Matius 18
18
Intain baraa'en pakaina?
Mk. 9:33-37,42-48; Lk. 9:46-48; 17:1-2
1Jaji nanga dinen bua manjaruma palola'a i Yesus lo'a, matoani, “Intain ona' tau palin baraa'en pakaina di kangkaman Surga?” ingka kenang palola'a lo'a.Lk. 22:24.
2Jaji i Yesus mala nangkanak keke'en, dasuro' akadeng itanga'. 3“Na, manjarumak tapat-tapat lo'in. Ungka'en poang ikin pakeke'en kalenin mole' nangkanak sama'a, baru'kin dapat padari panduduk kangkaman Surga.Mk. 10:15; Lk. 18:17. 4Ratina, intain pakeke'en kalena awan lalo nangkanaken, ia lalo yang palin baraa'en pakaina di kangkaman Surga,” ingka kenang manjaruma i Yesus lo'da'.
5“Jaji intain manyialoon lo'a tau balu' nangkanak di'en, ti' manyialo atas asanku', daia dinen manyialo bua lo'ku',” ingka kenang. 6Ti' de'i dakaru kole'a tauen, daawa badosa, yang tau mangaruun dinen palin aborat ukuma dinen. Maam alit ti' itangkare'ani nanna batuun itampeang mantuarina dinen lo'a danoon dari pada ia mangaru padari badosa lo'a tau nampiin atoa yang parasaya'en lo'ku',” ingka kenang lo'da'. 7“Ka' mase'-mase'ka' bua tau dunia di'en kole'a ambata jalu mangaruun yang mawaan badosa. Tetap andian lapoang jalu mangaruun. Poangsi ai lagi' marinsa'a tau dinen yang mangaruun!” ingka kenang manjaruma lo'da'.
8“Jaji daiki' tanganka', kakika' ati'en mangaru manyuro' badosa lo'ka', labi maam itatak poang, itampeang. Daripada nanna tangan kaki dua baliin masokka' intama Banua Apiin yang na'anen mainya' masam, maam alit tio'ka' di'en tio' nanna mantuarika' araboren, asal masokka' ona' mandua'ang tio' salaun-launnaan.Mat. 5:30. 9Atau mataka'pi ati'en mangaru manyuro' badosa, ikekes poang tolang mataka' sabala', itampeang. Daripada masok Banua Apiin nanna mata duaan, maam alit tio'ka' di'en, tio' nanna mata bautaan sabala', asal masokka' ona' mandua'ang tio' salaun-launnaan,” ingka kenang manjaruma i Yesus lo'a palola'a. Mat. 5:29.
Domba alingoon dala sama' jarum
Lk. 15:3-7
10Jaji barik i Yesus manjarum lo'da', “Bele ikin, ada'kin alibaken lo'a tau nampiin atoa ilalam kaparasaya'anna, yang kusama'angen nanna nangkanaken dinen de'i. Kujarumang lo'in, malaikatda' andian lapoang di Surga mamele lindo'a Ama'ku',” ingka kenang. 11[“Ada' mangalibakangen lo'a. Kole'a pamondokku' Anak Mantuariin, kenang lalo, to' matio' lo'a tau yang alingoon,” ingka kenang manjaruma i Yesus lo'da'.] .
12“Jaji ai lo'a daikin pandua'angin? Yang tau matio' dombaan, andian saratus ambata, sera poang inyapen. Na'an te' dasari yang inyapen dinen? Tentula dasari dombana yang seraan dinen. Yang sumilan pulo' sumilanen dinen tentu darantang inang angkaanna di ukiten,” ingka kenang. 13“Dadua'ang barik dombana yang seraan, sasau nyawana. Labi lo'a ambata sumilan pulo' sumilanen yang na'anen anyap,” ingka kenang. 14“Awan dinen bea Ama'ku' di Surga. Dasayang tauen. Alibak palaloang inyap alingo,” ingka kenang i Yesus lo'da'.2Ptr. 3:9.
Ai lo'a maamen ti'en sairunen na'an sikule'?
Lk. 17:3
15Jaji i Yesus manjarum lo'da', “Ti' andian dinen sairunka' sala' lo'ka', arungki' mondok lo'a, ijarumi iki' nanna jajalu maamen. Ambakinto' mawa tauki', ambakinto' datamu tau. Iki' poang duaan,” ingka kenang. “Ati'en rabarik mainya' manaantalinga lo'ka', mainya' malola'ani panamuka', bauntungki' bua. Bauntung kole'a sairunka' dinen mole'a lo'ka',” ingka kenang manjaruma.
16“Ti' de'i alibak lagi' manaantalinga jarum dinen, mawaki' bapi mantuari sera atau dua mainto',
Ambata sala'a yang ituntuten dinen pande isaksi dua atau talu. Ul. 19:15.
17Ti' alibak bapi manaantalinga jarum dinen, baru'ki' mawa di arona kumpulanna anak ulun maamen. Maminna barik ijarumi kole'a kumpulanka', ti' alibak bapi manaantalinga, pande ianggap iki' tau yang na'anen mangilala lo'a Alatala, sabangon nanna tau panarima' sukaien,” ingka kenang manjaruma i Yesus.
18“Jaji manjarumak tapat-tapat lo'in,” ingka kenang i Yesus. “Ai poang ona' ipase'angen ikin indi'angen di duniaan, dapase'ang bua kole'a Alatala. Ai poang yang iparuarangen ikin indi'angen di duniaan, to daparuarang bua kole'a Alatala,” ingka kenang manjaruma i Yesus lo'da'.Mat. 16:19; Yoh. 20:23.
19“Kujarumang bapi lo'in,” ingka, “Umpamana daikin babangkulung dua-talu, to' bado'a mamita jalu lo'a Ama'ku' di Surga, ati'enkin sikule' pikirannin, tetapkin danoang. 20Kole'a nanga inde poang andiankin bakumpul dua, talu atas asanku', tamba'ak bea daiak inang,” ingka kenang manjaruma i Yesus lo'da'.
Ai lo'a tau alibaken mamponi tau?
21Jaji mondok i Petrus lo'a i Yesus, “Ai lo'a Paraampuane,” ingka mangatoanina dinen i Petrus lo'a i Yesus, “Umpamana sairunku' arapaten, balik-balik mamola dosana lo'ku', sampai insa' kali amponina kole'ku' yang mustiin? Sampai tuju kaliaka?” ingka kenang i Petrus lo'a i Yesus.
22Jaji manyauti i Yesus, “Manjarumak lo'u, okan poang sampai tuju kali mamponika' lo'a tauen. Sampai tuju pulo' kali tuju mainya',” ingka kenang manjaruma lo'a i Petrus.Lk. 17:3-4.
23"Jaji kenang. Kangkaman Surga pande isama'ang ilalam tutulan di'en. Andianjo rajaan. Jaji raja dinen to' mamariksa ambata tanggung jawapa arasuro'anna. 24Jaji mulai to' mamariksa dinen, andian suro'anna arautangen lo'a bajuta-juta. 25Poangsi dinen to' datagi kole'a raja dinen, kosan pamayara. Jaji dasuro' bapi kole'a rajaan arung dapet suro'anna padari pangkam tau, nanna arabainyena nanna araanaka, nanna ambata jaluna. To' datiang mamayar utanga dinen.
26"Jaji barik suro'anna dinen malingkutut ijolona rajaan, Panaat poang ijolo, ingka, ka' bea kubayara, ingka kenang dinen suro'anna rajaan, mamita tapat lo'a rajaan. 27Jaji barik dabele dinen suro'anna, ka' mase'-mase'a. Daamponi poang kenang dinen utanga kole'a rajaan, dapalapas.
28"Jaji maminna dinen de'i barik, lamba' bapi dinen suro'anna rajaan sidua' nanna kawanna yang arautangen lo'a diri'a saratus dinar. Barik dinen dajaput, dasakak di kalonga. Bayar utangu, ingka kenang.
29"Jaji barik malingkutut dinen kawanna mamita tapat, Panaat poang ijolo, ingka, ka' bea kubayara, ingka kenang.
30"Poangsi alibak manaantalinga lo'a kawanna. Bajao' alit, laloang lamba' manyuro' datampeang ilalam sao ukumanen sampai akaus dabayar utanga. 31Jaji tutulan dinen mondok lo'a ambata suro'anna raja bokanen, susa ateda'. Jaji lamba' dajarumang kausa lo'a rajaan.
32“Jaji barik raja dinen mamanggil suro'anna dinen. Jaji manjarum, Ajau' jajiko! Okan suro'an maam yang awan dinen. Daiko dinen kuamponi poang kausana utangu kole'a poang ipitana iko. 33Ai na'anko pande mangamase'i kawannu arautangen lo'u sama awan iaken? ingka kenang. 34Jaji arasi tapat rajaan. Dasuro'ang suro'anna dinen lo'a panyagai sao ukumanen, to' dasuro' apis di sao ukumanen sampai dabayar kausa utanga.
35“Jaji kenang lalo karajana Ama'ka' di Surga lo'ka' sera-seraka' ti'ki' na'an mamponi tapat-tapat sama arasairunka',” ingka kenang manjaruma i Yesus lo'da'.
Currently Selected:
Matius 18: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 18
18
Intain baraa'en pakaina?
Mk. 9:33-37,42-48; Lk. 9:46-48; 17:1-2
1Jaji nanga dinen bua manjaruma palola'a i Yesus lo'a, matoani, “Intain ona' tau palin baraa'en pakaina di kangkaman Surga?” ingka kenang palola'a lo'a.Lk. 22:24.
2Jaji i Yesus mala nangkanak keke'en, dasuro' akadeng itanga'. 3“Na, manjarumak tapat-tapat lo'in. Ungka'en poang ikin pakeke'en kalenin mole' nangkanak sama'a, baru'kin dapat padari panduduk kangkaman Surga.Mk. 10:15; Lk. 18:17. 4Ratina, intain pakeke'en kalena awan lalo nangkanaken, ia lalo yang palin baraa'en pakaina di kangkaman Surga,” ingka kenang manjaruma i Yesus lo'da'.
5“Jaji intain manyialoon lo'a tau balu' nangkanak di'en, ti' manyialo atas asanku', daia dinen manyialo bua lo'ku',” ingka kenang. 6Ti' de'i dakaru kole'a tauen, daawa badosa, yang tau mangaruun dinen palin aborat ukuma dinen. Maam alit ti' itangkare'ani nanna batuun itampeang mantuarina dinen lo'a danoon dari pada ia mangaru padari badosa lo'a tau nampiin atoa yang parasaya'en lo'ku',” ingka kenang lo'da'. 7“Ka' mase'-mase'ka' bua tau dunia di'en kole'a ambata jalu mangaruun yang mawaan badosa. Tetap andian lapoang jalu mangaruun. Poangsi ai lagi' marinsa'a tau dinen yang mangaruun!” ingka kenang manjaruma lo'da'.
8“Jaji daiki' tanganka', kakika' ati'en mangaru manyuro' badosa lo'ka', labi maam itatak poang, itampeang. Daripada nanna tangan kaki dua baliin masokka' intama Banua Apiin yang na'anen mainya' masam, maam alit tio'ka' di'en tio' nanna mantuarika' araboren, asal masokka' ona' mandua'ang tio' salaun-launnaan.Mat. 5:30. 9Atau mataka'pi ati'en mangaru manyuro' badosa, ikekes poang tolang mataka' sabala', itampeang. Daripada masok Banua Apiin nanna mata duaan, maam alit tio'ka' di'en, tio' nanna mata bautaan sabala', asal masokka' ona' mandua'ang tio' salaun-launnaan,” ingka kenang manjaruma i Yesus lo'a palola'a. Mat. 5:29.
Domba alingoon dala sama' jarum
Lk. 15:3-7
10Jaji barik i Yesus manjarum lo'da', “Bele ikin, ada'kin alibaken lo'a tau nampiin atoa ilalam kaparasaya'anna, yang kusama'angen nanna nangkanaken dinen de'i. Kujarumang lo'in, malaikatda' andian lapoang di Surga mamele lindo'a Ama'ku',” ingka kenang. 11[“Ada' mangalibakangen lo'a. Kole'a pamondokku' Anak Mantuariin, kenang lalo, to' matio' lo'a tau yang alingoon,” ingka kenang manjaruma i Yesus lo'da'.] .
12“Jaji ai lo'a daikin pandua'angin? Yang tau matio' dombaan, andian saratus ambata, sera poang inyapen. Na'an te' dasari yang inyapen dinen? Tentula dasari dombana yang seraan dinen. Yang sumilan pulo' sumilanen dinen tentu darantang inang angkaanna di ukiten,” ingka kenang. 13“Dadua'ang barik dombana yang seraan, sasau nyawana. Labi lo'a ambata sumilan pulo' sumilanen yang na'anen anyap,” ingka kenang. 14“Awan dinen bea Ama'ku' di Surga. Dasayang tauen. Alibak palaloang inyap alingo,” ingka kenang i Yesus lo'da'.2Ptr. 3:9.
Ai lo'a maamen ti'en sairunen na'an sikule'?
Lk. 17:3
15Jaji i Yesus manjarum lo'da', “Ti' andian dinen sairunka' sala' lo'ka', arungki' mondok lo'a, ijarumi iki' nanna jajalu maamen. Ambakinto' mawa tauki', ambakinto' datamu tau. Iki' poang duaan,” ingka kenang. “Ati'en rabarik mainya' manaantalinga lo'ka', mainya' malola'ani panamuka', bauntungki' bua. Bauntung kole'a sairunka' dinen mole'a lo'ka',” ingka kenang manjaruma.
16“Ti' de'i alibak lagi' manaantalinga jarum dinen, mawaki' bapi mantuari sera atau dua mainto',
Ambata sala'a yang ituntuten dinen pande isaksi dua atau talu. Ul. 19:15.
17Ti' alibak bapi manaantalinga jarum dinen, baru'ki' mawa di arona kumpulanna anak ulun maamen. Maminna barik ijarumi kole'a kumpulanka', ti' alibak bapi manaantalinga, pande ianggap iki' tau yang na'anen mangilala lo'a Alatala, sabangon nanna tau panarima' sukaien,” ingka kenang manjaruma i Yesus.
18“Jaji manjarumak tapat-tapat lo'in,” ingka kenang i Yesus. “Ai poang ona' ipase'angen ikin indi'angen di duniaan, dapase'ang bua kole'a Alatala. Ai poang yang iparuarangen ikin indi'angen di duniaan, to daparuarang bua kole'a Alatala,” ingka kenang manjaruma i Yesus lo'da'.Mat. 16:19; Yoh. 20:23.
19“Kujarumang bapi lo'in,” ingka, “Umpamana daikin babangkulung dua-talu, to' bado'a mamita jalu lo'a Ama'ku' di Surga, ati'enkin sikule' pikirannin, tetapkin danoang. 20Kole'a nanga inde poang andiankin bakumpul dua, talu atas asanku', tamba'ak bea daiak inang,” ingka kenang manjaruma i Yesus lo'da'.
Ai lo'a tau alibaken mamponi tau?
21Jaji mondok i Petrus lo'a i Yesus, “Ai lo'a Paraampuane,” ingka mangatoanina dinen i Petrus lo'a i Yesus, “Umpamana sairunku' arapaten, balik-balik mamola dosana lo'ku', sampai insa' kali amponina kole'ku' yang mustiin? Sampai tuju kaliaka?” ingka kenang i Petrus lo'a i Yesus.
22Jaji manyauti i Yesus, “Manjarumak lo'u, okan poang sampai tuju kali mamponika' lo'a tauen. Sampai tuju pulo' kali tuju mainya',” ingka kenang manjaruma lo'a i Petrus.Lk. 17:3-4.
23"Jaji kenang. Kangkaman Surga pande isama'ang ilalam tutulan di'en. Andianjo rajaan. Jaji raja dinen to' mamariksa ambata tanggung jawapa arasuro'anna. 24Jaji mulai to' mamariksa dinen, andian suro'anna arautangen lo'a bajuta-juta. 25Poangsi dinen to' datagi kole'a raja dinen, kosan pamayara. Jaji dasuro' bapi kole'a rajaan arung dapet suro'anna padari pangkam tau, nanna arabainyena nanna araanaka, nanna ambata jaluna. To' datiang mamayar utanga dinen.
26"Jaji barik suro'anna dinen malingkutut ijolona rajaan, Panaat poang ijolo, ingka, ka' bea kubayara, ingka kenang dinen suro'anna rajaan, mamita tapat lo'a rajaan. 27Jaji barik dabele dinen suro'anna, ka' mase'-mase'a. Daamponi poang kenang dinen utanga kole'a rajaan, dapalapas.
28"Jaji maminna dinen de'i barik, lamba' bapi dinen suro'anna rajaan sidua' nanna kawanna yang arautangen lo'a diri'a saratus dinar. Barik dinen dajaput, dasakak di kalonga. Bayar utangu, ingka kenang.
29"Jaji barik malingkutut dinen kawanna mamita tapat, Panaat poang ijolo, ingka, ka' bea kubayara, ingka kenang.
30"Poangsi alibak manaantalinga lo'a kawanna. Bajao' alit, laloang lamba' manyuro' datampeang ilalam sao ukumanen sampai akaus dabayar utanga. 31Jaji tutulan dinen mondok lo'a ambata suro'anna raja bokanen, susa ateda'. Jaji lamba' dajarumang kausa lo'a rajaan.
32“Jaji barik raja dinen mamanggil suro'anna dinen. Jaji manjarum, Ajau' jajiko! Okan suro'an maam yang awan dinen. Daiko dinen kuamponi poang kausana utangu kole'a poang ipitana iko. 33Ai na'anko pande mangamase'i kawannu arautangen lo'u sama awan iaken? ingka kenang. 34Jaji arasi tapat rajaan. Dasuro'ang suro'anna dinen lo'a panyagai sao ukumanen, to' dasuro' apis di sao ukumanen sampai dabayar kausa utanga.
35“Jaji kenang lalo karajana Ama'ka' di Surga lo'ka' sera-seraka' ti'ki' na'an mamponi tapat-tapat sama arasairunka',” ingka kenang manjaruma i Yesus lo'da'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997