Matius 11
11
Mondok pasuro'a i Yohanes Pambaptis
Lk. 7:18-35
1Jaji barik mamin akaus paba'ina i Yesus lo'da' dua' belasen tarangkat dinen palola'a mawa tugasa. I Yesuspi lamba' bea daia majar, manjarumang jaruma Alatala di ambata banua Galilea.
2Jaji nanga dinen andian i Yohanes Pambaptis di sao ukumanen. Jaji dadalinga dongoon kole'a i Yohanes lo'a ambata basana Kristus dinen, dasuro' lamba' barik palola'a itiang mangatoani lo'a i Yesus, 3“Ai lo'a, iko lalo tau dabayaangen kole'a Alatala dinen? Ataupun andianpiaka tau bokanen iarungiin iki'?” ingka kenang jaruma dasuro'a dinen palola'a i Yohanes.
4Jaji dakatoani kenang kole'da', i Yesus barik manyauti, “Mole' poangkin lo'a i Yohanes, jarumang lo'a ambata jalu maminen ikita ikin, ambata jalu maminen idalinga ikin. 5Yang tau bautaan pande mamele. Yang tau araiten pande lamba'. Yang tau akudungen pande barese. Yang tau babongen pande mandalinga. Yang tau mateen pande tio' balik. Dongo Maamen ijarumang bea lo'a tau masikinen, awan bua bayana baki' Yesayajo ijoloon manjarumangen tau dabayaangen dinen,” ingka kenang manjaruma i Yesus lo'da'.Yes. 35:5-6; 61:1. 6“Bauntung tau yang na'anen akaru kaparasaya'anna mamikirang lo'ku',” ingka kenang. “Jarumang poang lo'a i Yohanes di sao ukumanen,” ingka kenang jaruma i Yesus manyautina lo'da'.
7Jaji barik mole' dinen palola'a i Yohanes, i Yesus barik manjarum lo'a tau bayu'en yang babangkulungen inang de'i, “Ai memen isariin ikin, to' manontonnin lo'a i Yohanes Pambaptis dinen di kosan ateengen? Iasanang tau maunda akaru balu' rimputen daput-put anginen lo'din-lo'din? Okan,” ingka kenang. 8“Jalu ai isariin ikin lo'a dinen? Iasanang ikin tau arayu'? Daia okan tau maamen tio'a. Ti' tau maamen tio'a, tau arayu'en, na'an lalako' di kosan ateengen. Lalako' di sao rajaan,” ingka kenang. 9"Jalu ai isariin ikin? Panjaruma Alatala? Na, baru' tapat. Panjaruma Alatala lalo. Sabenara baraa lagi' lo'a. 10Kole'a i Yohanes, ia lalo suro'an yang dabayaangen ilalam Jaruma Alatala yang datulisangen,
“Belejo di'en suro'anku', ingka kenang Alatala. Kusuro' lamba' ijolonu itiang mangamasang dalannu, Mal. 3:1.
ingka kenangjo ilalam Jaruma Alatala. 11Jaji manjarumak tapat-tapat lo'in, sampai awandi'en kosan tau iparanakangen yang labiin lo'a i Yohanes di'en,” ingka kenang. “Poangsi kapisi baraa i Yohanes daia, ikin yang padariin panduduk kangkamanna Alatala, kapisi yang tau palin akeke'en ilalam kangkamanna, baraa bapikin lo'a i Yohanes,” ingka kenang manjaruma.
12“Dari mulakata manjaruma i Yohanes sampai awandi'en, kangkamanna Alatala kuat dalawan tau. Tau malawanenpi panyunyung to' mangkam inang,” ingka kenang. 13“Kole'a dari jolo memen, dari ambata panjaruma Alatala, dari ambata Ukuma Alatala mondok lo'a i Yohanes, samuana manjarum mamaya lo'a adarina kangkaman Surga.Lk. 16:16. 14I Yohanes lalo dinen yang dabayaangen to' mondok lo'ka', yang mawaan tugasa baki' Elia. Ungka'en poang na'an mainya'kin parasaya' lo'a.Mal. 4:5; Mat. 17:10-13; Mk. 9:11-13. 15Jaji intain poang andianen loang talingana arung manaantalinga lo'ku',” ingka kenang manjaruma i Yesus lo'da'.
16“Ai lo'a yang maamen itiang sama' jarum lo'a tau tio'en di tatakka' di'en?” ingka kenang i Yesus lo'da'. “Kapi balu' ai basanam, tetapkam ikalibakang ikin,” ingka kenang. "Awan lalo basa nangkanaken aduduk di pasaren siawa main,
17Manaba' sulingkam, ingka, alibakkin mandaria'. Mamata'ang nangiskam, alibakkin bapi tamba anangis,
ingka kenang nangkanaken sera lo'a seraan.
18“Na, awan dinen bapi daikin karajanin, basa nangkanaken. Kosan jalu iakamainya'iin ikin. Kole'a pamondoka i Yohanes dinen yang na'anen angkaan mainyum, ipasala' ikin. Iasan ikin tau dasarung jalu ajau'en. 19Daiakpi di'en Anak Mantuariin yang angkaan mainyumen, ipasala' bapi. Iasanak bapi yang tau kalonganen, tau painyum, tau sikawanen nanna ambata panagi sukaien nanna tau badosaan,” ingka kenang. “Poangsi tau asanen kalena datamu pasitimbangang jalu maamen nanna jalu ajau'en arung andian buktina, arung andian saksina. Ti' tapat datamu, tentu basana lalo yang padariin buktina. Inang magilalana,” ingka kenang i Yesus manjaruma lo'da'.
Banua mangalibakangen lo'a i Yesus daasan labi ajau' bapi lagi' lo'a banua yang palin ajau'en
Lk. 10:13-15
20Jaji barik i Yesus manjarumi lo'da' ambata banua kosan mamin daia kala' mamola bayu' panyunyuanna, ialalo banua Korasim, banua Betsaida nanna banua Kapernaum. Kole'a ira banua dinen na'an mainya' maunjang pikiranda' yang sala'en. 21Jaji manjarum i Yesus lo'da', “Mase' poang nyawanin, ikin ambata tau banua Korasim! Mase' poang nyawanin ikin ambata tau banua Betsaida! Kole'a na'an mainya'kin maunjang pikirannin yang sala'en. Asi dinen ambata gulungan panyunyuaan kupolana di matanin? Banua Tirus nanna banua Sidon, banua palin ajau'en dinen na'an kala' maita panyunyuaku'. Ti' jalu din kupolajo di banua Tirus, di banua Sidon, ira dinen tentu mamin jolo memen maunjang pikiranda' yang sala'en. Tentu dapakai kain kasaren, tentu koangi kalena nanna kutu daren lasana ajau'a nyawana mamikirang dosana. Poangsi daikin di'en na'ankin mainya' maunjang pikirannin dinen,” ingka kenang.Yes. 23:1-18; Yeh. 26:1—28:26; Yl. 3:4-8; Am. 1:9-10; Sak. 9:2-4. 22“Manjarumak lo'in, ira dinen banua Tirus nanna Sidon kapisi ajau', tentu labi arengan ona' ukumda' di asona to' dalao'ina nanna ukumanen. Ikin ona' aboraten ukumannin, kole'a jalu ikitaan ikin na'an bua itarima' ikin,” ingka kenang.
23“Daikin bapi tau banua Kapernaum, ai ratina to' isuro' kalenin iparaa sampai mondok lo'a suanen? Na'ankin to' iparaa. Daikin ona' di'en ipakeke'kin, ipaindor lo'a kosanna tau mateen,” ingka kenang. “Asi dinen ambata gulungan panyunyuaan kupolaan di matanin? Di banua Sodom yang itampusiinjo dinen, ti' andianjo jalu panyunyuaku' kupolaan di banua dinen, Sodom dinen na'an dari itampusi, tentu andianpi banua dinen mondok aso di'en,” ingka kenang.Mul. 19:24-28; Yes. 14:13-15. 24“Manjarumak lo'in, mondok ona' idurusina kajau'an tauen ikin yang aboraten ukumannin. Labi aborat lo'a ukuma tau banua Sodom nanna banua Gomora. Kole'a jalu maminen ikita dinen, na'an bua itarima' ikin,” ingka kenang i Yesus lo'da'.Mat. 10:15; Lk. 10:12.
I Yesus mameang sangarianen lo'a tau alolo'en tolanga
Lk. 10:21-22
25Jaji manjarum bapi i Yesus inang, “Mamudiak lo'u Ama'e,” ingka kenang. “Iko lalo Paraampuanen ibona suanen nanna tana'en. Mamudiak lo'u kole'a samuana yang jalu ijarumangen iko, na'an ijarumang, na'an ipayoang lo'a tau pandeen, yang tau manamu sakolaan. Ipayoang iko lo'a nangkanaken, lo'a tau na'anen manamu. 26Mandua' lalo. Kenang lalo kamainya'annu Ama'e,” ingka kenang manjaruma i Yesus ilalam do'ana.
27Jaji manjarum bapi i Yesus, “Gulungan ambata jaluun, daseraan kausa lo'ku' kole'a Ama'ku',” ingka kenang. “Kosan tau mangilalaan lo'ku' Anaka, suma Ama'ku' poang mangilalaan. Kenang bapi kosan tau mangilalaan lo'a Ama'ku', suma iak Anaka poang mangilalaan. Intain poang kudile'iin iak, lo'da' kujarumanga Ama'ku', dinen poang barik mangilalaan lo'a Ama'ku',” ingka kenang manjaruma i Yesus lo'da'.Yoh. 1:18; 3:35; 10:15.
28Jaji manjarum, “Se' lo'ku'kin samuanin ambata tau alolo'en tolangin, yang tau aboraten ambenna jalu susaan. Daiakpi kupamaam lo'a nyawanin, kusuro'kin sangarian,” ingka kenang. 29“Manyialokin lo'a pangajaranku'. Balajarkin lo'ku'. Kole'a daiak di'en lalo tau yang mainya' maam lo'a tauen, alowe' ateku' lo'a tauen. Ati'enkin mondok lo'ku', daikin to' mandua'ang sangarianen di nyawanin,” ingka kenang lo'da'.Yer. 6:16. 30“Karaja yang kusuro'angen lo'in okan jalu badiditen. Arengan pambenan yang kusuro'angen lo'in,” ingka kenang i Yesus.
Currently Selected:
Matius 11: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 11
11
Mondok pasuro'a i Yohanes Pambaptis
Lk. 7:18-35
1Jaji barik mamin akaus paba'ina i Yesus lo'da' dua' belasen tarangkat dinen palola'a mawa tugasa. I Yesuspi lamba' bea daia majar, manjarumang jaruma Alatala di ambata banua Galilea.
2Jaji nanga dinen andian i Yohanes Pambaptis di sao ukumanen. Jaji dadalinga dongoon kole'a i Yohanes lo'a ambata basana Kristus dinen, dasuro' lamba' barik palola'a itiang mangatoani lo'a i Yesus, 3“Ai lo'a, iko lalo tau dabayaangen kole'a Alatala dinen? Ataupun andianpiaka tau bokanen iarungiin iki'?” ingka kenang jaruma dasuro'a dinen palola'a i Yohanes.
4Jaji dakatoani kenang kole'da', i Yesus barik manyauti, “Mole' poangkin lo'a i Yohanes, jarumang lo'a ambata jalu maminen ikita ikin, ambata jalu maminen idalinga ikin. 5Yang tau bautaan pande mamele. Yang tau araiten pande lamba'. Yang tau akudungen pande barese. Yang tau babongen pande mandalinga. Yang tau mateen pande tio' balik. Dongo Maamen ijarumang bea lo'a tau masikinen, awan bua bayana baki' Yesayajo ijoloon manjarumangen tau dabayaangen dinen,” ingka kenang manjaruma i Yesus lo'da'.Yes. 35:5-6; 61:1. 6“Bauntung tau yang na'anen akaru kaparasaya'anna mamikirang lo'ku',” ingka kenang. “Jarumang poang lo'a i Yohanes di sao ukumanen,” ingka kenang jaruma i Yesus manyautina lo'da'.
7Jaji barik mole' dinen palola'a i Yohanes, i Yesus barik manjarum lo'a tau bayu'en yang babangkulungen inang de'i, “Ai memen isariin ikin, to' manontonnin lo'a i Yohanes Pambaptis dinen di kosan ateengen? Iasanang tau maunda akaru balu' rimputen daput-put anginen lo'din-lo'din? Okan,” ingka kenang. 8“Jalu ai isariin ikin lo'a dinen? Iasanang ikin tau arayu'? Daia okan tau maamen tio'a. Ti' tau maamen tio'a, tau arayu'en, na'an lalako' di kosan ateengen. Lalako' di sao rajaan,” ingka kenang. 9"Jalu ai isariin ikin? Panjaruma Alatala? Na, baru' tapat. Panjaruma Alatala lalo. Sabenara baraa lagi' lo'a. 10Kole'a i Yohanes, ia lalo suro'an yang dabayaangen ilalam Jaruma Alatala yang datulisangen,
“Belejo di'en suro'anku', ingka kenang Alatala. Kusuro' lamba' ijolonu itiang mangamasang dalannu, Mal. 3:1.
ingka kenangjo ilalam Jaruma Alatala. 11Jaji manjarumak tapat-tapat lo'in, sampai awandi'en kosan tau iparanakangen yang labiin lo'a i Yohanes di'en,” ingka kenang. “Poangsi kapisi baraa i Yohanes daia, ikin yang padariin panduduk kangkamanna Alatala, kapisi yang tau palin akeke'en ilalam kangkamanna, baraa bapikin lo'a i Yohanes,” ingka kenang manjaruma.
12“Dari mulakata manjaruma i Yohanes sampai awandi'en, kangkamanna Alatala kuat dalawan tau. Tau malawanenpi panyunyung to' mangkam inang,” ingka kenang. 13“Kole'a dari jolo memen, dari ambata panjaruma Alatala, dari ambata Ukuma Alatala mondok lo'a i Yohanes, samuana manjarum mamaya lo'a adarina kangkaman Surga.Lk. 16:16. 14I Yohanes lalo dinen yang dabayaangen to' mondok lo'ka', yang mawaan tugasa baki' Elia. Ungka'en poang na'an mainya'kin parasaya' lo'a.Mal. 4:5; Mat. 17:10-13; Mk. 9:11-13. 15Jaji intain poang andianen loang talingana arung manaantalinga lo'ku',” ingka kenang manjaruma i Yesus lo'da'.
16“Ai lo'a yang maamen itiang sama' jarum lo'a tau tio'en di tatakka' di'en?” ingka kenang i Yesus lo'da'. “Kapi balu' ai basanam, tetapkam ikalibakang ikin,” ingka kenang. "Awan lalo basa nangkanaken aduduk di pasaren siawa main,
17Manaba' sulingkam, ingka, alibakkin mandaria'. Mamata'ang nangiskam, alibakkin bapi tamba anangis,
ingka kenang nangkanaken sera lo'a seraan.
18“Na, awan dinen bapi daikin karajanin, basa nangkanaken. Kosan jalu iakamainya'iin ikin. Kole'a pamondoka i Yohanes dinen yang na'anen angkaan mainyum, ipasala' ikin. Iasan ikin tau dasarung jalu ajau'en. 19Daiakpi di'en Anak Mantuariin yang angkaan mainyumen, ipasala' bapi. Iasanak bapi yang tau kalonganen, tau painyum, tau sikawanen nanna ambata panagi sukaien nanna tau badosaan,” ingka kenang. “Poangsi tau asanen kalena datamu pasitimbangang jalu maamen nanna jalu ajau'en arung andian buktina, arung andian saksina. Ti' tapat datamu, tentu basana lalo yang padariin buktina. Inang magilalana,” ingka kenang i Yesus manjaruma lo'da'.
Banua mangalibakangen lo'a i Yesus daasan labi ajau' bapi lagi' lo'a banua yang palin ajau'en
Lk. 10:13-15
20Jaji barik i Yesus manjarumi lo'da' ambata banua kosan mamin daia kala' mamola bayu' panyunyuanna, ialalo banua Korasim, banua Betsaida nanna banua Kapernaum. Kole'a ira banua dinen na'an mainya' maunjang pikiranda' yang sala'en. 21Jaji manjarum i Yesus lo'da', “Mase' poang nyawanin, ikin ambata tau banua Korasim! Mase' poang nyawanin ikin ambata tau banua Betsaida! Kole'a na'an mainya'kin maunjang pikirannin yang sala'en. Asi dinen ambata gulungan panyunyuaan kupolana di matanin? Banua Tirus nanna banua Sidon, banua palin ajau'en dinen na'an kala' maita panyunyuaku'. Ti' jalu din kupolajo di banua Tirus, di banua Sidon, ira dinen tentu mamin jolo memen maunjang pikiranda' yang sala'en. Tentu dapakai kain kasaren, tentu koangi kalena nanna kutu daren lasana ajau'a nyawana mamikirang dosana. Poangsi daikin di'en na'ankin mainya' maunjang pikirannin dinen,” ingka kenang.Yes. 23:1-18; Yeh. 26:1—28:26; Yl. 3:4-8; Am. 1:9-10; Sak. 9:2-4. 22“Manjarumak lo'in, ira dinen banua Tirus nanna Sidon kapisi ajau', tentu labi arengan ona' ukumda' di asona to' dalao'ina nanna ukumanen. Ikin ona' aboraten ukumannin, kole'a jalu ikitaan ikin na'an bua itarima' ikin,” ingka kenang.
23“Daikin bapi tau banua Kapernaum, ai ratina to' isuro' kalenin iparaa sampai mondok lo'a suanen? Na'ankin to' iparaa. Daikin ona' di'en ipakeke'kin, ipaindor lo'a kosanna tau mateen,” ingka kenang. “Asi dinen ambata gulungan panyunyuaan kupolaan di matanin? Di banua Sodom yang itampusiinjo dinen, ti' andianjo jalu panyunyuaku' kupolaan di banua dinen, Sodom dinen na'an dari itampusi, tentu andianpi banua dinen mondok aso di'en,” ingka kenang.Mul. 19:24-28; Yes. 14:13-15. 24“Manjarumak lo'in, mondok ona' idurusina kajau'an tauen ikin yang aboraten ukumannin. Labi aborat lo'a ukuma tau banua Sodom nanna banua Gomora. Kole'a jalu maminen ikita dinen, na'an bua itarima' ikin,” ingka kenang i Yesus lo'da'.Mat. 10:15; Lk. 10:12.
I Yesus mameang sangarianen lo'a tau alolo'en tolanga
Lk. 10:21-22
25Jaji manjarum bapi i Yesus inang, “Mamudiak lo'u Ama'e,” ingka kenang. “Iko lalo Paraampuanen ibona suanen nanna tana'en. Mamudiak lo'u kole'a samuana yang jalu ijarumangen iko, na'an ijarumang, na'an ipayoang lo'a tau pandeen, yang tau manamu sakolaan. Ipayoang iko lo'a nangkanaken, lo'a tau na'anen manamu. 26Mandua' lalo. Kenang lalo kamainya'annu Ama'e,” ingka kenang manjaruma i Yesus ilalam do'ana.
27Jaji manjarum bapi i Yesus, “Gulungan ambata jaluun, daseraan kausa lo'ku' kole'a Ama'ku',” ingka kenang. “Kosan tau mangilalaan lo'ku' Anaka, suma Ama'ku' poang mangilalaan. Kenang bapi kosan tau mangilalaan lo'a Ama'ku', suma iak Anaka poang mangilalaan. Intain poang kudile'iin iak, lo'da' kujarumanga Ama'ku', dinen poang barik mangilalaan lo'a Ama'ku',” ingka kenang manjaruma i Yesus lo'da'.Yoh. 1:18; 3:35; 10:15.
28Jaji manjarum, “Se' lo'ku'kin samuanin ambata tau alolo'en tolangin, yang tau aboraten ambenna jalu susaan. Daiakpi kupamaam lo'a nyawanin, kusuro'kin sangarian,” ingka kenang. 29“Manyialokin lo'a pangajaranku'. Balajarkin lo'ku'. Kole'a daiak di'en lalo tau yang mainya' maam lo'a tauen, alowe' ateku' lo'a tauen. Ati'enkin mondok lo'ku', daikin to' mandua'ang sangarianen di nyawanin,” ingka kenang lo'da'.Yer. 6:16. 30“Karaja yang kusuro'angen lo'in okan jalu badiditen. Arengan pambenan yang kusuro'angen lo'in,” ingka kenang i Yesus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997