Matius 13
13
Sama' jarum lo'a tau mamborang banyia'en
Mk. 4:1-9; Lk. 8:4-8
1Jaji aso dinen bua inyapa i Yesus lo'a biring danoon, aduduk indinang. 2Tauen nyangka' yang babangkulungen lo'a. Sampai i Yesus mamalin dinen mauwat barik di parauen aduduka. Inang di danumen majara lo'da'. Tau manaantalingaan akadeng inang di tana'en di biring danoon.Lk. 5:1-3. 3Jaji bayu' jalu dajarumangen lo'da' mamakai sama' jarum, “Andian,” ingka, “tau mamborang banyia'. 4Daamborang inang, sapa dua dinen alao' di biring dalanen. Laloang mondok burungen, akaus dakaan. 5Andian bapi sapa dua alao' di tana' alimpisen yang batuanen. Barik dinen bariar tio'a kole'a alimpisa tana'a. 6Poangsi na'an balaun barik mondok sisiaken, akalas dinen jalu itanamen, mate kole'a na'anna balangke urata,” ingka kenang manjaruma i Yesus. 7“Andian bapi banyia'en sapa dua alao' di gulungan akat jalu arapati'en. Tio' rimputen dinen, gulungan jalu arapati'en, darapit dinen jalu tio'en, kareketan rabarik,” ingka kenang. 8“Andian banyia'en sapa dua alao' lo'a tana' bainyaken. Dinen lalo yang ambua' atambor bayu'. Andian mole'a yang tiga pulo' kali lipat. Andian yang anam pulo' kali lipat. Andian yang saratus kali lipaten jalu datanamen dinen,” ingka kenang. 9“Jaji intain andianen loang talingana arung mananami nyawa jalu idalingaan!” ingka kenang i Yesus lo'da'.
Dajarumang ratina sama' jarumen
Mk. 4:10-12; Lk. 8:9-10
10Jaji barik maminna dinen mondok dinen palola'a matoani lo'a i Yesus, “Mai daiko manjarumu lo'a tauen mamakai sama' jarum lapoang?” ingka kenang ira lo'a i Yesus.
11“Jaji barik kenang,” ingka i Yesus manyautina, “Na'an iparuarang lo'da' bokanen panamu dinen. Yang ikin tau panduduk kangkaman Surga, iparuarang manamu rahasianna,” ingka kenang lo'a palola'a. 12“Jaji lo'ka' yang andianen panamu mamin, ti' ipaguna, to' datambai bapi. Mainto' labina daiki' panamuka'. Poangsi ira yang angkosanen, panamu kakapitenpi dinen ti' na'an ipaguna to' inyap bua ona',” ingka kenang.Mat. 25:29; Mk. 4:25; Lk. 8:18; 19:26. 13"Jaji kenang ratina kupolana sama' jarumen, kole'a sama ka'ada'anda' awan jalu datulisangenjo dinen,
Maita matada', poangsi na'an bea dakilala jalu dakitaan. Mandalinga talingada', poangsi na'anpi datamu ratina jalu dadalingaan,
ingka kenang memen ilalam Jaruma Alatala yang datulisangen.
14“Jaji nanda' lalo adarina bayana Alatala malaloi baki' Yesaya,
To' mandalinga lapoang tauen, poangsi na'an to' manamu ratina jalu dadalingaan. To' mamele lapoang poangsi na'an to' mangilala jalu dakitaan. 15Kole'a tauen di'en mamin dakaputi matana mainto' na'anna maita. Mamin dasansangi talingada' mainto' na'anna mandalinga. Mamin akabal pikiranna mainto' na'anna masok. Na'an kenang tentu mole' lo'ku', tentu kupamaam, Yes. 6:9-10.
ingka kenangjo ilalam Jaruma Alatala yang datulisangen. 16Poangsi daikin bauntungkin, maam. Maitanin lo'a jalu kuanuun iak, mangilalakin. Mandalinganin lo'a jarum kujarumangen, manamukin ratina,” ingka kenang. 17“Manjarumak tapat-tapat lo'in. Bayu'jo panjaruma Alatala, bayu'jo tau tapaten bainginen to' mamele panyunyuaku' yang ibeleen ikin di'en. Baingin to' mandalinga lo'a jarumku' yang idalingaan ikin di'en. Poangsi ira dinen nampi. Ikin bauntungen,” ingka kenang i Yesus lo'da'.Lk. 10:23-24.
I Yesus manjarumang ratina sama' jarum lo'a tau mamborang banyia'en
Mk. 4:13-20; Lk. 8:11-15
18“Jaji taantalinganin lo'a jarumku' di'en mainto' itamuna ikin ratina sama' jarum lo'a tau mamborang banyia'en. 19Jaji banyia' yang alao'en di dalanen, dinen lalo tau yang mandalingaan dongo lo'a baya Alatala to' mangkama lo'ka' awan rajaan. Poangsi maminna dadalinga, na'an bua datamu ratina. Jaji mondok rabarik i Pangabo, yang jalu palin ajau'en dinen, darampas banyia' yang di atenaan dinen,” ingka kenang. 20“Jaji yang alao'en di tana' batuanen, dinen lalo tau yang mandalingaan yang laloang manarima' jaruma Alatala nanna sasauna nyawana. 21Poangsi dinen taan sikadang poang, kole'a angkosan urata mamaam. Mondok barik marinsa'en, mondok tau pajau'-jau'en lo'a kole'a jaruma Alatala dinen, sikadang kaya apaguna. 22Yang banyia' daamborangen di gulungan rimputen, gulungan akat jalu arapati'en dinen, dinen lalo tau yang mandalingaan. Poangsi rabarik bayu' kalangganganen lo'a di atena, akaru kole'a katio'anna di duniaan. Bayu' bua kainginanna lo'a kakaya'an duniaan. Sadinga poang tarapita barik dinen jaruma Alatala di atena. Ialalo kosanna mole'a dinen. 23Sabalika yang daamborangen di tana' maamen, tana' bainyaken, dinen lalo tau yang mandalingaan. Okan daia mandalinga poang, datamu bua ratina. Dinen lalo yang andianen mole'a sapa dua tiga pulo' kali lipat. Sapa dua anam pulo' kali lipat. Sapa dua saratus kali lipat,” ingka kenang i Yesus lo'a palola'a.
Rimputen di umaan dala sama' jarum
24Jaji i Yesus manjarum bapi mamakai sama' jaruma, “Jaji kangkaman Surga adarina pande iala sama' jarum. Andian tau mamborang banyia' maamen,” ingka kenang, "datanam di umaan. 25Jaji barik di tindo'a tauen, andian dinen musuna mamborang tolang rimputen bea inang, dabarokang lo'a gandomen. 26Jaji barik tio' dinen gandomen, tio' bea dinen rimputen. Balaun barik, to' timbul dangara dinen jalu tio'en, datamu barik kole'da' andianna tolang rimput taboroken inang.
27"Jaji barik mondok suro'anen lo'a tau ampuna umaan dinen, O Paraampuane, ai yang iamborangen iko dinen, banyia' maamen, andian kakaru' rimput inang? ingka kenang ira lo'a paraampuanda'.
28"O dinen tentu musuku' mamborangen inang, ingka kenang lo'da'.
"Ai rimputen dinen, iparuarang iko ti'en irabut ikam? ingka kenang ira.
29“Jaji dasauti kole'a paraampuanda', Ada' rabuta. Irabut ona', talola' bea irabut dinen gandomen. 30Palaloang poang ikin. Di matamen ona' baru' ipasilaanang iki'. Ona' kusuro' lo'a tau matamen, Kapulungang ikin ijolo dinen rimputen, ijarat, laloang itutung, uka' kenang ona'. Mamin dinen gandomen dinen baru' iala iki' itaro' di pamoranen, ingka kenang tau ampuna umaan lo'a suro'anna.” Jaji kenang sama' jaruma i Yesus.
Tolang sasawiin nanna ragiin dala sama' jarum lo'a jalu akeke'en yang pandeen baraa
Mk. 4:30-34; Lk. 13:18-21
31Jaji barik i Yesus manjarumang bapi sama' jarum, “Kangkaman Surga adarina pande isama'ang nanna tolang sasawiin yang itanamen,” ingka kenang. 32“Tolang sasawiin, dinen palin akeke'en lo'a gulungan tolang jalu bokanen. Poangsi kapisi akeke', ti' mamin tio' dinen lalo yang palin baraa'en. Baraa lo'a gulungan tanaman saringkaanen, sampai aradaan, arapampang. Sampai dapat burungen dinen manando' inang. Kenang adarina kangkamanna Alatala. Mulakata balu' jalu akeke' poang, poangsi di adarina dinen palin baraa barik,” ingka kenang manjaruma i Yesus lo'a ambata gulungan palola'a.
33Jaji dajarumang bapi sama' jarum, “Kangkaman Surga di'en adarina awan lalo ragi rotiin. Jaji dala dinen tepungen kole'a babainyeen, sakarung. Jaji barik ragi dinen daragiang lo'a dinen, jaji akambang samuana. Awan dinen lalo sama' jarum lo'a kangkamanna Alatala adarina,” ingka kenang i Yesus manjaruma lo'da'.
34Jaji awan dinen lalo pangajaranna i Yesus, ti' andian ira tau bayu'en. Dapakai lo'da' sama' jarumen. Kosan bokan majara lo'da', sama' jarum lapoang dapakaien. 35Jaji adari lalo inang bayana Alatala malaloi panjaruma,
Daiak manjarumku' lo'in, mamakai sama' jarumak, to' kutiang manjarumang ratina ambata jalu ilamunenjo lo'a anak mantuariin. Dari malakata memen ilamunna nanga ipanyunyuanga duniaan, Msm. 78:2.
ingka kenangjo ilalam Jaruma Alatala yang datulisangen.
Dajarumang ratina sama' jaruma lo'a rimputen di umaan
36Jaji barik maminna dinen i Yesuspi marantang lo'a tau bayu'en, intama barik di saoen. Jaji mondok palola'a lo'a matoani, “Suba manjarumangko lo'am ratina sama' jarumu dinen tolang rimputen damborangen di uma tauen,” ingka kenang ira.
37Jaji barik manjarum i Yesus manyauti lo'da', “Yang tau mamborang banyia' maamen dinen, dinen lalo iak, Anak Mantuariin. 38Yang umaan, dinen lalo dunia di'en. Yang banyia' maamen, ialalo panduduk kangkaman Surga. Yang rimputen dinen, dinen lalo panduduk kangkamanna i Pangabo yang jalu palin ajau'en dinen,” ingka kenang. 39“Musuna dinen, yang tau mamborang tolang rimputen dinen, dinen lalo i Pangabo. Yang di musim matamen dinen lalo di katuntunganna ona'. Yang tau matamen dinen lalo malaikata Alatala,” ingka kenang manjaruma i Yesus lo'a palola'a.
40“Jaji kenang lalo ona'. Di katuntunganna ona' to' awan lalo rimputen dinen yang darabut datutung di apiin,” ingka kenang. 41“Iak di'en Anak Mantuariin to' manyuro'ak lo'a malaikaten marabut. Ambata jalu manyuro' badosa, ambata tau mamola kajau'anen, samuana to' darabut. 42To' datampeang di Banua Apiin. Inang lalo ona' tauen manyanyarawang anangisa, yang dapasikokotangen isina lasana marinsa'a inang. 43Mamin dinen barik, baru' manyalang paitana ambata tau yang tapaten. Arawang jaji awan lalo matasoon. To' manyalang nanna kamaamanna di kangkamanna Amana,” ingka kenang. “Jaji intain andianen loang talingana nanga manaantalinga,” ingka kenang i Yesus lo'a palola'a.
Biar arugi samuana, asal mandua'ang Kangkamanna Alatala
44Jaji i Yesus manjarum bapi lo'da', “Jaji manyarika' to' mandua'ang kadudukan di kangkam Surga, dinen kusama'ang lo'a tau binginen lo'a jalu yang palin maamen. Jaji andian jalu maamen, jalu baragaan dakaliang ilalam tana'. Jaji mondok tau imundiin, mandua'ang barik jalu baragaan dinen di tana' tau. Poangsi nampi pande ianggap ia ampunaan. Jaji na'an lagi' balaun daurusina. Dapole'pi jolo lo'a kosanna, laloang lamba' mamet hartana to' datiang paala tana' dinen mainto' iana ampunaan jalu dadua'ang de'i. Sampai akaus dapet gulungan hartana lasana sasauna nyawana mandua'ang jalu dinen,” ingka kenang sama' jaruma i Yesus.
45“Kenang bapi manyarika' to' mandua'ang kadudukan di kangkaman Surga isama'ang awan tau badagang mutiaraan. 46Jaji andian mutiaraan dadua'angen kole'a, mutiara yang palin maamen, jalu baragaan. Jaji gulungan artana yang bokanen akaus dapet paala mutiaraan yang maamen dinen,” ingka kenang sama' jaruma i Yesus lo'da'.
Pukaten dala sama' jarum
47I Yesus mamakai sama' jarum bapi lo'da', “Jaji kenang kangkaman Surgaan adarina,” ingka, “awan tau manaan pukaten. Dataan pukata di danoon dinen bayu' kule'a, bayu' baranana lauken. 48Jaji apano' barik, dainseang datarikang lo'a biring kabangen. Mondok di biring kabangen, inang barik aduduk daile'ina dinen gulungan lauken. Lauk yang maamen dinen daapis di babakulen. Lauk yang ajau'en dinen daunjang. 49Jaji awan dinen lalo ona' di katuntunganna duniaan. Gulungan malaikaten to' mondok to' maile'i. To' dapasilaanang tau ajau'en lo'a tau maamen. 50Yang tau ajau'en to' datampeang ona' di Banua Apiin. Inang lalo tauen manyanyarawangen anangisa, dapasikokotang isina lasana marinsa'a inang,” ingka kenang i Yesus lo'da'.
51Jaji barik maminna dinen mangatoani i Yesus lo'da', “Ai itamu ikin ratina gulungan jalu kujarumangen di'en,” ingka kenang manjaruma i Yesus lo'da'.
“Itamu,” ingka kenang ira lo'a.
52Jaji manjarum bapi i Yesus lo'da', “Na, gulungan tau majaren yang maminen iparajari lo'a soal kangkaman Surga, bauntung daia. Daia kusama'ang awan toa saoen yang bayu'en jalu baragaan di gudanga. Jaji daruarang jaluna, andian yang barang antik, andian bea yang jalu baruun,” ingka kenang manjaruma i Yesus lo'da'.
I Yesus dakalibakang di banua Nasaret
Mk. 6:1-6; Lk. 4:16-30
53Jaji barik i Yesus mamin akaus ambata sama' jaruma dinen, daiapi dinen lamba' bapi. 54Mondok di banuana daia mulai majar lo'a tauen di sao sambayangen. Jaji tatakau tauen. “Panamu ai dinen yang dameangen lo'a? Dari sa te' dadua'anga? Asi kenang maam-maama pandena panyunyuana mantuari dinen, pandena daia mamola awan dinen? 55Okan bea tau baraa'en. Anaka tau tukang kayuun poang daia. Tau nanka' bua. Induna, i Maria. Sairunna, ari Yakobus, i Yusup, i Simon nanna i Yudas. 56Belejo gulungan sairunna babainyeen yang indi'angen nanka',” ingka kenang tauen. “Dari sa te' mandua'anga panamuna?” ingka kenang ira. 57Jaji alibak manarima' lo'a. Ajau' nyawada' mameleen lo'a.
Poangsi i Yesus dinen barik manjarum lo'da', “Sajana. Kenang kausa panjaruma Alatala daanu kole'a tauen. Daparasaya'i kole'a tauen di banua bokanen. Di banua diri'a na'an daparasaya'i, di suang saona,” ingka kenang i Yesus.Yoh. 4:44.
58Jaji barik i Yesus na'an bayu' panyunyuana yang dapolaan antarada', kole'a alibak ira dinen parasaya' lo'a.
Currently Selected:
Matius 13: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 13
13
Sama' jarum lo'a tau mamborang banyia'en
Mk. 4:1-9; Lk. 8:4-8
1Jaji aso dinen bua inyapa i Yesus lo'a biring danoon, aduduk indinang. 2Tauen nyangka' yang babangkulungen lo'a. Sampai i Yesus mamalin dinen mauwat barik di parauen aduduka. Inang di danumen majara lo'da'. Tau manaantalingaan akadeng inang di tana'en di biring danoon.Lk. 5:1-3. 3Jaji bayu' jalu dajarumangen lo'da' mamakai sama' jarum, “Andian,” ingka, “tau mamborang banyia'. 4Daamborang inang, sapa dua dinen alao' di biring dalanen. Laloang mondok burungen, akaus dakaan. 5Andian bapi sapa dua alao' di tana' alimpisen yang batuanen. Barik dinen bariar tio'a kole'a alimpisa tana'a. 6Poangsi na'an balaun barik mondok sisiaken, akalas dinen jalu itanamen, mate kole'a na'anna balangke urata,” ingka kenang manjaruma i Yesus. 7“Andian bapi banyia'en sapa dua alao' di gulungan akat jalu arapati'en. Tio' rimputen dinen, gulungan jalu arapati'en, darapit dinen jalu tio'en, kareketan rabarik,” ingka kenang. 8“Andian banyia'en sapa dua alao' lo'a tana' bainyaken. Dinen lalo yang ambua' atambor bayu'. Andian mole'a yang tiga pulo' kali lipat. Andian yang anam pulo' kali lipat. Andian yang saratus kali lipaten jalu datanamen dinen,” ingka kenang. 9“Jaji intain andianen loang talingana arung mananami nyawa jalu idalingaan!” ingka kenang i Yesus lo'da'.
Dajarumang ratina sama' jarumen
Mk. 4:10-12; Lk. 8:9-10
10Jaji barik maminna dinen mondok dinen palola'a matoani lo'a i Yesus, “Mai daiko manjarumu lo'a tauen mamakai sama' jarum lapoang?” ingka kenang ira lo'a i Yesus.
11“Jaji barik kenang,” ingka i Yesus manyautina, “Na'an iparuarang lo'da' bokanen panamu dinen. Yang ikin tau panduduk kangkaman Surga, iparuarang manamu rahasianna,” ingka kenang lo'a palola'a. 12“Jaji lo'ka' yang andianen panamu mamin, ti' ipaguna, to' datambai bapi. Mainto' labina daiki' panamuka'. Poangsi ira yang angkosanen, panamu kakapitenpi dinen ti' na'an ipaguna to' inyap bua ona',” ingka kenang.Mat. 25:29; Mk. 4:25; Lk. 8:18; 19:26. 13"Jaji kenang ratina kupolana sama' jarumen, kole'a sama ka'ada'anda' awan jalu datulisangenjo dinen,
Maita matada', poangsi na'an bea dakilala jalu dakitaan. Mandalinga talingada', poangsi na'anpi datamu ratina jalu dadalingaan,
ingka kenang memen ilalam Jaruma Alatala yang datulisangen.
14“Jaji nanda' lalo adarina bayana Alatala malaloi baki' Yesaya,
To' mandalinga lapoang tauen, poangsi na'an to' manamu ratina jalu dadalingaan. To' mamele lapoang poangsi na'an to' mangilala jalu dakitaan. 15Kole'a tauen di'en mamin dakaputi matana mainto' na'anna maita. Mamin dasansangi talingada' mainto' na'anna mandalinga. Mamin akabal pikiranna mainto' na'anna masok. Na'an kenang tentu mole' lo'ku', tentu kupamaam, Yes. 6:9-10.
ingka kenangjo ilalam Jaruma Alatala yang datulisangen. 16Poangsi daikin bauntungkin, maam. Maitanin lo'a jalu kuanuun iak, mangilalakin. Mandalinganin lo'a jarum kujarumangen, manamukin ratina,” ingka kenang. 17“Manjarumak tapat-tapat lo'in. Bayu'jo panjaruma Alatala, bayu'jo tau tapaten bainginen to' mamele panyunyuaku' yang ibeleen ikin di'en. Baingin to' mandalinga lo'a jarumku' yang idalingaan ikin di'en. Poangsi ira dinen nampi. Ikin bauntungen,” ingka kenang i Yesus lo'da'.Lk. 10:23-24.
I Yesus manjarumang ratina sama' jarum lo'a tau mamborang banyia'en
Mk. 4:13-20; Lk. 8:11-15
18“Jaji taantalinganin lo'a jarumku' di'en mainto' itamuna ikin ratina sama' jarum lo'a tau mamborang banyia'en. 19Jaji banyia' yang alao'en di dalanen, dinen lalo tau yang mandalingaan dongo lo'a baya Alatala to' mangkama lo'ka' awan rajaan. Poangsi maminna dadalinga, na'an bua datamu ratina. Jaji mondok rabarik i Pangabo, yang jalu palin ajau'en dinen, darampas banyia' yang di atenaan dinen,” ingka kenang. 20“Jaji yang alao'en di tana' batuanen, dinen lalo tau yang mandalingaan yang laloang manarima' jaruma Alatala nanna sasauna nyawana. 21Poangsi dinen taan sikadang poang, kole'a angkosan urata mamaam. Mondok barik marinsa'en, mondok tau pajau'-jau'en lo'a kole'a jaruma Alatala dinen, sikadang kaya apaguna. 22Yang banyia' daamborangen di gulungan rimputen, gulungan akat jalu arapati'en dinen, dinen lalo tau yang mandalingaan. Poangsi rabarik bayu' kalangganganen lo'a di atena, akaru kole'a katio'anna di duniaan. Bayu' bua kainginanna lo'a kakaya'an duniaan. Sadinga poang tarapita barik dinen jaruma Alatala di atena. Ialalo kosanna mole'a dinen. 23Sabalika yang daamborangen di tana' maamen, tana' bainyaken, dinen lalo tau yang mandalingaan. Okan daia mandalinga poang, datamu bua ratina. Dinen lalo yang andianen mole'a sapa dua tiga pulo' kali lipat. Sapa dua anam pulo' kali lipat. Sapa dua saratus kali lipat,” ingka kenang i Yesus lo'a palola'a.
Rimputen di umaan dala sama' jarum
24Jaji i Yesus manjarum bapi mamakai sama' jaruma, “Jaji kangkaman Surga adarina pande iala sama' jarum. Andian tau mamborang banyia' maamen,” ingka kenang, "datanam di umaan. 25Jaji barik di tindo'a tauen, andian dinen musuna mamborang tolang rimputen bea inang, dabarokang lo'a gandomen. 26Jaji barik tio' dinen gandomen, tio' bea dinen rimputen. Balaun barik, to' timbul dangara dinen jalu tio'en, datamu barik kole'da' andianna tolang rimput taboroken inang.
27"Jaji barik mondok suro'anen lo'a tau ampuna umaan dinen, O Paraampuane, ai yang iamborangen iko dinen, banyia' maamen, andian kakaru' rimput inang? ingka kenang ira lo'a paraampuanda'.
28"O dinen tentu musuku' mamborangen inang, ingka kenang lo'da'.
"Ai rimputen dinen, iparuarang iko ti'en irabut ikam? ingka kenang ira.
29“Jaji dasauti kole'a paraampuanda', Ada' rabuta. Irabut ona', talola' bea irabut dinen gandomen. 30Palaloang poang ikin. Di matamen ona' baru' ipasilaanang iki'. Ona' kusuro' lo'a tau matamen, Kapulungang ikin ijolo dinen rimputen, ijarat, laloang itutung, uka' kenang ona'. Mamin dinen gandomen dinen baru' iala iki' itaro' di pamoranen, ingka kenang tau ampuna umaan lo'a suro'anna.” Jaji kenang sama' jaruma i Yesus.
Tolang sasawiin nanna ragiin dala sama' jarum lo'a jalu akeke'en yang pandeen baraa
Mk. 4:30-34; Lk. 13:18-21
31Jaji barik i Yesus manjarumang bapi sama' jarum, “Kangkaman Surga adarina pande isama'ang nanna tolang sasawiin yang itanamen,” ingka kenang. 32“Tolang sasawiin, dinen palin akeke'en lo'a gulungan tolang jalu bokanen. Poangsi kapisi akeke', ti' mamin tio' dinen lalo yang palin baraa'en. Baraa lo'a gulungan tanaman saringkaanen, sampai aradaan, arapampang. Sampai dapat burungen dinen manando' inang. Kenang adarina kangkamanna Alatala. Mulakata balu' jalu akeke' poang, poangsi di adarina dinen palin baraa barik,” ingka kenang manjaruma i Yesus lo'a ambata gulungan palola'a.
33Jaji dajarumang bapi sama' jarum, “Kangkaman Surga di'en adarina awan lalo ragi rotiin. Jaji dala dinen tepungen kole'a babainyeen, sakarung. Jaji barik ragi dinen daragiang lo'a dinen, jaji akambang samuana. Awan dinen lalo sama' jarum lo'a kangkamanna Alatala adarina,” ingka kenang i Yesus manjaruma lo'da'.
34Jaji awan dinen lalo pangajaranna i Yesus, ti' andian ira tau bayu'en. Dapakai lo'da' sama' jarumen. Kosan bokan majara lo'da', sama' jarum lapoang dapakaien. 35Jaji adari lalo inang bayana Alatala malaloi panjaruma,
Daiak manjarumku' lo'in, mamakai sama' jarumak, to' kutiang manjarumang ratina ambata jalu ilamunenjo lo'a anak mantuariin. Dari malakata memen ilamunna nanga ipanyunyuanga duniaan, Msm. 78:2.
ingka kenangjo ilalam Jaruma Alatala yang datulisangen.
Dajarumang ratina sama' jaruma lo'a rimputen di umaan
36Jaji barik maminna dinen i Yesuspi marantang lo'a tau bayu'en, intama barik di saoen. Jaji mondok palola'a lo'a matoani, “Suba manjarumangko lo'am ratina sama' jarumu dinen tolang rimputen damborangen di uma tauen,” ingka kenang ira.
37Jaji barik manjarum i Yesus manyauti lo'da', “Yang tau mamborang banyia' maamen dinen, dinen lalo iak, Anak Mantuariin. 38Yang umaan, dinen lalo dunia di'en. Yang banyia' maamen, ialalo panduduk kangkaman Surga. Yang rimputen dinen, dinen lalo panduduk kangkamanna i Pangabo yang jalu palin ajau'en dinen,” ingka kenang. 39“Musuna dinen, yang tau mamborang tolang rimputen dinen, dinen lalo i Pangabo. Yang di musim matamen dinen lalo di katuntunganna ona'. Yang tau matamen dinen lalo malaikata Alatala,” ingka kenang manjaruma i Yesus lo'a palola'a.
40“Jaji kenang lalo ona'. Di katuntunganna ona' to' awan lalo rimputen dinen yang darabut datutung di apiin,” ingka kenang. 41“Iak di'en Anak Mantuariin to' manyuro'ak lo'a malaikaten marabut. Ambata jalu manyuro' badosa, ambata tau mamola kajau'anen, samuana to' darabut. 42To' datampeang di Banua Apiin. Inang lalo ona' tauen manyanyarawang anangisa, yang dapasikokotangen isina lasana marinsa'a inang. 43Mamin dinen barik, baru' manyalang paitana ambata tau yang tapaten. Arawang jaji awan lalo matasoon. To' manyalang nanna kamaamanna di kangkamanna Amana,” ingka kenang. “Jaji intain andianen loang talingana nanga manaantalinga,” ingka kenang i Yesus lo'a palola'a.
Biar arugi samuana, asal mandua'ang Kangkamanna Alatala
44Jaji i Yesus manjarum bapi lo'da', “Jaji manyarika' to' mandua'ang kadudukan di kangkam Surga, dinen kusama'ang lo'a tau binginen lo'a jalu yang palin maamen. Jaji andian jalu maamen, jalu baragaan dakaliang ilalam tana'. Jaji mondok tau imundiin, mandua'ang barik jalu baragaan dinen di tana' tau. Poangsi nampi pande ianggap ia ampunaan. Jaji na'an lagi' balaun daurusina. Dapole'pi jolo lo'a kosanna, laloang lamba' mamet hartana to' datiang paala tana' dinen mainto' iana ampunaan jalu dadua'ang de'i. Sampai akaus dapet gulungan hartana lasana sasauna nyawana mandua'ang jalu dinen,” ingka kenang sama' jaruma i Yesus.
45“Kenang bapi manyarika' to' mandua'ang kadudukan di kangkaman Surga isama'ang awan tau badagang mutiaraan. 46Jaji andian mutiaraan dadua'angen kole'a, mutiara yang palin maamen, jalu baragaan. Jaji gulungan artana yang bokanen akaus dapet paala mutiaraan yang maamen dinen,” ingka kenang sama' jaruma i Yesus lo'da'.
Pukaten dala sama' jarum
47I Yesus mamakai sama' jarum bapi lo'da', “Jaji kenang kangkaman Surgaan adarina,” ingka, “awan tau manaan pukaten. Dataan pukata di danoon dinen bayu' kule'a, bayu' baranana lauken. 48Jaji apano' barik, dainseang datarikang lo'a biring kabangen. Mondok di biring kabangen, inang barik aduduk daile'ina dinen gulungan lauken. Lauk yang maamen dinen daapis di babakulen. Lauk yang ajau'en dinen daunjang. 49Jaji awan dinen lalo ona' di katuntunganna duniaan. Gulungan malaikaten to' mondok to' maile'i. To' dapasilaanang tau ajau'en lo'a tau maamen. 50Yang tau ajau'en to' datampeang ona' di Banua Apiin. Inang lalo tauen manyanyarawangen anangisa, dapasikokotang isina lasana marinsa'a inang,” ingka kenang i Yesus lo'da'.
51Jaji barik maminna dinen mangatoani i Yesus lo'da', “Ai itamu ikin ratina gulungan jalu kujarumangen di'en,” ingka kenang manjaruma i Yesus lo'da'.
“Itamu,” ingka kenang ira lo'a.
52Jaji manjarum bapi i Yesus lo'da', “Na, gulungan tau majaren yang maminen iparajari lo'a soal kangkaman Surga, bauntung daia. Daia kusama'ang awan toa saoen yang bayu'en jalu baragaan di gudanga. Jaji daruarang jaluna, andian yang barang antik, andian bea yang jalu baruun,” ingka kenang manjaruma i Yesus lo'da'.
I Yesus dakalibakang di banua Nasaret
Mk. 6:1-6; Lk. 4:16-30
53Jaji barik i Yesus mamin akaus ambata sama' jaruma dinen, daiapi dinen lamba' bapi. 54Mondok di banuana daia mulai majar lo'a tauen di sao sambayangen. Jaji tatakau tauen. “Panamu ai dinen yang dameangen lo'a? Dari sa te' dadua'anga? Asi kenang maam-maama pandena panyunyuana mantuari dinen, pandena daia mamola awan dinen? 55Okan bea tau baraa'en. Anaka tau tukang kayuun poang daia. Tau nanka' bua. Induna, i Maria. Sairunna, ari Yakobus, i Yusup, i Simon nanna i Yudas. 56Belejo gulungan sairunna babainyeen yang indi'angen nanka',” ingka kenang tauen. “Dari sa te' mandua'anga panamuna?” ingka kenang ira. 57Jaji alibak manarima' lo'a. Ajau' nyawada' mameleen lo'a.
Poangsi i Yesus dinen barik manjarum lo'da', “Sajana. Kenang kausa panjaruma Alatala daanu kole'a tauen. Daparasaya'i kole'a tauen di banua bokanen. Di banua diri'a na'an daparasaya'i, di suang saona,” ingka kenang i Yesus.Yoh. 4:44.
58Jaji barik i Yesus na'an bayu' panyunyuana yang dapolaan antarada', kole'a alibak ira dinen parasaya' lo'a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997