Palapasang 36
36
2Jaji dasuro’ mondok barik baki’ Besaleel, baki’ Aholiab nanna ambata tau pandeen bokanen yang maminen dameang panamuna kole’a i Yahuwe itiang batukang dinen. Intain yang mainya’en antarada’ dinen daawa bakaraja. 3Laloang datarima’ dari tanganna baki’ Musa ambata gulungan pameanga tau Israelen dinen yang daawaan itiang mamola kakalanga i Yahuwe dinen. Tauenpi na’an sangari mawa ambata gulungan pameangda’, ambata kamaamanna ateda’ dinen. Maira makap, andian lapoang mondoken baru. 4Kapanjanganna bayu’a jalu daawaan, ambata tau batukangen di kakalanga i Yahuwe dinen laloang marantang karajada’ 5itiang sijaruman nanna baki’ Musa. “Bayu’ to’ jalu daawaan kole’a tauen. Labian lo’a kaparuluanka’ itiang manu karaja yang dasuro’angen lo’ka’ kole’a i Yahuwe,” ingka kenang.
6Jaji dameang parinta barik kole’a baki’ Musa dasuro’ mawa jarum kuliling di kosan pakadengan kakalangda’ dinen, “Ikin babaka babainyeen, ada’ lagi’ mamola jalu itiang pameangin itiang mamola kakalangan i Yahuwe,” ingka kenang jarum yang dasuro’ awa lo’a tauen. Jaji tauenpi barik ipatadang na’an lagi’ mawa pameangda’. 7Kole’a labian mamin itiang mangausang karaja dinen.
Currently Selected:
Palapasang 36: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
