Matius 14
14
I Yohanes Pambaptis dauno' kole'a Raja Herodes
Mk. 6:14-29; Lk. 9:7-9
1Nanga dinen Raja Herodes mandalinga barik dongona i Yesus dinen. 2Jaji manjarum i Herodes lo'a ambata suro'anna, “O dinen i Yohanes Pambaptis, mamin tio' balik. Ialalo ratina pandena daia mamola panyunyuana,” ingka kenang Raja Herodes.
3Manyuro' awan dinen jaruma Raja Herodes kole'a ialalo yang manyuro' mateen lo'a i Yohanes. Kole'a i Yohanesjo dinen dadua' tingkam kole'a Raja Herodes, daapis di sao ukumanen. Ratina daapisa di sao ukumanen, kole'a tau dala bainyeen kole'a Raja Herodes dinen, asanna i Herodias.
Jaji kenang tutulanna. I Herodias dinen mulakata siala nanna i Pilipus, arina Raja Herodes. Poangsi bainyena i Pilipus dinen dapo barik kole'a Raja Herodes, dala bainye. 4Jaji andian jaruma i Yohanes dinen marada'iin lo'a Raja Herodes, “Na'anko pande di adatka' sarilao' tindo'u nanna bainyena arinu,” ingka kenang.Im. 18:16; 20:21; Lk. 3:19-20. 5Dalam kamainya'anna Raja Herodes, daia baingin to' mauno' lo'a i Yohanes. Poangsi to' mauno' lo'a, atakut lo'a tau bayu'en. Kole'a samuana masan lo'a i Yohanes dinen panjaruma Alatala.
6Jaji mondok ulang taunna Raja Herodes, anaka i Herodias dinen, anaka yang babainyeen mandaria' di arona tauen. Jaji kadaka tapat dinen Raja Herodes, 7sampai diri'a manjarum lo' anak babainye dinen. “Ai poang to' ipitaan iko, tetap kumeang,” ingka kenang lo'a anaka. Sampai mamang kalena dinen Raja Herodes.
8Jaji barik anak babainyeen dinen, daia malola'ani panamuna induna. Dapita uluna i Yohanes Pambaptis, “Kupita poang karampang uluna i Yohanes Pambaptis,” ingka. “Awa lo'ku' indi'angen di lamedangen,” ingka kenang lo'a Raja Herodes.
9Jaji barik Raja Herodes dinen susa atena. To' na'an dapaduli jaruma anaka, bawa' lo'a pangabangen kole'a mamin de'i mamang kalena di arona Alatala. Jaji dasuro' tau itiang malola'ani panamuna nangkanak dinen. 10Dasuro' tataki uluna i Yohanes Pambaptis di sao ukumanen. 11Karampang uluna dinen dataro' di lamedangen, daawa barik lo'a anak babainye dinen. Mamin barik mondok lo'a anak babainye dinen, daiapi mawa lo'a induna.
12Jaji bangkayoanna dinen, dala barik kole'a palola'a, dakubur. Mamin dinen barik lamba' ira manjarumang jalu adariin dinen lo'a i Yesus.
I Yesus pangkaan lo'a tau lima ribuun
Mk. 6:30-44; Lk. 9:10-17; Yoh. 6:1-14
13Jaji barik datamu dongona dinen i Yohanes kole'a i Yesus. Jaji i Yesus tarangkat bapi mamarau, to' kapi'ang kalena lo'a kosan ateengen. Jaji di tarangkata i Yesus dinen, datamu barik tujuanna kole'a tau bayu'en. Jaji tauen dinen mamakat dari ambata banuaan malola' lo'a i Yesus. 14Jaji barik mauwat lo'a biring kabangen dinen i Yesus, dabele indinang bayu' mamin tau babangkulungen. Jaji ka' mase'-mase'a. Barik gulungan tau malola'en dinen dapamaam barik ambata padisa tauen di antarada'.
15Jaji pamamalamen barik, mondok dinen palola'a lo'a i Yesus manjarum, “Kosan di'en kosan ateengen, kenang balangke mamin matasoon. Subako manyuro' lo'da' lamba' lo'a banuaan yang sibiring-biringanen nanka' itiang mamali jalu kaan,” ingka kenang palola'a lo'a.
16Jaji i Yesus manyauti, “Kosan paruluna isuro' lamba'. Ikin poang mameangen lo'da' jalu kaan,” ingka kenang.
17Jaji manjarum barik dinen palola'a, “Kosan bayu' jalu kaanka'. Suma poang roti limaan. Laukka' dua-dua bua,” ingka kenang manjaruma palola'a lo'a i Yesus.
18Jaji barik manjarum i Yesus bapi lo'a palola'a, “Awa poang lo'ku',” ingka. 19Jaji dasuro' tauen aduduk barik di rimputen. Mamin dinen dajaput dinen roti limaan nanna lauk duaan kole'a i Yesus. Laloang maningara' mamele inait lo'a suanen bado'ana lo'a Alatala. Maminna barik dado'aang jalu kaan dinen, dabala' roti dinen laloang dameang lo'a palola'a. Palola'api barik manyorongi lo'a tauen. 20Jaji samuada' ira dinen yang bayu'en, angkaan bosor kausana.
Mamin akaus angkaan, daunto'i bapi dinen tunana jalu kaanna kole'a palola'a, sampai bayu' tunanna. Andian dua belas babakula apano' nanna bobor rotiin nanna lauken. 21Jaji tau tamba angkaan roti dinen, bayu'a andian lima ribu yang babakaan. Laan bapi babainyeen, laan nangkanaken.
I Yesus malete ibona kulit danumen
Mk. 6:45-56; Yoh. 6:15-21
22Jaji barik i Yesus laloang manyuro' mauwat di parauen lo'a ambata palola'a, dasuro' tajolo manarear. Daiapi dinen mangamase'i lo'a tau bayu'en manyuro' mole'. 23Maminna barik pamase', daia inait lo'a ukiten to' bado'a. Jaji mondok barik pamamalamen i Yesus kakalena inang. 24Palola'a yang mamarauen de'i mamin bajao' di tanga' danoon. Parauda' dinen daanu galombangen, daanu sariut bea, datumpu.
25Jaji barik kira-kira jam talu malamen, i Yesus malola' lo'da' malete ibona kulit danumen. 26Jaji dakita kole'a palola'a, atakut tapat ira, “Antu dini!” ingka ira. Jaji mamuko-muko lasana atakuta.
27Poangsi babariar manjaruma i Yesus lo'da', “Pamaam nyawanin. Iak lalo di'en. Ada'kin atakuten,” ingka kenang lo'da'.
28Jaji barik manjarum i Petrus, “O Paraampuane, ti' tapat iko, suro'ak malete ibona kulit danumen mondok lo'u,” ingka kenang.
29Jaji barik, “Lo'di'ko,” ingka kenang i Yesus.
Jaji barik i Petrus dinen minsaluan dari parauen, lamba' malete ibona kulit danumen. 30Poangsi mamin mulai lamba' dinen, dabele balik dinen sariuten, daiapi mulai atakut. Jaji mulai tarauk kakina barik di danumen. Jaji dinen mamuko, “Gulungiak, Paraampuanku'!” ingka kenang.
31Jaji barik datanggeang dinen tanganna i Yesus lo'a i Petrus, “Ai daiko yang kenangen? Kakapit jaji kaparasaya'annu. Asi raraona kaparasaya'annu?” ingka kenang lo'a i Petrus.
32Jaji barik maminna dinen de'i, irapi mauwat di parauen. Nanga mauwata di parauen dinen, sariutpi tadang. 33Samuana dinen ilalam parauen manyemba kausa lo'a i Yesus, “Iko lalo pan Anaka Alatala,” ingka kenang manjaruma ira lo'a.
34Jaji mondok barik manarear lo'a banua Genesaret, tatunduk parauda'. 35Jaji dakita kole'a tauen inangen, dakilala dinen i Yesus. Barik dapandongoang i Yesus, dapawaang jarum kukuliling lo'a ambata banua sikainso'en dinen. Samuana dinen yang tau apadisen daawa kausa lo'a dinen. 36Jaji mamita tapat tauen lo'a i Yesus, sana'an-na'anna suro' paruarang kalena manjaput rombo kainna. Intain poang barik manjaputen, maam bua padisa dinen.
Currently Selected:
Matius 14: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 14
14
I Yohanes Pambaptis dauno' kole'a Raja Herodes
Mk. 6:14-29; Lk. 9:7-9
1Nanga dinen Raja Herodes mandalinga barik dongona i Yesus dinen. 2Jaji manjarum i Herodes lo'a ambata suro'anna, “O dinen i Yohanes Pambaptis, mamin tio' balik. Ialalo ratina pandena daia mamola panyunyuana,” ingka kenang Raja Herodes.
3Manyuro' awan dinen jaruma Raja Herodes kole'a ialalo yang manyuro' mateen lo'a i Yohanes. Kole'a i Yohanesjo dinen dadua' tingkam kole'a Raja Herodes, daapis di sao ukumanen. Ratina daapisa di sao ukumanen, kole'a tau dala bainyeen kole'a Raja Herodes dinen, asanna i Herodias.
Jaji kenang tutulanna. I Herodias dinen mulakata siala nanna i Pilipus, arina Raja Herodes. Poangsi bainyena i Pilipus dinen dapo barik kole'a Raja Herodes, dala bainye. 4Jaji andian jaruma i Yohanes dinen marada'iin lo'a Raja Herodes, “Na'anko pande di adatka' sarilao' tindo'u nanna bainyena arinu,” ingka kenang.Im. 18:16; 20:21; Lk. 3:19-20. 5Dalam kamainya'anna Raja Herodes, daia baingin to' mauno' lo'a i Yohanes. Poangsi to' mauno' lo'a, atakut lo'a tau bayu'en. Kole'a samuana masan lo'a i Yohanes dinen panjaruma Alatala.
6Jaji mondok ulang taunna Raja Herodes, anaka i Herodias dinen, anaka yang babainyeen mandaria' di arona tauen. Jaji kadaka tapat dinen Raja Herodes, 7sampai diri'a manjarum lo' anak babainye dinen. “Ai poang to' ipitaan iko, tetap kumeang,” ingka kenang lo'a anaka. Sampai mamang kalena dinen Raja Herodes.
8Jaji barik anak babainyeen dinen, daia malola'ani panamuna induna. Dapita uluna i Yohanes Pambaptis, “Kupita poang karampang uluna i Yohanes Pambaptis,” ingka. “Awa lo'ku' indi'angen di lamedangen,” ingka kenang lo'a Raja Herodes.
9Jaji barik Raja Herodes dinen susa atena. To' na'an dapaduli jaruma anaka, bawa' lo'a pangabangen kole'a mamin de'i mamang kalena di arona Alatala. Jaji dasuro' tau itiang malola'ani panamuna nangkanak dinen. 10Dasuro' tataki uluna i Yohanes Pambaptis di sao ukumanen. 11Karampang uluna dinen dataro' di lamedangen, daawa barik lo'a anak babainye dinen. Mamin barik mondok lo'a anak babainye dinen, daiapi mawa lo'a induna.
12Jaji bangkayoanna dinen, dala barik kole'a palola'a, dakubur. Mamin dinen barik lamba' ira manjarumang jalu adariin dinen lo'a i Yesus.
I Yesus pangkaan lo'a tau lima ribuun
Mk. 6:30-44; Lk. 9:10-17; Yoh. 6:1-14
13Jaji barik datamu dongona dinen i Yohanes kole'a i Yesus. Jaji i Yesus tarangkat bapi mamarau, to' kapi'ang kalena lo'a kosan ateengen. Jaji di tarangkata i Yesus dinen, datamu barik tujuanna kole'a tau bayu'en. Jaji tauen dinen mamakat dari ambata banuaan malola' lo'a i Yesus. 14Jaji barik mauwat lo'a biring kabangen dinen i Yesus, dabele indinang bayu' mamin tau babangkulungen. Jaji ka' mase'-mase'a. Barik gulungan tau malola'en dinen dapamaam barik ambata padisa tauen di antarada'.
15Jaji pamamalamen barik, mondok dinen palola'a lo'a i Yesus manjarum, “Kosan di'en kosan ateengen, kenang balangke mamin matasoon. Subako manyuro' lo'da' lamba' lo'a banuaan yang sibiring-biringanen nanka' itiang mamali jalu kaan,” ingka kenang palola'a lo'a.
16Jaji i Yesus manyauti, “Kosan paruluna isuro' lamba'. Ikin poang mameangen lo'da' jalu kaan,” ingka kenang.
17Jaji manjarum barik dinen palola'a, “Kosan bayu' jalu kaanka'. Suma poang roti limaan. Laukka' dua-dua bua,” ingka kenang manjaruma palola'a lo'a i Yesus.
18Jaji barik manjarum i Yesus bapi lo'a palola'a, “Awa poang lo'ku',” ingka. 19Jaji dasuro' tauen aduduk barik di rimputen. Mamin dinen dajaput dinen roti limaan nanna lauk duaan kole'a i Yesus. Laloang maningara' mamele inait lo'a suanen bado'ana lo'a Alatala. Maminna barik dado'aang jalu kaan dinen, dabala' roti dinen laloang dameang lo'a palola'a. Palola'api barik manyorongi lo'a tauen. 20Jaji samuada' ira dinen yang bayu'en, angkaan bosor kausana.
Mamin akaus angkaan, daunto'i bapi dinen tunana jalu kaanna kole'a palola'a, sampai bayu' tunanna. Andian dua belas babakula apano' nanna bobor rotiin nanna lauken. 21Jaji tau tamba angkaan roti dinen, bayu'a andian lima ribu yang babakaan. Laan bapi babainyeen, laan nangkanaken.
I Yesus malete ibona kulit danumen
Mk. 6:45-56; Yoh. 6:15-21
22Jaji barik i Yesus laloang manyuro' mauwat di parauen lo'a ambata palola'a, dasuro' tajolo manarear. Daiapi dinen mangamase'i lo'a tau bayu'en manyuro' mole'. 23Maminna barik pamase', daia inait lo'a ukiten to' bado'a. Jaji mondok barik pamamalamen i Yesus kakalena inang. 24Palola'a yang mamarauen de'i mamin bajao' di tanga' danoon. Parauda' dinen daanu galombangen, daanu sariut bea, datumpu.
25Jaji barik kira-kira jam talu malamen, i Yesus malola' lo'da' malete ibona kulit danumen. 26Jaji dakita kole'a palola'a, atakut tapat ira, “Antu dini!” ingka ira. Jaji mamuko-muko lasana atakuta.
27Poangsi babariar manjaruma i Yesus lo'da', “Pamaam nyawanin. Iak lalo di'en. Ada'kin atakuten,” ingka kenang lo'da'.
28Jaji barik manjarum i Petrus, “O Paraampuane, ti' tapat iko, suro'ak malete ibona kulit danumen mondok lo'u,” ingka kenang.
29Jaji barik, “Lo'di'ko,” ingka kenang i Yesus.
Jaji barik i Petrus dinen minsaluan dari parauen, lamba' malete ibona kulit danumen. 30Poangsi mamin mulai lamba' dinen, dabele balik dinen sariuten, daiapi mulai atakut. Jaji mulai tarauk kakina barik di danumen. Jaji dinen mamuko, “Gulungiak, Paraampuanku'!” ingka kenang.
31Jaji barik datanggeang dinen tanganna i Yesus lo'a i Petrus, “Ai daiko yang kenangen? Kakapit jaji kaparasaya'annu. Asi raraona kaparasaya'annu?” ingka kenang lo'a i Petrus.
32Jaji barik maminna dinen de'i, irapi mauwat di parauen. Nanga mauwata di parauen dinen, sariutpi tadang. 33Samuana dinen ilalam parauen manyemba kausa lo'a i Yesus, “Iko lalo pan Anaka Alatala,” ingka kenang manjaruma ira lo'a.
34Jaji mondok barik manarear lo'a banua Genesaret, tatunduk parauda'. 35Jaji dakita kole'a tauen inangen, dakilala dinen i Yesus. Barik dapandongoang i Yesus, dapawaang jarum kukuliling lo'a ambata banua sikainso'en dinen. Samuana dinen yang tau apadisen daawa kausa lo'a dinen. 36Jaji mamita tapat tauen lo'a i Yesus, sana'an-na'anna suro' paruarang kalena manjaput rombo kainna. Intain poang barik manjaputen, maam bua padisa dinen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997