Palapasang 26
26
Dasuro’ pakadeng kakalanga Alatala
30“Jaji pakadeng barik ikin kakalangen awan lalo sonto kupayoangen lo’u di ukit di’en. 31Arungkin mala tau yang palin pandeen manam kainen itiang mamola kain siringen. Malakin ambata baranana banangen, banang warna biru, banang warna kakalamuntingen, banang warna dadara’ toaan nanna banang lenan alusen. Ianam barik mamola gambar gulungan malaikaten inang. 32Arung ipola bapi pakayu gugulungen ampat batanga, ipola dari kayu akasiaan. Laloang arung ilapisi nanna amasen. Maminna adari kayu gugulungen dinen laloang arung ipakadeng barik di dudukan piraken. Kain maminen ianam dinen barik arung igantung inang di kait amasen, 33isusun inyaunga kaki tudung kakalangen. Mamin dinen arung iapis kas bukti bayana i Yahuwe ibalakanga kain siringen dinen. Kain siringen dinen barik yang maintaraien antara Sapat Bareseen nanna Sapat yang Palin Bareseen. 34Mamin dinen arung itolopi barik kas bukti bayana i Yahuwe dinen, imeang tolop kosan maurusi amponan dosaan ilalam Sapat yang Palin Bareseen. 35Mamin dinen mejaan arung ipakadeng insaluanna kain siringen maro utara di kakalangen. Kadudukan palitaan arung ipakadeng tumbalianen nanna, maro Selatan.
36“Di baba’ mambanganna kakalangen arung ipolaang kain siringen yang dabungai nanna banang warna biruun, banang warna kakalamuntingen nanna banang warna dadara’ toaan, banang lenan yang palin alusen. Tau yang palin pandeen marenda yang isuro’ mangaraja kain dinen. 37Jaji mamolakin kait amasen itiang deretang kain siringen. Sarata mamola bapi dinen pakayu lima dari kayu akasiaan, ilapisi nanna amasen. Laloang arung ipolang kadudukanna lima dari tamagaan itiang pakadeng pakayuun dinen,” ingka kenang paba’ina i Yahuwe.
Currently Selected:
Palapasang 26: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
