Matius 19
19
Pande te' tauen sarak nanna bainyena?
Mk. 10:1-12; Lk. 16:18
1Jaji barik i Yesus maminna manjaruma dinen, marantang Galilea lamba' lo'a daerah Yudea isulina sunge Yordan. 2Jaji barik bayu' tau apadis inang dapamaamen barik kole'a i Yesus, yang tau malola'en lo'a dinen.
3Jaji barik dinen andian bea tau Parisiin yang matoanangen lo'a i Yesus, nanna tujuan to' palingo lo'a manyuro' sala' ilalam jaruma. Jaji manjarum barik ira, “Ai lo'a,” ingka, “panamunu? Yang tau dua lakunyeen, pande sarak babakaan dinen maunjang lo'a bainyena baranga poang alasanna?” ingka kenang matoanina lo'a i Yesus.
4“Ai na'an itamu ikin, na'an ibasa jalu datulisangenjo dinen? Di mulakatajo tau panyunyuangen duniaan, daia mamola lo'da' babaka mamola babainyeen?Mul. 1:27; 5:2. 5Jaji manjarum Alatala inang,
Ialalo ratina babakaan arung marantang tamatoana, arung dapasera nanna bainyena. Yang duaan okan lagi' dua. Ipasera barik. Mul. 2:24.
Kenang ratina,#19:5 Ratina babaka arung batanggung jawap lo'a bainyena, barik bainyen dinen okan lagi' tanggung jawapa indu-amana. Induna-amana babaka nanna babainyeen na'an pande mator lo'da'. Manjarumi pande. ingka kenang. 6Ratina ira duaan okan lagi' dua, ipasera barik. Jaji yang tau dapaseraan kole'a Alatala, ada' lagi' ipasisarakanga,” ingka kenang manjaruma i Yesus lo'da'.Mal. 2:13-16; Mk. 10:1-12; Rm. 7:2-3; 1Kor. 7:39.
7Jaji manjarum bapi ira, “Ati' kenang, ai lo'a parintana baki' Musa, arung babakaan mameang surat sarak lo'a bainyena manyuro' mamalin?” ingka kenang manjaruma ira dinen lo'a i Yesus.Ul. 24:1-4; Mat. 5:31.
8Jaji dasauti kole'a i Yesus, “Andian lalo parintana baki' Musa kenang. Iparuarang lo'in maunjang lo'a bainyenin kole'a bakarasa atenin. Ialalo dapolana kenang. Poangsi dari akata memen, okan kenang tujuanna Alatala,” ingka kenang i Yesus. 9“Jaji manjarumak lo'in, babakaan ti' maunjang lo'a bainyena laloang siala bapi nanna babainye bokanen, badosa dinen babakaan, manyiuk. Kole'a bainye baruna okan lagi' bainyena. Dinen siuka,” ingka kenang. “Ungka'en poang bainyena tajolo badosa manyiuk,” ingka kenang manjaruma i Yesus lo'da'.Mat. 5:32; Lk. 16:18; 1Kor. 7:10-11.
10“Asi lo'a dinen?” ingka kenang palola'a. “Ati' kenang dua lakunyeen, maam alit na'anki' memen siala,” ingka kenang palola'a manjaruma.
11Jaji dasauti kole'a i Yesus, “Okan samuana pande manarima' pangajaran dinen. Yang pandeen manarima' suma poang tau daparajariin kole'a Alatala,” ingka kenang. 12“Kole'a tau na'anen arainye bayu' ratina. Sapa dua dinen na'an dakule' arainye kole'a asala, dari ilam batang. Sapa dua dinen na'an dakule' arainye saja daanu tau. Sapa dua dinen saja na'an arainye kole'a to' mangaraja kangkaman Surga, ialalo na'anna arainye,” ingka kenang. “Jaji intain dakule'en manarima' pangajaran dinen, ia yang arung manarima',” ingka kenang manjaruma i Yesus manyautina lo'da'.1Kor. 7:7.
Gulungan nangkanaken daberkati kole'a i Yesus
Mk. 10:13-16; Lk. 18:15-17
13Jaji barik andian tau mawa nangkanaken lo'a i Yesus to' dasuro' japuti lo'da' dado'aang. Jaji datamu kole'a palola'a i Yesus, darada'i tau yang mawaan dinen.
14Poangsi i Yesus manjarum lo'da', “Palaloang. Ada' mangaruun lo'da'. Ada' pase'anga mondok nangkanaken. Sama awan nangkanaken lalo dinen yang padariin panduduk kangkaman Surga,” ingka kenang lo'da'. 15Jaji dajalaang tanganna lo'da', dado'aang. Mamin dinen darantang kosan dinen, lamba'.
Tau maamen tio'a mananya' dalan lo'a Surga
Mk. 10:17-31; Lk. 18:18-30
16Jaji barik andian babaka seraan mondok lo'a i Yesus, “O Pa' Guru, ai maamen kupolaan mainto' tio'ku' salaun-launna?” ingka kenang manjaruma lo'a i Yesus.
17Jaji barik manjarum i Yesus lo'a, “Maisi lo'ku' kakaru' ikatoananga jalu maamen?” ingka kenang. “Ai te' tujuannu? Jangka'a sera tau yang maamen,” ingka kenang i Yesus. “Jaji kenang. Daiko ti'enko to' tio', arung ilola'ani Ukuma Alatala,” ingka kenang i Yesus.
18“Anu indi arung ilola'aniin?” ingka kenang tau dinen lo'a i Yesus.
Jaji manyauti i Yesus,
Ada' mauno'en. Ada' manyiuken. Ada' mangaliten. Ada' panganung-nganung saksiin. Pal. 20:13-16; Ul. 5:17-20.
19 Paduli lo'a araama'ka' nanna araindu'ka'. Balu'ai mangasaangka' lo'a diri'ka' arung awan dinen bea pangasaangka' lo'a tauen,” Pal. 20:12; Im. 19:18; Ul. 5:16.
ingka kenang manjaruma i Yesus manyautina lo'a.
20Jaji barik manjarum babaka dinen, “Samuana dinen akaus mamin kulola'ani. Jalu ai poangpi kakuranganku'?” ingka kenang manjaruma babaka dinen lo'a i Yesus.
21Jaji barik manjarum bapi i Yesus lo'a, “Daiko, ti'en isari iko to' padari maam, yang kosanen jaji kakurangannu, arung ipet kausa jalunu dinen. Tawa' ragana jalunu lo'a tau yang masikinen, lo'a tau ajau'en. Ti'en ianu iko kenang, bayu' ona' opa'u di Surga,” ingka kenang. “Ti' mamin ipet iko jalunu dinen, mondokko barik malola' lo'ku',” ingka kenang i Yesus lo'a tau dinen.
22Jaji dadalinga barik jaruma i Yesus dinen kole'a babaka dinen, daiapi laloang inyap lamba'. Ajau' nyawana kole'a daia dinen bayu' tapat jaluna.
23Jaji barik manjarum i Yesus lo'a palola'a, “Manjarumak lo'in tapat-tapat. Yang tau maamen tio'a, badidit tapat masoka padari panduduk kangkaman Surgaan,” ingka kenang. 24“Manjarumak bapi lo'in. Maunda alit inatang untaan intamana lo'a loang darumen, daripada yang tau maamen tio'a intamana padari panduduk kangkamanna Alatala,” ingka kenang i Yesus manjaruma lo'a palola'a.
25Jaji barik gulungan palola'a dinen tatakau tapat mandalingana lo'a jarum dinen. Jaji manjarum, “Ati'en kenang, intain poang pandeen dakatio'?” ingka kenang manjaruma lo'a i Yesus.#19:25 Dalam pikiranna tau Israelen, ti' maam basaka' dabelena kole'a Alatala, daberkatiki'. Ti'ki' mamin daberkati, mamin maam tio'ka', andian barik jalu ijaputen itiang mamola basa mamen, itiang mameang sedekaan lo'a tau masikinen, itiang mameang sumbangan lo'a Alatala. Jaji dabele tau maamen tio'a dinen, daanggap tau maminen dasialoi kole'a Alatala daasan tau maminen tapat di ijolona arona.Mat. 13:12; Mk. 4:25; Lk. 8:18.
26Jaji i Yesus mamele lo'da', “Ti' iki' mantuariin mangarajaan, na'an patutki' padari panduduk kangkamanna Alatala. Poangsi ati'en Alatala yang mangarajaan, pande kausa adariin,” ingka kenang manjaruma i Yesus lo'a palola'a.
27Jaji manjarum i Petrus manyauti lo'a, “Jaji daikam di'en maminkam marantang kausa jalunam itiang malola' lo'u. Ai poang untungam barik?” ingka kenang manjaruma i Petrus lo'a i Yesus.
28Jaji manyauti bapi i Yesus, “Manjarumak lo'in tapat-tapat, tetap andian balasa. Ona' poang. Maminna dapamaam kausa jaluun, maminak Anak Mantuariin aduduk di kursi rajaan kosan yang palin maamen, daikinpi barik to' dameang tugas bua, yang tau malola'en lo'ku'. To' adudukkin bea di kursi rajaan dua belasen. To' mamutusikin lo'da' kanturunanna baki' Israel yang dua belasen sukuna,” ingka kenang lo'da'.Mat. 25:31; Lk. 22:30. 29“Andianki' marantang saoka', marantang sairunka', ama'ka', indu'ka' atau anakka', marantang umaka' kole'a malola'aninin lo'ku', pamalasen dinen pasti idua'ang saratus kali lipat dinen,” ingka kenang i Yesus. “Sarata ona' to' tio'ki' salaun-launna,” ingka. 30“Poangsi ona' na'an awan yang isangkaan iki'. Ti' tau to' baraa pakaina awandi'en, bayu' ira ona' to' akeke' pakaina. Kenang bea tau akeke' pakaina awandi'en, bayu' ira ona' yang to' baraa barik pakaina,” ingka kenang i Yesus. Mat. 20:16; Lk. 13:30.
Currently Selected:
Matius 19: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 19
19
Pande te' tauen sarak nanna bainyena?
Mk. 10:1-12; Lk. 16:18
1Jaji barik i Yesus maminna manjaruma dinen, marantang Galilea lamba' lo'a daerah Yudea isulina sunge Yordan. 2Jaji barik bayu' tau apadis inang dapamaamen barik kole'a i Yesus, yang tau malola'en lo'a dinen.
3Jaji barik dinen andian bea tau Parisiin yang matoanangen lo'a i Yesus, nanna tujuan to' palingo lo'a manyuro' sala' ilalam jaruma. Jaji manjarum barik ira, “Ai lo'a,” ingka, “panamunu? Yang tau dua lakunyeen, pande sarak babakaan dinen maunjang lo'a bainyena baranga poang alasanna?” ingka kenang matoanina lo'a i Yesus.
4“Ai na'an itamu ikin, na'an ibasa jalu datulisangenjo dinen? Di mulakatajo tau panyunyuangen duniaan, daia mamola lo'da' babaka mamola babainyeen?Mul. 1:27; 5:2. 5Jaji manjarum Alatala inang,
Ialalo ratina babakaan arung marantang tamatoana, arung dapasera nanna bainyena. Yang duaan okan lagi' dua. Ipasera barik. Mul. 2:24.
Kenang ratina,#19:5 Ratina babaka arung batanggung jawap lo'a bainyena, barik bainyen dinen okan lagi' tanggung jawapa indu-amana. Induna-amana babaka nanna babainyeen na'an pande mator lo'da'. Manjarumi pande. ingka kenang. 6Ratina ira duaan okan lagi' dua, ipasera barik. Jaji yang tau dapaseraan kole'a Alatala, ada' lagi' ipasisarakanga,” ingka kenang manjaruma i Yesus lo'da'.Mal. 2:13-16; Mk. 10:1-12; Rm. 7:2-3; 1Kor. 7:39.
7Jaji manjarum bapi ira, “Ati' kenang, ai lo'a parintana baki' Musa, arung babakaan mameang surat sarak lo'a bainyena manyuro' mamalin?” ingka kenang manjaruma ira dinen lo'a i Yesus.Ul. 24:1-4; Mat. 5:31.
8Jaji dasauti kole'a i Yesus, “Andian lalo parintana baki' Musa kenang. Iparuarang lo'in maunjang lo'a bainyenin kole'a bakarasa atenin. Ialalo dapolana kenang. Poangsi dari akata memen, okan kenang tujuanna Alatala,” ingka kenang i Yesus. 9“Jaji manjarumak lo'in, babakaan ti' maunjang lo'a bainyena laloang siala bapi nanna babainye bokanen, badosa dinen babakaan, manyiuk. Kole'a bainye baruna okan lagi' bainyena. Dinen siuka,” ingka kenang. “Ungka'en poang bainyena tajolo badosa manyiuk,” ingka kenang manjaruma i Yesus lo'da'.Mat. 5:32; Lk. 16:18; 1Kor. 7:10-11.
10“Asi lo'a dinen?” ingka kenang palola'a. “Ati' kenang dua lakunyeen, maam alit na'anki' memen siala,” ingka kenang palola'a manjaruma.
11Jaji dasauti kole'a i Yesus, “Okan samuana pande manarima' pangajaran dinen. Yang pandeen manarima' suma poang tau daparajariin kole'a Alatala,” ingka kenang. 12“Kole'a tau na'anen arainye bayu' ratina. Sapa dua dinen na'an dakule' arainye kole'a asala, dari ilam batang. Sapa dua dinen na'an dakule' arainye saja daanu tau. Sapa dua dinen saja na'an arainye kole'a to' mangaraja kangkaman Surga, ialalo na'anna arainye,” ingka kenang. “Jaji intain dakule'en manarima' pangajaran dinen, ia yang arung manarima',” ingka kenang manjaruma i Yesus manyautina lo'da'.1Kor. 7:7.
Gulungan nangkanaken daberkati kole'a i Yesus
Mk. 10:13-16; Lk. 18:15-17
13Jaji barik andian tau mawa nangkanaken lo'a i Yesus to' dasuro' japuti lo'da' dado'aang. Jaji datamu kole'a palola'a i Yesus, darada'i tau yang mawaan dinen.
14Poangsi i Yesus manjarum lo'da', “Palaloang. Ada' mangaruun lo'da'. Ada' pase'anga mondok nangkanaken. Sama awan nangkanaken lalo dinen yang padariin panduduk kangkaman Surga,” ingka kenang lo'da'. 15Jaji dajalaang tanganna lo'da', dado'aang. Mamin dinen darantang kosan dinen, lamba'.
Tau maamen tio'a mananya' dalan lo'a Surga
Mk. 10:17-31; Lk. 18:18-30
16Jaji barik andian babaka seraan mondok lo'a i Yesus, “O Pa' Guru, ai maamen kupolaan mainto' tio'ku' salaun-launna?” ingka kenang manjaruma lo'a i Yesus.
17Jaji barik manjarum i Yesus lo'a, “Maisi lo'ku' kakaru' ikatoananga jalu maamen?” ingka kenang. “Ai te' tujuannu? Jangka'a sera tau yang maamen,” ingka kenang i Yesus. “Jaji kenang. Daiko ti'enko to' tio', arung ilola'ani Ukuma Alatala,” ingka kenang i Yesus.
18“Anu indi arung ilola'aniin?” ingka kenang tau dinen lo'a i Yesus.
Jaji manyauti i Yesus,
Ada' mauno'en. Ada' manyiuken. Ada' mangaliten. Ada' panganung-nganung saksiin. Pal. 20:13-16; Ul. 5:17-20.
19 Paduli lo'a araama'ka' nanna araindu'ka'. Balu'ai mangasaangka' lo'a diri'ka' arung awan dinen bea pangasaangka' lo'a tauen,” Pal. 20:12; Im. 19:18; Ul. 5:16.
ingka kenang manjaruma i Yesus manyautina lo'a.
20Jaji barik manjarum babaka dinen, “Samuana dinen akaus mamin kulola'ani. Jalu ai poangpi kakuranganku'?” ingka kenang manjaruma babaka dinen lo'a i Yesus.
21Jaji barik manjarum bapi i Yesus lo'a, “Daiko, ti'en isari iko to' padari maam, yang kosanen jaji kakurangannu, arung ipet kausa jalunu dinen. Tawa' ragana jalunu lo'a tau yang masikinen, lo'a tau ajau'en. Ti'en ianu iko kenang, bayu' ona' opa'u di Surga,” ingka kenang. “Ti' mamin ipet iko jalunu dinen, mondokko barik malola' lo'ku',” ingka kenang i Yesus lo'a tau dinen.
22Jaji dadalinga barik jaruma i Yesus dinen kole'a babaka dinen, daiapi laloang inyap lamba'. Ajau' nyawana kole'a daia dinen bayu' tapat jaluna.
23Jaji barik manjarum i Yesus lo'a palola'a, “Manjarumak lo'in tapat-tapat. Yang tau maamen tio'a, badidit tapat masoka padari panduduk kangkaman Surgaan,” ingka kenang. 24“Manjarumak bapi lo'in. Maunda alit inatang untaan intamana lo'a loang darumen, daripada yang tau maamen tio'a intamana padari panduduk kangkamanna Alatala,” ingka kenang i Yesus manjaruma lo'a palola'a.
25Jaji barik gulungan palola'a dinen tatakau tapat mandalingana lo'a jarum dinen. Jaji manjarum, “Ati'en kenang, intain poang pandeen dakatio'?” ingka kenang manjaruma lo'a i Yesus.#19:25 Dalam pikiranna tau Israelen, ti' maam basaka' dabelena kole'a Alatala, daberkatiki'. Ti'ki' mamin daberkati, mamin maam tio'ka', andian barik jalu ijaputen itiang mamola basa mamen, itiang mameang sedekaan lo'a tau masikinen, itiang mameang sumbangan lo'a Alatala. Jaji dabele tau maamen tio'a dinen, daanggap tau maminen dasialoi kole'a Alatala daasan tau maminen tapat di ijolona arona.Mat. 13:12; Mk. 4:25; Lk. 8:18.
26Jaji i Yesus mamele lo'da', “Ti' iki' mantuariin mangarajaan, na'an patutki' padari panduduk kangkamanna Alatala. Poangsi ati'en Alatala yang mangarajaan, pande kausa adariin,” ingka kenang manjaruma i Yesus lo'a palola'a.
27Jaji manjarum i Petrus manyauti lo'a, “Jaji daikam di'en maminkam marantang kausa jalunam itiang malola' lo'u. Ai poang untungam barik?” ingka kenang manjaruma i Petrus lo'a i Yesus.
28Jaji manyauti bapi i Yesus, “Manjarumak lo'in tapat-tapat, tetap andian balasa. Ona' poang. Maminna dapamaam kausa jaluun, maminak Anak Mantuariin aduduk di kursi rajaan kosan yang palin maamen, daikinpi barik to' dameang tugas bua, yang tau malola'en lo'ku'. To' adudukkin bea di kursi rajaan dua belasen. To' mamutusikin lo'da' kanturunanna baki' Israel yang dua belasen sukuna,” ingka kenang lo'da'.Mat. 25:31; Lk. 22:30. 29“Andianki' marantang saoka', marantang sairunka', ama'ka', indu'ka' atau anakka', marantang umaka' kole'a malola'aninin lo'ku', pamalasen dinen pasti idua'ang saratus kali lipat dinen,” ingka kenang i Yesus. “Sarata ona' to' tio'ki' salaun-launna,” ingka. 30“Poangsi ona' na'an awan yang isangkaan iki'. Ti' tau to' baraa pakaina awandi'en, bayu' ira ona' to' akeke' pakaina. Kenang bea tau akeke' pakaina awandi'en, bayu' ira ona' yang to' baraa barik pakaina,” ingka kenang i Yesus. Mat. 20:16; Lk. 13:30.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997