Matius 17
17
Tapalin batora i Yesus
Mk. 9:2-13; Lk. 9:28-36
1Jaji anam aso maminna dinen, inait ira taluun lo'a ukit balangkeen. Ari Yakobus, i Petrus, i Yohanes inaiten, daawa kole'a i Yesus. Jaji kakaleda' ira ampaten inang. 2Jaji mondok inang, dabele barik kole'da' dinen, i Yesus laan-laan jaji beleanna. Tapalin barik. Lindo'a dinen manyalang arawanga awan lalo matasoon. Kainnapi dinen ute'-ute' tapat, balu' jalu arawang jaji. 3Jaji barik sading-sadinga poang andian paitana inang nanna i Yesus mantuari dua. Andian rabarik arabakida', yang tau ijoloon, baki' Elia, nanna baki' Musa inang sijarumanen nanna i Yesus.
4Jaji manjarum i Petrus lo'a i Yesus, “O Paraampuane, bauntungkam malola'en lo'a di'en. Ti'ko mainya', pandeak mamola kakalang taluun. Sera tiang iko, sera tiang baki' Musa, sera tiang baki' Elia,” ingka kenang.
5Patanga'an manjaruma i Petrus awan dinen, sadinga poang daluluni ira inang kole'a dom yang manyalangen. Jaji mondok barik unyi dari domen, “Di'en lalo Anakku' yang kukasaangen. Sasau nyawaku' lo'a. Taan talinganin lo'a jaruma,” ingka kenang.Mul. 22:2; Ul. 18:15; Msm. 2:7; Yes. 42:1; Mat. 3:17; 12:18; Mk. 1:11; Lk. 3:22; 2Ptr. 1:17-18.
6Dadalingana dinen kole'a palola'a, paraba' barik kaleda'. Dasunsumang lindo'a lo'a tana'en lasana atakuta. 7Jaji barik dainso'i kole'a i Yesus, dajaput dinen ira, “Ada' atakuten. Maam,” ingka kenang. 8Jaji dabeleang matada' barik, kosan paita. Inyap barik. I Yesus poang kakalena inang nanda'.
9Jaji barik tador ira dari ukiten, manjarum barik i Yesus lo'da', “Samuana jalu ikitaan ikin, ada' jarumanga lo'a intain-intain. Ona'. Arungak Anak Mantuariin mamin tio' balik, baru' pande ijarumang,” ingka kenang i Yesus lo'da'.
10Jaji barik matoani ira bapi lo'a i Yesus, “Ai lo'a toa adaten manyelidikina lo'a ambata jarum bayana Alatala yang darantangen nanka'. Kalo'a nampina mondoka tau dabayaangen dinen, ingka, arung mole' balik lo'ka' tajolo baki' Elia panjaruma Alatalajo ijoloon?” ingka kenang manjaruma dinen ira.Mal. 4:5.
11Jaji barik, “Kenang lalo. Mondok baki' Elia itiang pamaami kausa jaluun,” ingka kenang i Yesus. 12“Poangsi manjarumak lo'in. Mamin mondok baki' Elia poangsi na'an bua dakilala kole'da'. Bajao' daia dakilala, mamin samainya'-mainya'a tauen manuna lo'a. Awan dinen bua ona' daparinsa'iku' Anak Mantuariin, sabangon bua awan baki' Elia dinen,” ingka kenang i Yesus lo'da'.Mat. 11:14. 13Baru' barik datamu ratina kole'a ira palola'a. Datamu jaruma i Yesus dinen i Yohanes Pambaptis yang dakenangiin, yang mawaan tugasa baki' Elia.
I Yesus pamaami anak babakaan yang dasarung jalu ajau'en
Mk. 9:14-29; Lk. 9:37-43a
14Jaji i Yesus nanna palola'a taluun lamba' mole' balik lo'a tau bayu'en dinen. Jaji lamba' lo'a dinen, andian babaka seraan laloang malingkutut ijolona i Yesus. 15“Paraampuane,” ingka, “kamase'i iak. Anakku' babakaan, daia apadis babaluean. Balasa jaji padisa. Sakule' daia alao' di apiin, sakule' alao' di danumen. 16Kuawa de'i lo'a palola'u, kusuro' pamaam, na'an bua dapat dapamaam kole'da',” ingka kenang tau dinen lo'a i Yesus.
17Jaji dasauti kole'a i Yesus, “Asi lo'in yang tio'en di tatakka' di'en, na'an jajikin parasaya'? Ajau' jajikin,” ingka. “Ai na'anpi sukup launku' lalako'en nannin? Na'anpi sukup kupanaata nannin?” ingka kenang. “Awa nangkanak dinen lo'ku',” ingka kenang manjaruma i Yesus lo'da'. 18Jaji barik manjarum i Yesus marada'i lo'a jalu ajau'en dinen. Maminna darada'i, minsaluan barik jalu ajau'en lo'a, laloang maam nangkanak dinen.
19Jaji barik mamin ateeng tauen, kosan tau, mainso'i barik palola'a lo'a i Yesus matoanang, “Ai lo'a daikam na'annam dapat maruru jalu ajau'en dinen manyuro' minsaluan?” ingka kenang palola'a lo'a i Yesus.
20Jaji barik manjarum i Yesus dasauti jarumda' dinen, “Na dinen, na'anna ikule' ikin maruru, kole'a na'anpi tuli kaparasaya'annin,” ingka kenang. “Manjarumak lo'in tapat-tapat. Kapi na'an bayu' kaparasaya'annin, katara tolang sasawiin, jaji lalo. Ukiten dinen ti' isuro' iki', Angkatang kalenu, mamalinko dari indi'ang lo'a dinen, iki' kenang lo'a, tetap adari kalo'u ti' andian kaparasaya'anka'. Pande kausa adari ti' andian kaparasaya'anka',” ingka kenang manjaruma i Yesus lo'da'.Mat. 21:21; Mk. 11:23; 1Kor. 13:2.
21[Jaji manjarum bapi i Yesus, “Poangsi jalu ajau'en awan dinen na'an pande iruru poang kenang. Arung malaloi bapuasaka' nanna do'aka',” ingka kenang.] .
I Yesus manjarumang bapi matena nanna tio' balika
Mk. 9:30-32; Lk. 9:43b-45
22Jaji barik i Yesus nanna palola'a maminna kombong di Galilea, manjarum rabarik lo'a palola'a, “Daiak di'en Anak Mantuariin arungak dasera ona' lo'a tangan tauen. 23To' iduno'ak. Poangsi di aso kataluna ona', to' tio' balikak bua,” ingka kenang manjaruma i Yesus lo'a palola'a. Dadalinga barik kole'a palola'a, susa tapat ateda' mamikiren.
Patutaka i Yesus arung mamayar pajak di Saona Amana?
24Jaji mondok barik i Yesus lo'a banua Kapernaum. Indinang barik mondok tauen lo'a i Petrus, yang tau managi pajak dua papaka duiten yang itiang ongkos manuntuani Saona Alatala. Jaji mangatoani, “Ai Gurunu, mamayar pajak Saona Alatala na'an?” ingka kenang manjaruma lo'a i Petrus.Pal. 30:13; 38:26.
25“Mamayar,” ingka kenang i Petrus manyautina.
Jaji barik i Petrus lamba' dinen intama lo'a saoen, tajolo i Yesus manjaruma lo'a i Petrus, “Ai lo'a kabiasa'anna Simone, mangatoaniak lo'u. Intain dajajaan dasuro' arung mamayar pajak, dasuro' arung mamayar sukaien? Anak kangkamannaaka mamayaren, tau banua bokanenaka yang mamayaren? Ai lo'a daiko pandapatu?” ingka kenang i Yesus lo'a i Petrus.
26Jaji dasauti kole'a i Petrus, “Yang arung mamayar, tau banua bokanen mamayaren, okan anak kangkamanna yang mamayaren,” ingka kenang i Petrus.#17:26 Nanga dinen, ati'en sikayo negaraan, negara ataloon dinen dasuro' arung mamayar pajak to' negara manaloon.
“Na, ti'en kenang, lapaski' pajaken yang iki' anak kangkaman rajaka' di Surgaan, de?” ingka kenang. 27“Poangsi daiki' alibakki' papadisi ateda'. Mamayarki' pajak saona Ama'ku'. Jaji daiko mamintanko lo'a danoon inang, yang mulakataan kule'u nganga' baba'a. Andian ona' inang duit sapapak. Sukup dinen pamayar pajakka' duaan. Dinen ona' awa lo'da' itiang mamayar pajakka',” ingka kenang manjaruma i Yesus lo'a i Petrus.
Currently Selected:
Matius 17: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 17
17
Tapalin batora i Yesus
Mk. 9:2-13; Lk. 9:28-36
1Jaji anam aso maminna dinen, inait ira taluun lo'a ukit balangkeen. Ari Yakobus, i Petrus, i Yohanes inaiten, daawa kole'a i Yesus. Jaji kakaleda' ira ampaten inang. 2Jaji mondok inang, dabele barik kole'da' dinen, i Yesus laan-laan jaji beleanna. Tapalin barik. Lindo'a dinen manyalang arawanga awan lalo matasoon. Kainnapi dinen ute'-ute' tapat, balu' jalu arawang jaji. 3Jaji barik sading-sadinga poang andian paitana inang nanna i Yesus mantuari dua. Andian rabarik arabakida', yang tau ijoloon, baki' Elia, nanna baki' Musa inang sijarumanen nanna i Yesus.
4Jaji manjarum i Petrus lo'a i Yesus, “O Paraampuane, bauntungkam malola'en lo'a di'en. Ti'ko mainya', pandeak mamola kakalang taluun. Sera tiang iko, sera tiang baki' Musa, sera tiang baki' Elia,” ingka kenang.
5Patanga'an manjaruma i Petrus awan dinen, sadinga poang daluluni ira inang kole'a dom yang manyalangen. Jaji mondok barik unyi dari domen, “Di'en lalo Anakku' yang kukasaangen. Sasau nyawaku' lo'a. Taan talinganin lo'a jaruma,” ingka kenang.Mul. 22:2; Ul. 18:15; Msm. 2:7; Yes. 42:1; Mat. 3:17; 12:18; Mk. 1:11; Lk. 3:22; 2Ptr. 1:17-18.
6Dadalingana dinen kole'a palola'a, paraba' barik kaleda'. Dasunsumang lindo'a lo'a tana'en lasana atakuta. 7Jaji barik dainso'i kole'a i Yesus, dajaput dinen ira, “Ada' atakuten. Maam,” ingka kenang. 8Jaji dabeleang matada' barik, kosan paita. Inyap barik. I Yesus poang kakalena inang nanda'.
9Jaji barik tador ira dari ukiten, manjarum barik i Yesus lo'da', “Samuana jalu ikitaan ikin, ada' jarumanga lo'a intain-intain. Ona'. Arungak Anak Mantuariin mamin tio' balik, baru' pande ijarumang,” ingka kenang i Yesus lo'da'.
10Jaji barik matoani ira bapi lo'a i Yesus, “Ai lo'a toa adaten manyelidikina lo'a ambata jarum bayana Alatala yang darantangen nanka'. Kalo'a nampina mondoka tau dabayaangen dinen, ingka, arung mole' balik lo'ka' tajolo baki' Elia panjaruma Alatalajo ijoloon?” ingka kenang manjaruma dinen ira.Mal. 4:5.
11Jaji barik, “Kenang lalo. Mondok baki' Elia itiang pamaami kausa jaluun,” ingka kenang i Yesus. 12“Poangsi manjarumak lo'in. Mamin mondok baki' Elia poangsi na'an bua dakilala kole'da'. Bajao' daia dakilala, mamin samainya'-mainya'a tauen manuna lo'a. Awan dinen bua ona' daparinsa'iku' Anak Mantuariin, sabangon bua awan baki' Elia dinen,” ingka kenang i Yesus lo'da'.Mat. 11:14. 13Baru' barik datamu ratina kole'a ira palola'a. Datamu jaruma i Yesus dinen i Yohanes Pambaptis yang dakenangiin, yang mawaan tugasa baki' Elia.
I Yesus pamaami anak babakaan yang dasarung jalu ajau'en
Mk. 9:14-29; Lk. 9:37-43a
14Jaji i Yesus nanna palola'a taluun lamba' mole' balik lo'a tau bayu'en dinen. Jaji lamba' lo'a dinen, andian babaka seraan laloang malingkutut ijolona i Yesus. 15“Paraampuane,” ingka, “kamase'i iak. Anakku' babakaan, daia apadis babaluean. Balasa jaji padisa. Sakule' daia alao' di apiin, sakule' alao' di danumen. 16Kuawa de'i lo'a palola'u, kusuro' pamaam, na'an bua dapat dapamaam kole'da',” ingka kenang tau dinen lo'a i Yesus.
17Jaji dasauti kole'a i Yesus, “Asi lo'in yang tio'en di tatakka' di'en, na'an jajikin parasaya'? Ajau' jajikin,” ingka. “Ai na'anpi sukup launku' lalako'en nannin? Na'anpi sukup kupanaata nannin?” ingka kenang. “Awa nangkanak dinen lo'ku',” ingka kenang manjaruma i Yesus lo'da'. 18Jaji barik manjarum i Yesus marada'i lo'a jalu ajau'en dinen. Maminna darada'i, minsaluan barik jalu ajau'en lo'a, laloang maam nangkanak dinen.
19Jaji barik mamin ateeng tauen, kosan tau, mainso'i barik palola'a lo'a i Yesus matoanang, “Ai lo'a daikam na'annam dapat maruru jalu ajau'en dinen manyuro' minsaluan?” ingka kenang palola'a lo'a i Yesus.
20Jaji barik manjarum i Yesus dasauti jarumda' dinen, “Na dinen, na'anna ikule' ikin maruru, kole'a na'anpi tuli kaparasaya'annin,” ingka kenang. “Manjarumak lo'in tapat-tapat. Kapi na'an bayu' kaparasaya'annin, katara tolang sasawiin, jaji lalo. Ukiten dinen ti' isuro' iki', Angkatang kalenu, mamalinko dari indi'ang lo'a dinen, iki' kenang lo'a, tetap adari kalo'u ti' andian kaparasaya'anka'. Pande kausa adari ti' andian kaparasaya'anka',” ingka kenang manjaruma i Yesus lo'da'.Mat. 21:21; Mk. 11:23; 1Kor. 13:2.
21[Jaji manjarum bapi i Yesus, “Poangsi jalu ajau'en awan dinen na'an pande iruru poang kenang. Arung malaloi bapuasaka' nanna do'aka',” ingka kenang.] .
I Yesus manjarumang bapi matena nanna tio' balika
Mk. 9:30-32; Lk. 9:43b-45
22Jaji barik i Yesus nanna palola'a maminna kombong di Galilea, manjarum rabarik lo'a palola'a, “Daiak di'en Anak Mantuariin arungak dasera ona' lo'a tangan tauen. 23To' iduno'ak. Poangsi di aso kataluna ona', to' tio' balikak bua,” ingka kenang manjaruma i Yesus lo'a palola'a. Dadalinga barik kole'a palola'a, susa tapat ateda' mamikiren.
Patutaka i Yesus arung mamayar pajak di Saona Amana?
24Jaji mondok barik i Yesus lo'a banua Kapernaum. Indinang barik mondok tauen lo'a i Petrus, yang tau managi pajak dua papaka duiten yang itiang ongkos manuntuani Saona Alatala. Jaji mangatoani, “Ai Gurunu, mamayar pajak Saona Alatala na'an?” ingka kenang manjaruma lo'a i Petrus.Pal. 30:13; 38:26.
25“Mamayar,” ingka kenang i Petrus manyautina.
Jaji barik i Petrus lamba' dinen intama lo'a saoen, tajolo i Yesus manjaruma lo'a i Petrus, “Ai lo'a kabiasa'anna Simone, mangatoaniak lo'u. Intain dajajaan dasuro' arung mamayar pajak, dasuro' arung mamayar sukaien? Anak kangkamannaaka mamayaren, tau banua bokanenaka yang mamayaren? Ai lo'a daiko pandapatu?” ingka kenang i Yesus lo'a i Petrus.
26Jaji dasauti kole'a i Petrus, “Yang arung mamayar, tau banua bokanen mamayaren, okan anak kangkamanna yang mamayaren,” ingka kenang i Petrus.#17:26 Nanga dinen, ati'en sikayo negaraan, negara ataloon dinen dasuro' arung mamayar pajak to' negara manaloon.
“Na, ti'en kenang, lapaski' pajaken yang iki' anak kangkaman rajaka' di Surgaan, de?” ingka kenang. 27“Poangsi daiki' alibakki' papadisi ateda'. Mamayarki' pajak saona Ama'ku'. Jaji daiko mamintanko lo'a danoon inang, yang mulakataan kule'u nganga' baba'a. Andian ona' inang duit sapapak. Sukup dinen pamayar pajakka' duaan. Dinen ona' awa lo'da' itiang mamayar pajakka',” ingka kenang manjaruma i Yesus lo'a i Petrus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997