Pangiraan Suku Israel 31
31
Kajau’anna tau Midian dabalas
1Jaji manjarum i Yahuwe lo’a baki’ Musa, 2“Arung ibalas barik ikin kajau’anna tau Midian dinen lo’a tau Israelen. Maminna dinen baru’ko to’ talalo mate ipasilao’ang nanna arabakinu,” ingka kenang.
3Jaji barik manjarum baki’ Musa lo’a tau bayu’en, “Suro’ balanin sapadua mawa alat sikayoon laloang tangkat sikayo nanna tau Midian dinen. Dasuro’ki’ mamalas kajau’anda’ atas asanna i Yahuwe. 4Maira suku kanturunan dari anaka baki’ Israel yang dua belasen dinen arung mangirim balana saribuun,” ingka kenang manjaruma i Yahuwe. 5Jaji barik yang bakamas to’ sikayo, andian bala dua belas ribu. Maira suku kanturunanna baki’ Israel saribu yang dasuro’ tamba. 6Laloang dasuro’ tangkat sikayo, saribu-saribu maira suku. Tamba bea baki’ Pinehas anaka baki’ Eleasar tau imamen dinen. Daawa bea ambata alat dari kakalanga i Yahuwe nanna tarumpet itiapen dinen itiang mameang tanda tangkat sikayona dinen.
7Jaji sikayo lalo ira barik nanna tau Midian dinen, awan bua parintana i Yahuwe lo’a baki’ Musa. Akaus dauno’ tamatoa babakaan. 8Antarana tau dauno’en dinen andian ira raja Midian dinen, i Ewi, i Rekem, i Sur, i Hur nanna i Reba. Mate bea i Bileam anaka i Beor dinen, dauno’ nanna pedangen. 9Datingkam bea kole’da’ ambata babainye Midian nanna nangkanaken, sarata ambata inatangda’ nanna jaluda’ akaus darampas. 10Akaus datutung ambata banua dalalako’iin kole’a tau Midian. Datutung bea kosan dapakadengen kakalang palamba’da’. 11Samuana ambata rampasanna ambata jalu dakule’ datingkamen dinen, maam mantuariin nanna inatangen, akaus dala. 12Laloang daawa mole’ kausa, ambata tau datingkamen, ambata inatangen, ambata jalu darampasen dinen. Daawa lo’a baki’ Musa nanna baki’ Eleasar tau imamen nanna ambata tau bayu’en inang di kosan dapakadengen kakalang palamba’a di tana’ rataan Moap, inang di biringa sunge Yordan isulina banua Yeriko.
13Jaji lamba’ barik baki’ Musa nanna baki’ Eleasar tau imamen dinen sarata nanna ambata panguluan banuaan pasidua’ang kalena nanna balaan insaluanna banuaan. 14Jaji arasi baki’ Musa lo’a panguluan bala mole’ sikayoon dinen, yang manguluangen lo’a bala saribuun, nanna bala saratusen. 15Jaji manjarum, “Ai dinen, ikatio’ kausa ambata gulungan babainye tau Midian?” ingka kenang mangatoanina lo’da’. 16“Din lalojo yang dajarumiin kole’a i Bileam dinen, yang malola’aniin lo’a panamuna. 2Ptr. 2:15. Ira lalo babainye dinen barik yang mawaan lo’a tau Israelen alingo sampai na’an lagi’ malola’ani lo’a panamuna i Yahuwe ilalam jalu adariin inang di Peor. Manyuro’ poang barik anak katio’anna i Yahuwe dadua’ panyakit sampar dinen. 17Na, uno’ kausa gulungan anak babakaan. Uno’ bea maira babainyeen yang maminen sitindo’an nanna babakaan. 18Suma poang yang ikatio’, anak babainye bungasen,” ingka kenang manjaruma baki’ Musa lo’a balaan.#31:18 Bileam dinen baingin to’ dagaji kole’a raja Balak dinen. Dapase’ang mangutuki lo’da’ nanga daalana kole’a raja Balak. Jaji daia barik mandua’ang akal. Daparajari barik ira tau suku Midian, dasuro’ mamancing nanna gulungan anak babainyeda’ mainto’ tambana rabarik gulungan tau Israelen manyemba lo’a jalu dapolaan dinen. Na kenang arasina Alatala lo’da’ manyuro’ daukum. Kenang panamuna i Bileam lasana bainginen lo’a kamaaman duniaan. Ialalo daukuma i Bileam nanna gulungan tau Midian.
Currently Selected:
Pangiraan Suku Israel 31: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
