Matius 10
10
I Yesus manugas lo'da' dua belasen
Mk. 3:13-19a; Lk. 6:12-16
1Jaji barik i Yesus manyuro' kombong dinen lo'a ambata gulungan palola'a. Jaji ambata palola'a yang dua belasen dinen dameang kuasa maruru gulungan jalu ajau'en, kuasa pamaam ambata baranana padis tauen.
2Jaji asanna ambata pasuro'a i Yesus ia di'en, mulakata dinen ari Simon yang iasanen bea Petrus, nanna dinen arina ialalo i Andreas. Mamin dinen ari Yakobus nanna i Yohanes anaka i Sebedeus dinen. 3Mamin dinen ari Pilipus nanna Bartolomeus. Mamin dinen andian bapi ari Tomas nanna i Matius dinen, anu yang panagi sukaienjo. Andian bea i Yakobus anaka i Alpeus. Andian bea i Tadeus. 4Mamin dinen, i Simon dari partai Patriot. Mamin dinen i Yudas Iskariot yang tau to' maduangen lo'a i Yesus lo'a musuna mainto' dakule'a datingkam.
Ira dua belasen dasuro' malamba'ang Dongo Maamen
Mk. 6:7-13; Lk. 9:1-6
5Jaji ira dua belasen dinen dasuro' lamba'. Jaji dapaba'i, “Daikin lamba'in di'en, ada' malola' dalan yang lo'aan ambata tau yang okanen urang Israel. Ada'kin lamba'en lo'a banua tau Samariaan,” ingka kenang. 6“Arung ilamba'i ikin ambata urang Israelen poang, ambata dombaan yang alingoon lamba'a,” ingka kenang.
7“Jaji di palamba'in dinen,” ingka, “yang jalu ijarumangen ikin, manjarumang dongoon kole'a mainso' mamin to' mondok baya Alatala to' mangkama lo'ka' awan rajaan,” ingka kenang paba'ina i Yesus lo'da'. 8“Tau yang apadisen arung ipamaam ikin. Tau yang akudungen arung ibarese ikin.#10:8 Ambata tulisan Jaruma Alatalajo ijoloon bayu' kosanen kalamat, “Tau yang mateen arung ikatio' ikin,” Tau dasarung jaluun, arung iruru ikin jalu ajau'en dinen,” ingka kenang manjaruma i Yesus lo'da'. “Yang jalu kunoangen lo'in di'en, okan jalu ibali ikin. Jaji daikinpi yang inoangen ikin lo'a tauen ada' bea dabalina kole'da',” ingka kenang manjaruma i Yesus lo'a palola'a yang dua belasen.
9-10“Na daikin di'en, ada'kin mawa ongkosen, mawa gulungan tasen, mawa gulungan amas piraken di katinggangen,” ingka kenang. “Ada'kin bea mawa kain salinen, sapatuun salinen nanna tungkaten. Kole'a intain poang mangarajaangen patut bea daongkosi kole'a tauen,” ingka kenang manjaruma i Yesus lo'da.1Kor. 9:14; 1Tim. 5:18.
11Jaji barik manjarum i Yesus lo'da', “Intamakin ona' di banuaan atau di kotaan, manyarikin ijolo kosannin yang tau mainya'en itumpangi ikin. Jaji mamin barik idua'ang, inang poangkin manumpangen launna lalako'in di banua dinen,” ingka kenang lo'da'. 12“Jaji to' intamakin barik di sao tauen, bado'akin mawa salam lo'da', lo'a toa saoen. 13Ti' de'i maam tau di sao dinen, salamen dinen lalako' bua nanda', jaji pole'. Ti' de'i ajau' tau di sao dinen, salamen dinen mole' balik lo'in, na'an jaji pole,” ingka kenang. 14“Ati'en andian tau, di saoen atau banuaan yang alibaken manarima' lo'in, alibaken manaantalinga lo'a jarumin, ti' to' tarangkatkin barik, pipirikang poang kakinin maunjang kutu tana'en, tandana lalo ira dinen arung tangung jawap lo'a kajau'an diri'a,” ingka kenang.PalPa. 13:51. 15“Manjarumak lo'in tapat-tapat, mondok ona' idurusina kajau'anna tauen, tau mangalibakangen lo'in aborat ukuma, labi aborat lo'a ukuma tau banua Sodom nanna banua Gomora,” ingka kenang manjaruma i Yesus lo'da'. Mul. 19:24-28; Mat. 11:24; Lk. 10:4-12.
Palola'a i Yesus ona' to' daparinsa'i
Mk. 13:9-13; Lk. 12:2-9; 21:12-27
16“Arungkin di'en pande-pande mala ate tau. Sabalika, arung balolok atenin,” ingka kenang. “Kole'a daikin di'en kusuro'kin lamba' di jalu bahayaan, awan lalo dombaan yang lamba'en antara ambata asu toanen,” ingka kenang manjaruma i Yesus lo'da'.Mul. 19:24-28; Mat. 11:24; Lk. 10:4-12. 17“Jaji jagai poang kalenin, kole'a daikin di'en to' daduang taukin lo'a ambata paurusen. Datiangkin ona' kole'a tauen di ambata sao sambayang Yahudiin. 18To' daawakin lo'a ambata gubernur, lo'a ambata rajaan kole'a jarum iawana ikin atas asanku'. Ratina kenang adarina ona', datiang panyaksi dinen lo'ku', mainto' datamuna ratina kole'a ambata tau okanen urang Israel. 19Jaji nanga idurusinin dinen ona', ada'kin kalangganganen lo'a jalu to' ijarumangen ikin dinen. Andian ona' nanga dinen jarum dataro'en di pikirannin yang jalu yang arung ijarumang. 20Kole'a okan lagi' jarumin dinen, jaruma Sumangata Ama'ka' yang to' dajarumangen malaloi lo'in,” ingka kenang lo'da'.
21“Jaji kenang,” ingka i Yesus manjaruma lo'da'. “Andian ona' sairunen to' maduang lo'a sairunna mainto' iduno'a,” ingka kenang. “Andian ona' amana to' maduang lo'a anaka. Gulungan nangkanakpi ona' andian bea dinen to' malawan lo'a tamatoana, daduang mainto' iduno'a,” ingka kenang. 22“Daikin to' dakalibakang taukin kole'a asanku'. Poangsi intainkin ona' ikule'en panat sampai mondok lo'a katuntunganna, dinen ona' dakatio'en,” ingka kenang.Mat. 24:9,13. 23“Ti'kin daparinsa'i di banua seraan, ararikin barik lo'a banua seraan. Manjarumak tapat-tapat lo'in, nampina akaus ilamba'iin ambata banua tau Israelen, to' mondokak mamin di'en Anak Mantuariin,” ingka kenang i Yesus manjaruma lo'da'.
24-25“Jaji soal parinsa'en na'anki' heran. Umpamana toa saoen ati'en dapajau' kole'a tauen daasan panguluan jalu ajau'en, daasan Beelsebul, tentu talola' bea dapajau' tau sarilao'en nanna. Ati'en murita manyuli lo'a guruna, jaji lalo. Na'an patut murita labi lo'a guruna. Ati'en ulun maamen manyuli lo'a paraampuanna, jaji lalo. Na'an patut ulunna labi lo'a paraampuanna. Ati'en mamin palola'a, na'an patut talapas lo'a parinsa'en mondoken lo'a panguluanna,” ingka kenang manjaruma i Yesus lo'da'.Mat. 9:34; 12:24; Mk. 3:22; Lk. 6:40; 11:15; Yoh. 13:16; 15:20.
Na'an pande atakut lo'a tau parinsa'iin lo'da'
Lk. 12:2-7
26“Jaji daikin, ada'kin atakuten lo'da'. Ti' jalu kalindunganen pasti to' dapayoang bua ona'. Ti' jalu ilamunen, pasti to' datamu tau,” ingka kenang.Mk. 4:22; Lk. 8:17. 27“Jaji daikin di'en, yang jalu kujarumangen di jalu araunen jarumang ikin di jalu arawangen. Yang jarum sisiniken, arung ipukoang ikin jarumanga lo'da'. 28Ada'kin atakuten lo'a tau yang mauno'en. Kapisi daia dinen pande mauno', sumangatka' di'en na'an dapat dauno', na'an dapat datampusi kole'da'. Yang ikatakutangen dinen tau datamu mauno' mantuarika', datamu bea manampusi lo'a sumangatka' inang di Nerakaan,” ingka kenang lo'da'. 29“Ada'ki' kalangganganen. Baragaki' di arona Alatala. Ati'en burung dungusen ipet iki', dua burung kule' poang duit sapapak. Poangsi dinen kapisi na'an baraga, kosan sera alao' mate dinen ti' okan panamuna Alatala. 30Buk di uluka' dampe, mamin dakira bayu'a, mamin datamu kole'a Alatala. 31Dinen lalo na'an pandeki' kalanggangan. Kole'a kapisi burung dungusen ikapulungang bayu', tentu iki' labi baragaan di arona Alatala. Ati'en burung dapaduli, ai lagi' iki',” ingka kenang manjaruma i Yesus lo'da'.
Arungki' barani mangaku' lo'a i Yesus
Lk. 12:8-9
32Jaji manjarum bapi i Yesus lo'da', “Jaji intain mangaku'en lo'ku' di arona tauen, daiakpi mangaku'ak bua lo'a di arona Ama'ku' di Surga. 33Intain panasalangen kalena, na'an mangaku' lo'ku' di arona tauen, daiakpi panasalang kaleku' bea di arona Ama'ku' yang di Surga,” ingka kenang i Yesus lo'da'.2Tim. 2:12.
Pangaku'an lo'a i Yesus tentu manyuro' tauen silawan
Lk. 12:51-53; 14:26-27
34“Daiak di'en ada'kin manyangkaan lo'ku' mondokku' manyuro' sikamaamanen. Mondokku' di'en pasilawanang tauak.Lk. 2:14; 12:49-53. 35Mondokku' di'en manyuro' babakaan silawan nanna amana. Yang babainyeen silawan nanna induna. Yang bainyena tauen silawan nanna matoana. 36Lawanna tauen lalo dinen tau sama lalako'en di saona,” ingka kenang i Yesus lo'da'.Mik. 7:6; Lk. 12:51-53.
37Jaji barik manjarum i Yesus lo'da', “Intain yang mangasaangen lo'a amana atau induna yang labiin mangasaanga lo'ku', asi lo'a iasanna palola'ku'? Kenang bea dinen mangasaangen lo'a anaka, babakaan atau babainyeen, labiin mangasaanga lo'ku', asi lo'a iasanna palola'ku'?” ingka kenang manjaruma i Yesus lo'da'.Pal. 32:27-29; Ul. 33:9-11. 38“Intain dinen yang alibaken manyan salipa, alibak iparinsa', asi lo'a iasanna palola'ku'?Lk. 14:26-27. 39Intain yang mainya'en marinsa' malola'anina lo'ku', yang barani sampai mate, dinen ona' bauntung to' tio' salaun-launna. Intain mainya'en to' katio' poang kalena, yang alibaken marinsa', dinen ona' yang arugiin salaun-launna, na'an tio',” ingka kenang manjaruma i Yesus lo'da'.Mat. 16:24-25; Mk. 8:34-35; Lk. 9:23-24; 17:33; Yoh. 12:25.
Tau manyialoon lo'a palola'a i Yesus to' mandua'ang opa'a
Mk. 9:41
40“Jaji intain yang manyialoon lo'in,” ingka i Yesus lo'a palola'a, “manyialo bua lo'ku'. Intain bapi dinen manyialoon lo'ku' okan iak poang dasialoon, manyialo bua lo'a tau manyuro'en lo'ku',” ingka kenang manjaruma i Yesus lo'da'.Mk. 9:37; Lk. 9:48; 10:16; Yoh. 13:20. 41“Umpamana andian tau panjaruma Alatala. Jaji tau dinen datamu bua kole'a tauen panjaruma Alatala, laloang barik mainya' tauen manyialo lo'a. Na, barik panjaruma Alatala dinen nanna tau manyialoon lo'a sama mandua'ang opa'. Sabangon bua opa'a dameang kole'a Alatala. Awan dinen bapi ti' andian tau tapaten. Jaji tau dinen datamu bua kole'a tauen tau basa tapaten, laloang barik mainya' tauen manyialo lo'a. Na, barik tau tapaten dinen nanna tau manyialoon lo'a sama mandua'ang opa'a. Sabangon bua opa'a dameang kole'a Alatala,” ingka kenang. 42“Kenang bua bapi ti' palola'ku'. Jaji tau dinen datamu bua kole'a tauen palola'ku' laloang barik mainya' manyorongi lo'a. Kapisi palola'ku' dinen tau palin akeke'en pangkata, tau manyorongiin tetap daia kule' opa'a. Kapi na'an bayu' dasorongiin lo'a, sasawan danum dinginenpi, jaji,” ingka kenang i Yesus lo'da'.Mk. 9:41.
Currently Selected:
Matius 10: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Matius 10
10
I Yesus manugas lo'da' dua belasen
Mk. 3:13-19a; Lk. 6:12-16
1Jaji barik i Yesus manyuro' kombong dinen lo'a ambata gulungan palola'a. Jaji ambata palola'a yang dua belasen dinen dameang kuasa maruru gulungan jalu ajau'en, kuasa pamaam ambata baranana padis tauen.
2Jaji asanna ambata pasuro'a i Yesus ia di'en, mulakata dinen ari Simon yang iasanen bea Petrus, nanna dinen arina ialalo i Andreas. Mamin dinen ari Yakobus nanna i Yohanes anaka i Sebedeus dinen. 3Mamin dinen ari Pilipus nanna Bartolomeus. Mamin dinen andian bapi ari Tomas nanna i Matius dinen, anu yang panagi sukaienjo. Andian bea i Yakobus anaka i Alpeus. Andian bea i Tadeus. 4Mamin dinen, i Simon dari partai Patriot. Mamin dinen i Yudas Iskariot yang tau to' maduangen lo'a i Yesus lo'a musuna mainto' dakule'a datingkam.
Ira dua belasen dasuro' malamba'ang Dongo Maamen
Mk. 6:7-13; Lk. 9:1-6
5Jaji ira dua belasen dinen dasuro' lamba'. Jaji dapaba'i, “Daikin lamba'in di'en, ada' malola' dalan yang lo'aan ambata tau yang okanen urang Israel. Ada'kin lamba'en lo'a banua tau Samariaan,” ingka kenang. 6“Arung ilamba'i ikin ambata urang Israelen poang, ambata dombaan yang alingoon lamba'a,” ingka kenang.
7“Jaji di palamba'in dinen,” ingka, “yang jalu ijarumangen ikin, manjarumang dongoon kole'a mainso' mamin to' mondok baya Alatala to' mangkama lo'ka' awan rajaan,” ingka kenang paba'ina i Yesus lo'da'. 8“Tau yang apadisen arung ipamaam ikin. Tau yang akudungen arung ibarese ikin.#10:8 Ambata tulisan Jaruma Alatalajo ijoloon bayu' kosanen kalamat, “Tau yang mateen arung ikatio' ikin,” Tau dasarung jaluun, arung iruru ikin jalu ajau'en dinen,” ingka kenang manjaruma i Yesus lo'da'. “Yang jalu kunoangen lo'in di'en, okan jalu ibali ikin. Jaji daikinpi yang inoangen ikin lo'a tauen ada' bea dabalina kole'da',” ingka kenang manjaruma i Yesus lo'a palola'a yang dua belasen.
9-10“Na daikin di'en, ada'kin mawa ongkosen, mawa gulungan tasen, mawa gulungan amas piraken di katinggangen,” ingka kenang. “Ada'kin bea mawa kain salinen, sapatuun salinen nanna tungkaten. Kole'a intain poang mangarajaangen patut bea daongkosi kole'a tauen,” ingka kenang manjaruma i Yesus lo'da.1Kor. 9:14; 1Tim. 5:18.
11Jaji barik manjarum i Yesus lo'da', “Intamakin ona' di banuaan atau di kotaan, manyarikin ijolo kosannin yang tau mainya'en itumpangi ikin. Jaji mamin barik idua'ang, inang poangkin manumpangen launna lalako'in di banua dinen,” ingka kenang lo'da'. 12“Jaji to' intamakin barik di sao tauen, bado'akin mawa salam lo'da', lo'a toa saoen. 13Ti' de'i maam tau di sao dinen, salamen dinen lalako' bua nanda', jaji pole'. Ti' de'i ajau' tau di sao dinen, salamen dinen mole' balik lo'in, na'an jaji pole,” ingka kenang. 14“Ati'en andian tau, di saoen atau banuaan yang alibaken manarima' lo'in, alibaken manaantalinga lo'a jarumin, ti' to' tarangkatkin barik, pipirikang poang kakinin maunjang kutu tana'en, tandana lalo ira dinen arung tangung jawap lo'a kajau'an diri'a,” ingka kenang.PalPa. 13:51. 15“Manjarumak lo'in tapat-tapat, mondok ona' idurusina kajau'anna tauen, tau mangalibakangen lo'in aborat ukuma, labi aborat lo'a ukuma tau banua Sodom nanna banua Gomora,” ingka kenang manjaruma i Yesus lo'da'. Mul. 19:24-28; Mat. 11:24; Lk. 10:4-12.
Palola'a i Yesus ona' to' daparinsa'i
Mk. 13:9-13; Lk. 12:2-9; 21:12-27
16“Arungkin di'en pande-pande mala ate tau. Sabalika, arung balolok atenin,” ingka kenang. “Kole'a daikin di'en kusuro'kin lamba' di jalu bahayaan, awan lalo dombaan yang lamba'en antara ambata asu toanen,” ingka kenang manjaruma i Yesus lo'da'.Mul. 19:24-28; Mat. 11:24; Lk. 10:4-12. 17“Jaji jagai poang kalenin, kole'a daikin di'en to' daduang taukin lo'a ambata paurusen. Datiangkin ona' kole'a tauen di ambata sao sambayang Yahudiin. 18To' daawakin lo'a ambata gubernur, lo'a ambata rajaan kole'a jarum iawana ikin atas asanku'. Ratina kenang adarina ona', datiang panyaksi dinen lo'ku', mainto' datamuna ratina kole'a ambata tau okanen urang Israel. 19Jaji nanga idurusinin dinen ona', ada'kin kalangganganen lo'a jalu to' ijarumangen ikin dinen. Andian ona' nanga dinen jarum dataro'en di pikirannin yang jalu yang arung ijarumang. 20Kole'a okan lagi' jarumin dinen, jaruma Sumangata Ama'ka' yang to' dajarumangen malaloi lo'in,” ingka kenang lo'da'.
21“Jaji kenang,” ingka i Yesus manjaruma lo'da'. “Andian ona' sairunen to' maduang lo'a sairunna mainto' iduno'a,” ingka kenang. “Andian ona' amana to' maduang lo'a anaka. Gulungan nangkanakpi ona' andian bea dinen to' malawan lo'a tamatoana, daduang mainto' iduno'a,” ingka kenang. 22“Daikin to' dakalibakang taukin kole'a asanku'. Poangsi intainkin ona' ikule'en panat sampai mondok lo'a katuntunganna, dinen ona' dakatio'en,” ingka kenang.Mat. 24:9,13. 23“Ti'kin daparinsa'i di banua seraan, ararikin barik lo'a banua seraan. Manjarumak tapat-tapat lo'in, nampina akaus ilamba'iin ambata banua tau Israelen, to' mondokak mamin di'en Anak Mantuariin,” ingka kenang i Yesus manjaruma lo'da'.
24-25“Jaji soal parinsa'en na'anki' heran. Umpamana toa saoen ati'en dapajau' kole'a tauen daasan panguluan jalu ajau'en, daasan Beelsebul, tentu talola' bea dapajau' tau sarilao'en nanna. Ati'en murita manyuli lo'a guruna, jaji lalo. Na'an patut murita labi lo'a guruna. Ati'en ulun maamen manyuli lo'a paraampuanna, jaji lalo. Na'an patut ulunna labi lo'a paraampuanna. Ati'en mamin palola'a, na'an patut talapas lo'a parinsa'en mondoken lo'a panguluanna,” ingka kenang manjaruma i Yesus lo'da'.Mat. 9:34; 12:24; Mk. 3:22; Lk. 6:40; 11:15; Yoh. 13:16; 15:20.
Na'an pande atakut lo'a tau parinsa'iin lo'da'
Lk. 12:2-7
26“Jaji daikin, ada'kin atakuten lo'da'. Ti' jalu kalindunganen pasti to' dapayoang bua ona'. Ti' jalu ilamunen, pasti to' datamu tau,” ingka kenang.Mk. 4:22; Lk. 8:17. 27“Jaji daikin di'en, yang jalu kujarumangen di jalu araunen jarumang ikin di jalu arawangen. Yang jarum sisiniken, arung ipukoang ikin jarumanga lo'da'. 28Ada'kin atakuten lo'a tau yang mauno'en. Kapisi daia dinen pande mauno', sumangatka' di'en na'an dapat dauno', na'an dapat datampusi kole'da'. Yang ikatakutangen dinen tau datamu mauno' mantuarika', datamu bea manampusi lo'a sumangatka' inang di Nerakaan,” ingka kenang lo'da'. 29“Ada'ki' kalangganganen. Baragaki' di arona Alatala. Ati'en burung dungusen ipet iki', dua burung kule' poang duit sapapak. Poangsi dinen kapisi na'an baraga, kosan sera alao' mate dinen ti' okan panamuna Alatala. 30Buk di uluka' dampe, mamin dakira bayu'a, mamin datamu kole'a Alatala. 31Dinen lalo na'an pandeki' kalanggangan. Kole'a kapisi burung dungusen ikapulungang bayu', tentu iki' labi baragaan di arona Alatala. Ati'en burung dapaduli, ai lagi' iki',” ingka kenang manjaruma i Yesus lo'da'.
Arungki' barani mangaku' lo'a i Yesus
Lk. 12:8-9
32Jaji manjarum bapi i Yesus lo'da', “Jaji intain mangaku'en lo'ku' di arona tauen, daiakpi mangaku'ak bua lo'a di arona Ama'ku' di Surga. 33Intain panasalangen kalena, na'an mangaku' lo'ku' di arona tauen, daiakpi panasalang kaleku' bea di arona Ama'ku' yang di Surga,” ingka kenang i Yesus lo'da'.2Tim. 2:12.
Pangaku'an lo'a i Yesus tentu manyuro' tauen silawan
Lk. 12:51-53; 14:26-27
34“Daiak di'en ada'kin manyangkaan lo'ku' mondokku' manyuro' sikamaamanen. Mondokku' di'en pasilawanang tauak.Lk. 2:14; 12:49-53. 35Mondokku' di'en manyuro' babakaan silawan nanna amana. Yang babainyeen silawan nanna induna. Yang bainyena tauen silawan nanna matoana. 36Lawanna tauen lalo dinen tau sama lalako'en di saona,” ingka kenang i Yesus lo'da'.Mik. 7:6; Lk. 12:51-53.
37Jaji barik manjarum i Yesus lo'da', “Intain yang mangasaangen lo'a amana atau induna yang labiin mangasaanga lo'ku', asi lo'a iasanna palola'ku'? Kenang bea dinen mangasaangen lo'a anaka, babakaan atau babainyeen, labiin mangasaanga lo'ku', asi lo'a iasanna palola'ku'?” ingka kenang manjaruma i Yesus lo'da'.Pal. 32:27-29; Ul. 33:9-11. 38“Intain dinen yang alibaken manyan salipa, alibak iparinsa', asi lo'a iasanna palola'ku'?Lk. 14:26-27. 39Intain yang mainya'en marinsa' malola'anina lo'ku', yang barani sampai mate, dinen ona' bauntung to' tio' salaun-launna. Intain mainya'en to' katio' poang kalena, yang alibaken marinsa', dinen ona' yang arugiin salaun-launna, na'an tio',” ingka kenang manjaruma i Yesus lo'da'.Mat. 16:24-25; Mk. 8:34-35; Lk. 9:23-24; 17:33; Yoh. 12:25.
Tau manyialoon lo'a palola'a i Yesus to' mandua'ang opa'a
Mk. 9:41
40“Jaji intain yang manyialoon lo'in,” ingka i Yesus lo'a palola'a, “manyialo bua lo'ku'. Intain bapi dinen manyialoon lo'ku' okan iak poang dasialoon, manyialo bua lo'a tau manyuro'en lo'ku',” ingka kenang manjaruma i Yesus lo'da'.Mk. 9:37; Lk. 9:48; 10:16; Yoh. 13:20. 41“Umpamana andian tau panjaruma Alatala. Jaji tau dinen datamu bua kole'a tauen panjaruma Alatala, laloang barik mainya' tauen manyialo lo'a. Na, barik panjaruma Alatala dinen nanna tau manyialoon lo'a sama mandua'ang opa'. Sabangon bua opa'a dameang kole'a Alatala. Awan dinen bapi ti' andian tau tapaten. Jaji tau dinen datamu bua kole'a tauen tau basa tapaten, laloang barik mainya' tauen manyialo lo'a. Na, barik tau tapaten dinen nanna tau manyialoon lo'a sama mandua'ang opa'a. Sabangon bua opa'a dameang kole'a Alatala,” ingka kenang. 42“Kenang bua bapi ti' palola'ku'. Jaji tau dinen datamu bua kole'a tauen palola'ku' laloang barik mainya' manyorongi lo'a. Kapisi palola'ku' dinen tau palin akeke'en pangkata, tau manyorongiin tetap daia kule' opa'a. Kapi na'an bayu' dasorongiin lo'a, sasawan danum dinginenpi, jaji,” ingka kenang i Yesus lo'da'.Mk. 9:41.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997