Di Mulakata 5
5
Tutulan Kanturunanna Baki’ Adam
1Jaji tutulanna kanturunanna baki’ Adam kenang. Di nanga dapolana mantuariin kole’a Alatala, dapola sabalu’ nanna diri’a. 2Dapola babaka, dapola bea babainyeen. Mamin dinen anak mantuariin dinen daberkati. Dameang asanna barik lo’da’ dinen, daasan barik mantuariin.
3Jaji maminna barik 130 taun umura baki’ Adam, dakatio’ barik anaka, babakaan. Anaka dinen balu’a amana, manyuli lo’a. Jaji dameang asanna anaka dinen, i Set. 4Maminna barik dakatio’ baki’ Set dinen, baki’ Adam masi batamba umura 800 taun. Dari paranakanga baki’ Set dinen batamba bea babaka babainye anaka bayu’a sampai mondok lo’a matena. 5Jaji maminna mondok umura 930 taun, baru’ mate baki’ Adam.
6Baki’ Set dinen maminna mondok 105 taun umura, dakatio’ barik anaka babakaan, i Enos asanna. 7Maminna barik dakatio’ baki’ Enos dinen, baki’ Set masi batamba umura 807 taun. Dari paranakanga baki’ Enos dinen batamba bea babaka babainye anaka bayu’a sampai mondok lo’a matena. 8Jaji maminna mondok umura 912 taun baru’ mate baki’ Set.
9Baki’ Enos dinen maminna mondok 90 taun umura, dakatio’ barik anaka babakaan, i Kenan asanna. 10Maminna barik dakatio’ baki’ Kenan dinen, baki’ Enos masi batamba umura 815 taun. Dari paranakanga baki’ Kenan dinen batamba bea babaka babainye anaka bayu’a sampai mondok lo’a matena. 11Jaji maminna mondok umura 905 taun, baru’ mate baki’ Enos.
12Baki’ Kenan dinen maminna mondok 70 taun umura, dakatio’ barik anaka babakaan, i Mahalaleel asanna. 13Maminna barik dakatio’ baki’ Mahalaleel dinen, baki’ Kenan masi batamba umura 840 taun. Dari paranakana baki’ Mahalaleel dinen batamba bea babaka babainye anaka bayu’a sampai mondok lo’a matena. 14Jaji maminna mondok 910 taun umura, baru’ mate baki’ Kenan.
15Baki’ Mahalaleel dinen maminna mondok 65 taun umura, dakatio’ barik anaka babakaan, i Yared asanna. 16Maminna barik dakatio’ baki’ Yared dinen, baki’ Mahalaleel masi batamba umura 830 taun. Dari paranakanga baki’ Yared dinen batamba bea babaka babainye anaka bayu’a sampai mondok lo’a matena. 17Jaji maminna mondok umura 895 taun, baru’ mate baki’ Mahalaleel.
18Baki’ Yared dinen, maminna mondok 162 taun umura, dakatio’ barik anaka babakaan, i Henok asanna. 19Maminna barik dakatio’ baki’ Henok dinen, baki’ Yared masi batamba umura 800 taun. Dari paranakanga baki’ Henok dinen batamba bea babaka babainye anaka bayu’a sampai mondok lo’a matena. 20Jaji maminna mondok 962 taun umura, baru’ mate baki’ Yared.
21Jaji baki’ Henok dinen, maminna mondok 65 taun umura, dakatio’ barik anaka babakaan, i Metusalah asanna. 22Maminna barik dakatio’ baki’ Metusalah, baki’ Henok masi batamba umura 300 taun. Daia tio’ sarilao’ lapoang nanna Alatala. Dari paranakanga baki’ Metusalah dinen batamba bea babaka babainye anaka bayu’a. 23Jaji maminna mondok 365 taun umura, akaus barik umura baki’ Henok. 24Baki’ Henok dinen tio’ sarilao’ nanna Alatala, laloang angkosan barik ikita dinen baki’ Henok, mole’ tio’-tio’, dala kole’a Alatala.
25Jaji baki’ Metusalah dinen maminna mondok 187 taun umura, dakatio’ barik anaka babakaan, i Lamek asanna. 26Maminna barik dakatio’ baki’ Lamek dinen, baki’ Metusalah masi batamba umura 782 taun. Dari paranakanga baki’ Lamek dinen batamba bea babaka babainye anaka bayu’a sampai mondok lo’a matena. 27Jaji maminna mondok 969 taun umura, baru’ mate baki’ Metusalah.
28Baki’ Lamek dinen maminna mondok 182 taun umura, dakatio’ barik anaka babakaan. 29Jaji anaka dinen dameang asanna, i Nuh.#5:29 Dalam jarum Ibraniin jarum nuh dinen mainso’ unyina nanna jarum berartiin pamaam nyawaan. Kole’a andian jaruma baki’ Lamek, “Launna tio’ka’ aparuken di tana’ yang dakutukiin kole’a i Yahuwe, alolo’ lapoang tolangka’. Anakka’ lalo di’en ona’ yang pamaamen nyawaka’ ilalam marinsa’ka’ di’en,” ingka kenang. Ialalo daasan i Nuh. 30Jaji maminna barik dakatio’ baki’ Nuh dinen, baki’ Lamek masi batamba umura 595 taun. Dari paranakanga baki’ Nuh dinen batamba bea babaka babainye anaka bayu’a sampai mondok lo’a matena. 31Jaji maminna mondok 777 taun umura, baru’ mate baki’ Lamek.
32Baki’ Nuh dinen maminna mondok 500 taun umura, dakatio’ barik anaka babaka, taluun. I Sem, i Ham, i Yapet asanna.
Currently Selected:
Di Mulakata 5: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
