-Ah, metuh ewen manyundau-Ah, ewen manahan Yesus mangat tatap umba ewen. 43Tapi Yesus hamauh umba ewen: “Aku harus tulak mansanan kabar bahalap karajaan Allah, awi te Allah manyuhu Aku akan dunia tuh.” 44Awi te Yesus majar intu setiap huma ibadah huang daerah Yudea.
Currently Selected:
Lukas 4: AMGV
Highlight
Copy
Compare
Share
Want to have your highlights saved across all your devices? Sign up or sign in
Manuhing Bible by Beyond Translation is licensed under Creative Commons Attribution-ShareAlike 4.0 License.
