Matius 16
16
Tauen mamita tanda dari Surga
Mk. 8:11-13; Lk. 12:54-56
1Jaji barik mondok tau Parisiin nanna tau Sadukiin to' mangilalai lo'a i Yesus, mamita lo'a i Yesus dasuro' paitang lo'da' tanda panyunyuana dari Surga.Mat. 12:38; Lk. 11:16.
2Jaji barik manjarum i Yesus lo'da' dinen, “Daikin dinen, itamu ikin mamele suanen. Pamamalamen, ti' dadara' suanen, iasan ikin barik to' maam asoon mina',” ingka kenang. 3“Makapen, ti' jalu araun suanen, dadara', iasan ikin barik to' sariut asoon. Pandenin dinen mamele tanda suanen, poangsi na'an itamu kakaru' mamele tanda ambata jalu maminen adari di matanin, ambata gulungan panyunyuaku' yang maminen ikita,” ingka kenang.Lk. 12:54-56. 4“Ikin lalo di'en tau yang kakanjianen. Tau panyiuken tatakka' di'en yang na'anen lagi' sera ate mainya'in lo'a Alatala. To' malola' poangkin lo'a jalu bokanen. Ialalo to' mamita tandanin lo'ku'. Kosan bokan tanda panyunyuaku' kupayoangen lo'in. Tandana baki' Yunus poang kupayoangen lo'in,” ingka kenang i Yesus lo'da'. Jaji i Yesus barik marantang unjang lo'da', inyap lamba'. Mat. 12:39; Lk. 11:29.
Kajau'anna tau Parisiin nanna tau Sadukiin dasama'ang nanna ragi yang mainya'en mandalit
Mk. 8:14-21
5Jaji manarear barik ira, palola'a dinen dalilu' na'an mawa roti. 6Jaji i Yesus paba'i lo'da', “Maam-maamkin, babajao'kin lo'a ragina tau Parisiin, lo'a ragina tau Sadukiin,” ingka kenang manjaruma lo'a palola'a.Lk. 12:1.
7Jaji barik sijaruman ira, “Anu dinen, ungka'en kole'a na'anka' mawa roti,” ingka kenang.
8Jaji barik manjarum i Yesus kole'a datamuna jarumda' dinen, “Asi daikin kaparasaya'annin, kurang jaji! Asi kenanga ipasijarumangen ikin roti yang ililu'en dinen? Ai kalangganganka' lo'a soal jalu kaan. 9Na'anpi jaji itamu ikin kuasaku'? Asi dinen roti lima sakalana yang ipangkaanang lo'a tau lima ribuun? Insa' babakula tunanna yang ikapulungangen ikin?Mat. 14:17-21. 10Asi dinen pangkaanka' roti tujuun sakalana lo'a tau ampat ribuun? Insa' bayu'a tunanna?Mat. 15:34-38. 11Asi lo'a na'anna itamu ikin ratina jarum paba'iku' lo'in? Yang kenangku' okan soal rotiin. Daikin kusuro' arung manyagai. Arungkin babajao' lo'a ragina tau Parisiin nanna tau Sadukiin,” ingka kenang manjaruma i Yesus lo'a palola'a. 12Baru' barik datamu kole'da' kole'a okan dinen dasuro' babajao' lo'a ragi rotiin. Dasuro' babajao' lo'a pangajaranna tau Parisiin nanna tau Sadukiin.
I Yesus daaku' Kristus kole'a i Petrus
Mk. 8:27-30; Lk. 9:18-21
13Jaji barik mondok i Yesus mainso' lo'a daerah Kaisarea Pilipi. Jaji barik matoani lo'a palola'a, “Ai lo'ku' di'en Anak Mantuariin. Ai lo'a jaruma tauen masanen lo'ku'? Intainak di'en kalo'a?” ingka kenang.
14Jaji barik dasauti kole'a palola'a, “Daiko daasanko baki' Elia. Tauen sapa dua masan lo'u baki' Yeremia atau panjaruma Alatala bokan yang maminen tio' balik. Andian bapi masanen lo'u i Yohanes Pambaptis,” ingka kenang manjaruma palola'a lo'a i Yesus.Mat. 14:1-2; Mk. 6:14-15; Lk. 9:7-8.
15Jaji matoani bapi lo'da', “Poangsi ai lo'a daikin? Intainak kalo'in?” ingka kenang.
16Jaji barik manyauti i Petrus, “Iko lalo Kristusen dinen yang tau dabayaangen kole'a Alatala lo'am. Iko lalo Anaka Alatalaka' yang tio'en,” ingka kenang manjaruma i Petrus lo'a.Yoh. 6:68-69.
17Jaji manjarum bapi i Yesus lo'a, “Bauntungko Simone, anaka i Yunus,” ingka kenang. “Pangaku'annu dinen lo'ku, okan mantuariin yang manjarumangen lo'u. Ama'ku' di Surga yang manjarumangen,” ingka kenang. 18“Jaji manjarumak lo'u, asannu dinen i Petrus, dinen ratina simpak batu ampar. Di batu amparanen lalo akadenga kumpulanna anak uluun maamku'. Dinen lalo akata. Kosan lagi' jalu pande manaloang lo'a kumpulanku', kapisi kuasa Nerakaan,” ingka kenang.Msm. 118:22; Yes. 28:16; 1Ptr. 2:6; JD. 1:18. 19“Jaji Kumeang lo'u kunsina mambangan lo'a kangkamanna Alatala. Ai poang ona' ipase'angen ikin indi'angen di duniaan, dapase'ang bua kole'a Alatala. Ai poang yang iparuarangen ikin indi'angen di duniaan to' daparuarang bua kole'a Alatala,” ingka kenang lo'a i Petrus. 20Jaji i Yesus mamase'ang barik lo'da' manjarumang lo'a tauen kole'a iana Kristusen yang tau dabayaangen dinen.Mat. 18:18; Yoh. 20:23.
I Yesus manjarumang matena nanna tio' balika
Mk. 8:31—9:1; Lk. 9:22-27
21Jaji mulai nanga dinen i Yesus talakat manjarumang lo'a palola'a, “Daiak di'en arungak lamba' lo'a Yerusalem. Inang rabarik arungak daparinsa'i kole'a ambata toa-toaan, kole'a ambata imam baraa'en, kole'a ambata toa adaten. Arungak dauno' barik. Tuli talung asoon maminna mateku', baru'ak to' dakatio' balik,” ingka kenang lo'da'.
22Jaji barik dadalinga kole'a i Petrus awan dinen, daawa dinen i Yesus, datarik ibiringa, darada'i kole'a awan dinenna jaruma, “Alatala mangamase'i lo'u. Na'an patut adari lo'u jalu balu' awan iasanen iko dinen!” ingka kenang manjaruma i Petrus lo'a i Yesus.
23Poangsi i Yesus barik koengang kalena laloang manjarum lo'a i Petrus, “Babajao'ko lo'ku', iko Pangabo! Iko lalo jalu yang mangaru-ngaruun lo'ku' to' manyuro' badosa. Okan dinen panamuna Alatala yang ipakaien iko. Panamu mantuariin yang ipakaien iko dinen,” ingka kenang manjaruma i Yesus lo'a i Petrus.
24Jaji i Yesus manjarum barik lo'da', “Intain yang to' malola' lo'ku' arung idunjang panamu diri'a. Arung tio' mate malola'a lo'ku', kapi iparinsa'i, kapi mate di kayu salipen,” ingka kenang.Mat. 10:38; Lk. 14:27. 25“Intain tau manyagaien to' katio' poang kalena, dinen ona' yang arugi to' mate idukum salaun-launna. Intain dinen mainya'en parugi kalena sampai mainya' mate malola'a lo'ku' nanna Dongo Maamen, dinen yang bauntung to' tio' salaun-launna,” ingka kenang manjaruma i Yesus lo'da'.Mat. 10:39; Lk. 17:33; Yoh. 12:25. 26“Kole'a ai gunana daiki' ampuna kausa arta duniaan ati'en iparugi nyawaka' manyuro' dalao'i nanna ukum salaun-launnaan? Jalu ai yang pandeen itiang panyurang nyawaka' ati' nyawaka' mamin iparugi iki'?” ingka kenang. 27“Kole'a daiak di'en Anak Mantuariin to' mondok nanna kamaamanna Ama'ku' yang palin arawangen, nanna ambata gulungan malaikata. Jaji di pamondokku' dinen rabarik, kira mantuariin to' daopa'iin. To' dameang opa'a yang sikule'en nanna basana, sikule' nanna pulikanna,” ingka kenang.Msm. 62:13; Mat. 25:31; Rm. 2:6. 28“Jaji manjarumak lo'in tapat-tapat. Andian di antara tau tambaan nanka' indi'angen,” ingka, “ti' nampi daia mamele adarina kangkamanna Alatala, nampi daia mate. Nampina matena to' mamele memen adarina kangkamanna,” ingka kenang i Yesus lo'da'.
Currently Selected:
Matius 16: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 16
16
Tauen mamita tanda dari Surga
Mk. 8:11-13; Lk. 12:54-56
1Jaji barik mondok tau Parisiin nanna tau Sadukiin to' mangilalai lo'a i Yesus, mamita lo'a i Yesus dasuro' paitang lo'da' tanda panyunyuana dari Surga.Mat. 12:38; Lk. 11:16.
2Jaji barik manjarum i Yesus lo'da' dinen, “Daikin dinen, itamu ikin mamele suanen. Pamamalamen, ti' dadara' suanen, iasan ikin barik to' maam asoon mina',” ingka kenang. 3“Makapen, ti' jalu araun suanen, dadara', iasan ikin barik to' sariut asoon. Pandenin dinen mamele tanda suanen, poangsi na'an itamu kakaru' mamele tanda ambata jalu maminen adari di matanin, ambata gulungan panyunyuaku' yang maminen ikita,” ingka kenang.Lk. 12:54-56. 4“Ikin lalo di'en tau yang kakanjianen. Tau panyiuken tatakka' di'en yang na'anen lagi' sera ate mainya'in lo'a Alatala. To' malola' poangkin lo'a jalu bokanen. Ialalo to' mamita tandanin lo'ku'. Kosan bokan tanda panyunyuaku' kupayoangen lo'in. Tandana baki' Yunus poang kupayoangen lo'in,” ingka kenang i Yesus lo'da'. Jaji i Yesus barik marantang unjang lo'da', inyap lamba'. Mat. 12:39; Lk. 11:29.
Kajau'anna tau Parisiin nanna tau Sadukiin dasama'ang nanna ragi yang mainya'en mandalit
Mk. 8:14-21
5Jaji manarear barik ira, palola'a dinen dalilu' na'an mawa roti. 6Jaji i Yesus paba'i lo'da', “Maam-maamkin, babajao'kin lo'a ragina tau Parisiin, lo'a ragina tau Sadukiin,” ingka kenang manjaruma lo'a palola'a.Lk. 12:1.
7Jaji barik sijaruman ira, “Anu dinen, ungka'en kole'a na'anka' mawa roti,” ingka kenang.
8Jaji barik manjarum i Yesus kole'a datamuna jarumda' dinen, “Asi daikin kaparasaya'annin, kurang jaji! Asi kenanga ipasijarumangen ikin roti yang ililu'en dinen? Ai kalangganganka' lo'a soal jalu kaan. 9Na'anpi jaji itamu ikin kuasaku'? Asi dinen roti lima sakalana yang ipangkaanang lo'a tau lima ribuun? Insa' babakula tunanna yang ikapulungangen ikin?Mat. 14:17-21. 10Asi dinen pangkaanka' roti tujuun sakalana lo'a tau ampat ribuun? Insa' bayu'a tunanna?Mat. 15:34-38. 11Asi lo'a na'anna itamu ikin ratina jarum paba'iku' lo'in? Yang kenangku' okan soal rotiin. Daikin kusuro' arung manyagai. Arungkin babajao' lo'a ragina tau Parisiin nanna tau Sadukiin,” ingka kenang manjaruma i Yesus lo'a palola'a. 12Baru' barik datamu kole'da' kole'a okan dinen dasuro' babajao' lo'a ragi rotiin. Dasuro' babajao' lo'a pangajaranna tau Parisiin nanna tau Sadukiin.
I Yesus daaku' Kristus kole'a i Petrus
Mk. 8:27-30; Lk. 9:18-21
13Jaji barik mondok i Yesus mainso' lo'a daerah Kaisarea Pilipi. Jaji barik matoani lo'a palola'a, “Ai lo'ku' di'en Anak Mantuariin. Ai lo'a jaruma tauen masanen lo'ku'? Intainak di'en kalo'a?” ingka kenang.
14Jaji barik dasauti kole'a palola'a, “Daiko daasanko baki' Elia. Tauen sapa dua masan lo'u baki' Yeremia atau panjaruma Alatala bokan yang maminen tio' balik. Andian bapi masanen lo'u i Yohanes Pambaptis,” ingka kenang manjaruma palola'a lo'a i Yesus.Mat. 14:1-2; Mk. 6:14-15; Lk. 9:7-8.
15Jaji matoani bapi lo'da', “Poangsi ai lo'a daikin? Intainak kalo'in?” ingka kenang.
16Jaji barik manyauti i Petrus, “Iko lalo Kristusen dinen yang tau dabayaangen kole'a Alatala lo'am. Iko lalo Anaka Alatalaka' yang tio'en,” ingka kenang manjaruma i Petrus lo'a.Yoh. 6:68-69.
17Jaji manjarum bapi i Yesus lo'a, “Bauntungko Simone, anaka i Yunus,” ingka kenang. “Pangaku'annu dinen lo'ku, okan mantuariin yang manjarumangen lo'u. Ama'ku' di Surga yang manjarumangen,” ingka kenang. 18“Jaji manjarumak lo'u, asannu dinen i Petrus, dinen ratina simpak batu ampar. Di batu amparanen lalo akadenga kumpulanna anak uluun maamku'. Dinen lalo akata. Kosan lagi' jalu pande manaloang lo'a kumpulanku', kapisi kuasa Nerakaan,” ingka kenang.Msm. 118:22; Yes. 28:16; 1Ptr. 2:6; JD. 1:18. 19“Jaji Kumeang lo'u kunsina mambangan lo'a kangkamanna Alatala. Ai poang ona' ipase'angen ikin indi'angen di duniaan, dapase'ang bua kole'a Alatala. Ai poang yang iparuarangen ikin indi'angen di duniaan to' daparuarang bua kole'a Alatala,” ingka kenang lo'a i Petrus. 20Jaji i Yesus mamase'ang barik lo'da' manjarumang lo'a tauen kole'a iana Kristusen yang tau dabayaangen dinen.Mat. 18:18; Yoh. 20:23.
I Yesus manjarumang matena nanna tio' balika
Mk. 8:31—9:1; Lk. 9:22-27
21Jaji mulai nanga dinen i Yesus talakat manjarumang lo'a palola'a, “Daiak di'en arungak lamba' lo'a Yerusalem. Inang rabarik arungak daparinsa'i kole'a ambata toa-toaan, kole'a ambata imam baraa'en, kole'a ambata toa adaten. Arungak dauno' barik. Tuli talung asoon maminna mateku', baru'ak to' dakatio' balik,” ingka kenang lo'da'.
22Jaji barik dadalinga kole'a i Petrus awan dinen, daawa dinen i Yesus, datarik ibiringa, darada'i kole'a awan dinenna jaruma, “Alatala mangamase'i lo'u. Na'an patut adari lo'u jalu balu' awan iasanen iko dinen!” ingka kenang manjaruma i Petrus lo'a i Yesus.
23Poangsi i Yesus barik koengang kalena laloang manjarum lo'a i Petrus, “Babajao'ko lo'ku', iko Pangabo! Iko lalo jalu yang mangaru-ngaruun lo'ku' to' manyuro' badosa. Okan dinen panamuna Alatala yang ipakaien iko. Panamu mantuariin yang ipakaien iko dinen,” ingka kenang manjaruma i Yesus lo'a i Petrus.
24Jaji i Yesus manjarum barik lo'da', “Intain yang to' malola' lo'ku' arung idunjang panamu diri'a. Arung tio' mate malola'a lo'ku', kapi iparinsa'i, kapi mate di kayu salipen,” ingka kenang.Mat. 10:38; Lk. 14:27. 25“Intain tau manyagaien to' katio' poang kalena, dinen ona' yang arugi to' mate idukum salaun-launna. Intain dinen mainya'en parugi kalena sampai mainya' mate malola'a lo'ku' nanna Dongo Maamen, dinen yang bauntung to' tio' salaun-launna,” ingka kenang manjaruma i Yesus lo'da'.Mat. 10:39; Lk. 17:33; Yoh. 12:25. 26“Kole'a ai gunana daiki' ampuna kausa arta duniaan ati'en iparugi nyawaka' manyuro' dalao'i nanna ukum salaun-launnaan? Jalu ai yang pandeen itiang panyurang nyawaka' ati' nyawaka' mamin iparugi iki'?” ingka kenang. 27“Kole'a daiak di'en Anak Mantuariin to' mondok nanna kamaamanna Ama'ku' yang palin arawangen, nanna ambata gulungan malaikata. Jaji di pamondokku' dinen rabarik, kira mantuariin to' daopa'iin. To' dameang opa'a yang sikule'en nanna basana, sikule' nanna pulikanna,” ingka kenang.Msm. 62:13; Mat. 25:31; Rm. 2:6. 28“Jaji manjarumak lo'in tapat-tapat. Andian di antara tau tambaan nanka' indi'angen,” ingka, “ti' nampi daia mamele adarina kangkamanna Alatala, nampi daia mate. Nampina matena to' mamele memen adarina kangkamanna,” ingka kenang i Yesus lo'da'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997