Pangiraan Suku Israel 24
24
1Jaji datamu barik kole’a i Bileam kole’a i Yahuwe saja mainya’ to’ berkati lo’a tau Israelen, na’an lagi’ dapakai ilmuna awan yang maminen dinen. Dakoengang poang lindo’a maro lo’a kasik baraa’en. 2Mamin daia mamele inang, mamele lo’a tau Israelen yang maminen pakadeng kakalang palamba’a sama malola’ suku kanturunanna dari anaka baki’ Israel yang dua belasen, laloang mondok barik Sumangat Bareseen manguasai lo’a.
....................
| Jaji manjarum i Bileam pamondokang jaruma i Yahuwe yang mamberkatiin. |
....................
10Jaji maminna daberkati dinen, bakaya arasina i Balak lo’a i Bileam. Dapasitampak-tampakang tanganna lasana arasina sambil manjarum, “Daiko kuawanu lo’a di’en, kusuro’ mangutuki lo’a musuku’. Poangsi bajao’ to’ ikutuki iko. Talung kali mamin iberkatina iko. 11Mole’ko, babariar. Ilalam bayaku’ lo’u to’ baraa jaji opa’ku’ lo’u. Poangsi daiko pan dapase’ang kole’a i Yahuwe mandua’ang opa’,” ingka kenang arasina.
12Jaji dasauti kole’a i Bileam, “Ai jarumku’ memen lo’a suro’annu? 13Kapisi amas piraken suanga sao rajaan sarata saona talola’ dameang lo’ku’, kosan jalu dapaten kuanu dari panamuna diri’ku’, uka’ memen. Maam ajau’, na’anak dapat pasilaloanang nanna parintana i Yahuwe. Yang jarum dasuro’angen lo’ku’, dinen poang yang pandeen kujarumang,” ingka kenang.
Currently Selected:
Pangiraan Suku Israel 24: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
