Matius 12
12
Okan Ukuma Alatala yang palin baraa'en
Mk. 2:23-28; 3:1-6; Lk. 6:1-11
1Jaji na'an balaun maminna dinen, mondok aso Sabaten dinen, aso sangarianna tau Yahudiin, i Yesus lamba' nanna gulungan palola'a malaloi dinen lo'a rawang uman. Jaji palola'a dinen mamoto' bua' gandomen kakapit laloang dakaan kole'da' kole'a mase' batanga.Ul. 23:25. 2Jaji barik dakita kole'a gulungan tau Parisiin, manjarum ira, “Belejo! Ai ratina karajada' dinen mamoto'ang gandom? Na'anki' pande di adatka' bakaraja di aso sangarianen,” ingka kenang tau Parisiin.
3Jaji i Yesus manyauti, “O, asi bea ipase'anga? Ai daikin, na'ankin kala' mambasa tutulan datulisangen lo'a Raja Daud arabaki'ka' yang ijoloon? Di mase'a batanga baki' Daud nanna arakawanna, 4daiapi intama di saona Alatala. Jaji daia sama nanna arakawanna angkaan roti jalu dapanyorongangen itiang lo'a Alatala. Okan dinen jalu pande ikaan kole'a baki' Daud nanna arakawanna. Suma imam poang yang pandeen angkaan di Ukuma Alatala. Angkaanna dinen na'an bea manyuro' sala' lo'a, kapisi okan imam ari baki' Daud, jalu mase' batanga,” ingka kenang lo'da'.Im. 24:5-9; 1Sam. 21:1-6. 5“Asi dinen Ukuma Alatala lo'a imamen, na'an ibasa ikin? Kole'a kiraso di aso Sabaten, di aso sangarianen, gulungan imamen pande bea bakaraja. Na'an bea ituntut, padahal malanggar adat aso Sabaten,” ingka kenang.Bil. 28:9-10. 6“Manjarumak lo'in, memang penting di'en saona Alatala. Poangsi andian bapi indi'angen yang baraa'en lagi' pentinga lo'a saona Alatala,” ingka kenang.
7“Jaji andian jarum di'en ilalam Jaruma Alatala yang datulisangen,
Yang kusariin di'en okan poang pamindaraan. Yang kusariin mainto' mangamase'inin sera lo'a seraan, Hos. 6:6.
ingka kenangjo ilalam Jaruma Alatala.Mat. 9:13. Jaji ati'en saja itamu ikin memen ratina jarum dinen de'i, na'ankin mainya' pajau' lo'a tau yang na'anen arasala'. 8Kole'a daiak di'en Anak Mantuariin, Paraampuanak lalo. Samuana iak matoren. Di aso Sabaten ka' kenanga,” ingka kenang lo'da'.
9Jaji barik i Yesus dinen lamba' bapi intama lo'a sao sambayangen. 10Andian bapi dinen babakaan yang tau tamateen tanganna sabala' inang. Ira inangen maimpa' lo'a i Yesus manyari kasala'anna. Jaji manjarum ira, “Ai kalo'u di adatka', pande ipamaami padisa tauen di aso Sabaten?” ingka kenang lo'a.
11Jaji manyauti i Yesus, “Ai lo'a ti' andian dombaka' alao' ilalam loang kali di aso Sabaten, tentu na'an ipalaloang iki'. Tentu iala iki',” ingka kenang manjaruma i Yesus lo'da'.Lk. 14:5. 12“Ai lagi' mantuariin igulungina. Baraga mantuariin lo'a dombaan,” ingka kenang. “Na, ti' kenang, pandeki' di adatka' mamola basa maamen di aso Sabaten. Kenang ratina,” ingka kenang manjaruma i Yesus lo'da'.
13Jaji barik manjarum bapi, “Tanggeang tangannu,” ingka kenang i Yesus lo'a tau tamateen tanganna. Jaji datanggeang tanganna, maam bua barik tanganna dinen. Mole' asal, sabangon bua nanna sabala'. 14Poangsi ira dinen tau Parisiin terus minsaluan dari sao sambayangen laloang pasipakatang to' mauno' lo'a i Yesus.
I Yesus lalo suro'anna Alatala
15Jaji barik i Yesus marantang daerah dinen, kole'a datamuna andian ira tau manikom dinen lo'a. Bayu' bea tau malola'en lo'a. Tau apadisen yang nanda' dinen dapamaam kausa bua. 16Dapase'ang dinen ira mandongoang asanna lo'a tauen.
17Jaji mamalin poang. Alibak paraa kalena. Ratina kenanga, mainto' adarina jarum bayana Alatala yang dapamondokangen malaloi baki' Yesaya,
18 Na, di'en lalo Suro'anku' yang kudile'iin, yang kukasaangen, yang kukamainya'iin. Jaji daia dinen kupalalako'i nanna Sumangatku'. Daiapi barik to' manjarumang kaadelanku' lo'a ambata banua tauen. 19Daia dinen na'an to' sipadu, na'an to' mamuko. Kosan unyi baraana manjarumen di dalanen. 20Alowe' atena dinen. Sama'a, yang bulo' abala'en na'an dampe to' dapoto'ang. Palita to' masamen na'an dampe to' damasami. Kenang parabasana mondok adarina dinen jalu tapaten daawa manalo lo'a jalu ajau'en. 21Jaji gulungan ambata banua tauen to' marap kausana barik lo'a asanna, Yes. 42:1-4.
ingka kenangjo jalu datulisangen kole'a baki' Yesaya ilalam Jaruma Alatala.
I Yesus daasan dasarung kole'a i Pangabo
Mk. 3:19b-30; Lk. 6:43-45; 11:14-23; 12:10
22Jaji barik maminna dinen andian tau mondok lo'a i Yesus mawa mantuariin seraan yang dasarung jalu ajau'en. Bauta abisu tau dinen. Jaji barik dapamaam kole'a i Yesus, tau dinen pande barik maita, pande manjarum. 23Jaji tatakau tauen, “Tau dinen, na'an te' Anak kanturunanna baki' Daud yang dabayaangen dinen!” ingka kenang tauen.
24Jaji maminna datamu kole'a tau Parisiin, manjarum ira, “Daia dinen kosan kuasa laan dapakaien, kuasana i Beelsebul, kuasana panguluan jalu ajau'en. Dinen lalo dapata daruru gulungan jalu ajau'en,” ingka kenang ira.Mat. 9:34; 10:25.
25Jaji barik datamu pikiranda' kole'a i Yesus, “Na'an patut panguluanna mainya' maruru sama diri'a. Tentu alibak. Umpamana kangkaman rajaan, ati'en sijai ambata gulunganna, tentu na'an kuat kangkamanna dinen, tentu na'an bataan. Kapanjanganna na'anna sikule', tentu sarak barik, tambor-ambor. Ambata banuaan atau saloang kayanna, ati'en sijai suang gulunganna, tentu na'an bataan,” ingka kenang. 26“Na, nanna i Pangabo kenang bapi. Ati'en daia maruru sama diri'a, ratina sipasisarakang sama diri'a. Ti' mamin awan dinen, asi lo'a pandena bataan kangkamanna dinen? Tentu na'an bataan, tentu to' atalo manyuro' atampus kuasana,” ingka kenang. “Alibak daia panguluan jalu ajau'en kuasana ipakai itiang maruru jalu ajau'en,” ingka kenang lo'a tau Parisiin dinen.
27“Na, daiak di'en iasanku' ikin mamakai kuasana i Beelsebul itiang maruru jalu ajau'en kakaru'. Ai daikin dinen, andian bea sama ikin dinen tau yang maruru jalu ajau'en. Kuasa aien ipakaien ikin dinen? Suba tanya' sama ikin suro' mamutusiin ti' kuasa aien yang mustiin itiang maruru jalu ajau'en. Ai daikin kuasana i Pangabo bua? Tentula na'an,” ingka kenang i Yesus lo'da'. 28“Poangsi ti'en de'i Sumangata Alatala kuawaan iak paruru lo'a i Pangabo, ratina di'en mondok mamin lo'in baya Alatala to' mangkama lo'ka' awan rajaan,” ingka kenang manjaruma i Yesus lo'da'.
29Jaji andian bapi jaruma i Yesus lo'da', “Umpamana tau pangaliten to' intama lo'a sao tau yang bakajungen, to' marampas mala jaluna, tentu na'an dakule' ati'en na'an tajolo dajaratanga tau ampuna sao dinen. Baru' pande darampas saona,” ingka kenang. “Arung tau labi bakajung lagi', baru' dapat manalo lo'a,” ingka kenang.
30“Jaji kenang. Intain tau yang na'anen mangamuroang lo'ku', dinen lalo yang tau malawanen lo'ku'. Intain tau yang na'anen tamba mangapulungang, dinen lalo tau yang pasisarakangen,” ingka kenang.Mk. 9:40. 31“Jaji manjarumak lo'in, gulungan dosana anak mantuariin, gulungan jarum pajau'-jau'a lo'a Alatala, pande kausa daamponi. Poangsi tau pajau'-jau'en lo'a Sumangat Bareseen, na'an pande daamponi. 32Intain mantuariin pajau'-jau'en lo'ku' Anak Mantuariin pande daamponi. Poangsi intain manjarumen pajau'-jau' lo'a Sumangat Bareseen, na'an pande daamponi tarangkat awan di'en, mondok salaun-launna,” ingka kenang i Yesus lo'a tau Parisiin.Lk. 12:10.
33“Jaji kenang jalu ipasitimbangangen iki', ti' akat kayuun to' iasan iki' maam, bua'api tentu iasan maam. Ati'en akat kayuun to' iasan iki' ajau', bua'api tentu iasan ajau',” ingka kenang. “Kole'a mamin terang lo'ka', ikilalana iki' maama nanna ajau'a malaloi bua'a,” ingka kenang.Mat. 7:20; Lk. 6:44. 34“Daikin lalo sarang jalu ajau'en, tungan urarkin. Ai lo'a pandennin tau ajau'en manjarumang jarum maamen? Kole'a dari suanga ateka' lalo ibobosanga jarumka'.Mat. 3:7; 15:18; 23:33; Lk. 3:7; 6:45. 35Iki' tau maamen, jarum maamen ibobosangen iki' dari ateka', kole'a jalu maamen lalo yang itanami nyawaan. Iki' tau ajau'en, jarum ajau'en ibobosangen iki' dari ateka' kole'a jalu ajau'en lalo yang itanami nyawaan,” ingka kenang.
36“Jaji manjarumak lo'in, mondok ona' aso maukumina, gulungan ambata jarum tau, yang jarum sambaranganen, to' daukum kausana. 37Jarum diri'in ona' yang dabobosangen barik masan lo'in maam atau ajau', dala saksiin,” ingka kenang i Yesus lo'da'.
Tauen mamita tanda dari Surga
Mk. 8:11-12; Lk. 11:29-32
38Jaji barik manjarum ambata tau Parisiin nanna toa adaten lo'a i Yesus, “O Pa' Guru, daikam di'en bainginkam to' maita tanda panyunyuanu,” ingka kenang lo'a i Yesus.Mat. 16:1; Mk. 8:11; Lk. 11:16.
39Jaji barik i Yesus manjarum manyauti lo'da', “Asi lo'a tau tio'en di tatakka' di'en. Na'an sera ate mainya'in lo'a Alatala. Tau kakanjianen lalo, tau siuken lalo yang mamita tanda panyunyuaan,” ingka kenang. “Daiak kosan tanda panyunyuaku' kupayoangen lo'in. Suma poang tandana lo'in, tanda dari nanna baki' Yunus.Mat. 16:4; Mk. 8:12. 40Ati'en baki' Yunus, daia dinen talung aso, talung malam di batang lauken. Kenang bea daiak di'en Anak Mantuariin ona' to' talung aso, talung malam launku' inyaunga tana'en,” ingka kenang i Yesus manjaruma lo'da'. Yun. 1:17.
41Jaji manjarum i Yesus lo'a tau Parisiin nanna toa adaten, “Di asona ona' to' idukuma duniaan di'en, tau banua Niniwe dinen to' manuntut lo'in tau Parisiin nanna toa adaten. Kole'a daira dinenjo, manjarum i Yunus lo'da', daunjang barik pikiranda' yang sala'en. Dalola'ani panamuna Alatala. Poangsi daikin laan. Yang andianen nannin di'en baraa lagi' lo'a baki' Yunus. Na'an bua ipaduli ikin,” ingka kenang.Yun. 3:5. “Ialalo patutin datuntut kole'da',” ingka kenang.
42Manjarum bapi i Yesus lo'da', “Di asona ona' to' idukuma duniaan di'en, raja babainyeen yang dari Selatanen to' manuntut lo'in. Kole'a babainye dinenjo mondok dari bajao'en, to' datiang manaantalinga lo'a panamuna Raja Salomo. Poangsi daikin na'an awan dinen. Yang andianen nannin di'en baraa lagi' lo'a i Salomo. Na'an bua itaantalinga ikin. Patutkin datuntut,” ingka kenang i Yesus manjaruma lo'da'.1Raj. 10:1-10; 2Taw. 9:1-12.
Ti' iruru jalu ajau'en, arung isurangi nanna jalu maamen
Lk. 11:24-26
43Jaji manjarum i Yesus manjarumang sama' jarum lo'a tau tio'en di tataka dinen, “Umpamana tau dasarung jaluun, minsaluan barik dinen jalu ajau'en. Jaji lamba' barik jalu ajau'en dinen manyari kosanna to' sangarian di ambata kosan na'anen dadua' sauranen. Jaji lamba' dinen, na'an mandua'ang kosan. 44Jaji balaun rabarik, To' mole'ak lalo lo'a saoku' yang kurantangen din, ingka kenang. Jaji mole' balik lo'a saona, saona dinen mamin dabarese, mamin dapamaam. Apoang saona, kosan tau. 45Jaji barik lamba' bapi manyari kawanna. Daawa bapi kawanna tuju jalu ajau'en yang labi ajau'en bapi lagi' lo'a, lalako' kausa barik di saona. Jaji katuntunganna rabarik tau dasarungen dinen insang kaya susana, insang kaya bauruka,” ingka kenang. “Kenang ka'ada'an tatakka' di'en ona',” ingka kenang manjaruma i Yesus lo'da'.
Intain induna nanna sairunna i Yesus?
Mk. 3:31-35; Lk. 8:19-21
46Patanga'anna i Yesus sijarumanna nanna tau babangkulungen, mondok barik induna, mondok arina, akadeng insaluanna saoen baingin to' sijaruman nanna. 47Jaji barik manjarum tauen lo'a, “O Pa' Guru, mondok arinu, mondok indunu manyari lo'u. To' sijaruman nannu,” ingka kenang tauen manjaruma lo'a i Yesus.
48Jaji barik dasauti kole'a i Yesus, “Intain sairunku'? Intain indu'ku'? 49Indi'angen lalo sairunku' nanna indu'ku',” ingka kenang, datunjuk palola'a. 50“Sairunku' lalo yang tau malola'aniin lo'a panamuna Ama'ku' di Surga. Indu'ku' lalo yang tau malola'aniin,” ingka kenang i Yesus manjaruma lo'da'.
Currently Selected:
Matius 12: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 12
12
Okan Ukuma Alatala yang palin baraa'en
Mk. 2:23-28; 3:1-6; Lk. 6:1-11
1Jaji na'an balaun maminna dinen, mondok aso Sabaten dinen, aso sangarianna tau Yahudiin, i Yesus lamba' nanna gulungan palola'a malaloi dinen lo'a rawang uman. Jaji palola'a dinen mamoto' bua' gandomen kakapit laloang dakaan kole'da' kole'a mase' batanga.Ul. 23:25. 2Jaji barik dakita kole'a gulungan tau Parisiin, manjarum ira, “Belejo! Ai ratina karajada' dinen mamoto'ang gandom? Na'anki' pande di adatka' bakaraja di aso sangarianen,” ingka kenang tau Parisiin.
3Jaji i Yesus manyauti, “O, asi bea ipase'anga? Ai daikin, na'ankin kala' mambasa tutulan datulisangen lo'a Raja Daud arabaki'ka' yang ijoloon? Di mase'a batanga baki' Daud nanna arakawanna, 4daiapi intama di saona Alatala. Jaji daia sama nanna arakawanna angkaan roti jalu dapanyorongangen itiang lo'a Alatala. Okan dinen jalu pande ikaan kole'a baki' Daud nanna arakawanna. Suma imam poang yang pandeen angkaan di Ukuma Alatala. Angkaanna dinen na'an bea manyuro' sala' lo'a, kapisi okan imam ari baki' Daud, jalu mase' batanga,” ingka kenang lo'da'.Im. 24:5-9; 1Sam. 21:1-6. 5“Asi dinen Ukuma Alatala lo'a imamen, na'an ibasa ikin? Kole'a kiraso di aso Sabaten, di aso sangarianen, gulungan imamen pande bea bakaraja. Na'an bea ituntut, padahal malanggar adat aso Sabaten,” ingka kenang.Bil. 28:9-10. 6“Manjarumak lo'in, memang penting di'en saona Alatala. Poangsi andian bapi indi'angen yang baraa'en lagi' pentinga lo'a saona Alatala,” ingka kenang.
7“Jaji andian jarum di'en ilalam Jaruma Alatala yang datulisangen,
Yang kusariin di'en okan poang pamindaraan. Yang kusariin mainto' mangamase'inin sera lo'a seraan, Hos. 6:6.
ingka kenangjo ilalam Jaruma Alatala.Mat. 9:13. Jaji ati'en saja itamu ikin memen ratina jarum dinen de'i, na'ankin mainya' pajau' lo'a tau yang na'anen arasala'. 8Kole'a daiak di'en Anak Mantuariin, Paraampuanak lalo. Samuana iak matoren. Di aso Sabaten ka' kenanga,” ingka kenang lo'da'.
9Jaji barik i Yesus dinen lamba' bapi intama lo'a sao sambayangen. 10Andian bapi dinen babakaan yang tau tamateen tanganna sabala' inang. Ira inangen maimpa' lo'a i Yesus manyari kasala'anna. Jaji manjarum ira, “Ai kalo'u di adatka', pande ipamaami padisa tauen di aso Sabaten?” ingka kenang lo'a.
11Jaji manyauti i Yesus, “Ai lo'a ti' andian dombaka' alao' ilalam loang kali di aso Sabaten, tentu na'an ipalaloang iki'. Tentu iala iki',” ingka kenang manjaruma i Yesus lo'da'.Lk. 14:5. 12“Ai lagi' mantuariin igulungina. Baraga mantuariin lo'a dombaan,” ingka kenang. “Na, ti' kenang, pandeki' di adatka' mamola basa maamen di aso Sabaten. Kenang ratina,” ingka kenang manjaruma i Yesus lo'da'.
13Jaji barik manjarum bapi, “Tanggeang tangannu,” ingka kenang i Yesus lo'a tau tamateen tanganna. Jaji datanggeang tanganna, maam bua barik tanganna dinen. Mole' asal, sabangon bua nanna sabala'. 14Poangsi ira dinen tau Parisiin terus minsaluan dari sao sambayangen laloang pasipakatang to' mauno' lo'a i Yesus.
I Yesus lalo suro'anna Alatala
15Jaji barik i Yesus marantang daerah dinen, kole'a datamuna andian ira tau manikom dinen lo'a. Bayu' bea tau malola'en lo'a. Tau apadisen yang nanda' dinen dapamaam kausa bua. 16Dapase'ang dinen ira mandongoang asanna lo'a tauen.
17Jaji mamalin poang. Alibak paraa kalena. Ratina kenanga, mainto' adarina jarum bayana Alatala yang dapamondokangen malaloi baki' Yesaya,
18 Na, di'en lalo Suro'anku' yang kudile'iin, yang kukasaangen, yang kukamainya'iin. Jaji daia dinen kupalalako'i nanna Sumangatku'. Daiapi barik to' manjarumang kaadelanku' lo'a ambata banua tauen. 19Daia dinen na'an to' sipadu, na'an to' mamuko. Kosan unyi baraana manjarumen di dalanen. 20Alowe' atena dinen. Sama'a, yang bulo' abala'en na'an dampe to' dapoto'ang. Palita to' masamen na'an dampe to' damasami. Kenang parabasana mondok adarina dinen jalu tapaten daawa manalo lo'a jalu ajau'en. 21Jaji gulungan ambata banua tauen to' marap kausana barik lo'a asanna, Yes. 42:1-4.
ingka kenangjo jalu datulisangen kole'a baki' Yesaya ilalam Jaruma Alatala.
I Yesus daasan dasarung kole'a i Pangabo
Mk. 3:19b-30; Lk. 6:43-45; 11:14-23; 12:10
22Jaji barik maminna dinen andian tau mondok lo'a i Yesus mawa mantuariin seraan yang dasarung jalu ajau'en. Bauta abisu tau dinen. Jaji barik dapamaam kole'a i Yesus, tau dinen pande barik maita, pande manjarum. 23Jaji tatakau tauen, “Tau dinen, na'an te' Anak kanturunanna baki' Daud yang dabayaangen dinen!” ingka kenang tauen.
24Jaji maminna datamu kole'a tau Parisiin, manjarum ira, “Daia dinen kosan kuasa laan dapakaien, kuasana i Beelsebul, kuasana panguluan jalu ajau'en. Dinen lalo dapata daruru gulungan jalu ajau'en,” ingka kenang ira.Mat. 9:34; 10:25.
25Jaji barik datamu pikiranda' kole'a i Yesus, “Na'an patut panguluanna mainya' maruru sama diri'a. Tentu alibak. Umpamana kangkaman rajaan, ati'en sijai ambata gulunganna, tentu na'an kuat kangkamanna dinen, tentu na'an bataan. Kapanjanganna na'anna sikule', tentu sarak barik, tambor-ambor. Ambata banuaan atau saloang kayanna, ati'en sijai suang gulunganna, tentu na'an bataan,” ingka kenang. 26“Na, nanna i Pangabo kenang bapi. Ati'en daia maruru sama diri'a, ratina sipasisarakang sama diri'a. Ti' mamin awan dinen, asi lo'a pandena bataan kangkamanna dinen? Tentu na'an bataan, tentu to' atalo manyuro' atampus kuasana,” ingka kenang. “Alibak daia panguluan jalu ajau'en kuasana ipakai itiang maruru jalu ajau'en,” ingka kenang lo'a tau Parisiin dinen.
27“Na, daiak di'en iasanku' ikin mamakai kuasana i Beelsebul itiang maruru jalu ajau'en kakaru'. Ai daikin dinen, andian bea sama ikin dinen tau yang maruru jalu ajau'en. Kuasa aien ipakaien ikin dinen? Suba tanya' sama ikin suro' mamutusiin ti' kuasa aien yang mustiin itiang maruru jalu ajau'en. Ai daikin kuasana i Pangabo bua? Tentula na'an,” ingka kenang i Yesus lo'da'. 28“Poangsi ti'en de'i Sumangata Alatala kuawaan iak paruru lo'a i Pangabo, ratina di'en mondok mamin lo'in baya Alatala to' mangkama lo'ka' awan rajaan,” ingka kenang manjaruma i Yesus lo'da'.
29Jaji andian bapi jaruma i Yesus lo'da', “Umpamana tau pangaliten to' intama lo'a sao tau yang bakajungen, to' marampas mala jaluna, tentu na'an dakule' ati'en na'an tajolo dajaratanga tau ampuna sao dinen. Baru' pande darampas saona,” ingka kenang. “Arung tau labi bakajung lagi', baru' dapat manalo lo'a,” ingka kenang.
30“Jaji kenang. Intain tau yang na'anen mangamuroang lo'ku', dinen lalo yang tau malawanen lo'ku'. Intain tau yang na'anen tamba mangapulungang, dinen lalo tau yang pasisarakangen,” ingka kenang.Mk. 9:40. 31“Jaji manjarumak lo'in, gulungan dosana anak mantuariin, gulungan jarum pajau'-jau'a lo'a Alatala, pande kausa daamponi. Poangsi tau pajau'-jau'en lo'a Sumangat Bareseen, na'an pande daamponi. 32Intain mantuariin pajau'-jau'en lo'ku' Anak Mantuariin pande daamponi. Poangsi intain manjarumen pajau'-jau' lo'a Sumangat Bareseen, na'an pande daamponi tarangkat awan di'en, mondok salaun-launna,” ingka kenang i Yesus lo'a tau Parisiin.Lk. 12:10.
33“Jaji kenang jalu ipasitimbangangen iki', ti' akat kayuun to' iasan iki' maam, bua'api tentu iasan maam. Ati'en akat kayuun to' iasan iki' ajau', bua'api tentu iasan ajau',” ingka kenang. “Kole'a mamin terang lo'ka', ikilalana iki' maama nanna ajau'a malaloi bua'a,” ingka kenang.Mat. 7:20; Lk. 6:44. 34“Daikin lalo sarang jalu ajau'en, tungan urarkin. Ai lo'a pandennin tau ajau'en manjarumang jarum maamen? Kole'a dari suanga ateka' lalo ibobosanga jarumka'.Mat. 3:7; 15:18; 23:33; Lk. 3:7; 6:45. 35Iki' tau maamen, jarum maamen ibobosangen iki' dari ateka', kole'a jalu maamen lalo yang itanami nyawaan. Iki' tau ajau'en, jarum ajau'en ibobosangen iki' dari ateka' kole'a jalu ajau'en lalo yang itanami nyawaan,” ingka kenang.
36“Jaji manjarumak lo'in, mondok ona' aso maukumina, gulungan ambata jarum tau, yang jarum sambaranganen, to' daukum kausana. 37Jarum diri'in ona' yang dabobosangen barik masan lo'in maam atau ajau', dala saksiin,” ingka kenang i Yesus lo'da'.
Tauen mamita tanda dari Surga
Mk. 8:11-12; Lk. 11:29-32
38Jaji barik manjarum ambata tau Parisiin nanna toa adaten lo'a i Yesus, “O Pa' Guru, daikam di'en bainginkam to' maita tanda panyunyuanu,” ingka kenang lo'a i Yesus.Mat. 16:1; Mk. 8:11; Lk. 11:16.
39Jaji barik i Yesus manjarum manyauti lo'da', “Asi lo'a tau tio'en di tatakka' di'en. Na'an sera ate mainya'in lo'a Alatala. Tau kakanjianen lalo, tau siuken lalo yang mamita tanda panyunyuaan,” ingka kenang. “Daiak kosan tanda panyunyuaku' kupayoangen lo'in. Suma poang tandana lo'in, tanda dari nanna baki' Yunus.Mat. 16:4; Mk. 8:12. 40Ati'en baki' Yunus, daia dinen talung aso, talung malam di batang lauken. Kenang bea daiak di'en Anak Mantuariin ona' to' talung aso, talung malam launku' inyaunga tana'en,” ingka kenang i Yesus manjaruma lo'da'. Yun. 1:17.
41Jaji manjarum i Yesus lo'a tau Parisiin nanna toa adaten, “Di asona ona' to' idukuma duniaan di'en, tau banua Niniwe dinen to' manuntut lo'in tau Parisiin nanna toa adaten. Kole'a daira dinenjo, manjarum i Yunus lo'da', daunjang barik pikiranda' yang sala'en. Dalola'ani panamuna Alatala. Poangsi daikin laan. Yang andianen nannin di'en baraa lagi' lo'a baki' Yunus. Na'an bua ipaduli ikin,” ingka kenang.Yun. 3:5. “Ialalo patutin datuntut kole'da',” ingka kenang.
42Manjarum bapi i Yesus lo'da', “Di asona ona' to' idukuma duniaan di'en, raja babainyeen yang dari Selatanen to' manuntut lo'in. Kole'a babainye dinenjo mondok dari bajao'en, to' datiang manaantalinga lo'a panamuna Raja Salomo. Poangsi daikin na'an awan dinen. Yang andianen nannin di'en baraa lagi' lo'a i Salomo. Na'an bua itaantalinga ikin. Patutkin datuntut,” ingka kenang i Yesus manjaruma lo'da'.1Raj. 10:1-10; 2Taw. 9:1-12.
Ti' iruru jalu ajau'en, arung isurangi nanna jalu maamen
Lk. 11:24-26
43Jaji manjarum i Yesus manjarumang sama' jarum lo'a tau tio'en di tataka dinen, “Umpamana tau dasarung jaluun, minsaluan barik dinen jalu ajau'en. Jaji lamba' barik jalu ajau'en dinen manyari kosanna to' sangarian di ambata kosan na'anen dadua' sauranen. Jaji lamba' dinen, na'an mandua'ang kosan. 44Jaji balaun rabarik, To' mole'ak lalo lo'a saoku' yang kurantangen din, ingka kenang. Jaji mole' balik lo'a saona, saona dinen mamin dabarese, mamin dapamaam. Apoang saona, kosan tau. 45Jaji barik lamba' bapi manyari kawanna. Daawa bapi kawanna tuju jalu ajau'en yang labi ajau'en bapi lagi' lo'a, lalako' kausa barik di saona. Jaji katuntunganna rabarik tau dasarungen dinen insang kaya susana, insang kaya bauruka,” ingka kenang. “Kenang ka'ada'an tatakka' di'en ona',” ingka kenang manjaruma i Yesus lo'da'.
Intain induna nanna sairunna i Yesus?
Mk. 3:31-35; Lk. 8:19-21
46Patanga'anna i Yesus sijarumanna nanna tau babangkulungen, mondok barik induna, mondok arina, akadeng insaluanna saoen baingin to' sijaruman nanna. 47Jaji barik manjarum tauen lo'a, “O Pa' Guru, mondok arinu, mondok indunu manyari lo'u. To' sijaruman nannu,” ingka kenang tauen manjaruma lo'a i Yesus.
48Jaji barik dasauti kole'a i Yesus, “Intain sairunku'? Intain indu'ku'? 49Indi'angen lalo sairunku' nanna indu'ku',” ingka kenang, datunjuk palola'a. 50“Sairunku' lalo yang tau malola'aniin lo'a panamuna Ama'ku' di Surga. Indu'ku' lalo yang tau malola'aniin,” ingka kenang i Yesus manjaruma lo'da'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997