Pangiraan Suku Israel 29
29
Rami itaba’ tarompeten
1“Di tanggal satu bulan katujuun arung andian kumpulan kususen. Na’ankin pande karaja jalu aboraten. Aso dinen ilaanang lo’a aso bokanen itiang aso manaba’ tarompeten. 2Arung iawa ikin pamindara jalu itutungen, sapi laki baruun sera, domba lakiin sera, anak domba lakiin umur sataunen tuju. Samuana arung kosan jaji rabora, kosan sakina.
3“Nanna sapi lakiin dinen arung andian bapi pamindara tepung yang palin maamen tiga kilo yang ibaroken nanna inyak. Nanna domba lakiin arung andian pamindara tepung yang palin maamen duang kilo. 4Maira anak dombaan arung andian bea pamindara tepung yang palin maamen sakilo. 5Arung itambai bapi kambing lakiin sera itiang pamindara panyauti dosaan. 6Samuana dinen itambai bapi lo’a jalu ipamindaraan maira bulanen nanna pamindara iawaan mairaso, ambata pamindara tepungen nanna danum angguren yang maminen daparintangen lo’in. Ipamindaraang lo’a i Yahuwe di apiin padari jalu maamen bauna yang pasasauiin nyawana.”
Currently Selected:
Pangiraan Suku Israel 29: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
